[@@جامبو@@]

شكرا لدخولك

انا شباب هالصيف انا والاهل ان شاء الله معزمين نروح باريس وتعرفون الدول الاوروبية تطلب فيزا الشينغينغ وفيها بعض الشروط كلها عملتها بس باقي الحجز والتذاكر فعند ذهابي الى مكتب الحجز لكي أحجز وجدت ان قيمة تذكرة الخطوط السعودية أكثر من 4800 للشخص الى باريس فصراحة نظرت الى المبلغ ورأيت انة مبلغ كبير للشخص الواحد صراحة حرام وبعد انتظار لأن كل الرحلات تبع الخطوط السعودية مقفلة الى باريس وكل الحجوزات تعطي انتظار
فبحثت عن خطوط ثانية فجربت الكويتية برضة غالية وفيها ترانزيت في مطار الكويت وجربت الاماراتية فل وجربت الاتحاد فكانت أرخص خطوط والله الاتحاد حلوة ورخيصة ومن أحسن الخطوط الخليجية بس فيها ترانزيت يوم كامل في ابو ظبي فما كان عندي الا طيران الخليج أو الخطوط التركية فانا مافي أمل أروح على الخطوط التركية لسمعتها الزينة:iconloli: فاخترت طيران الخليج وحجزت عليها ok ولو ان فية توقف في مطار المنامة بس ساعتين
بعدين الاقلاع الى باريس فا لسؤال هو مالمميزات التي تخولني اني احجز على طيران الخليج ومالسلبيات التي تجعلني ابحث عن خطوط اخرى ؟ مع اني ممكن بالواسطة أجيب حجز في الخطوط السعودية فهل أتكل على الله جاوبوني وشكرا.

[كبتن 90]

قول توكل على الله وخلك على طيران الخليج واهم شي توصل باريس
ورحله سعيده .

[سعودي وافتخر]

السعودية افضل بكثير

[@@جامبو@@]

اقتباس:     المشاركة الأصلية كتبت بواسطة سعودي وافتخر  

السعودية افضل بكثير

بيني وبينك عارف ان السعودية افضل بس الاسعار خيالية وكان ودي اروح على الاتحاد بس مشكلة الترانزيت والانتظار مافي الا طيران الخليج.
مو هاذا سؤالنا سؤالي هو ماهي مميزات طيران الخليج التي تخولني اسافر عليها عوضا عن الخطوط الثانية.؟؟؟؟؟

[سلطان الشرقية]

الله يهديك مابغيت الا طيران الخليج؟
صدقني تدفع فرق شاسع وتطير وانت مرتاح نفسيأ أفظل من طيران الخليج وهي أسوء شركة طيران في الخليج
والاتحاد والله أفظل شركة , صدقني حول للاتحاد وبترتاح حتى لو يوم كامل يعطونك سكن على حسابهم وتكون مرتاح اول تتمشى بأبوظبي

[ساكون طيارا]

ان نصيحتي لك تترك طيران الخليج والسعوديه اخس شركتين في الخليج وحط معهم الكويتيه انا مع اخوي سلطان الشرقيه احجز مع طيران الاتحاد وشوف الرحله كيف راح تطلع معك ، ههههههههههه ويقولون ليه الخطوط السعوديه مافيه ابتعاث لدراسة الطيران اذا على الحجز يبيلك واسطه فمابالك بالدراسة الله يعين بس .

[العميد]

تروح وتجي بسلامة

[العميد]

والله مثل ما قالو الشباب طيران االاتحاد ممتاز جدا

[كبتن 90]

اقووووول ياخي لو يحصلك طيران الصومال اهم شي تاصل باريس موفق:poster_dots:

[DUBAI ATCO]

حياك الله
الشركتين ما عليهن كلام السعودية وطيران الخليج وانته اتشوف الأنسب لك من ناحية المادة

تدفع زيادة تروح رحلة مباشرة اللي هيه السعودية

تدفع اقل تروح على طيران الخليج لكن ترانزيت

هذا هو الفرق الوحيد

ول من النواحي الثانية ما في اي مشاكل الشركات متساوية

وبالتوفيق تروح وترجع بالسلامة

[إمبراطور الطيران]

أولا أخي نتمنى لك سفر سعيد
بالنسبة لأهم المميزات الموجودة في شركة طيران الخليج إلى باريس
الطائرة من طراز الإيرباص 200-330 وهي طائرة كبيرة وواسعة

شاشة شخصية وهاتف شخصي لكل مسافر ولكل مقعد

لا تحمل هنا إذا كان معك اي أطفال خلال الرحلة,يوجد جليسة اطفال تهتم بهم

الطباخ الماهر على متن الرحلة

بالإظافة إلى الهداية المجانية للاطفال الصغار

سفر سعيد إنشاء الله
تحياتي

[@@جامبو@@]

شكرا اخواني على آرائكم الجميلة وزي مايقولون العوض ولا القطيعه انا كان ودي اطلع على السعودية مباشرة بس الاسعار غالية جدا وفكرت في الاتحاد الشركة الممتازة جدا وارخص شركة شوفو افضل شركة ارخص شركة بس مشكلة الترانزيت يوم كامل والحجز انتظار وبالنسبة للفندق أنا سألت واحد في مكتب الحجز قالي انو في الوقت هذا الفنادق ماتقدم غرف لشركات الطيران بسعر مخفض فلايوجد غرف فمالقيت الا طيران الخليج رخيص نوعا ما ولافية انتظار طويل الرحلة من الرياض المنامة انتظار ساعتين ثم المنامة باريس.

[بوعبدالله]

السلام عليكم اخواني
ابصراحه انا جربت السعودية والخليج
اصلا ماكو مقارنه بينهم
انا ابي اسأل سؤال للاخوان اللي يذمون الخليجيه انتو سافرتو عليها؟؟؟؟؟؟؟؟؟؟؟
ولما اسأل عن السفر عليها انا انقصد اللونق دستنس اي المسافات البعيده
اثبت طيران الخليج تفوقه بالرحلات الطويله وانا اصلا ما اقارنها ولو 1% بينها او بين السعوديه والكويتيه
ابصراحة انا اشوف اللي يذم طيران الخليج اكيد ماسافر عليها
بعدين لو نرى سجل الطيران والمقارنه بالسلامه بينها وبين السعوديه سترون الفرق واضح
على الاقل طيران الخليج ما حط كياس رمل ابطياراته علشان يوازنها مثل ما سوت السعوديه بالامبيريار ورهنة ارواح البشر بأكياس رمل ؟؟؟؟؟؟؟؟؟؟؟؟؟؟؟؟؟؟؟؟؟؟؟

[gulf air]

طبعا بس بزيد شوي على الاخ بو عبدالله يعني اهو ما قصركفى و وفى!! ياخي سافر و انت مرتاح البال... مافي مقارنة بين الخليجو السعودية!! على الاقل طيران الخليج ما ضيعت التاكسي واي في ماليزيا و طبت في حفرة!! كمثال

[@@جامبو@@]

لا أخواني مو الى هالدرجة السعودية مو زينة تراها بعدين اكياس الرمل مادري عنها وبانسبة للحادثة تبع ماليزيا مو الطاقم السعودي الي كان يقود للطائرة بالتاكسي واي كان طاقم صيانة ماليزي وكانت الطائرة فارغة بس وأنا لو يحصلي عالسعودية رحت بس التذاكر غالية لباريس فمدري ايش اسوي المعيشة فباريس غالية بعد اجي اخذ تذاكر غالية يعني لازم يكون فية موازنة
مالقيت الا الخليج ولو اني متخوف منها لسمعتها وسمعت ان الشركة تمر بأزمة مالية كبيرة بس العوض ولا القطيعة.

[مهندس يحب الطيران!!!]

والله الشركتين جيدة وحلوة
وانا اعتقد انا اكثر المسافرين على طيران الخليج هم السعوديين
ولذلك السعودية داعمة لطيران الخليج
ورحلة سعيدة اخوي

[ساكون طيارا]

اقتباس:     المشاركة الأصلية كتبت بواسطة gulf air  

طبعا بس بزيد شوي على الاخ بو عبدالله يعني اهو ما قصركفى و وفى!! ياخي سافر و انت مرتاح البال... مافي مقارنة بين الخليجو السعودية!! على الاقل طيران الخليج ما ضيعت التاكسي واي في ماليزيا و طبت في حفرة!! كمثال

اذا كان بيتك من زجاج لاترمي بالناس بالحجارة اللي يسمعك الحين يقول ان طيران الخليج القطرية او طيران الامارات على غفله على الاقل الخطوط السعوديه ماوصلت لدرجة الافلاس مثل طيران الخليج .

[@@جامبو@@]

شكرا اخواني على التفاعل وبعدين ترى كلها بس وجهات نظر مايحتاج انك تذم الخطوط هذي او هذي وكل الشركات متقاربة والله يعين بس.

[gulf air]

و من قال السعودية ما وصلت للافلاس، بس الفرق ان احنا نعترف و انتم تخبون، اجل كيف تفسر تاجير طائرات تركية "متهالكة" بدلا من شراء جديدة؟! هاي شنو يدل على الارباح ولا السيولة الزايدة
فانا اقول لك، اذا كان بيتك من زجاج لا ترمي الناس بالحجر، اذا اردت ان تقارن بين طيران الخليج و السعودية فانك لتقارن الارض بالسماء، و طبعا الخليج هي السماء!!! و اللبيب بالاشارةِ يفهمُ

[Abo zeyad]

أخوي جامبو .. اذا بتعتمد على آراء الأشخاص الموجودين هنا عز الله انك بتسافر على ظهر جمل .. كل واحد يسخر على الشركة اللي ما تعجبه واللي هو ما جربها أصلاً ..
يا عزيزي جامبو .. توكل على الله وسافر ولا تخلي القيمة أو المدة يحيرونك ..

[سلطان الشرقية]

يااخوان : كل واحد حر برايه, يعني مش معقوله واحد ماتعجبه شركه ,عشان خاطر شخص ثاني لازم يصير منافق ويمدحها قدامه؟
ارجوكم ارتقو بعقولكم وأفكاركم ولكل شخص حرية الانتقاد والاختيار
يعني شخص ماتعجبه طياره, وعشان عضو من نفس بلد هالطيارة لازم يمدحها؟
او شخص يمدح طياره وعشان لايزعل الاخر لازم ينتقد؟

هذا يشوف طيران الخليج سيئة وهذا يشوف السعودية سيئة وكل واحد له رأية , مو لما يقول الواحد رايه يجي الثاني يرد ويقول احترم نفسك!!

[إمبراطور الطيران]

اقتباس:     المشاركة الأصلية كتبت بواسطة سلطان الشرقية  

يااخوان : كل واحد حر برايه, يعني مش معقوله واحد ماتعجبه شركه ,عشان خاطر شخص ثاني لازم يصير منافق ويمدحها قدامه؟
ارجوكم ارتقو بعقولكم وأفكاركم ولكل شخص حرية الانتقاد والاختيار
يعني شخص ماتعجبه طياره, وعشان عضو من نفس بلد هالطيارة لازم يمدحها؟
او شخص يمدح طياره وعشان لايزعل الاخر لازم ينتقد؟

هذا يشوف طيران الخليج سيئة وهذا يشوف السعودية سيئة وكل واحد له رأية , مو لما يقول الواحد رايه يجي الثاني يرد ويقول احترم نفسك!!

عين الصواب

[ولد المقاتلات]

طيران الاتحاد وطيران الخليج

تروح وترد بالسلامة اخوي

[بوعبدالله]

:iconloli:سأكون طيار يا اخي انت ليش زعلان
خلاص حبيبي السعودية احسن من اللوفت هانزا او لبرتش اير والفيرجن والسنقافوريه وحتى الكاثي
بس انت لاتزعل يا اخي:iconloli:

[@@جامبو@@]

والله الموضوع كان ماشي زين بس الاخ ابو عبدالله عنصري ما ادري ليش يمكن حاب يحط حرة الخطوط الكويتية بالسعودية ولكن كلام العقل هذا هو

اقتباس:     المشاركة الأصلية كتبت بواسطة سلطان الشرقية  

يااخوان : كل واحد حر برايه, يعني مش معقوله واحد ماتعجبه شركه ,عشان خاطر شخص ثاني لازم يصير منافق ويمدحها قدامه؟
ارجوكم ارتقو بعقولكم وأفكاركم ولكل شخص حرية الانتقاد والاختيار
يعني شخص ماتعجبه طياره, وعشان عضو من نفس بلد هالطيارة لازم يمدحها؟
او شخص يمدح طياره وعشان لايزعل الاخر لازم ينتقد؟

هذا يشوف طيران الخليج سيئة وهذا يشوف السعودية سيئة وكل واحد له رأية , مو لما يقول الواحد رايه يجي الثاني يرد ويقول احترم نفسك!!

[* الريـان *]

نصيحتي لك لاتروح ولاتجي اجلس في البيت افضل

[Rawamess]

كنت رحت بطيران الاتـــــــــــحاد

شركة وطنية اماراتيه مخفضة الاسعار وآمنه وطائراتها طبعا لايعلى عليها وطاقم قمرة القياده فاني ومرح واكيد مانستغنى عن طاقم الضيافه حققققققققققهم مره مره مره حلو واسئلني انا عزيزي رحت رحله لي تورونتو عن طريقها اييييش راااااحه والله ما تتوصف وبعدين عزيز الميزه فيها انوا في عندهم جنسيات من كادر المضيفين مختلف وهادا اللي خلاني انبسط اكتر عليها بالتالي ماتحس بالملل .

[شهاب الجزيرة]

طيران دول الخليج
جميل بشكل عام
وطيران دولة الامارات جميل جدا بشكل خاص
والبحرين صراحة يقولون انه جميل بس انا ماجربت
إلا الخطوط السعودية و اليمينية
صراحة كلها جميله

[عاشق الايرباص]

اتوكل على الله الخليجيه ما فيها شى بينعاب انا سافرت عليها لسويسرا جدا رائعة وطائراتها جدا حديثة وراح تستمتع بالرحلة وبتشوف

[myuae]

أتوكل على الله اذا حجزت أخوي
المهم توصل بالسلامة
استفت قلبك ولاتسمع كلام الناس ولا مابتسافر
خخ:iconloli:خخ
بس حبيت استفسر ليش ماشفت القطرية ؟ سمعت اسعارها زينة وخدمتهم رائعة
وبالنسبة لطيران الاتحاد اخوي يقدمون لك فندق ومش مشكلة الترانزيت تتمشى في بوظبي وما بتندم ^_^