[amro2008]

تبداء القصة من سفري من الدمام الى الرياض على خطوط ناس يوم الجمعة مساءً وكانت رحلة جيدة وبلا متاعب . وعند العودة يوم السبت مساءً بداءات المتاعب . عند وصولي لمطار الملك خالد بالرياض للعودة الى الدمام ذهبنا للحجز الساعة 5 بعد العصر من مبيعات التذاكر بالمطار. ذهبت لاسئل الموضع هل يوجد رحلة للدمام فقال قف في الطابور ثم اجيب عليك. ما اروع الرد.و الطابور ما شاء الله طويل عريض و هو موظف مافي ابرد منه . طيب انت رد في او لا مش اوقف في الطابور ولما اوصلك تقول مافي علشان اشوف خطوط تانيه . المهم و قفت في الطابور. ولما وصلت يقولي الدمام انتظار و الرحلة 9:30 قلنا مو مشكلة ممكن نلقى مكان رحنا سجلنا في الانتظار ارقام . جأت الساعة 9 قام ينادي ع الارقام طلعت تقريبا 8 مقاعد فارغه و ذهب اصحاب النصيب لها و قال الموظف انتظرو للرحلة القادمة الساعة 10:30 انتظرنا و لما يكون عليها سوى مقعد واحد فقط و كل شوي يتغير موظف و يجي موظفين اخلاق ما عندك احد يرد عليك غصب . توجهة لمكتب المبيعات لكي ارجع التذكرة واذا بموظف اعوذ بالله على اخلاقه اللي هو مشرف المبيعات اقول له ابي ارجع التذكرة يقول ما ترجع الا من مكتب البلد.(مكتب البلد) لا اله الا الله ايش يفكرو هالموظفين الناس بس تروح و تجي و خلاص. شئلت موظف تاني قال روح للمشرف التنفيذي ابو جاكيت اصفر رحنا له يقول ما ادري كيف ترجع ما اعرف ما عندي فكرة ماشاء الله ما عنده فكرة و مشرف تنفيذي ايش خلى للموظفين العاديين.ارجع للمبيعات طلع صاحب المبيعات معصب علينا واحنا اللي ودنا مو بس نضربه الا ندفنه من رده يقول روحو لمدير المطار التنفيذي رحنا و ما اجمل المدراء حق الخطوط . يقول روحو للمشرف التنفيذي حق المبيعات ابو جاكيت اصفر و ياشر على الطاوله حقه الصفراء يفكرنا ما نعرف الالوان. قلنا له رحنا يقول ما يدري وانت ما تدري ايش هالمدراء و كل واحد يرسلنا للثاني . فرضنا واحد ما عنده غير فلوس التذكرة اللي حجزها و مافي رحلات ايش يسوي مافي تقدير للمسافر في الخطوط. المهم رحت لطيران السما الرائع و حصلت رحلة الساعة 12:15صباحاً و حجزنا عليها و رجعنا و لله الحمد . الخطوط السعودية شركة كبيرة و مسافرينها كثر رايحه تاخذ طائرات امبرير 60 راكب علشان ما احد يسافر تنظيم فاشل و ادارة فاشلة.

اتمنى التوفيق لشركة طيران سما و طيران ناس . و ان شاء الله يفكونا من الخطوط و معاملتهم السيئة للركاب.

[ع.الدوسري]

الله يعيين

شكرا على المو ضوع

[..»F.a.h.a.d«..]

أنا على كثر سفري على الخطوط السعودية .. ماشفت أي معاملة سيئة ...


بعض المسافرين الله يهديهم .. يجي قبل سفره بكم ساعه و يبي يلقى حجز ..

[worldsun]

نسبة كبيرة من موظفين الخطوط السعودية اخلاقهم جدا سيئة حتي اذا تبي تقدم شكوي ما تعرف وين تروح ؟؟؟

[ابو مشاري]

لا ننكر وجود موظفين أخلاقياتهم غير مقبولة. لكن علينا أن أن نقر أيضا أننا نتحمل جزء كبير من الأخطاء. معظمنا لا يؤمن حجز العودة على فرضية ان يطلع المطار ويجد مقعدا. كذلك بإمكاننا تخفيف الإزدحام والتعطيل في المطار بإستخدام البدائل مثل
- عمل الحجز عن طريق موقع السعودية على النت وكذلك يمكننا شراء التذكرة عن طريقه
- عمل الحجز عن طريق وكالات السياحة والسفر المنتشرة في كل مدينة ويمكن أيضا سحب بطاقة الصعود من معظمها
- عند شراء التذكرة من مكاتب السعودية عمل حجز لرحلة العودة
- سحب بطاقة الصعود من المكائن الذاتية في حال عملنا حجز

للأسف أن معظمنا لا يؤمن نفسه بالحجز وإن ذهب للمطار يعتقد أن شركة الطيران مجبرة على أن تؤمن له المقعد في الوقت الذي يرغبه بينما لو عمل كما سبق شرحه لتفادى كل هذه الإشكالات

[إحساس فؤادي]

عزيزي القدير ..

الضغوط التي على كاهل الأم الخطوط الجوية السعودية ليست بالبسيطة ولا بالهينة ..

وهي تضع في بالها راحة المسافرين على متنها مهما حصـل ..

أجزم قطعاً بعدم وجود موظفين في أي شركة طيران لا يشبهون بعض من الفئات التي

ذكرتها في استرسالك لموضوعك ..


وقبل السعودية كانوا موظفي شركتي الطيران الإقتصادي بالمملكة ( ناس - سما )

عليهما العبء الكثير من حيث توجيه اللوم والنقد من حيث طريقة تعامل موظفي الكاونتر

مع العملاء والمسافرين على متنهما ..


عللت الأسباب على أساس ( صغر وحداثة سن الموظفين وعدم وجود الخبرة اللازمة

للتعامل أو التغلب على بعض الأمور الطارئة خصوصاً في أوقات الإزدحام والمواسم ) ..


وهذا كله لم يمنع المشرفين أو المراقبين لسير العمل في الكاونترات في مختلف المطارات

من دراسة سلوك موظف الكاونتر مع العميل الذي أمامه ( أمام أكثر من شخص بإمكانك

أن ترضي شخص قادم لك امام المسافرين ومن خلفه بقية المصطفين بجمل بسيطة من

شانها أن تهديء روع المسافر ومن شأنها ان تضع ثقة العملاء المسافرين الواقفين أمامك

فيك لتعاملك الراقي مع المسافر ..

[ولد المقاتلات]

شركة كبيرة مثل السعودية
والموضفين كذا الله يعينكم صراحة

[@@جامبو@@]

المشكلة في الركااااااااااااااااااااااااااااااااااااااب

يروحون ويرجعون ومافي شي اسمة تخطيط للرحلة هذا الي موهقنا مع الخطوط والا نا عن نفسي ما اشوف اي مشكلة .

[خشم الطيارة]

وانا علي كثر سفرياتي ماشف الاحسن المعامله من الخطوط السعوديه الله يوفقهم

صدق انهم ســـواقين صحيح الله لايضرهم
الخطوط السعوديه ولا بلاش

[amro2008]

مشكوررين جميعاً على الردود . ولاكن يا اخوان في طريقة للرد على المسافرين بلطافه ممكن الموظف يقول والله اسفين في ضغط و ما نقدر نأمن مقاعد مو يرفع صوته و يخلي ضغط الراكب يرتفع اكثر ماهو مرتفع .
الموظفين الجدد والله اخلاقهم جداً رائعة ع الخطوط و ردودهم حلوة بس اللي مستلم الكرسي من زمان ممكن شوي و يقوم يضرب الركاب لانه خلاص متمكن.
و اللي حاب يشتكي على الخطوط مالها الا الله سبحانه و تعالى يشتكي له . لان الخطوط مالها رئيس ولا مدير كل ما بتروح لواحد بيرسلك للي قبله او اللي بعده و يخلو المشتكي زي الكورة اللي في طاولة البلياردو رايح جاي.
الله يعني .
و الاخوه الموظفين اصحاب الاخلاق السيئة في جميع شركات الطيران اذا انت معصب و مو عاجبك اطلع من شغلك و فك الركاب من وجهك و اخلاقك.ولا تسوي سمعة سيئة للشركة.