[حموده747]

السلام عليكم ورحمة الله وبركاته كيفكم اخواني الكباتن والله العظيم انو لكم اكتر من وحشه وارجو انكم تكونوا اتفكرتوني انا حموده 747 بس احب اقولكم عملت اختبار الطيارين الطبي والحمد الله اتعديته واخدت اول رخص من رخص الطيارين وهيه رخص الطيران الطبيه بس في شي صغير طلع عندي ضغط الدم عالى شويه قلى الدكتور ممكن تحل المشكله دي فا ابغا اعرف هل رح يكون مشكله لي اثناء الطيران لانه ولله الحمد جسمي لائق من كل شي ولكن الضغط عالى غير كدا انا رح ادرس باجنحة رابغ للطيران قيمة الدراسه كانت بي 37500 الف وصارت بي 300000 الف مع امكانية تقصيد اخر رخصه في الطيران بس جاوبوني اخواني ضغط الدم رح يكون عندي مشكله وانا خارج من عند الدكتور قلى الدكتور شوف دا كابتن عنده ضغط كمان انا اطمنت من دا الشي . وارجو الاجابه باسرع وقت جزاكم الله خير

[s_m_k_1]

وعليكم السلام ورحمة الله وبركاته

للأسف ما عندي فكره عن ضغظ الدم تقدر تستشير دكتور خاص بالدم

سؤالي كيف راح تكون الدفعات على مراحل ولا علي دفعتين

سؤالي الثاني لو أنك موظف هل راح تواجه مشكلة معاهم

سؤالي الثالث هل الدراسة في الصباح أم بعد الظهر أم في الليل ؟؟


مع التحيه

[حموده747]

الدفعات بتكون كذلك : الرخصه الاولى تدفع 75 الف ريال ومدتها 3 شهور والرخصه التانيه كمان 75 الف ريال وايضا مدتها 3 شهور واخر رخصه تدفع 150 الف ريال وممكن تقصد الدفعه الاخيره زي ماتحب وعلى شرط بان المده لاتزيد عن سنه والدراسه اخي الكري فهي على حسب الكابتن هوه من يضع لك الجدول سواء في الصباح ام المساء تاني شي الرخصه امريكيه faa من الحكومه وتالت شي واحلى شي المدرسه تابعه للامير ناسي اسمه المهم عاملين عقد مع الخطوط السعوديه يعني مو زي الى جايين من برا تسنا دورك هذا الى عجبني والى عجبني ايضا الرخص حكوميه . وبالتوفيق للجميع ورح اقولكم الاخبار اول باول وعلى فكره انا اخدت اول رخص الطيران الى هي رخص الميدكال ولله الحمد والباقي في الطريق ان شاء الله انتظروني مع كل جديد ويارب يوفق الجميع

[aerospace]

السلام عليكم ورحمة الله وبركاته

بداية الف مبروك اخوي حموده747 وعقبال الرخص البقية. حبيت اسالك اخوي وين سويت الفحص الطبي وكم كلفك وبالتوفيق ان شاء الله.

[karrar_pilot1990]

بالتوفيق اخي وان شاء الله تكمل وتصير كابتن كد الدنيا

[حموده747]

السلام عليكم ورحمة الله وبركاته شكرا للجميع على المرور على مشاركتي ويااخي العزيز الفحص الطبي انا عملته عند الدكتور اسا مه زهران ودا رقمه 0504691033 في الميدكال الخطوط السعوديه طبعا قيمة الفحص المطلوب 400 ريال ويعطيك اول رخصه رخصة الطيران فحص الضغط والسكر والكلريسترول والنظر وفحص الشامل قيمته 2500 ريال يفصحه كل شي في جسمك قلبك ورئتك ودمك وكل شي شامل طبعا الفحص دا عادي ممكن تعمله في اي مستشفى او عياده ممتازه ونصيحتي لك اعمل الفحص الشامل عشان نفسيتك ترتاح . وانا الحمد الله عملته بس شويه الغط مرفوع بس كله تمام ولله الحمد وسجلت في مدرسة اجنحة رابغ للطيران ودراستي رح تبدا في 2 نوفمبر بعد اسبوعين وكل شي بالانجليزي وربي يخوف الانجليزي مع انه انا في المستوى المطلوب بس برضه يخوف واتمنى للجميع التوفيق ويطلعوكباتن المستقبل ان شاء الله

[القرني]

الف مبروووووووووووووووك يا الغالي

[aerospace]

مشكور اخي حموده747 على الرد بس بغيت استفسرال 400 ريال هي رسوم الرخصة وال 2500 ريال هي قيمة الفحص الطبي والا 400 هي حقت الفحص و ال 2500 هو فحص سويته زيادة علشان تتطمن بس.

معليش على الازعاج والله يوفقك ان شاء الله

[حموده747]

السلام عليكم اول شي معليش يعني هههههههههههههههههههههههههههههههههههههههههههههههههه ههه
تاني شي لاتقلي ازعجتك ولا من الكلام دا انا افرح ترا لما تسالني شوف ياغالي ال 400 ريال هيه صح قيمة الرخصه الاولى والفحوصات هيه : نظر و ضغط دمك والكوريسترول هدي الفحوصات المطلوبه لدى الطيران الخطوط السعوديه وامريكا اما الفحص الى 2500 هيه فحص شامل انت تحب تسويه ولا لا على كيفك انت بس اصلا لما تاخد الرخصه التانيه لازم تعمل الفحص الشامل الى هوه 2500 فا انا عملته من البدايه عشان اتاكد وارتاح نفسيا انو مافي ايش شي يعيقني في المستقبل قلب ورئه ولياقه وفحص الكليه
جميع فحوص جسم الانسان بس فهمت عليه بس انت مافيك شي ان شاء الله بس اذا حاب ترتاح مره اعمل الفحوص كلها بس اذا متاكد مافيك شي ان شاء الله نصيحه لاتعملها نصيحه لانك رح تخسر على الفاضي زي ماخسرت بس رح ترتاح انا عملتها عشان كنت شاك وموسوس بس الحمد الله كله تمام والشكر لله عز وجل . واعتقد يوم السبت الجي رح تبدا دراستي والاخبار ان شاء الله رح توصلكم اول باول من اول رحله لين اخر رحله ادعولى بالله ياشباب ويارب يوفق الجميع

[aerospace]

روح يا شيخ الله يفتحها في وجهك بحق هذا اليوم الكريم ونشوفك ان شاء الله كابتن في الخطوط اللي نفسك فيها وعلى الطيارة اللي انت تفضلها