[Fighter Pilot.zizo]

السلام عليكم

انا طالب ثانوي وافكر ادخل كلية الملك فيصل الجوية بالرياض ان شاء الله

لكن عندي شوية مخاوف ، اول شي .. الطيران بالمقاتلات السريعه والي بعضها

يتعدى سرعة الصوت ، وبعض التدريبات يكون فيها اغماء 10 ثواني ..

شفت عدة مقاطع باليوتيوب الصراحه شي يخوف اسوق الطيارة و ادخل بإغماء

واصحا مره ثانيه :ANSmile01:، فيها نوع من الخطورة .

يعني ابغا اعرف هل اقدر اكون طيار عالاواكس مثلا .. او طائرة التزود بالوقود .

يعني اتخرج ملازم طيار على غير الطائرات المقاتلة .

الشي الثالث والاخير ، ماهي الطائرات الي اذا كنت طيار عليها اسكن في

الرياض ، لأنه على حسب ما سمعت انه كل نوع من الطائرات له قاعده خاصه

على سبيل المثال التايفون في الطائف والتورنيدو في خميس مشيط ( على سبيل المثال )

لأني بصراحه مابغا اسكن برا الرياض .

والي متخرج عن الكلية يفيدنا ولا عليه امر .

الي يرد عالموضوع يكتب مدى تأكده من كلامه

بإنتظاركم :haha:

[Fighter Pilot.zizo]

تكفوون ياجماعه

[Fighter Pilot.zizo]

وش دعوا محد يعررف من كل ال30 الي شافوا :|

والله لو اننا متهاوشين p; !!

[سعود والحال يعود]

ياغالي

اول شي وعليكم السلام

بخصوص الاغماء وغيره من الامور مثل الاير سيك والاشياء هذي

يسوون لك فحوصات قبل كل شي تسويها في الظهران ويدخلونك التشيمبر طبعا

يعني يعرضونك لكل شي ويعرفون مقدرتك الجسمانيه تتحمل او لا

وماراح يغامرون في طياره قبل يغامرون فيك :)

طبعا بخصوص طلبك فهو صعب اخوي الغالي

القوات الجويه عندها منظومات كثير

وتتغير مواقع المنظومات حسب التخطيط

يعني لاتستغرت بعد فتره اذا شفت التايفون في الظهران وشفت التورنيدو في تبوك وكذا

الرياض لايوجد بها الا طائرات الاخلاء الطبي والطيران الملكي ( البي بي جي والسيسنا وال 152 وغيرها ) وهذي صعبه تروح لها من الكليه على طول لازم تكون اتدربت واخذت left seat في منظومة c-130 او الاواكس


واهم شي فوق هذا كله يكون عندك Power (( واسطه ))

واذا احتجت شي راسلني واوافيك باللي اقدر عليه

[WILLY WALSH]

حالات الاغماء بسبب G force :) ..

تسارع الجاذبية

هم راح يدربوك عليها وراح تتعب

انت بالأول راح تتعب ويغمى عليك كثير

بعدها راح تصير وحححش .. ما راح يضرك شي

... وبالعكس الطيران بالمقاتلات متعة اكبر :) ..

وبالآخر هذا شي راجع لك .. بالتوفيق يا خيو

[yasseer]

الله يوفقك شد حيلك وجيب درجات تبيض الوجه وسجل ..
وانا طالب بالكليه والحمد لله بدون واسطه ومااعرف اي احد .. والكليه الان صارت تخصصات ..
يعني كل واحد عارف تخصصه من البدايه ..
طيار ... مشغل انظمة تسليح .. توجيه مقاتلات .. مراقبه جويه ...

[دكتور بحلم طيار]

اتمنى الإخوة يفيدوك

[حلمي التحليق]

الكلية تعتمد على الوااسطه
بشكل اساسي يعني لا تفكر االاا اذا كان عندك وااسطه االعااام قدمت ودرجااتي 90 ثانوي 78 قدرات
72 تحصيلي قااااالولي ما قبلووني
لنو مااعندي وااسطه

واذا تبغى تسير طياار اهم شئ الشجااعه يعني لا تقول اغمااء وابغى طائرات ايوااكس او سي ون
ا حلى شئ الفاااايتر كل التوفيق اخي الكريم

[AboAbdulla]

https://www.flyingway.com/vb/showthre...=77734&page=51

برنامج الابتعاث الخارجي لدراسة علوم الطيران ..~

ماهو الفرق بين مهند س الطيران والمهند س الطيار ومهند س الطائرات

[عمر عبدالرحمن]

كل شي واسطه واسطه؟
طيب انا ماعندي واسطه يعني مين يساعدني بعد الله؟...معقوله بدون واسطه ما ادخل ابدا ابدا؟ حتى لو درجاتي زينه؟...الله يوفقني ويحقق لي حلمي وادخلها

[شيطون 111]

لاوالله مابها واسطه ليش البعض يقولون واسطه لان درجاته عاليه وكل شيء تمام لكن مايقبلونه يقبلون غيره ويقول واسطه ولكن بالاحقيقه هم يقبلون الافضل فمثلا لو كانت نسبتي 90 وقدراتي 77 والتحصيلي 70 وجاء احد اعلى مني اكيد بياخذون الي اعلى مني فكر فيها 20000 بس بياخذون منهم افضل 200