الى كل المضيفين احكوا لنا عن اختبار السلامة

**sad girl 2** · 05-01-2010, 08:05 AM

رد: الى كل المضيفين احكوا لنا عن اختبار السلامة

السلام عليكم اختى : بســــــم الله الرحمن الرحيـــــــــــــــــــــــــــــــــــــــــــــ ــــــــــــــم

اولا كلمة السلامه على متن الطائره معناها : Safety on board

السلامه تشمل سلامة الركاب على متن الطائره وسلامة المضيفين على الطائره اوكى
each cabin crew is respnsible for teh safety of passengers on board
كل طاقم الضيافه مسئول عن سلامة الركاب على الطائرة
ومسئول عن سلامة الاطفال خصوصا على الطائرة يعنى مراقبة الاطفال مراقبه تاممه على الطائرة والتاكد من عدم لعبهم بالكبريت او الفلاش لايت (الكشافات على الطائرة )
مسؤلين عن سلامة الركاب المعاقين على الطائره ومع المراعاه ان المعاق ده لا يكون جالس جنب باب الطائره عشان لو حصل اى حالة هبوط اضطرارى ليكون اعاقه للركاب والضيافه عن الخروج من الابواب
لازم يتعمل تشيك على الطائرة كل 15 ثانيه للتاكد من عدم وجود اى حريق على الطائره او اى خطأ
وللتاكد من عدم لعب الاطفال باى شئ يضر بالطائره
وفى الاماكن المخصصه لشرب السجاير لازم الضيافه ياخدو بالهم ان الركاب اللى بيدخنو السجاير يكونو صاحيين يعنى ميكونوش نايمين وماسكين السجاير فى ايديهم فاهمين قصدى اكيد ؟
طبعا عدد الكابن كرو على الطائرة بيكون بعدد الابواب على الطائره لحماية الابواب دى
انا ممكن يكون كلامى مختصر شويه بس عشان موضوع السلامه ده يطول شرحه ويحتاج كتب لشرحه بس انا هحاول افهمكم على قد فهمى شويه وانشالله تستفادو منى ......
طاقم الضيافه ان حس باى تحركات غريبه على الطائرة بيقول للشيف اللى هو اعلى من المضيفوالشيف بيبلغ الكابتن علطول عشان يكون الكابتن عارف كل شى بيحصل فى الطائره تحركات غريبه بمعنى يكون فى راكب غريب بيتصرف كده بطريقه اجراميه زى مختطفى الطيارات او بيتكلم عن موضوع الاختطاف او بيتفق مع حد والضيافه سمعتو
مثلا وجود راكب ماسك شنطه ومش راضى يسيب الشنطه دى لدرجة انه يوصل للانسان اللى قدامه ان الشنطه دى فيها حاجه يبقا لازم الشنطه تتفتش عشان ممكن يكون فيها قنبله
الضيافه بيعملو تيشك على galley
فى الطائره ومعناها المطبخ يعنى بيعملو طبعا سيرش عشان ممكن يكون فى اى قنبله على الطائرة واى حاجه بيلاقوها بيبلغو الكابتن علطول
وجود راكب مختل عقليا على الطائرة لازم يكون تحت ملاحظة فرد من الضيافه دائما لحين وصول الطائرة البلد الموجهه لها عشان الراكب ده ممكن يسبب مشاكل فى الطائره نحاول نهديه باى طريقه نحاول نديله مجله يقرا فيها نحاول نبعدو عن الركاب ومنخليش حد يتكلم معاه
نحاول نجيب ليه اى حاجه تشغله عن الركاب
وجود مثلا راكب على الطائره عمل مشاكل مع الركاب زياده عن اللزوم الكابن كرو بيحذرو ويقولو انه بياثر على سلامة الطائره ان استمر فى هذا الشغب والشغب امتد للضيافه قام بضرب الضيافه
بيكون فى اجرائات صارمه مع هذا الراكب لتاثيره السلبى على سلامة الطائره
الاطفال على الطائره بيكونو دايما قاعدين وحزام الامان مربوط ولازم الضيافه تشدد على ده وتربط حزام الامان عليه
ده اللى لازم تبقو عارفيـــــــــــــــــنو وانتو رايحين الانترفيو معلومات بسيطه قوى لاكن لما هتدربو انشالله هيدربوكم على السلامه الكامله كلها على الطائره وعلى الارض وكل شئ

it is a legal requirement throughout the world air lines that cabin crew be carried for
1:the saftey of passengers on board
2:the number of cabin crew is depends upon the number of the exits to be covered
3: how to deal with proplem on board
the other reasons : the passenger ar not always aware of the amount of the saftey ,first aid, cabin service
at finally the cabin crew reflection of the airline

ا

لترجمه : من المتطلبات القانونيه فى كل شركات طيران العالم ان المضيفين والمضيفات بيحملو على الطياره بعدد ابواب الطياره اللى لازم حد يقف عليها يحرسها او بمعنى اصح يغطيها عشان الباب ده طبعا خطر لو اتفتح هتبقا مصيبه كبيره
وازاى اتعامل مع المشاكل على الطياره
وكمان ان الركاب ميعرفوش ازاى يامنو نفسهم على الطياره لان المضيفين بيتم تدريبهم على حاجه اسمها saftey دى ماده معناها ايه الماده دى ؟؟
ان لو مثلا حصل حريق على الطياره ازاى اتعامل معاها ؟؟؟
حصل نقص فى الاوكسجين اعمل ايه ؟؟؟
حصل ثقب فى الباب ؟؟؟
مسلح هيخطف الطياره ؟؟؟ هعمل ايه ؟؟ ودى وظيفتى كمضيفه او مضيف هو ده معنى ال saftey okey ??
ومش ده بس فى كذا حاجه
وكمان فى النهايه لازم المضيف او المضيفه تكوت عارفه انها بتعكس صورة الشركه للركاب او مصر للمصريين بمعنى اصح
لو حبايبى دخلو الانترفيوهات فاهمين كل اللى انا قلته ده وحفظينه او كتبينه هيبقا ميا ميا

اعذرونى انا قلت اللى انا اعرفه بس موضوع السلامه ده اساسا هما بيدربوه فى الشركه اللى هتقبلكم لانه موضوع كبير قوى بس الكلام اللى انا قلتله ده انشالله ممكن يكون الاسئله فيه لازم تبقو عارفين الكلام ده على الاقل لما تبقو مش خبره ويسالكم فى الكلام ده وتقولوه هيبقا حلو ليكم انكم عارفين الكلام ده رغم انكم مشتغلتوش وارجو من كل الناس طبعا اللى اشتغلت تشاركنى فى الرد وان فى اى خطا منى ارجو التصحيح ومتقلوش خالص يابناتيت انشاللله انتو بس حضرو وزاكرو روحو الانترفيو وربنا هيكرمكم واى سوال على الخاص ابعتولى ويارب اكونه افدتك ياداعية الخير ربنا يوفقكم كلكم وافرح بيكم بقا

**sad girl 2** · 05-01-2010, 08:07 AM

رد: الى كل المضيفين احكوا لنا عن اختبار السلامة

يارب اكون افدتك دى حاجه على قدى بقا

**sad girl 2** · 05-01-2010, 08:11 AM

رد: الى كل المضيفين احكوا لنا عن اختبار السلامة

ده بقا يااختى السلامه الطبيه على الطائره هو كبير شويه بس اقريه عشان تفهميه هو اللى انا كتبتهولك يقتصر على الانترفيو وبس انما السلامه على متن الطائره اساسا هتدربو فيها لما تشتغلو انشاء الله

Just a moment...

http://www.flyingway.com/showthread.php?t=24306

Just a moment...

http://www.flyingway.com/showthread.php?t=24307

الدرس الاول والتانى للسلامه الطبيه اقرأى

**sad girl 2** · 05-01-2010, 07:52 PM

رد: الى كل المضيفين احكوا لنا عن اختبار السلامة

ايه يابنات عجبكم الكلام ؟؟؟؟ وفهمتوه ارجو الرد؟؟

**بنت النيل** · 05-01-2010, 09:37 PM

رد: الى كل المضيفين احكوا لنا عن اختبار السلامة

تسلم ايديك يا ساد جيرل
بجد موضوع جميل
و معلوماته كويسه جدا للي معندوش خبرة زيي

ميرسي كمان مره

**Sr.Flight Attendant** · 06-01-2010, 12:26 AM

رد: الى كل المضيفين احكوا لنا عن اختبار السلامة

شرح مفيد يانوران شكرا :)

**sad girl 2** · 06-01-2010, 04:39 AM

رد: الى كل المضيفين احكوا لنا عن اختبار السلامة

تسلملى انك عارف اسمى بجد انا على قدى والله مش اكتر
مرسى ياقمر وربنا معاكى واقريه كويس واكتبيه فى كشكول

**داعية الخير** · 07-01-2010, 01:02 PM

رد: الى كل المضيفين احكوا لنا عن اختبار السلامة

ميرسى يا نوران على ردك انتى انسانة معطاءة شكرا على مساعدتك لكن انا عاوزة اعرف الاسئلة هيكون شكلها ازاى؟
والف مبروك على شغلك الجديد انتى اشتغلتى فى شركة ايه؟ لازم تغيرى sad girlليتناسب مع شعورك بالتوفيق ان شاء الله انتى تستاهلى كل خير

**مايا شريف** · 07-01-2010, 01:41 PM

رد: الى كل المضيفين احكوا لنا عن اختبار السلامة

شى مش غريب عليكى انتى انسانة معطائة دائما من غير مقابل وانا مش عايزة اعرف اشتغلتى ولا لا لان حتى لو مشتغلتيش ربنا بيحبك ومعاكى فى كل خطواتك ويارب يارب يارب يكرمك ويحميكى وياريت بجد تغيرى اسم ساد جيرل لان مينفعش تكون انسانة كدة اوى والناس كلها بتحبك وبتشهدلك وتبقى حزينة خالص تحياتى ليكى بجد

**sad girl 2** · 10-01-2010, 08:20 PM

رد: الى كل المضيفين احكوا لنا عن اختبار السلامة

Merci maya thanks begad ya gama3a mesh 3rfa a2oloko eh begad rbena m3akom klokom aham 7aga bas el sabr

**alsunawy** · 16-01-2010, 12:12 AM

رد: الى كل المضيفين احكوا لنا عن اختبار السلامة

معلومات مهمه فعلا شكرا

**مونيمووو** · 19-01-2010, 02:21 AM

رد: الى كل المضيفين احكوا لنا عن اختبار السلامة

اولا ميرسى على المعلومات الجميله دى يارب تنفعنا فى الانترفيو يارب وثانيا عايزاكم كلكم تدعولى انى اكون السنه دى مضيفه على الخطوط السعوديه يارب حققلى الامنيه دى انا وكل حد نفسه يشتغلها

**مونيمووو** · 19-01-2010, 02:24 AM

رد: الى كل المضيفين احكوا لنا عن اختبار السلامة

اليوم عيد ميلادى ودى امنيتى يارب تتحقق

**nona ozy** · 19-01-2010, 03:20 PM

رد: الى كل المضيفين احكوا لنا عن اختبار السلامة

ميرسى يانوران على المعلومات المفيده دى بس ياريت تقوليلنا المقابله كانت بالعربى ولا بالانجليزى وشكراااا للمساعده

**sad girl 2** · 20-01-2010, 06:28 PM

رد: الى كل المضيفين احكوا لنا عن اختبار السلامة

حبايبى انا معملتش مقابله ده اللى فهمتو من شغلى ومن الماده دى وربنا معاكى ياقمر يارب يارب وكلنا نبقا فيها عشان الحجاب

الى كل المضيفين احكوا لنا عن اختبار السلامة

الى كل المضيفين احكوا لنا عن اختبار السلامة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق