بسم الله الرحمن الرحيم والصلاة والسلام على نبينا محمد افضل خلق الله

طبعا ياشباب اكيد مافيه احد داخل المنتدى هذا الا حلمه الطيران

انا راح اسرد لكم قصتي وياليت تقرونها للنهايه
طبعا انا صار لي اربع سنوات متخرج من الثانويه العامه وحلمي من لما كنت صغير اكون طيار
والكل كان عارف الشي هذا بين الاهل لدرجة يسموني كابتن طيار

انا من اول ماتخرجت الا الان دخلت جامعتين بعد ماحسيت موضوع الطيران صعب شوي
وماقدرت اكمل لان تفكيري على شي واحد شي واحد وبس والطياران ولا شي غيره
معكم فهد موظف خدمات ارضيه طيران ناس وقريبا مبتعث باذن الله جامعة امبري ريدل

انا من تخرجت وانا ابحث واحاول وادور على مدرسه او اكاديمية طيران وبنفس الوقت اضمن وظيفتي
حالتي الماديه متوسط بس ماتسمح اني ادرس طيران على حسابي وهذا الموضوع اللي صعب الطيران علي نوعا ما لما يأست من موضوع الطيران
بعد ماتوظفت في طيران ناس كنت كل يوم عند الاو سي سي المختص بالكرو وكنت كل يوم استفسارات
لما رسيت على كلمه وحده منهم جامعة امبري ريدل تعتبر من اقوى الجامعات في العالم في تخصص الطيران هذا اذا ماكانت الافضل بلا منازع فصعب انك تتخرج منها بدون ماتلقى وظيفه

طبعا قبلها انا حاولت بجامعات بلندن لقربها من مدينتي الرياض مقارنه بامريكا ولقوة الجامعات هناك

طبعا فالنهايه طلعت بنتيجه من كثر بحثي
مافيه جامعه تدرس بكالوريوس علوم طيران وتعطيك الرخص وتعطيك ساعات طيران غير امبري ريدل
جامعة كينقستون في بريطانيا تعطيك بكالوريوس علوم الطيران بدون الرخص وبدون الساعات واذا تبغاها تدفع عليها ونفس النظام جامعة استراليا ونفس النظام جامعة ليفربول
ماحصلت غير امبري ريدل والحمدلله سفرتي لامريكا بعد استخاره وبعد استشارات كثيره بتكون في شهر اكتوبر وباذن بحقق الشي اللي سعيت وتعبت وراه كثير

المقصد من الموضوع ياجماعه اذا انت انسان غير مقتدر ماليا وماتقدر تدرس على حسابك في مدارس الطيران
مالك الا جامعة امبري ريدل ولاتفكر بغيرها وراح تنظم للبعثه باذن الله لان التخصص علوم طيران معتمد والجامعه معتمده من وزارة التعليم العالي

اخيرا اتمنى لي ولكم التوفيق واتمنى كل من وراه حلم يحققه يارب

ولاتنسوني من دعائكم ومافتحت الموضوع هذا الا للفائده


وشكرا