وظائف برنامج أعضاء طاقم الخدمة الجوية للخطوط السعوديه 2014

**Stardust** · 15-09-2014, 12:45 AM

المشاركة الأصلية بواسطة المستوى الراقي

للاسف م انقبلت .. ولكن

ي رقيش م تعرف لي معهد لغة او مدرس في الرياض
مخرجات تعليمهم ممتازة لاني ان شاء الله بقدم بعدين وودي
احضر نفسي كويس

خيرها بغيرها ياراقي

المعاهد كثيرة بالرياض وكلها مثل بعض المعهد يقدم لك الطريقة وانت عليك التطبيق
بمعنى انو المعهد يعطيك 20% ويمكن اقل و 80% عليك انت
هي تعتمد على الدارس اذا جاد فعلاً بالدراسة ويحب اللغة ويبغى يتعلمها يقدر يتعلم بدون مدرس
اتمنى فهمت قصدي
وفيه طريقة افضل وارخص واريح بمراحل من المعهد التقليدي
سجل بموقع EF وتتعلم اونلاين وفيه مدرسين واختبارات وتصحيح وغرف محادثة وفيديوهات تعليمية

ببساطه مره روعة وانصحك تسجل فيه
ع فكره 9 شهور بـ 400 ريال اذا ماخاب ظني
وبالتوفيق لك ودعواتك لنا بالتوفيق

**المستوى الراقي** · 15-09-2014, 08:34 AM

شكرا يارقيش
بالتوفيق يا بعدي
اتمنى لك دوماً التوفيق والنجاح

**مضيف جوي2022** · 15-09-2014, 05:00 PM

السلام وعليكم
شباب حد يفيدنا طلعت نتائج القبول اختبار الانججليزي أم لم تطلع بعد

وللعلم انا لي اسبوع واربعة ايام بعد تاريخ اختباري
ولكم جزيل الشكر

**مضيف جوي2022** · 16-09-2014, 12:14 AM

معقولة مافي رد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**Stardust** · 16-09-2014, 03:38 PM

المشاركة الأصلية بواسطة مضيف جوي2022

السلام وعليكم
شباب حد يفيدنا طلعت نتائج القبول اختبار الانججليزي أم لم تطلع بعد

وللعلم انا لي اسبوع واربعة ايام بعد تاريخ اختباري
ولكم جزيل الشكر

النتائج طلعت بس لسى ما ارسلوا الرسائل
تقدر تستفسر اذا تجاوزت الاختبار او لا
اتصل ع هالرقم واسأل 0126866785
بالتوفيق

**المضيف الجوي** · 27-10-2014, 10:23 PM

السلام عليكم شباب طمونني عنكم .... وحشتوني حيييييل واللهي

الف مبروووووووك للي اجتاز وموعض خير من ما حالفه الحظ .. طبعا انا صارت علي ظروف وماكتب ربي احظر الامتحان بس دعواتكم لي وللي ما اجتاز او حلمه بالضيافه انه نلحقكم الدفعه الجايه وأكيد راح تكونو قدوه حسنه لنا

طولت بالهرج صح

المهم بشروني وش صار و يأويلكم لو تقاطعونا

بحفظ الرحمن ...

**المستوى الراقي** · 29-11-2014, 02:23 AM

اهلا اخي المضيف
يالله حية وياهلابك
بالنسبة لي مامشيت في الاختبار هههههه
ان شاء الله اشتغل ع لغتي والتقديم الجاي اقدم من جديد
تحياتي لك ولكل القارءين

**المضيف الجوي** · 01-12-2014, 05:23 PM

هلا بك ي الغلا ...
خيره ان شاءالله .. بس معقوله لهدرجه معقد ؟

ان شاءالله معي الدفعه الجايه بس ي ريت الشباب اللي انقلبوا يخبرونا شو صار معهم

بالتوفيق للجميع ..

**Stardust** · 24-12-2014, 09:22 PM

الحمدلله اجتزت اجراءات القبول وانا الان بالتدريب صار لي شهر تقريباً
التدريب عباره عن
3 شهور انجليزي
اسبوعين كمبيوتر مايكرسوفت اوفيس و ايميل مدري ايش :)
شهرين تقريباً سيفتي وسيرفس

وبس ودعواتكم لنا بالتوفيق.

اي سؤال انا تحت امركم

**المضيف الجوي** · 28-12-2014, 01:27 PM

ماشاءالله تبارك الرحمن عسى الله يوفقك وييسر أمرك
عقبال مانفرح بتخرجك ي رب

يعني الدوره 7 شهور بالكثير ان شاءالله وتكون مخلص
ودنا اذا ما عليك امر تحكي لنا عن إجراءات مابعد الاختبار للي حاب يستفيد يعني الفحص الطبي و المقابله وكم أخذت مده معك وكل هالامور

ندري حتكون مشغول لكن أتمنى ما تحرمنا من مشاركاتك ويومياتك لدفعه القادمه ان شاءالله ..

شاكر لك ي الغالي ولا هنت

**Stardust** · 30-12-2014, 07:09 PM

المشاركة الأصلية بواسطة المضيف الجوي

ماشاءالله تبارك الرحمن عسى الله يوفقك وييسر أمرك
عقبال مانفرح بتخرجك ي رب

يعني الدوره 7 شهور بالكثير ان شاءالله وتكون مخلص
ودنا اذا ما عليك امر تحكي لنا عن إجراءات مابعد الاختبار للي حاب يستفيد يعني الفحص الطبي و المقابله وكم أخذت مده معك وكل هالامور

ندري حتكون مشغول لكن أتمنى ما تحرمنا من مشاركاتك ويومياتك لدفعه القادمه ان شاءالله ..

شاكر لك ي الغالي ولا هنت

بعد الاختبار باسبوعين تقريبا وصلتني رسالة المقابلة
رحت المقابلة بنفس الزي اللي طلبوه اللي هو قميص ابيض وكرفته وبنطلون اسود وجزمة سوداء (وانت بكرامه)

اسئلة المقابلة تختلف من شخص لشخص انا سألوني اسئلة ماسألوها زملائي والعكس صحيح

اول ماوصلت اخذوا طولي ووزني وبعدين دخلت ع المقابلة

الاسئلة اللي جاتني

عرفنا بنفسك؟
معدلك يسمح لك تدخل جامعة كويسة او تبتعث ليش تبي تصير مضيف؟
خبراتك؟
تعاملك مع الجنس اللطيف؟
وش راح تقول لو تطلبت منك بنت بالطيارة الرقم؟ :walr:
كم بنت رقمت لحد الحين؟

وش راي ابوك في انك تصير مضيف؟
تتدري ان المضيف يمكن يشتغل اكثر من 16 ساعة باليوم؟ كيف راح يكون هذا معك؟
تعاملك مع كبار السن؟
موقف ساعدت فيه احد؟
موقف ساعدت فيه كبير سن؟
موقف ساعدت فيه احد وماقال لك شكرا؟ زعلت؟
موقف كنت فيه مره معصب؟ وكيف تصرفت؟ وهل اعتذرت؟
قوم خذ لفة قدامنا

خلصنا المقابلة وانتظرنا اسبوعين بعد
وصلت رسالة الفحص الطبي
فحص دم, فحص بول (وانت بكرامه) فحص نظر, فحص سمع, نفسية, فحص اشعة, تخطيط قلب, اسنان, فحص طول ووزن.

خلصت الفحص الطبي بيومين

بعدها باسبوعين تقريباً
وصلتني رسالة بدا الدورة في جدة

دعواتكم لنا بالتوفيق

**samazezo** · 31-12-2014, 09:21 PM

أريد أن أ عرف موعد مقابلة الخطوط الجوية السعودية بالمغرب

**المضيف الجوي** · 01-01-2015, 01:41 AM

الله يوفقك ي الغالي وييسر أمرك ويجعله بميزان حسناتك ي ربي

أسئلتهم غريبه شوي هههههه ان شاءالله بأرقع لعمري كثير
صحيح كان عندي تعليق بسيط وأظن الكل حاب يعرف هل المقابله بالعربي ولا الانجليزي ؟

بانتظار جديدك وفرحه تخرجك ان شاءالله

**Stardust** · 01-01-2015, 07:26 PM

المشاركة الأصلية بواسطة المضيف الجوي

الله يوفقك ي الغالي وييسر أمرك ويجعله بميزان حسناتك ي ربي

أسئلتهم غريبه شوي هههههه ان شاءالله بأرقع لعمري كثير
صحيح كان عندي تعليق بسيط وأظن الكل حاب يعرف هل المقابله بالعربي ولا الانجليزي ؟

بانتظار جديدك وفرحه تخرجك ان شاءالله

الله يجزاك خير
بالعربي وراح يسألونك تتكلم عن نفسك بالانجليزي
على فكره فيه تقديم قريب حسب ماسمعت
تتدري من بين كل هالاعداد حول 15 الف تقدموا 47 شخص بس انقبل !!!!
والاحتياج مره كبير فحاول تكون مطلع دائم على موقع الخطوط يمكن يفتح بأي لحظة
وبالتوفيق

**المستوى الراقي** · 01-02-2015, 10:09 PM

عدنا
ونقول ولكم باك يارفاق
الاكيد اني جايب لكم خبر حلو
التسجيل مفتوح الان الحقو
وكل واحد يشتغل على نفسة ترا الاختبار حق اللغه صعب شويتين
ع العموم عطونا اخباركم ياللي انقبلتوا قبل هههههه انا بنشرت في اختبارهم
الاكيد بشتغل على نفسي هالايام الين يجي وقت الاختبار
لكم وحشة يارفاق

**مضيف جوي2022** · 11-02-2015, 01:19 AM

هلا وغلا

انا قدمت السنة هذي وبشروا صار في شىء ع التقديم !!

**مضيف جوي2022** · 15-02-2015, 01:03 PM

ياشباب اللى قدم ع الوظيفة يشارك ولو بكلمة ويعطينا الاخبار ليستفيدوا المتقدمين الاخرين

ودمتم بود،،

**المستوى الراقي** · 17-02-2015, 06:32 PM

في انتظار موعد الاختبار .. الله يستر منه

**ibotchi** · 23-02-2015, 03:27 AM

الخطوط السعودية

المشاركة الأصلية بواسطة Stardust

شباب انا اختبرت السنة اللي طافت وعديته وكان الاختبار بسيط نوعاً ما كله قرامر اختيارات مثل اختبار القياس
مافيه اي شيء عن الشركة او عن الضيافة الجوية يعني انجليزي عام
شدوا حيلكم وفالكم التوفيق ان شاء الله

ياليت تقولنا نوع الأسئلة وهل في مقابلة شخصية والا فقط اختبار ورق ، لان اختباري في 3-1 من الشهر الجاي وابي معلومات منك اذا تقدر وشكراَ

**Stardust** · 23-02-2015, 06:57 PM

سيمبل باست والسيمبل برزنت برزنت كونتينواس وبريزنت بيرفكت والخ القرامر كله تقريبا بيمر عليك.
راجع الموقع هذا بيفيدك كثير. http://www.englishpage.com/grammar/index.html
الاختبار قرامر بس وهو ورقي ومثل اختبار القياس بالزبط ورقه للإجابة وكتيب تقرأ منه الأسئله ولا فيه مقابله ولا شي بس اختبار ولما تتجاوز الاختبار بعدين أن شاء الله راح يكون فيه مقابله شخصيه.

**المستوى الراقي** · 25-02-2015, 03:14 PM

السلام عليكم

كيفكم ان شاء الله طيبين
الاختبارات قربت ونبي نماذج لإختبار الخطوط
او مشابه له افزعووو لنا بلييييييييز

**Nazgag** · 26-02-2015, 03:29 PM

السلام عليكم ورحمه الله وبركاته

وبعد ،،،

استلمت ايميل من الخطوط السعوديه قبل قليل بخصوص اختبار اللغه الانجليزيه

للتاكيد ، استلمت بعض الملاحظات المهمه :

فقط في حال مطابقتك لمتطلبات وشروط القبول في البرنامج وهي كالتالي:
1. أن يكون المتقدم للبرنامج سعودي الجنسية و يحمل بطاقة الهوية الوطنية
2. أن يكون المتقدم حاصلاً على شهادة الثانوية أو الدبلوم أو البكالوريوس من إحدى الجامعات السعودية و في حال كونه حاصل عليها من خارج المملكة يجب أن يكون تم معادلتها من وزراه التعليم العالي .
3. أن لا يقل عمر المتقدم عن (21) سنة, و أن لا يزيد عمر المتقدم عن (30) سنة من تاريخ ميلاده الهجري عند تاريخ الإعلان عن البرنامج .
4. ألا يكون المتقدم قد تم فصله من أحد البرامج التدريبية التابعة للخطوط الجوية العربية السعودية

والاختبار شهر مارس بالخبر

بالتوفيق للجميع

ومن لديه اي نموذج من اختبارات الخطوط السعوديه للغه يفزع لنا

انس

**delpiero28** · 09-03-2015, 09:02 AM

السلام عليكم ورحمة الله وبركاته ..

انا اختبرت أمس في الخبر في فندق القصيبي
كان الاختبار كله قرامر ( قواعد إنجليزية )
الاختبار سهل للي يفهم القرامر
بس لم يتم اخبارنا متى تعلن النتائج
اي واحد عنده معلومات يخبرنا

اتمنى التوفيق للجميع

**m7medm** · 15-06-2015, 07:25 PM

بس ياليت لو الشباب الي انقبلو يفيدونا عن تخصصاتهم يمكن الخطوط مميزه تخصصات معينه :/

**ابن محفوظ** · 30-06-2015, 06:18 AM

رد: وظائف برنامج أعضاء طاقم الخدمة الجوية للخطوط السعوديه 2014

السلام عليكم ورحمة الله وبركاته .. صباح الخير عليكم جميعا وكل عام وانتم بخير يارب

انا قدمت ع الاعلان الي قبل الاخير وجاني ايميل بخصوص استقبال طلبي والحاله تبعي في الموقع كانت مقدم على البرنامج وكنت انتظر وقت الاحتبار لكن ما جاني اي ايميل او رساله ارسلتلهم اكثر من رساله استفسر ومحد رد علي وحالتي اتغيرت الى غير متجاوب

زي مو ظاهر في الصوره

وحاليا قدمت على الاعلان الاخير بس خايف انو يحصل معايا نفس الشى اتاكدت من ايميلي ورقمي وكل شى صحيح فا مدري ايش الحل وايش اسووووي خايف تروح عليا زي المره الماضيه .... اتمنى تفيدوني الله يسعدكم ويوفقكم