[kuwaity_pilot]

خطة تطوير اسطول مؤسسة الخطوط الجوية الكويتية تشتمل على مرحلتين .. الأولى تأجير طائرات .. والثانية شراء 60 طائرة جديدة منها 36 كبيرة من طراز B787 او ايرباص 350 و24 صغيرة من نوع ايرباص 320.
وذكر مصدر لـ »الوطن« ان »المؤسسة اعتمدت خطة قصيرة واخرى متوسطة المدى لاستئجار طائرات حتى يتم توفير طائرات جديدة«.
لافتا الى ان »اسطول المؤسسة الحالي يتضمن 17 طائرة، غير انها لا تفي بالغرض ولا تتفق مع التطوير المبتغى«.
وكان تقرير عن خطة »الكويتية« عرض في مجلس الوزراء اول امس.

تاريخ النشر: الجمعة 8/2/2008

[عبد الله المهنا]

ألف مبروك وعقبال التوقيع انشالله
مشكور على الخبر

[Localizer]

دام الخطوط الكويتية ماتصير خاصة ؛ كل هالكلام فاضي!

[عبد الله المهنا]

اقتباس:     المشاركة الأصلية كتبت بواسطة Localizer  

دام الخطوط الكويتية ماتصير خاصة ؛ كل هالكلام فاضي!

أخوي الشركة خاصة الحين أقرها مجلس الأمة الشهر الي طاف

[الجناح_الذهبي]

الف مبروك للخطوط الكويتية تستاهل كل خير.

[Localizer]

اقتباس:     المشاركة الأصلية كتبت بواسطة طيران الجزيرة  

أخوي الشركة خاصة الحين أقرها مجلس الأمة الشهر الي طاف

خلاص يعني؟ الحين بتشوف الكويتية تصير تنافس :)

[عبد الله المهنا]

اقتباس:     المشاركة الأصلية كتبت بواسطة Localizer  

خلاص يعني؟ الحين بتشوف الكويتية تصير تنافس :)

انشالله بس انت طول بالك :f52ar:

[kuwaity_pilot]

أشكركم على المرور
ونشالة تنافس الشركات الكبار وتصير من الكبار

[kuwaity_pilot]

اقتباس:     المشاركة الأصلية كتبت بواسطة Localizer  

خلاص يعني؟ الحين بتشوف الكويتية تصير تنافس :)

اقتباس:     المشاركة الأصلية كتبت بواسطة طيران الجزيرة  

انشالله بس انت طول بالك :f52ar:

انشالة تشوفها تنافس الكبار وتصير مع الكبار

[خطوطي الكويتية]

الف الف مبروووك لخطوطنا ومنها للاعلى ان شاء الله
يعطيك العافية اخوي..
مع ت ح ي ا ت ي

[ولد المقاتلات]

مبروك للخطوط الكويتية
ومشكور على الخبر

[سلطان الشرقية]

أنا اتمنى ان يتحقق ذلك لآن الخطوط الكويتية كثيرأ ماتعلن عن نيتها شراء اسطول جديد ولكن كلها كلام وبالنهاية تنتهي
وهذا عدد كبير لا اتوقعه بصراحه , ولكن نتمناه فعلآ لآن وضعها سيئ اضافة الى اسعارها مبالغ فيها مقارنة بأسطولها المتهالك وخدماتها الضعيفة

[بوعبدالله]

مشكورين اخوي على الخبر
او بعدين يا اخوان اصلا احنا اكبر من لكبار
ولكن .............
طبعا هذا مو استهزاء انشاءالله بس هذا اللي يقولة التاريخ
بس احنا اللي ضيعناها
على العموم الله يكتب اللي فيه الخير

[jetlag]

الى الان يحلمون
مساكين

[عبد الله المهنا]

الأخ سلطان الشرقية
اليوم راح يناقش مجلس الوزراء اليوم خطة شراء الطائرات المطلوبة بالعدد بعد تحويلها الى شركة مساهمة يعني الحكومة بنفسها حولت الشركة فمافي مانع انها توافق على الصفقة

ثانيا: الي رفض الصفقة الأولى أعضاء مجلس الأمة لأن المؤسسة كانت حكومية بالسابق والآن مافي شي يمنع انها تتم على اكمل وجة

[بحريني وفتخر]

ألف مبرووووك وخبر وايد حلو
والله يوفق الخطوط الكويتية

[EMAD321]

kuwaity_pilot
الله يبشرك بالخير على هالخبر بس لايحطون الخطة بالادراج وينامون عليها

[البارود]

يجب ان تقوم بتطبيق هذه الخطة فورا لان اسطولها قديم جدا ومعظم طائراتها من بداية التسعينيات

[kuwaity_pilot]

اقتباس:     المشاركة الأصلية كتبت بواسطة EMAD321  

kuwaity_pilot
الله يبشرك بالخير على هالخبر بس لايحطون الخطة بالادراج وينامون عليها

اقتباس:     المشاركة الأصلية كتبت بواسطة البارود  

يجب ان تقوم بتطبيق هذه الخطة فورا لان اسطولها قديم جدا ومعظم طائراتها من بداية التسعينيات

خطوة الألف ميل تبدأ ميل تم الخصخصة الحين وتحديث الأسطول بالطريج يعني انشالة كلها جم سنة وترجع كما كانت انشالة

[سلطان الشرقية]

كنت متوقع ان الخبر غير صحيح , لان العدد كبير والشركة لاتحقق ارباح ومشاكلها كبيره, وفي يوم وليلة نسمع هالخبر

اليوم بالصحف الكويتية رئيس مجلس إدارة مؤسسة الخطوط الجوية الكويتية حمد الفلاح أكد انه لانية لشراء طائرات قبل عام 2011 !!!!

وهذا هو الواقع

[old-man]

مشكوور علي الخبر