السلام عليكم جميعا ،




كنت باحجز رحلة لأيام عيد الحج لشخصين من الدمام إلى المدينة ذهاب وعودة ، يعني باقي تقريبا شهر ونص على الموعد .. حصلت التذكرتين على السعودية ب 2000 ريال ، قلت خليني اشوف الاسعار على طيران ناس ، والا احصل الاسعار بدون رسوم اختيار المقعد توصل 5000 ريال لشخصين على الدرجة السياحية؟؟!!! في طيران اقتصادي في العالم سعر الرحلة فيه 2500 للشخص لرحلة طولها ساعة ونص بس؟ خصوصا ان الرحلة مازالت بعد شهر ونص من الآن؟ يعني تذكرة الدرجة السياحية على ناس اغلى من السعودية لدرجة البيزنس؟ !!!




المصيبة انه طلعت لندن ذهاب وعودة على الاماراتية في اجازة عيد الفطر بتذكرة 4500 ريال لشخصين (السعر كان تقريبا نفسه لأغلب الشركات)، الحين احصل سعر اغلى لرحلة داخلية طولها ساعة ونص على طيران المفروض انه اقتصادي؟ !!!


المشكلة انه طائرات ناس ال A320 فيها مقاعد أكثر حتى من مقاعد السعودية على A321 ، المقاعد متروسة والخدمات شبه معدومة ، صراحة مستغرب كيف الناس تشتري تذاكر بهذه الاسعار على هذه الخدمات طالما في مقاعد للسعودية معروضة .. كيف السيستم حق التسعير يشتغل في طيران ناس بهذه الطريقة؟


اجل يا فلا أديل تكفى عجلي وادخلي السوق نزلي أسعار ناس شويتين ..