[FLY DUBAI]

السلام عليكم و رحمته الله و بركااته ..

في بدايه شهر 6 .. تطلع نتاايج الثانويه العاامه ( ان شااء الله بالنجااح )
وبقدم في كلية الامارات للطيران ,, باذن الواحد الاحد

...

ابا نصاايحكم قبل التسجيل ,,

...

- انا ما بكذب على روحي و بقول ان نظري ممتااز ,, لاكن الله كريم ,, انا نظري كثيير نزل .. فشو اسوي اسوي الليزك ولا انتظر ,,

- وزني 50 تقريباا ,, وانا اتعبع جدول غذلللئي لزياده الوزن ,, وبروح اتمرن حديد و ليااقه شوي

- طولي 171

- اللغه بنتعلمها بالكليه ..

.....

اي نصاايح منكم اخوااني على عيني و على رااسي ..


دمتم بود

[Ashour]

بالتوفيق ان شاء الله ومبروك مقدما النجاح والقبول في الكلية عن قريب..

النظر افضل انك تنتظر او تذهب للكلة وتسأل اذا عمليات الليزك مقبولة ولا لا ..

لان في بعض الخطوط مثل السعودية لا تقبل الطيارين بمثل هذه العمليات ..يقول البس نظارة مادام تشوف بها 6 على 6 ..تمام.

تحياتي لك وبالتوفيق مجددا

[bandar]

موفـق ان شاء الله اخوي وشد حيلك ف امتحانات آخر السنه ..

نبدأ باللغه حط ف بالك انهم بيطلبون منك شهاده توفل من كليه التقنيه اذا كنت من سكان بوظبي وبتقدير 450 نقطه بهالنقطه اذا ربي وفقك ونجحت ف اختباراتهم بتقصّر عليك الفتره وتقبل 400 نقطه ولكن بطوّل فتره دراستك .
نيي لموضوع النظر اذا انت تشوف ان نظرك نقص انا انصحك تفصلك نظاره لان ماعندهم اشكال بخصوص النظاره .
نيي الحين للواجبات اللي لازم تقوم بها قبل الامتحانات اول شي تراجع بعض القوانين اللي في كتاب الرياضيات والفيزياء واللي تخص اكثر شي السرعه والزمن وخلافه وامتحان الانجليزي مثله مثل امتحان الانجليزي مال اخر السنه قواعد وتعبير ابداعي .
نيي الحين لامتحان السايكوموتر هذا الامتحان يتطلب منك شغلتين مهمتين اول شي تنام بدري وتشبع نوم عشان تقوم مصحصح ومركز والشي الثاني انك تقرا تعليمات حل اسئله السايكوموتر بتركيز وتفهم محتواها وعلى اساسها تحل .
والباقي مقابله انك تكون هادي وكول وتجاوب اللي تعرفه واللي ماتعرفه تستفسر عنه واذا شعرك طويل تقصه وتقص اظافرك .

هذي مجمل نصايحي واتمنى لك التوفيق .

[Captain-Ahmed]

بالتوفيق باذن الله

انصحك تستنى على الليزيك ودام انك توصل 6/6 بالنظارة افضلك


حتحتاج تلبسها وقت الطيران فقط


وانا والله لازمني برنامج غذائي لاني نحيف .....

طولي 176 ووزني 55

المهم اولا انك تركز على الدراسة وتجيب معدل ممتاز

و*اذا* عندك وقت ...... طير على السيميولتر ...... عشان تدخل وانت عندك فكرة كبيرة عن الطيران

وبالتوفيق

[FLY DUBAI]

السلاام عليكم ,,

وحيااكم الله يالغاالين والله يشهد انكم مثل اخوااني .. ولا مكا ترددت بطرح الموضوع ,,

....

عااشور ,, حيااك الله و آمين يا رب

..................

اقتباس: موفـق ان شاء الله اخوي وشد حيلك ف امتحانات آخر السنه ..

نبدأ باللغه حط ف بالك انهم بيطلبون منك شهاده توفل من كليه التقنيه اذا كنت من سكان بوظبي وبتقدير 450 نقطه بهالنقطه اذا ربي وفقك ونجحت ف اختباراتهم بتقصّر عليك الفتره وتقبل 400 نقطه ولكن بطوّل فتره دراستك .
نيي لموضوع النظر اذا انت تشوف ان نظرك نقص انا انصحك تفصلك نظاره لان ماعندهم اشكال بخصوص النظاره .
نيي الحين للواجبات اللي لازم تقوم بها قبل الامتحانات اول شي تراجع بعض القوانين اللي في كتاب الرياضيات والفيزياء واللي تخص اكثر شي السرعه والزمن وخلافه وامتحان الانجليزي مثله مثل امتحان الانجليزي مال اخر السنه قواعد وتعبير ابداعي .
نيي الحين لامتحان السايكوموتر هذا الامتحان يتطلب منك شغلتين مهمتين اول شي تنام بدري وتشبع نوم عشان تقوم مصحصح ومركز والشي الثاني انك تقرا تعليمات حل اسئله السايكوموتر بتركيز وتفهم محتواها وعلى اساسها تحل .
والباقي مقابله انك تكون هادي وكول وتجاوب اللي تعرفه واللي ماتعرفه تستفسر عنه واذا شعرك طويل تقصه وتقص اظافرك .

هذي مجمل نصايحي واتمنى لك التوفيق

[نديم الطيف]

بارك الله فيك

[شهيده على قيد الحياة]

السلام عليكم
طيب انا نظري ضعيف
في العين اليسار1,25 واليمين 0,55
سمعت انو ممكن يقبلو في اكادميات مايقبلو
شكرا على موضوعك

[bandar]

مرحبابك اكثـر ..

السايكوموتـر هـذا احد الاختبارات اللي بتسويها وهذا الاختبار يعتمد على ثلاث شغلات في البني آدم التركيز +قوه الملاحظه +التناسق الفكري مع الحركي ,وهو يتكون من ثلاث فـروع
اول فـرع بيكون باستخدام الجوي ستيك (عصى التحكم) بحيث بييبلك ف شاشه الكمبيوتر كرات متساقطه في عده جهات وانت لازم تتبعها
الفرع الثاني بييبلك عدادات الطايره وبيعطيك تعليمات لازم تفهمها عشان تعرف تحل .
الفرع الثالث بييبلك 20,25 رقم وبيخفيهم لثانيتين وانت يجب عليك اعاده كتابتها بالترتيب اللي ظهرت فيها .
ف عشان جي لازم ترقد بدري عشان تقوم مركز ولا ما بتعرف تجمع وتحل .
أتمنى ان الصوره اتضحت ..
موفـق ان شاء اللــه

[bandar]

موضوع الليزك ان سألت عنه مختص وقالي نسبه القبول به ضعيف لان مع مرور الوقت يضعف النظر بشكل متسارع ونفضل لبس النظاره لانها تثبت النظر .

[zoom]

أنصحك أنك تحفظ القوانين مثل ما قالوا ألإخوة (مب قصدي فرقة علي بحر).
وأنا جربت في طيران الإمارات ورسبت فالرياضيات ونجحت فالفيزياء عشان ما كنت مستعد,
أو(علشان الواسطة) وأنا ألحين في كلية التقنية بالفجيرة. وإن شاء الله لما بيي الصيف بجرب نفسي هناك, إذا فلحت هناك راح أكمل, وإذا ما فلحت بجرب مكان ثاني.

[عاشق وهم222]

سوال ليش الخطوط ما تاخذ اللي مسوين هاذي العمليات

[Bn DuBai]

مشكووور عالطرح