[حور عين]

هذي وصيت واحد بعد ماعرف انه ماباقي من عمره الا ايام بسبب المرض


وكتب وصيه لأخوه يطلب منه يتزوج حبيبته ...


وصاتي لك من بعـدي تمـوت فيهـا علشانـي


أبيها تعيش وتحيا بك وأظـل بالذاكـرة مفقـود


وصاتي لك تنسيها ملامـح وجهـي وتنسانـي


وتعزفها قصيدة حب على عكس اللي عزفته بعود


وصاتي لك تبعدهـا عـن أشعـاري وقيفانـي


تراها مغرمه بالحيل ويشهد لي عـدد الـردود


وصاتي لك تسايرها ترى فيهـا مـن أحزانـي


طلبتك لا يضيق بالك طلبتـك والطلـب مـردود


وصاتي لك تناديها حياتي .. عمري ..أزمانـي


أنـا عودتهـا دايـم ادلعهـا وانـا مـوجـود


وصاتي لك تعاملهـا بطيبـه قلـب واحسانـي


تراها تـذرف الدمعـة ودمعتهـا بليـا حـدود


وصاتي لـك تحفظهـا سـور وآيـات قرانـي


وتخبرها عـن الميـت رحـل لايمكنـه بيعـود


وصاتي لـك ترسمهـا علـى قبـري وأكفانـي


أبيها لوحة تبقى علـى طـول الزمـن محـدود


وصاتي لك تمازحها وتشوف الضحك بأسنانـي


سعيتك ياصحك هالكون طلبتك لا تصير جلمـود


وصاتي لـك تقهويهـا مـن دلالـي وفنجالـي


تراها تعشق السمـرا ويكفيهـا دخـون العـود


وصاتي لك تركبها على خيلي وعلـى حصانـي


وربي فارسة من قبل شهادة مـا هـي لشهـود


وصاتي لـك تسفرهـا بـلاد الشـام ولبنانـي


ترى يحلالها تقطف وردة ورده من بلد الـورود


وصاتي لك تراقصهـا علـى الحـان رحبانـي


ترى فيها عرق خالة وفيها من جنون السـود


وصاتي لك تحببهـا فأبـو نـورة بعـد هانـي


وتنسيها ندم غلطة أنـا فيهـا تـرى المقصـود


وصاتي لك تكرههـا فـي تاريخـي وعنوانـي


أبيها تلعن اللحظة وتلعـن كـل فـرح موعـود


وصاتي لك تكلمها عن المجني وعـن الجانـي


وتخليني انا الظالم وانـا مـن حـرق الأخـدود


وصاتـي لـك تشبهنـي بـدم أحمـر قـانـي


وانا هالقاتل السفاح مجرم من عصـر نمـرود


وصاتـي لـك تحلفهـا تتـوب تحبنـي ثانـي


ترى يكفيها ما عانـت ويكفـي حيلهـا مهـدود


وصاتي لـك تنسيهـا وصيـة قالهـا لسانـي


انا اخبرك رجل موقـف وانـت قدهـا وقـدود


ياخوي ما لقيت غيرك يعرفها وشلون تنسانـي


أمانه ضمها بقلبك وقولها سلطان ... رحل ما يعود

[طيار محترف]

صح لسانك
ومشكور على هالأبيات

[Moon Flower]

شكراً لكِ على نقلك لهذه القصيدة المحزنة جداً

ليس شرطاً أن تكون هذه القصيدة كتبت نتيجة علاقة محرمة أو ما شابه ذلك ..

ربما كان كاتب القصيدة ( رحمه الله ) يوصي أحد على حبيبته
الحب ليس مقترناً بالعلاقات المشبوهة ..

الحب ليس مراهقة ..

الحب موجه للأب والأم والأخ والأخت والزوج والزوجة والأبناء وجميع الأقارب والأصدقاء ..

تحياتي لكِ أختي

[عماد المشهداني]

ولا احلى ولا اروع منها ... كلمات تهز جذور المشاعر
يسلم ذوقك الراقي حور العين وتسلم اياديك
تحياتي

[حور عين]

اقتباس:     المشاركة الأصلية كتبت بواسطة طيار محترف  

صح لسانك
ومشكور على هالأبيات

[حور عين]

اقتباس:     المشاركة الأصلية كتبت بواسطة MOON FLOWER  

شكراً لكِ على نقلك لهذه القصيدة المحزنة جداً

ليس شرطاً أن تكون هذه القصيدة كتبت نتيجة علاقة محرمة أو ما شابه ذلك ..

ربما كان كاتب القصيدة ( رحمه الله ) يوصي أحد على حبيبته
الحب ليس مقترناً بالعلاقات المشبوهة ..

الحب ليس مراهقة ..

الحب موجه للأب والأم والأخ والأخت والزوج والزوجة والأبناء وجميع الأقارب والأصدقاء ..

تحياتي لكِ أختي

[حور عين]

اقتباس:     المشاركة الأصلية كتبت بواسطة عماد المشهداني  

ولا احلى ولا اروع منها ... كلمات تهز جذور المشاعر

يسلم ذوقك الراقي حور العين وتسلم اياديك

تحياتي