[B748]

السلام عليكم ورحمة الله وبركاته

كيف الحال ياخوان عساكم بأتم الصحة والعافية ..

عندي سؤال بحكم خبرتكم الله لايهينكم انا ان شاء الله طالع بتاريخ 12 AUG من الدمام إلى واشنطن العاصمة ورحت مكتب الطيار وعطاني خيارات من مطار الدمام إلللي هي اللوفتهانزة وكانت ارخص سعر وفي الخطوط القطرية سعرها متوسط وفي كانت الخطوط السعودية لكن توقف بالرياض حول الـ7ساعات انتظار المهم وش تنصحوني بين الخطوط الثلاثة هذي طبعًا زي ماتعرفون رحلة طويلة وانا ان شاء الله بحجز على درجة رجال الاعمال وياليت تقولون لي وش مميزات كل خطوط وايش الافضل فيها ..

وسلامتكم

[إنسان ذوق]

تقول درجة رجال أعمال !!!!!

وأنت مغمض

روح ع القطرية وتمتع برحلة Star 5

بالإضافة أن ترانزيتك في الدوحة راح يكون في أفضل قاعة لدرجة رجال الأعمال والدرجة الأولى في العالم

أغبطك ولا أحسدك يالغالي

والله يوفقك إن شاء الله في رحلتك

[Cpt.Ǎỵ₥ạη]

الصراحة لوفتانزا و القطرية ماعليهم غبار

[ساكورا]

اطلع على اللوفتهانزا واكسب وقت خطوط ماعليها غباروتكون انت جاي من فرانكفورت مايطفشونك الجوازات والعرب في الرحلة قليل
وميزتها الرحلة تكون غير متعبة تقطع نصف المسافة وتريح وتكمل بعدها
اوالقطرية ممتازة وزي ماقالك انسان ذوق
والسعودية جربها عمي قبل كم شهر قال عنها ممتازة ودرجة رجال الاعمل ممتازة تصير سرير
والخيار لك

[B748]

يعطيكم العافية حبايبي على التفاعل السريع ..

والله يانسان ذوق حمستني على القطرية وسعرها كان مناسب جدا جدا

بالنسبة للوفتهانزا مافظلتها عشان إذا نزلت بمطار فرانكفورت بيفتشوني تفتيش محترم احس ولماا اوصل واشنطن طبيعي بيفتشوني بتقروش كذا

شكلنا بنرسى على القطرية واي واحد يااخوان عنده راي او خبرها او قد سافر على نفس الرحلة يعطينا خبرته لأن الرحلة باقيلها وقت تقريبًا بس قلت احجز من الحين عشان الاسعار تكون مناسبة وياليت بعد ياخوان تقولون لي هل ال744 السعودية ترووح لواشنطن ؟ لأن بخااطري اركبها الطيارة هذي ..

ويعطيكم الف الف عافية يا انسان ذوق وكابتن ايمن وساكورا

[عسل]

وانت مغمض القطريه وتوكل على الله طيران خمس نجوم
ماادري ليش اذا سافرت على القطريه احس روحي ولد عز ههههههههههه

[يونس2008]

يمكن إستخدام يونايتد من البحرين أيضا كأحد الخيارات

[B748]

اقتباس:     المشاركة الأصلية كتبت بواسطة يونس2008  

يمكن إستخدام يونايتد من البحرين أيضا كأحد الخيارات

وكيف ياخوي اليونايتد هل هو ممتاز ولا لك عليه لأن ماادري على اللي اسمعه انه سيء

يعطيك العافية ..

[وجه الخير]

اللوفتهانزا والقطرية روعات كلهم

[ṀǾĦṀṀĘĐ 777]

اهلين اخوي لاتبعد عن القطريه افضل درجه رجال اعمال وبالتوفيق

[yahya77]

اقتباس:     المشاركة الأصلية كتبت بواسطة B748  

يعطيكم العافية حبايبي على التفاعل السريع ..

والله يانسان ذوق حمستني على القطرية وسعرها كان مناسب جدا جدا

بالنسبة للوفتهانزا مافظلتها عشان إذا نزلت بمطار فرانكفورت بيفتشوني تفتيش محترم احس ولماا اوصل واشنطن طبيعي بيفتشوني بتقروش كذا

شكلنا بنرسى على القطرية واي واحد يااخوان عنده راي او خبرها او قد سافر على نفس الرحلة يعطينا خبرته لأن الرحلة باقيلها وقت تقريبًا بس قلت احجز من الحين عشان الاسعار تكون مناسبة وياليت بعد ياخوان تقولون لي هل ال744 السعودية ترووح لواشنطن ؟ لأن بخااطري اركبها الطيارة هذي ..

ويعطيكم الف الف عافية يا انسان ذوق وكابتن ايمن وساكورا

لأ يا اخي 744 ماتروح واشنطن.......فقط الطائرات السعودية التي تذهب الى الولايات المتحدة سواء واشنطن او نيويورك..772 انا شبه متأكد
اتمنالك التوفيق في رحلتك

[B748]

يعطيك العافية كابتن محمد على الرد ..

وتسلم ياكابتن يحيا على الرد والتوضيح وشاكر لك ..

واخوان طيب عندي سؤال وش اكثر وحدة بين الخطوط الثلاثة يعطوون وزن للشناط لأن انا رايح للدراسة وباخذ شنطة ثقيلة او ممكن شنطتين

تحياتي

[da7oomy_16]

اللوفتهانزا وبدون اي تفكير دام انك طالع على البزنس كلاس

والتفتيش في فرانكفورت مو زي اول بالعكس الحين احسن

انا اخوي جاء عليها ومدحها مره

انصحك فيها وبشده

وعلى فكره تراها خطوطي المفضله

[سلطان المحمد]

القطرية , لوفتهانزا , الهولندية هم افظل 3 شركات من الدمام الى واشنطن

[حمود سعد حمود احمد]

اخوي انا انصحك علي اليونايتد بس ترانزيت بلكويت والي يقول انها سيئه هاذا الكلام اول الحين تغيرت او شهر 8 راح يستعملون طيارة b777 اليديده او البزنز عجيب راح يكون احسن من القطريه نصيحه او راح توصل الصبح ماكو تفتيش ولا خرابيط لانه الرحله يايه من الكويت مايسون شي بلعكس او انا السبت ماشي علي اليونايتد بس شهر 8 اليديدة حتي السياحية حلوة