ارجو الافاده

رد: ارجو الافاده

يااخوان انا عرفت المشكله هيه انو اول ماابداء بالطائره على المدرج يكون الارتفاع على 5400 ارجوا الحل كيف اعيد الارتفاع من الصفر

رد: ارجو الافاده

أخي لما يكون ارتفاعك 5400 تكون في الجو أم في الأرض و في أي مطار تصير معك هذي المشكلة

رد: ارجو الافاده

المراقب يعطيك الارتفاعات حسب خطة الرحلة الي انت سويتها ..

مثلا انت حطيت ارتفاعك النهائي للرحلة 33000 . اول ما تقلع المراقب مستحيل يطلعك على 33000 على طول
بيجيبها لك بالتدرج الي توصل ارتفاعك النهائي ..

هذا شي .. الشي الثاني مستحيل المراقب يقول انزل من 30600 الى 9400 وانت اصلا ارتفاعك 9400
هي شيئين
يا اما عداد الإرتفاع عندك مو مضبوط على ارتفاع المطار صح . يعني المطار ارتفاعه 5000 وهو حاط لك 2000 . وهذي حلها بسيط اضغط حرف B من الكيبورد وراح يجيب ارتفاع المطار السليم
الشي الثاني الطائرة نفسها مضروبة او عداداتها فيها خلل . وهذا الي انا ارجحه لسببين الأول انك تقول انها ماكانت تواجهك مع طائرات السمليتر الستاندرد . والسبب الثاني انه لو افترضنا ان فيه فرق بين ارتفاع المطار والعداد الي عندك .. ماراح يتعدى 200-3000 قدم .. وانت الفرق عندك من 9400- 30600 .. فرق هائل

جرب الحلول الي عطيتك وانشالله تتيسر الامور معك

تحياتي

رد: ارجو الافاده

بعطيك معلومة بسيطة عن عدادا الارتفاع
هو مصمم انه يعطيك ارتفاعك بالضبط عن سطح البحر
طبعاً زي ما انت عارف مو كل ارض مستوية على سطح البحر .. فيه مطارات ارتفاعتها توصل للآلاف. مطار ابها كمثال ارتفاعه قرابة ال 6000 قدم .. !!!
فلما تجي تقلع منه طبيعي ان العداد يكون 6000 لأن هذا هو ارتفاعك الحقيقي عن سطح البحر

اذا تبي تعرف انت كم مرتفع عن المطار نفسه فيه عداد ثاني موجود في الطائرات البروفيشنال وما ادري اذا هو في الستاندرد او لا
يجيب لك ارتفاعك عن المطار فقط . ويبدا من 0 الى يوص 2500 ويوقف
وهذا يفيدك في مرحلة الهبوط عشان تعرف بالضبط كم ارتفاعك عن ارض المدرج

تحياتي