[دسمان]

السلام عليكم
انا حاولت مرات عدة احجز عن طريق موقع الخطوط القطرية وألاحظ تذبذب الاسعار في نفس اللحظة مرة يكوت عند 237 دينار وينزل عند 180 بعدين يصعد الى 297 مع اني حاط نفس الفترة ونفس اليوم اي من 25-8 الى 6-9
احاول حجز تذكرة الى جاكرتا والاسعار جدا غالية في الوقت الحالي مع القطرية الاماراتية والاتحاد مع عدم توفر رحلات في الخليج والعمانية والسيرلانكية!!!( اذا صار ضغط عالحجوزات ترتفع الاسعار حتى الشهور القادمة!)
الكويتية سعرها واصل فوق 300 وما ابي اغامر اركبها
ياليت تعطوني افكار حتى احجز بالوقت المناسب واحصل على ارخص سعر ممكن
وتنصحون احجز من السفريات يمكن القى سعر ارخص من الاونلاين؟

[March]

اختلاف الاسعار سببه اختلاف درجة السعر

مثلا الطائرة فيها 100 مقعد تقسم الى 3 اجزاء مثلا 20 مقعد بأقل تكلفة ممكنة و يكون غير مسترجع و 30 بتكلفة متوسطة و 50 بالتكلفة العادية

هذا التقسيم لزيادة نسبة الشراء

في المواسم كما تفضلت قد يقل توزيع المقاعد المخصصة بالسعر الاقل و هكذا لكل شركة طيران سياستها

سبب الاختلاف في نفس اليوم اما ان يكون اختلاف في درجة السعر بسبب الغاء لأحد الركاب او حجوزات اضافية لنفس الفترة التي تبحث بها او اختلاف الرحلة المواصلة


بالنسبة للمكاتب احيانا فعلا تكون لديهم اسعار اقل من الانترنت

و الله اعلم

[mohammad alajmi]

اخوي اذا شفت السعر مناسب لك احجز على طول.
180 شامل الضريبة ممتاز ولو كنت حاجز افضل لك.
الاسعار تتغير لاحظ مو بس انت اللي تدخل الموقع فهناك ملايين بهالعالم ممكن دخلوا وحصلوا السعر اللي انته شفته وخذوه (خاصه الاجانب مايفوتون الاسعار الرخيصة) وبالتالي يزيد السعر لأنتهاء سعر الدرجة الرخيص.
بالتوفيق.. وتعلم من الاخطاء.

[طيران بوبيان]

والله غريبة



لو انك حاجز من قبل احسن


الحين ضغط على اندونيسيا و ماليزيا و تايلاند و تركيا و بريطانيا و اسعارهم ناااار