نوران: شركة المصريه للطيران طالبه مضيفات ومضيفين بقالها شهرين

[sad girl 2]

هاى ياحبايبى وحشتونى موت بصو بقا الشركه دى جديده بس هما منزلوش اعلان لان جالهم ضيافه كتير بس هما محتاجين عشان جابو طياره كمان وانا عرفت المعلومات دى وقلت اعرفكم بقا طالما محدش عرف هما بداو يطيرو ابتدوا بالناس اللى معاها خبره وتقريبا كل المضيفين والمضيفات فى الشركات المختلفه سابوها وراحو المصريه دى لان مزاياها كويسه جدا وراتبها حلو قوى قوى قوى يالا قدمو وربنا يوفقكم كلكم

المصريه للطيران
العنوان :112 عمار ابن ياسر سور الكليه الحربيه فى مصر

التليفون:0226230059 ومدير الضيافه مستر احمد عفيفى وهو من الشخصيات المحترمه جدا جدا جدا وكان شغال فى شركة لوتس للطيران
ربنا معاكم كلكم

[{yasmeen}]

ميرررررسى يانورا ياحبيبتى على الخبر

المصرية شركة محترمة كتير

سمعت كتير انها كويسة

يلا ياجماعة قدمو فيها

اتصلو واعرفو المطلوب بالظبط وروحو وان شاء الله خير

يثبــــــــــــــــــــت ,,

[المعتز]

حمدلله على السلامة يانوران
يعطيك العافية على الموضوع والشركة سمعتها فوق الممتازة
لكن الاخبار عنها قليلة لانها بتاخذ اصحاب الخبرات ماادري اذا تغير الوضع الان او لا
على العموم هاذي مواضيع تتعلق بالشركة والله يوفق الجميع

«المصرية للطيران» تدشن رحلاتها من الكويت إلى الإسكندرية وأسيوط غداً

حصريا - المصرية العالمية للطيران

[lamisghazal]

انا عايزه أعرف الشروط يا نوران ممكن ؟

[محمد زيدان 86]

اية يا نوران قلبتى ولا اية
ازيك يا جميل ويارب تكونى بخير
ومختفية لية بقى
ولا تقل يعنى
هانصبر لعلة يكون خير
ههههههههههههههه
وحشتينا كلنا يا قمر
وبالتوفيق ليكى

[roka21]

السلام عليكم ورخمه الله وبركاته
حمد الله علي السلامه يا نوران وتسلمي يا قمر علي الاعلان بس ما تعرفيش فيه شروط معينه ولا ايه عموما هبقي اتصل واطمنك علي النتيجه ودمتي بخير

وبالتوفيق للجميع ان شاء الله

[خالد العربي]

بالتوفيق للمتقدمين



*** طيران الجزيرة ***

[frawla]

هاى ياجماعة انا اتصلت بيهم النهاردة الصبح وسألت اذا كان فى شروط قالولى لا مافيش اى شروط بس انتى تيجى تملى الأبلكيشن وتسيبى السى فى بتاعك. ياريت لو حد راح يقولنا عمل ايه

[{yasmeen}]

الشروط ياجماعة اكيييد زى اى شركة طيران تانية

انتو لسه مش حفظتو ولا ايه هههههههه

اللغة والطول والوزن الشكل بس

كانو من فترة طالبين ناس عندهم خبرة

بس دلوقتى عايزين اللى منغير خبرة


روحو واملو الابلكيشن وربنا يوفقكم

تقريبا عاملة زى اير كايرو هتملو الابلكيشن ويتصلو بيكم

ربنا يوفقكم كلكم ..

[lamisghazal]

يا جماعه أنا روحت إمبارح و مفيش ابليكيشن بس بتيديهوم ال c.v و هما بيكلمكو بعدين
ادعووووولىىىىىىىىىىىى

[محمد زيدان 86]

ياريت لو تقولى هل هما وراء الكلية الحربية على طول ولا فى شوارع وكدة

وربنا يوفقك يارب

[Melwezza]

اخر سولر ستاد الكليه الحربيه .... شارع عمار بن ياسر مواز لصلاح سالم

[عاشق 787]

بالتوفيق بالتوفيق بالتوفيق

لككككككككككككككككككككل



ادولنا نسير طيارين

تحياتي وتقديري للكل

عاشق 787

[sad girl 2]

ازيكم انتم وازيك يامحمد لا انا مقلبتش ولا حاجه انا سبت شركتى لظروف حاصه بس انا فى المجال ولما بسمع عن اى اعلان بكتبه للشباب علشان بس انا عارفه هما قد ايه بيحلمو بالطيران


بصو بقا نصيحه للكل شغلنه ده متعب جدا جدا جدا اللى مفكر او مفكره انه دلع وشغل بسيط لا فهو مش بسيط لازم تبقو حابين الحاجه اللى انتم دخلين تشتغلوها ليه ؟؟ عشان تنجحو فيها اولا الشركات معظمها عايزة لغه حلوة ولباقه وشكل حلو او مقبول للبنت او الولد ومش شرط يكون امور او امورة يعنى كله بيعوض يعنى لو بنت وحشه بس معاها لغه هياخدوها بالنسبه للشركه اللى هى المصريه هما كان تفكيرهم كالاتى انهم يبتدوا بالناس اللى عندهم خبره عشان ياسسو اللشركه صح وبعد كده يخدو ناس تتدرب علشان الللى هما عندهم خبره يدربوهم صح فهمتونى بس هى دى كل العمليه نروح نقدم السى فى ونكون مبتسمين وشكلنا حلو ولابسين طقم مش شرط يكون غاالى بس يكون مرتب ومنظم ونتكلم بكل زوق واحترام وصبر مع الللى هيعملنا الانترفيو حتى لو استفزكم لازم تبقو ازكا منه لان دى بتبقا اختبارات فى الشخصيه وبس وبعد كده هما هيكلموكم ويالا ربنا معاكم واتمنالكم التوفيق كلكم

[sad girl 2]

وبعدين روحو قدمو فى النايل اير لانها طالبه وفاتحه الاعلان كتير وربنا معاكم لازم ترمو السى فى فى كزا شركه واللى هيبقا نصيبكم تشتغلو فيها ربنا هيكرمكم