[hero.h]

انا نفسى اطلع طيار وقريت مواضيع كتير ف عندى شويه السئله معلش هتعبكم معايا
1-‏ اى الفرق بين دراسه الطيران فى مصر وامريكا؟
2-لما اتخرج باذن الله اى نظام الشغل؟
3-المصاريف فى مصر كام وفى امريكا كام؟
4-دخول الاكادميه دى الى فى مصر عايز وسطه؟
5-اى افضل اكادميه ممكن الواحد يدرس فيها
6-للناس الى راحوا امريكا اى نظام العيشه؟
7-ليها مستقبل؟


معلش تعبتكم وطولت

[hero.h]

فين الردود جاوبونى والنبى

[رامي فريد]

اقتباس:     المشاركة الأصلية كتبت بواسطة hero.h  

انا نفسى اطلع طيار وقريت مواضيع كتير ف عندى شويه السئله معلش هتعبكم معايا
1-‏ اى الفرق بين دراسه الطيران فى مصر وامريكا؟
بص من ناحية الاحسن..فأكيد خارج مصر وخلاص..مش هتفرق فين بالظبط..اي مكان هيكون احسن من مصر..عشان مصر للاسف ليها رخصه خاصه مع نفسها مينفعش تشتغل بيها تقريبا في اي حته بره مصر..اما الامريكيه اللي هي ال فدراليه FAA احسن ميت مره وارشحلك الدراسه في امريكا طبعا..
احنا عاملين جروب لو حابب تنضم لينا تدرس معانا بره راسلني وان شاء الله نتكلم في التفاصيل..
الميزه معانا انك هتاخد تخفيض وفيزا بسهوله جدا ان شاء الله والاقامه برتبها انا ان شاء الله لما اروح اول زياره قبل الدراسه

2-لما اتخرج باذن الله اى نظام الشغل؟
نظام الشغل بيبقي صعب ..حتي لو متخرج من مصر للطيران بتبقي صعب انك تتدخل تبقي طيار..الا لو عندك واسطه..دي تبقي حاجه تانيه ..بس بالخارج بيبقي في فرص كتير هنا وهناك..
والاكاديميه اللي احنا رايحنها ان شاء الله هنشتغل فيها مدربين بعد التخرج منها عشان نجمع عدد ساعات ويبقي عندنا خبره وبالتالي نقدر نقدم في اي خطوط جويه ويبقي لينا فرصه
3-المصاريف فى مصر كام وفى امريكا كام؟
في مصر ب تقريبا 72 الف دولار..في امريكا بتتراوح من بين 30 و 60..
الاكاديميه اللي احنا طالعينها ان شاء الله ب 36 الف شامله كل شئ..
4-دخول الاكادميه دى الى فى مصر عايز وسطه؟
الاكاديميه في مصر بالتاكيد عايز واسطه..هو ايه في مصر مش محتاج واسطه ;)

5-اى افضل اكادميه ممكن الواحد يدرس فيها
افضل مدارس علي حسب علمي هي فونكس في امريكا..

6-للناس الى راحوا امريكا اى نظام العيشه؟
المعيشه هناك بتبقي في اولها صعبه لانك بتكون حاسس انك لوحدك..
طبعا في جروب او مجموعه طالع معاها بتكون مرتاح نفسيا عشان بتلاقي اللي يكون جنبك ويساعدك لو حصل في الامور امور..وان شاء الله ميحصلش اي مشاكل..
7-ليها مستقبل؟
الطيران مستقبلها عظيم..ومفيش طيار فقير لو عايز تسمع دي..
وفي الاول وفي الاخر هي شغلانه زي اي شغلانه بس صعبه في دراستها شويه وعلي حسب انته وشطارتك..
دي ايميلاتي لو حابب تستفسر عن اي حاجه ممكن تضيفني..

[email protected]
[email protected]

اخوك رامي.. ;)

معلش تعبتكم وطولت

بالتوفيق ان شاء الله

[hero.h]

يا رومل انا مشفتش حد جاوب بالحلاوه دى قبل كده وبجد شكرا ليك
بس الاكادميه الى انتوا رايحينها ف اى ولايه واسمها اى
هشام

[عبدالرحمن مصطفي]

كابتن رامي قال كلام مافيش رد بعده
بس اسمحلي كابتن رامي اضيف نقطه صغيره
حبيبي اذا درست بمصر هتطلع طيار حمار
ليييييييييييييييييه؟
لان الدراسه في مصر ساهلة وكمان السماء صافيه والجو معتدل 12 شهر في السنه
يعني اذا ركبت مع طيار مصري هتلاقي كل المطباط الهوائيه بياخدها بغبااااء تحس ان الطائره بتقع
لكن الدراسه في امريكا ارخص وافضل مليون مره وكمان بتطير في اجواء متقلبه وده يزيد خبرتك وكمان لما ترجع معاك دبلوما في الطيران من امريكا بيكون لها حساب خاص واحترام من كل الشركات عكس الشهادة المصريه
والاختيار في الاول وفي الاخر ليك انت

[hero.h]

شكرا ليك بس لما ارجع من امريكا انشا الله يعنى اى نظام المعادله وهدفع قد اى وكده معلش هتعبكو

[أبو صقر الطيار]

يا أخ رامي فريد
ايه اسم الأكاديمية اللي انتو راح تدرسوا فيها

[الطيران العمانيي]

امريكا طبعاً

[hamoka2003]

اقتباس:     المشاركة الأصلية كتبت بواسطة رامي فريد  

بالتوفيق ان شاء الله

ممكن اسم الجروب

[رامي فريد]

يا جماعه..للمتابعه نرجو منكم التواصل علي الايميلات الآتيه

[email protected]
[email protected]

وتقبلو مروري الطيب

اخوكم كابتن رامي