[liukang]

سلام عليكم شباب انا عضو جديد هنا في المنتدى وانشاء الله تشوفو مني مشاركات طيبة

انا دحين عندي طلب واتمنى من كل قلبي انه احد انشاء الله من الاعضاء يقدر يلبيلي هو لانه طلب مهم اللي هو ياريت لو احد يقدر ينزل صور قديمة وفي الفترة الي كان شغال فيها مبنى الخطوط القديم في مدينة جدة اللي هو المبنى الاخضر الكبير المتعدد الطوابق بجانب المستشفى خالد ادريس لانه نفسي اشوف صور قديمة له وكيف كان هذا المبنى في ذاك الزمن لانه انا مش من الجيل القديم عشان كذى ما لحقته وهو الان مهجور فاياريت لو اي احد من الاعضاء الكرام عنده صور له او يقدر يحصل صور له ينزلها له في المنتدى لانه انا تعبت وانا ادور صور قديمة له في النت وما حصلت ابدا ايام ماكان شغال.

2- ايه السبب انه ما اتهدم الفترة الطويلة دي وفضل في مكانه ؟

3- في اي تاريخ تم التحويل منه ؟

4- الادارة كانت في الدور الارضي ام في الادوار العلوية ؟

وشكرا لكم

[ابو مشاري]

للأسف الصور ما عندي صور لها عموما بالنسبة لباقي الأسئلة

ايه السبب انه ما اتهدم الفترة الطويلة دي وفضل في مكانه ؟
المبنى ملك لرجل الأعمال ابو الجدايل وكان مستأجرا من قبل السعودية ليه ما هدمه هذا شئ يخصه

في اي تاريخ تم التحويل منه ؟
الذاكرة ضعيفة بس اعتقد عام 1405هـ

الادارة كانت في الدور الارضي ام في الادوار العلوية ؟
الإدارة التنفيذية كانت في الدور الثالث ان ما خاب ظني

[liukang]

شكرا جزيلا على الرد الطيب