[@بنت الديرة@]

أهم قوانين الطبيعة



قانون الاصطفاف :

إذا صاف في طابور بطيء، وقمت غيرته، طابورك اللي غيرته فجأة يصير يمشي أسرع من اللي انت الحين فيه



قانون التلفون :

عمرك ما تتصل على رقم غلط ويطلع مشغول



قانون التصليح :

بعد ما يدك تتزيّت وتتوسخ من الشحم ودهن الماكينة، خشمك يبدأ يحكك



قانون المعدات :

إذا طاح من يدك أي شي، تأكد أنه بيظل يتـدحرج إلى أن يوصل لألعن مكان ما تقدر تطلعه منه



قانون الأعذار :

إذا تأخرت عن الدوام وقلت لرئيسك إنه كان عندك بنجر بالسيارة..

اليوم اللي بعده بتبنجر السيارة من صج



قانون المسبح:

بعد وضع جسمك في الماء، يبدأ التلفون يرررررن وما يسكت



قانون الإلكترونيات :

إذا أخذت جهاز عند مصلح تبي توريه أنه ما يشتغل..

حزتها يشتغل أحلى كلام



قانون السينما :

اللي حاجزين كراسي في النص لازم يجون آخر ناس ويدوسون على رجولك





قانون القهوة :

أول ما تجيب لك كاس قهوة ساخن.. يجي رئيسك ويعطيك شغلة ما تخلص إلا لما تبرد قهوتك



قانون المصادفات :

إذا كنت مع واحد ما تبي أحد يشوفك معاه..

فجأة كل اللي تعرفهم يطلعون من كل مكان



قانون الأقساط :

إذا عندك سيارة أو طراد أو أي سلعة مطلوبة للأقساط،،،

مجرد أن تنتهي الأقساط تخترب



قانون الزواج :

بعد شهرين من زواجك ... يسألونك: ها في شي بالطريج؟!!





!!! قانون المعاش :

آخر الشهر لازم كل العزايم والهدايا والطلبات تزيد.. حبكت!!



قانون الطقس :

لازم بنهاية الاسبوع وأنت حدك متحمس بتطلع حداق أو تروح البر مع الربع..

يصير الجو هوى وغبار وحر ورطوبة.. بمعنى ثاني: الفصول الأربعة بيوم واحد



قانون البحث :

إذا حبيت تدور شي معين (ما تلقاه).... مع أنك كنت كل يوم تشوفه مجابل ويهك!!



قانون الإحتفاظ بالاشياء

عندك اشياء وايد صار لك سنين ما تستعملها . اليوم الذي يجيلك واحد يأخذ منها شي !! اليوم التالي تندم على فقدانه



قانون المواعيد

اليوم إليي عندك موعد من شركة تصليح وتنتظر ساعات ولا يأتون

واليوم التالي اتشوفهم يتصلون بك وانت برا البيت!





قانون العناد



اذا ماخذ سيارة للكراج لان فيها صوت (كركشه) يطلعلك وانت السوق.. وعندما يفحصها الميكاتيكي يقولك " ما في كركر بابا " شنهو في خراب سياره

[أوتار ممزقة]

قوانين غريبة
لكن معمول بيها
تسلمى على الطرح
تحياتى

[~~راعي الفزعه~~]

:f54ar:

فعلا قوانين متبعه و بشده سبحان الله

@ بنت الدير @

يسلموووو يالغلا ..

[عاشق الضيافة]

من جد قوانيين غريبه
سلمت يدك بنت الديره ونتظر جديدك
ذمتي في رعاية الله وحفظه

[AHMED KHOUDARI]

بس من جد دايما بتسير خصوصا حقت الطابور دايما يسير معايا زي كذا وأحقد ههههههههههه

الله يعطيكي العافية

[@بنت الديرة@]

عالم الطيران
راعي الفزعه
عاشق الضيافه
طيار ولكن لااطير
يعطيكم الف عافية عالمرور الكريم
مودتي
@مديرة اعمال@

[cpt-hanood]

دايما تحصلي

[Dreamliner_787]

هههههههههههه
فنان مؤلف هذه القوانين فنان :)
وخصوصاً هذا القانون دائماً يمشي معاي :

قانون الإلكترونيات :

إذا أخذت جهاز عند مصلح تبي توريه أنه ما يشتغل..

حزتها يشتغل أحلى كلام

[@بنت الديرة@]

حبوب لكن محبوب
Dreamliner_787
يعطيكم الف عافية عالمرور الذي نور صفحاتي
مودتي
@مديرة اعمال@

[وحيد في المحيط]

اقدار ربي مكتوبة ماصبني شيء الا ليوخطأني وما أخطاني الا ليوصيني.....مشكورة بنت الديرة على الموضوع

[بروفيسور الطيران]

يعطيج العافية اختي على الموضوع الحلو
أنا دايما تصير قانون الإصطفاف خاصة في الزحمة
اذا أغير المسار لأخر أشوف المسار الاولاني يمشي أسرع فأضطر مره ثانية للعوده للمسار الأولاني

وهكذا

تقبلي تحياتي

[@بنت الديرة@]

عالمرور اللي نور صفحاتي
لاتحرموني من هالطله ابد
مودتي
@مديرة اعمال@

[وحيد في المحيط]

الموضوع منقول

السلام عليكم

هاي مجموعة من صور خدآعه البصر و أتمنى انها تعجبكم

[@بنت الديرة@]

اخوي وحيد في المحيط
واشكرك عالمرور العطر
@مديرة اعمال@