[Mohammed a]

السلام عليكم ورحمة الله وبركاته


كانت رحلتي على متن طيران الاتحاد للعاصمة الماليزية كولالمبور عن طريق ابوظبي

مطار الدوحة الدولي
كعاده مطار صغير ولكن مرتب ونظيف مريح في التنقل والموظفين متعاونين وكان في زحمة بمطاعم الوجبات السريعه
الطابق السفلي مكتض بالمسافرين والطابق العلوي كان التجمع اكثر عند كوستا كوفي
ننتظر المطار الجديد ان شاءلله
ذهبنا الي قاعة المها المخصصة لركاب درجة رجال الاعمال ( جميع خطوط الطيران معدى القطرية )
مكان جميل وهادئ والاكل لذيذ ومنوع والموظفين ماعليهم كلام يعيبها ان المكان ضيق بالنسبة لمبنى القطرية الخاص

بعدها اتنقلنا للطائرة التابعه للاتحاد واخذنا الاماكن بكل سهوله
وقدمو عصائر للترحيب بالمسافرين
انواع المقاعد بهذه الطائرة مثل مابتشاهدون في الصور








وكنت عارف مسبقاً بهذا بعد معرفه موديل الطائرة
المضيفين على الطائرة متعاونيين لدرجة كبيره وعلى وجوههم الابتسامة الدائمة والروح المرحه
عندما اقلعت الطائرة ونحن بالاجواء كان في صوت مزعج طول الرحله فسالت المضيفه عن هذا قلت للاسف ان موجود في اغلب الطائرات !!
وقدمو وجبة خفيفة ومرت النصف ساعة بسرعه
والهبوط كنت مستغرب منه لان نزلت الطيارة على المدرج بقوة
والحمد لله وصلنا لمطار بوظبي وكنت اترقب هذا المطار شلون بيكون لاني اول مره انزل فية (لان اغلب الرحلات للامارات تكون عن طريق مطار دبي )
بعد نزولنا من الباص تفاجئنا بالمنظر ! الحابل مختلط مع النابل ماقمنا نعرف الداش من الطالع زحمة غير طبيعية ولخبطة بكل شي حتى اني شكيت اني داش مكان خاطئ
وضحكت شوي بعد مارجعت بالذاكره للمضيفه لما تقول بالطائرة ان موظفي طيران الاتحاد في انتظاركم ماشفنا اي احد في الاستقبال
الا اللخبطة بين المغادرين والقادمين
وغير هذا منظر المسافرين واهم نايمين بالممرات ومتممدين على الأرضيات وفي المداخل والمخارج ... واحنا ما زلنا ندور على أي أحد من موظفي الاتحاد !
ولا لقينا أحد من الاتحاد ,,, و ظلينا ندور على لونج الاتحاد اللي سمعنا عنه ,,, وسألنا احد موظفي الأمن بالمطار وأرشدنا ,,,
مع تاخر الوقت اتجهنا لقاعة مسافري الاتحاد للطيران ( كما سمعت انها فتحت من وقت قريب )
اول مادخلنا الا الزحمة تتكرر ويادوب تحصل مكان تقعد فيه فكيف بترتاح ؟؟؟ ودخان السجائر عامل مثل الغيم
(مع ان ممنوع )
حتى ان الموظف الي يعمل بالاستقبال قالي انصحك لاتجلس هنا وقالي روح لونج الغزال وهو اقرب لباب الطيارة
رحنا اللونج وكان هادئ نوعا ما وموظفة الاستقبال من شرق اسيا وكانت لطيفه جدا ... القاعة صغيرة أيضاَ لكن أهدى نوعاَ ما من السابقة ... والبوفيه فيها متواضع جداَ ونوعية الأكل ليست جيدة للأسف





جلسنا والوقت كان متأخر وكنت عامل حسبة اني انام في الطيارة بعد خروجنا من بوظبي بس النعاس ( جننني ) واستحمنا
لحد ماجا اعلان الرحله وخذنا اماكنا في الطائرة الي كانت ايرباص 330 تتكون من البزنس والسياحية
و مثل ماحددت مسبقاً انا مع المدام المقاعد جنب بعض
واقلعت من ابوظبي ,,,
قدمو لنا عصائر طبيعية ووجبة خفيفة ,,, والمنيو للوجبة الرئيسية ,,, وسألونا ان بغيناهم يصحونا وقت الوجبة,,, وكان هذا اختيارنا مثل اغلب المسافرين

اول مشكلة صادفناها ...
في خلل ببعض المقاعد ,, ومنهم مقعدي,, المقاعد ماتتحول الى سرير وباقي المسافرين صادفتهم المشكلة هذي
وعاد ابتدى الشغل وصارت نوع من الدوشة كل مضيف راح عند مقعد ويحاول يحل المشكلة
ولما وصلو عندي وحاول يصلح الخلل قالي صعب يصير الا بالطريقه اليدوية وهذا ياخذ وقت !!! خلنا نستقر بالأجواء
قلت اوكي أمري لله بنام جالس ,,
في الفتره هذي قلت الي فيها فيها وقمت اضغط على الازرة بقوة وتخيلو
انحلت المشكلة الي المضيف ماقدر يحلها !!!! اتحول المقعد الي سرير ونمنا وصحينا ,, واخذنا الوجبة اللي هي عبارة عن مقبلات ووجبة رئيسية وسويت ,,
والحمد لله لم تصادفنا اي مشكلة بعد ذالك
نمنا اغلب الوقت واستمتعنا بنظام الترفيه مع انه قليل









رحلة العوده من كولامبور الى ابوظبي






صور من قاعة الطيران الماليزي

كنت اول من يذهب الي كاونتر الاتحاد دخلنا الشنط واكدنا حجز الغرفه ( خارج المطار كما وعدوني يوم حجز التذكره )
وبدات المشاكل لما سلت الموظفه عن اماكن جلوسنا قالت للاسف بعيد عن بعض قلت لها اني مأكد من الدوحة ان المقاعد جنب بعض قالت انا مب في يدي
قلت لها ابي حل لان مب متحرك في مكاني الا بالحل وتم الاتصال بالامارات وكلمني شخص لهجته اماراتية وكلمني بحترام وكان مهذب وتاسف عن الي حصل
وركبنا الطائرة وكنت بعيد عن المدام وهذا عكر مزاجي وخاصة ان الرحلة ليلية ومب عدل المدام تنام في الممر
قلت الحل ان نغير مكان جلوس المدام كما نصحني الاماراتي جنب الشباك افضل امكان تقريبا لان المكان صاد ( مب مكشوف )
وبعدين اتحدثت مع المضيف وكان خليجي قالي ان مايستطيع يتحدث مع اي مسافر بخصوص تغير المقعد وتركني !!( بدون نفس طلعت منه )
حتى ماعطاني حل ولا ساعدني

قمت اناظر على المقاعد وغلبها من شرق اسيا وشخص خليجي جالس لحاله سلمت علية وقلت له ممكن اغير المقعد حتى المدام تقدر تنام بمكان غير مكشوف
قالي انا حاجز المقعد من بلادي وهذا المكان ارتاح فية
وقلت لة شكرا ( والمدام مريضة ومرشحة وصاديتها نزلة برد) وعكرو لنا مزاجنا زيادة
بعد 10 دقائق ( كأن ضمير الاخر الخليجي أنبه ,,, وللاسف انه خليجي ) قالي تبي نغير المقعد الحين
قلت له شكرا خلاص مايحتاج ,,
واقلعت الطائرة بتجاه بوظبي
وقدموا لنا الوجبات










بعدها جات الافلام (اقصد افلام المضيفين والطائرة )
نفس مشكلة المقاعد والحمد لله ماجا نصيبنا من المشكلة
وتذمرو بعض المسافرين مادري هل المشكلة يبلغون عنها ولا ؟ حتى تتصلح
تذكرون المضيف الخليجي الي كلمني بدون نفس ولا حتى ساعدني
الاخ كان شايل صينيه العصائر وطاحت من يده على احد المسافرين ( تخيلو حالته واهو كاشخ )
وصارت دوشة بالمكان ! ( حوباتنا الظاهر ) ههههههه
وصلنا مطار بوظبي منتصف الليل والمضيفه تقول ان موظفي الاتحاد في انتظاركم (كذب )
بعد مانزلنا نفس الشي الحابل بالنابل ما نعرف الجاي من الرايح ولا الطالع من الداخل فقمت ادور على الموظفين الي ينتظرونا !!! زحمة وفوضى غير طبيعية ..
رحت قاعة الغزال وسالت الموظفه عن المكان الي اخذ فية حجز الليلة ودلتني مكان رحته دلوني على مكان ثاني ,, وكل شخص يحذفنا على الثاني ,, أخرونا وحنا تعبانين ولا لنا بارض ,, ولا في لوحة او أي شي
يبين لنا اماكن تحويل الرحلة أو لوحات استرشادية ,,, ( المهم ... بعد ما وصلنا
رحنا الي الكاونتر عطوني ورقة تقول ان السكن في فندق المطار ؟؟ !!!
وسالتهم عن احقيتي ان اسكن برع المطار ( مثل ما خبرونا مكتب الاتحاد في الدوحة ) قالت هذا الي مسجل عندي
بعد التشاور مع المدام وكانت مصابة بنزلت برد قلنا نسكن في المطار أمرنا لله دام انها كلها كم ساعة,,
كانت عائلة قطرية معنا رضت بالسكن في نفس الفندق مع احقيتنا بالسكن خارج المطار
طيارتنا كانت الساعة 9.50 صباحاً
صحينا بدري ( لان المكان كئيب ) ونزلنا للسوق الحرة تمشينا وسط الزحمة
ورحنا بعدها الى مطعم الفندق وتفطرنا ,,, ولسه كان في وقت باقي ,,
رحنا لونج الغزال وكان في الاستقبال موظفه اماراتية
بعد ماجات الساعة 9 بالضبط قلت نروح لبوابة الطائرة على الاقل نغير جو
قلت لنا الموظفه ( على وين قلنا لبوابة الطائرة قلت ان طيارتكم للدوحة بتتأخر حتى طيارة بيروت ) سألناها لين متى بتتأخر ,, قالت مو مبين احتمال للساعة 12 بخبركم لأن الجو فيه ضباب مع ان الساعة 9 !
استغربنا ضباب الساعة 9 قلنا جايز حنا داخل وماندري باللي يصير برى ,, المهم
من الشاشة يبين ان الموعد اللي بالتذكرة صحيح ؟؟؟؟ مافي تأخير!!! قلت لها كاهو مكتوب
قالت دقيقة ،،، ووتتصل مع احد الاشخاص واكد لها ان الطيارة بتتأخر !!!لان في ضباب ( الاخت ماتفرق بين الضباب والغبار
طلع في غبار خفيف )
وسالتها الساعة كم ممكن نطلع قالت ارتاحو وانا بخبركم
نحن جلسنا ننتظر الاخت الاماراتية تخبرنا
لما جات الساعة 9.30 قلت نروح نمشي شوي ... خلينا اغراضنا بالخزانة ونزلنا نتمشى بالسوق الحرة قلنا بالمرة نسير صوب البوابة الي كنا طالعين منها للدوحة
لما وصلت كانت المفاجئة !!! الناس داخل البوابة ننتظر طيارة الدوحة .. كانت الساعة تقريبا 9:45 ص ... فسالت العسكري عن وجهه الطائرة
قالي الدوحة !! قلت لة طيران الاتحاد قال ايوه ,, أقوله وشلون يقولون لنا انها بتتأخر ! قال لا مافي أي تأخير
واترك اللي بيدي واخلي المدام تنتظر عند البوابة و أركض الى اللونج
وخذت الشنط والأغراض من الخزانه ومع خروجي من اللونج بحثت عن الموظفه بس ماحصلتها للاسف والحمد لله اني ماحصلتها ولا كان !
وصلت البوابة وركض للطيارة ,,










مفاجئة الطائرة !!
شوفو المقاعد ترى البزنس والسياحية نفس الشي !! الفرق ,, مخلين مقعد فاضي بيني وبين المدام ,,, مسوين فيها بزنس ,, وعدينااها


وجبة من الرحله الى الدوحة


وصلنا بحمد لله للدوحة

طيران الاتحاد مب سيئ ولكن يحتاح لتطوير اكثر ...
واستغرب جدا من بعض الاعضاء الي يفخم طيران الاتحاد وكانه احسن طيران بالعالم !

التقيم .
طيران الاتحاد بشكل عام 6.5 من 10
الوجبات 9 من 10
الترفية 7 من 10
المضفيين :
خط الدوحة ذهاب وعوده 10من 10
خط بوظبي كولالمبور ذهاب 8 من 10
خط كولامبور بوظبي 2 من 10
مطار الدوحة 6 من 10
مطار ابوظبي 1 من 10
قاعة المها مطار الدوحة 7 من 10 ( لجميع الخطوط معدى القطرية )
قاعة الغزال مطار بوظبي 2 من 10
فندق مطار بوظبي 3 من 10
قاعة مسافري الدرجة الاولى والاعمال مطار كولامبور 8 من 10
السوق الحرة بالمطارين الدوحة وابوظبي وكولالمبور 5 من 10

[kuwaity_pilot]

الحمد الله على السلامة
شكلها طلعت من جبدك الروحة بس انت غلطان جان رحت على الأماراتية ولا القطرية
بس انشالة استانست بماليزيا
ويعطيك العافية على التقرير المتعوب علية

[بحريني وفتخر]

مشكور أخوي على التقرير والصور الحلوة
بس نفس ماقال اخوي kuwait pilot كان المفروض اتروح على القطرية
حق تتفادى التراتنزيت
والحمد الله على سلامتك

[@@جامبو@@]

ههههههه مشكور عالتقرير.

[عبد الله المهنا]

يعطيك ألف عافية على التقرير
والصراحة انصدمت من طائرة (أبو ظبي- الدوحة) !
من شكلها أعتقد مؤجرة
ويعطيك ألف عافية على التقرير مره ثانيا
تحياتي

[captain .naser]

يعطيك العافية على التقرير

جزاك الله خير

[Abdelrhman]

المهم بس يا كابتن
حمد الله على سلامتك

[gulf air]

هل هذا طيران الاتحاد الى بعض العضاء مجد في بطريقة غريبة؟؟
اخوي فعلا عانيت و مستغرب من دمتهم بهذه الطريقة!! لو كانت سياحية معليه لكها بزنس!! انا طول عمري اسافر مع الخليج على البونس و الفرست و ما فط صادفتني هل المشاكل!! يبدو ان الانطلاقة القوية للناقلة الوطني خربطت الامور و كشفت المستور
معليه ياخوي ان الله مع الصابرين و اهم شي انك استانست!! و فعلا غريب و لئيم تصرف اونا الخليجي!! مو من شيمهم... الله المستعان

[أبو الشهاب]

مشاء الله عليك تقرير جميل جداَ وإن شاء الله تكون رحلة جميلو سعيدة والحمد الله على سلامتك.....................

[Abdullah_uk]

والله غريب الظاهر ان طيارة الدوحة - ابوظبي من النوع الصغير

لأن من الرياض - ابوظبي طيارة بوينج 200-777

ومن احدث الانواع في خطوط اتحاد
وانا دايم اطلع عليها من الرياض - ابوظبي - لندن وكل الطيارات فخمه ولا عليها اي ملاخظات مع اني اسافر درجة اولى


والخدمه جداً رائعة بس العيب صغر مطار ابوظبي وقله التنظيم فيه





اخوك
عبدالله

[محمد97]

مشكور على التقرير الروعة !
والحمد لله على السلامة ......
لكن كل شركات الطيران تحتاج إلى التعديل وأيضا كل شيء يحتاج إلى التعديل .

[ZAZO]

لا تعليق

مشكووور على التقرير
وألف حمـــدالله على سلامتكم

تقبل تحياتي
ZAZO

[رائد الأفكار]

حمد لله على السلامه
وشكرا على التقرير

مع تحياتي ،،،

[عبدالملك محمد]

الحمد لله على سلامتكم ..


صحيح أشوف بعضهم يمدح طيران الاتحاد !! ؟

[World Liner]

الله يعطيك العافيه يا إخوي Mohammed a على سرد تقرير رحلت الطيب مدعوما بالصور

بصراحه مثل ماذكرت المطار جدا مزحوووووم والمرافق ماتغطي نهائيا لأنه الشركه شكلها ماحسبت حساب حجم المطار المتواضع بعد تدشين الوجهات المتعاقبه في وقت متتالي

بخصوص رحلات أبوظبي الدوحه هناك نوعين من الطيارات المستخدمه على هذا الخط كما هو موضح من موقع الشركه A330 و A320 ذات المدى القصير وهي مستأجره

كل التوفيق لك أخي محمد وإذا حبيت فهناك موضوع شامل خاص بصور وجبات شركات الطيران المختلفه:

موسوعة خط الطيران لوجبات شركات الطيران

[moodyforever]

حمدلله علي السلامه يا كابتن

[المعتزبالله]

حمدلله على سلامتك كابتن
واشكرك على التقرير الرائع والصور الاروع
ولكن لكل رحله ظروفه ,,,,,,,,وهذي الاتحاد والله حرام كذااا
تحياتي

[ملك الطيران]

الحمد الله على السلامة
شكلها طلعت من جبدك الروحة بس انت غلطان جان رحت على الأماراتية ولا القطرية
بس انشالة استانست بماليزيا
ويعطيك العافية على التقرير المتعوب علية

[khmis]

حمد لله على سلامتك
تحياتي لك

[زيكو]

1-طبعا شكرا اولا على التقرير المتعوب عليه والصور ولو اني كنت اتقوق صور لمطار الدوحة وبوضبيز
2- انا ما اعتقدت ان طيران الاتحاد بهادي الطريقة لان في اعضاء مجدو بهادا الطيران بطريقة غريبة

3-مطار الدوحة كما وصف لنا ان هو مطار صغير انا كانت لي رحلتين عليه ترانزين ما كان صغير بس في مشكلة من ناحية ان وين اتحصل البوابة وهادي مشكلة صادفتني

4-عندك طيران القطرية ايلي سافرت عليه بنفس زيارتي لدوحة طيران ممتاز.

وفي الاخير شكرا واتمنى ان تتطور هادي الشركة مع اني سمعت احد الاهل سافر عليها ما اشتكا منها لاكن يمكن

شكرا

[ABUALI2008]

والله ياخوي حسب الصور طيران لا تحد مبين انهم ماجرين الشركه على بنقاليه من الباطن
شكرا لك

[فيصل الدلبحي]

شكرا على الموضوع

[crazy_b_777]

اولا الحمدالله ع سلامتك
احس اخوي ما استمتعت في رحلتك مع الاتحاد؟؟
صراحة انا اكثثر من مرة سافرت في الاتحاد وا انزعجت

[بنت الكويت]

حتى طيران الاتحاد الجديد الي المفروض يكون من احسن شركات الطيران جذيه؟ انا مستغربه من الي قاعده اشوفه و من الي سمعته منك الظاهر بغير من وجهة نظري و عموما رحلاتهم من الكويت لي المحطات الخارجيه قليله جدا منها الهند و كم دوله في اوربا و المغرب و دبي و مسقط يعني صعب السفر ماعهم و خصوصا ترانزيتهم طويل في بعض المحطات وما يعطونك فندق فمستغربه شلون عطوك فندق
عموما الموضوع حلو مشكور ماقصرت عليه

[مجرد ظل]

i think Etihad airways biggest prblomes is the airport is small and old but Etihad airways is the best airllines after qatar airways in middel east

[Captain Yousef]

تسلم يا باشا على التقرير بس انا معرفش ان الخدمه سيئه فى الاتحاد
عموما تشكر يا باشا

[N A ! F]

ماشاء الله عليك

محترف تصوير وسرد التفاصيل

الله يزيدك ياخوي ويبارك لك

امتعتنا بالتصوير والتقرير الله يسعدك

[ملك الورد]

مشكور اخوي على التقرير والصور وهذا الزحام واللخبطه امر طبيعي في اغلب دول الخليج لانه لا يوجد رادع للمتسبب

[ساكون طيارا]

بصراحه من اروع التقارير اللي قريتها بالمنتدى هذا

بس اخوي غريبة تركت القطريه واتجهت لطيران الاتحاد

[momo_2010_2015]

مشكوررررررررررررررررررر