مركز باس للتدريب على هندسة الطائرات في مملكة البحرين

**مهندسة بحرينية** · 10-02-2010, 12:06 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة Mohammed-T

مشكووورة أختي على المساعدة ..

بس بغيت أسئلج سؤال أخير ،، إذا بدرس على حسابي جم ادفع كل فصل ؟؟

وكامل جم المبلغ تقريباً ؟؟

وآسف على الازعاج غربلتج معاي ..

العفو من واجبنا...

عادي تقدر تسال اي وقت....

بالنسبة للدراسة مدتها 4 سنوات
سنتين النظري
سنتين العملي

السنتين النظري بتدفع لهم 12000 الف دينار بحريني
يعني كل سنة 6000 دينار بحريني

والسنتين العملي انت تدور مكان ولا شركة تتدرب فيها عشان تكمل وتحصل على الليسن

لاتتردد تسال اي شي احنا حاضرين

حياك الله....

**gulfair320** · 11-02-2010, 09:04 PM

رد: مركز باس للتدريب على هندسة الطائرات في مملكة البحرين

السلام عليكم
يعطيج الله اختي على على الموضوع المفيد
ابي اسالج اختي اذا الشخص يبي يحصل على B1 وهو اصلا شغال
لازم يدرس ولا ممكن يختبر بس؟
انا عندي الرخصة اليمنية والاردنية A&P وتوني راح ابدأ الشغل في طيران الخليج وكنت اشتغل من قبل وعندي خبره سنتين في احدى الخطوط
الحين انا ابي ادرس بروحي واجي البحرين لاجل اختبر,هل هذا ممكن ولا لازم انتظم بالدراسه.

**مهندسة بحرينية** · 13-02-2010, 02:20 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة gulfair320

السلام عليكم
يعطيج الله اختي على على الموضوع المفيد
ابي اسالج اختي اذا الشخص يبي يحصل على B1 وهو اصلا شغال
لازم يدرس ولا ممكن يختبر بس؟
انا عندي الرخصة اليمنية والاردنية A&P وتوني راح ابدأ الشغل في طيران الخليج وكنت اشتغل من قبل وعندي خبره سنتين في احدى الخطوط
الحين انا ابي ادرس بروحي واجي البحرين لاجل اختبر,هل هذا ممكن ولا لازم انتظم بالدراسه.

وعليكم السلام والرحمة
حياك الله اخوي...

بالنسبة لسؤالك
احنا في فترة دراستنا حاولنا ان نقدم الامتحان بدون ماندخل الحصص
لكن الادارة ماوافقت على هالشي
لازم نحضر عدد ساعات معينه حق كل ماده عشان نسوي الامتحان
يعني لازم ننتظم بالدراسة

بس اذا انت تشتغل ماعرف شلون بكون طريقة الدراسة لكم

ماعندي اي فكرة

ان شاء الله احاول اسال لك الادارة وارد عليك باقرب وقت

واسفة على التاخر بالرد

شرفتنا بمشاركتك بالموضوع...

**gulfair320** · 13-02-2010, 10:34 PM

رد: مركز باس للتدريب على هندسة الطائرات في مملكة البحرين

مشكورة اختي
عموما انا جاي البحرين بداية مارس لان عندي كورس في طيران الخليج وبروح لهم وبسألهم وان اشاء الله بآخذ كل التفاصيل

**مهندسة بحرينية** · 15-02-2010, 10:03 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة gulfair320

مشكورة اختي
عموما انا جاي البحرين بداية مارس لان عندي كورس في طيران الخليج وبروح لهم وبسألهم وان اشاء الله بآخذ كل التفاصيل

حياك الله اخوي
وعلى شهر 3 تكون الادارة شوي انتظمت لان الحين تغير المدير

بالتوفيق ان شاء الله....

**Hasan Bahrain** · 15-02-2010, 06:06 PM

رد: مركز باس للتدريب على هندسة الطائرات في مملكة البحرين

صراحة أحس انه المدير اليديد قاعد يحاول يطور المركز

الله يوفقه وان شاء الله يكون عند حسن الظن

**مهندسة بحرينية** · 17-02-2010, 08:31 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة Hasan Bahrain

صراحة أحس انه المدير اليديد قاعد يحاول يطور المركز

الله يوفقه وان شاء الله يكون عند حسن الظن

ان شاء الله
بس استاذ شاكر كان زين
صج تعذبنا
بس تعودنا عليه
اللي يعرفه عدل يعرف انه طيب...

الحين ننتظر النظام اليديد وان شاء الله مانشوف الا الخير...

**Hasan Bahrain** · 18-02-2010, 02:23 PM

رد: مركز باس للتدريب على هندسة الطائرات في مملكة البحرين

يمكن لأني ما احتكيت وايد مع الاستاذ شاكر

لكن في المواقف اللي كنت فيها معاه كان رده سلبي

++++++++

اشرايكم في نتايج الفيزياء ؟؟؟؟!!!!

**مهندسة بحرينية** · 18-02-2010, 09:25 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة Hasan Bahrain

يمكن لأني ما احتكيت وايد مع الاستاذ شاكر

لكن في المواقف اللي كنت فيها معاه كان رده سلبي

++++++++

اشرايكم في نتايج الفيزياء ؟؟؟؟!!!!

اي بالبداية اهو مو واضح حق الكل
بس الله يوفقه...

بالنسبة لموديول 2 انصدمت بس اشوف باللوحه 3 ناجحين
مع ان الامتحان صار اسهل من ايامنا
بس الظاهر الطلبة للحين ماتعودو على اسلوب الامتحانات
ان شاء الله المرات اليايه ينتبهون شلون يدرسون
الله يعينهم

واعرف ناس وايد تعبو بدراستهم وانصدمو بالنتايج
الله يعينهم

ربي يوفق الجميع ان شاء الله...

**jana7i** · 25-02-2010, 02:26 PM

رد: مركز باس للتدريب على هندسة الطائرات في مملكة البحرين

السلام عليكم ورحمة الله وبركاته

باقي لي سنة على التخرج

وشكرا ...
طلبة بيسك 4&5

متدرب في طيران الخليج

**مهندسة بحرينية** · 25-02-2010, 06:14 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة jana7i

السلام عليكم ورحمة الله وبركاته

باقي لي سنة على التخرج

وشكرا ...
طلبة بيسك 4&5

متدرب في طيران الخليج

وعليكم السلام ورحمة الله...
حياك الله اخوي

ماباقي شي وتفتك
الله يوفقك...

بس بسال شرايك بالشغل مع طيران الخليج؟؟

احنا دفعة كلش مو محظوظين
جريب بندش مع طيران الخليج بس بدون مقابل
لازم نرضى لان مافي بديل

الله كريم...

**jana7i** · 26-02-2010, 12:24 AM

رد: مركز باس للتدريب على هندسة الطائرات في مملكة البحرين

التدريييب في باس ما منه فايده
DHL طياييرهم قديمة 727 بس احسن من ايرباس من ناحية الشغل حق HAND SKILLS ايرباس معظم المشاكل كمبيوتر CB RESET وتنحل المشكلة
طيران البحرين طياييير جديدة بس التدريب عندهم صعب
طيران الخليج متروسيييين تريني انجنييير اقل عدد 50 متدرب والشغل ما يخلص 24 ساعة شغل والدوام شفتات 12 ساعة يومين يومين
والفرصة ما تفوت في التدريب لانه في شباب يداومون في الشركة بدون مقابل عشان LOGBOOK
واحنه اصلا نشتغل OVERTIME خاصة عشان
ENGINE CHANGE OR APU CHANGE
فرصة ما تعوض التدريب في طيران الخليج
لانه وايد شباب لو يوفرون لهم الفرصة بيروحون طيران الخليج دون مقابل

مجرد راي شخصي
الله كريم

**مهندسة بحرينية** · 26-02-2010, 03:24 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة jana7i

التدريييب في باس ما منه فايده
DHL طياييرهم قديمة 727 بس احسن من ايرباس من ناحية الشغل حق HAND SKILLS ايرباس معظم المشاكل كمبيوتر CB RESET وتنحل المشكلة
طيران البحرين طياييير جديدة بس التدريب عندهم صعب
طيران الخليج متروسيييين تريني انجنييير اقل عدد 50 متدرب والشغل ما يخلص 24 ساعة شغل والدوام شفتات 12 ساعة يومين يومين
والفرصة ما تفوت في التدريب لانه في شباب يداومون في الشركة بدون مقابل عشان LOGBOOK
واحنه اصلا نشتغل OVERTIME خاصة عشان
ENGINE CHANGE OR APU CHANGE
فرصة ما تعوض التدريب في طيران الخليج
لانه وايد شباب لو يوفرون لهم الفرصة بيروحون طيران الخليج دون مقابل

مجرد راي شخصي
الله كريم

شجعتني اني اقبل.....
الواحد ماياخذ الا نصيبه
الحمدلله...

**همتارو** · 05-03-2010, 05:38 PM

رد: مركز باس للتدريب على هندسة الطائرات في مملكة البحرين

شنو شالفو الresit بس مرتيين في الشهر ؟؟

في ناس عليهم وايد مواد ): وكله full

على فكرة صحيح الخبر ؟؟ ناديا الexaminer ??

**Engineer Bahrain** · 05-03-2010, 07:34 PM

رد: مركز باس للتدريب على هندسة الطائرات في مملكة البحرين

احنا طلبنا من الاخوان نسوي عريضة وكل واحد يوقع فيها ويكتب رقمة الاكاديمي
وكذلك تخصيص يوم في الاسبوع الامتحانات....
ولكن هل من مجيم كل يخاف...
تحياتي....

**مهندسة بحرينية** · 05-03-2010, 08:34 PM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة همتارو

شنو شالفو الresit بس مرتيين في الشهر ؟؟

في ناس عليهم وايد مواد ): وكله full

على فكرة صحيح الخبر ؟؟ ناديا الexaminer ??

هاذي الحل مؤقت
ووعدنا المدير انه بشوف هالموضوع وبحاولون يزيدون الاعداد ويعدلون الوضع

اي صحيح الامر بخصوص ناديه

بالتوفيق للجميع ان شاء الله...

**Hasan Bahrain** · 05-03-2010, 11:34 PM

رد: مركز باس للتدريب على هندسة الطائرات في مملكة البحرين

خبر نادية صحيح

والمدير قال لنه انه بيزيدون أيام الاختبارات

بحيث انهم بيفتحون العصر مجال حق الاختبارات

**مريض المحبه** · 16-03-2010, 12:30 PM

رد: مركز باس للتدريب على هندسة الطائرات في مملكة البحرين

اي ناديه الي تحط الامتحانات

عاد هذي تحب تتفلسف انا قدمت 17 الامتحان القديم كان سههل وايد

وهي حاطه لنا امتحان من قلب الكتاب بس الحمد لله كنت مغطي الكتاب كامل وقاري كل شي فيه وقدمت زين

**Hasan Bahrain** · 16-03-2010, 01:42 PM

رد: مركز باس للتدريب على هندسة الطائرات في مملكة البحرين

الحمدلله انك سويت زين

انه عندي عقب يومين موديول 6

والحمدلله لحد الآن راجعت كل شي ماعدا بوك 3 اللي يتكلم عن wood

كلش مو طايقه ومو عارف شلون ابتدي فيه

خاصة الاستاذ اللي كان يدرسنه أول حرف من اسمه ( اياز ) :)

**مريض المحبه** · 16-03-2010, 02:34 PM

رد: مركز باس للتدريب على هندسة الطائرات في مملكة البحرين

^
هههه انت قلت اسمه كامل مو اول حرف

عموما موديول 6 شوي يبيله دراسه لانه مو سهل

**مريض المحبه** · 16-03-2010, 02:35 PM

رد: مركز باس للتدريب على هندسة الطائرات في مملكة البحرين

شباب في احد عنده خبره عن هالموضوع ؟

Just a moment...

http://www.flyingway.com/showthread.php?goto=newpost&t=81652

عيزت ادور بالانترنت مالقيت شي !

**مهندسة بحرينية** · 17-03-2010, 11:07 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة Hasan Bahrain

الحمدلله انك سويت زين

انه عندي عقب يومين موديول 6

والحمدلله لحد الآن راجعت كل شي ماعدا بوك 3 اللي يتكلم عن wood

كلش مو طايقه ومو عارف شلون ابتدي فيه

خاصة الاستاذ اللي كان يدرسنه أول حرف من اسمه ( اياز ) :)

ههههههه
احنا بعد في ايامنا ماكان المدرس زين
شاطر يقرا الكتاب لنا

اعتمدنا على نفسنا بالدراسه والحمدلله نجحنا

اذا درست الكتاب عدل باذن الله بتنجح
وطبعا الكتاب اللي ماتحبه وايد يات منه اسئلة لما احنا خذينا هالماده
لا تهمل ولا كتاب
لان ماتدري شنو بييك بالامتحان

بالتوفيق ان شاء الله....

**مهندسة بحرينية** · 17-03-2010, 11:10 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة مريض المحبه

شباب في احد عنده خبره عن هالموضوع ؟

Just a moment...

http://www.flyingway.com/showthread.php?goto=newpost&t=81652

عيزت ادور بالانترنت مالقيت شي !

للاسف اني ماقدر اساعد
ماعرف شي للحين
ماخذيناه

ان شاء الله يقدرون يساعدونك باقي المهندسين

بالتوفيق...

**Dream Liner** · 31-03-2010, 08:36 AM

رد: مركز باس للتدريب على هندسة الطائرات في مملكة البحرين

موضوع لا بأس به على الرغم من بعض المبالغات والمغالطات فييه ..

عموما اقدر ارد على الاستفسارات الصحيحة للأسئلة بعيدا كل البعد عن المغالطات اللي ذكرت ..

اولا: بالنسبة للهيئة التدريسة في باس .. بشكل عام في منهم زينين وفي منهم لا ..
نادية ..تانيا .. راؤؤل من احسن المدرسين في باس وكل واحد واختصاصه ..
مثلا ناديا اختصاصها m15 m17 .. تانيا .. m7 m11 .. راؤؤل .. اي شي الكترونيكس ..
فرناندو M3 M4 والورك شوب ..
اما اياس فلا عزاء عليه ..

بخصوص البعض اللي يسأل عن الرواتب ..
بشكل عاام .. راتب المهندس في الشركات الاقليمية امثال الخليج .. والامارات والقطرية ..الخ بحدود 2000 الى 3500
وطبعا المشوار للوصول لوظيفة المهندس شوي طويل ويبيله مجهود .. ما فيوم وليلة تتخرج وتصير مهندس ..

وحسب اللي اطلعته من ردودكم تقولو في ناس عندها سبع او ثمان مواد resets
اللي عنده هالكم الهائل من المواد انا انصحه انه يطلع من هالمجاال . لأنه اذا ما مشى على البيسك .. ما بيقدر ينجح في الtype course واللي بشكل عاام اصعب ومحتاج تركيز اكثر ..
انا خلال دراستني فباس رسبت في مادة وحدة والسبب اني اعتمدت على الكوشن بانك اللي يتوزع عند الطلبة وندمت على هالشيء .. ولكن تعلمت كثير .. والحين قريبا بحصل الليسن مالي وبسوي التايب كورس ..

احد الاخوة سأل اذا يمكن يدرس او يقدم امتحانات بس ..
والجواب : ايوة يصير .. لكن لازم علشان تقدم الليسن .. تقدم معااه logbook يمثل خبرة عملية من خمس سنوات ..

في بداية الموضوع .. كأنه صاحبة الموضوع تقول انه ممكن تدرس طيران في بريطانيا سنة وحدة بعد ما تخلص .. وجوابي لهالموضوع .. هو انه حتى اللي ماعنده اي خلفية في الطيران ممكن يدرس طيران لمدة سنة ويخلص .. هالمجالين ما لهم علاقة ببعض من ناحية الليسن ..
اما بخصوص القبول والتسجيل .. فالاخت جاوبت بشكل واضح ..

نصيحتي لكل اللي يريدو يدخلو هالمجال .. قبل كل شي .. لا تنخدعو بالاسامي والتصورات
لأنه ممكن يكون الواقع عكس احلامكم الوردية .. وخذو النصيحة من اللي عايشها ..

**Dream Liner** · 31-03-2010, 08:42 AM

رد: مركز باس للتدريب على هندسة الطائرات في مملكة البحرين

لتخصصات:

ينقسم تخصص هندسة الطيران الى قسمين:
B1 اهمة اللي بكونون صوب المحركات
B2 بكونون صوب الالكترونيات والcockpit
(avionic)

للتصحيح .. كلهم يشتغلو في المحركات والcockpit
في الengine في اشياء كهربائية وبشكل عام في كامل هيكل الطائرة حتى في الwaste tank
في اشياء الكترونية .. يضطر مهندس الافيونيكس يروح ويبدل الsensor اذا كان خربان ..وانا اقولكم انه الوضع كريه ولا يتصور ..
وممكن انه يتعلق في الwing علشان يغير الليت .. وهالشيء عادي ..

**Dream Liner** · 31-03-2010, 08:52 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة مريض المحبه

السلام عليكم

اختي مشكوره ماقصرتي

انا حاليا ادرس بباس " تونا مكملين النظري وقريب بندش بالعملي

لاكن صايره شوي خربطه ومحتاج توضيح

اولا بالعملي " مدتها سنتين " بشتغلها بدون راتب ... وقلت اوكي

بس يوم سألت احد الاشخاص عن معدل الرواتب بعد " السنتين تريننق " يعني بداية الشغل قالي الراتب بيتراوح مابين ال 500 الى 600 دينار !!! معقوله ؟ انا الي كنت اعرفه ان البيسك للراتب هو 1200 دينار ؟ " هذا حتى مال الكونتر ياخذ اكثر من 500 !

يوم قلت له هالكلام قالي هذا بعد ماتاخذ تدريبات على نوع الطياره وتقدر توقع للطياره هني بتاخذ البيسك 1500 دينار ! السؤال شكثر الفتره الي بتاخذ علشان اقدر اوقع للطياره ؟ وشنو هي التدريبات الي محتاجه هالشي ؟ وهل تنصيحني اهد باس وقت العملي واشتغل بشركه ثانيه ؟

تعديل : ايه صح نسيت وهل دراستنا تعتبر دبلوم ؟ ولا ماجستير ؟ ولا ايش بالضبط ؟ لانهم ولامره تكلمو عن هاللشي !

اوكي ..
طبعا اول ما تخلص لازم تشتغل سنتين على اساس انك aircraft Technician
وطبعا معاش التكنيشن يختلف من شركة لشركة .. في طيران الخليج بحدود 500-600 ..
في الSIAEC .. بحدود 900 ..
بعدها تقدم لليسن وتحصل الليسن .. تدخل على تايب كورس على الطيارة اللي مفروض تشتغل عليها .. وعادة ياخذ شهرين اذا كانت الطيارة 320 او ثلاثة اذا كانت 330 340 ..
بعدها لازم تشتغل على الطيارة لمدة على الاقل اربع شهوور ...
وبعدها اذا مشت امورك في السليم يعتمد على الشركة اللي تشتغل فيها ..
في طيران الخليج يسوولك امتحان شفوي يسمى الboard .. ويسألوك عن كل شي .. وطبعا اذا كنت انت زين راح يعطوك الapproval انك توقع على طياييرهم .. في هالحالة راتبك المفروض يكون بحدود 1650 Basic
180 social allowance
100-200 license allowances
200-500 shift allowance
40 transport allowance
10 mobile phone allowance
.. الخ ..
بالاضافة الى الاوفرتايم اللي يوصل 500 شهريا ..

عموما هذا بيصير لما تحصل الابروفال ويعينوك على اساس انك licensed approved Engineer
وطبعا لازم تحص بعين الاعتبار انه طيران الخليج عندهم اكثر من خمسين متدرب .. فأكيد الاولوية في التعيين للأفضلية والاسبقية .. لأني ماعتقد انهم ممكن يحطو الكل في وقت واحد مهندسين الا اذا اذا صار شيء قوي وفتحو facility يديدة للصيانة ..

هذا بالنسبة لطيران الخليج ..
وكل شركة لهم ميزاتهم .. وفي النهاية بشكل عام الرواتب متقاربة .. لأنه هذا هو الstandard of pay scale in this region

**Dream Liner** · 31-03-2010, 08:56 AM

رد: مركز باس للتدريب على هندسة الطائرات في مملكة البحرين

على فكره اختي انا سألت بوفهد بخصوص الباكلريوس والدبلوم وطلع كلامج صحيح

هو مو باكلريوس ولا دبلوم بس قريبه من الباكلريوس < يمكن هذا احسن شي بهالجامعه التعبانه لول

للتصحيح .. الليسن يعتبر شهادة مهنية .. او ما تسمى ب professional certificate
وما تعتبر شهادة اكاديمية .. ولكن اذا حسبتوها من المعيار الاكاديمي .. هي تساوي تقريبا الدبلوم العالي ..
لأنه في جامعات فبريطانيا تحصل عندهم الباكلريوس بعد سنة وحدة دراسة عقب الليسن ..

**Dream Liner** · 31-03-2010, 09:01 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة مهندسة بحرينية

ههههههههه عليكم بالعافية
عاد بس الحين يدلعونكم بعددين بتنكرفون عدل
الله يعينكم بطلعون هالدلع من عينكم

انا سالت لك حق موديول 8 ماحصلت الاسئلة
المشكلة لانه كان سهل ونجحنا محد اهتم ان يكتب
الله يهداكم فوتو على عمركم الفرصة

وحق assay 9 سمعت اخر خبر ان ياهم الstress يعني اذا احد حاب يقدم

الله يستر من مديرنا اليديد يا يعفس الجامعه او يعدلها
تعودنا على ظلم شاكر
ولا عاد احنا كل مجابلينه
ههههه زين مايكفخنا

لان اخر مرة رسبنا في assay7 بطلع عينا

الله كريم وايي مدير يرحمنا
عشان ندعي له ما ندعي عليه

وراؤول ماخذ الامر لعبه حضرته وهالاسبوع مابيشرح من الكتاب
كالعاده من الكمبيوتر عن engine ماندري متى بنكمل
حالتنا ماساة

الحمدلله
الله كريم....

تعودتو على ظلم شاكر ؟!

رأيي الشخصي تجاه شاكر .. هو انه اصدق انسان قابلته في مسيرتي المهنية ..
انسان صريح وما عنده لف ودوران .. وفي ناس تكرهه لأنها ما تحب تسمع كلامه الصريح الواقعي ..
شاكر له فضل كبير علينا .. ويكفي انه عدل الكثير من الخرابات اللي تركها له العيار اللي ادار الكلية قبله ..

**Hasan Bahrain** · 01-04-2010, 01:12 AM

رد: مركز باس للتدريب على هندسة الطائرات في مملكة البحرين

اخوي دريم لاينر حابين نسمع بشكل أكثر عن فرص العمل والتايب ريتينج للدفعات الجديدة اللي بتتخرج بعد سنة تقريباً اذا ممكن ؟

**Dream Liner** · 02-04-2010, 02:48 AM

رد: مركز باس للتدريب على هندسة الطائرات في مملكة البحرين

المشاركة الأصلية بواسطة Hasan Bahrain

اخوي دريم لاينر حابين نسمع بشكل أكثر عن فرص العمل والتايب ريتينج للدفعات الجديدة اللي بتتخرج بعد سنة تقريباً اذا ممكن ؟

اوكي ...
فرص العمل .. بصراحة ماعندي معلومات دقيقة بهالخصوص .. لكن كل اللي اعرفه انه شركات الطيران في البحرين عندها تشبع تام ..
لأنه عندي اصدقاء من basic 2,3 للحين ما حصلو وظيفة .. وكل اللي قدرت تسويه لهم باس انه يرسلوهم كل مرة مكان علشان يكملو الtraining مالهم .. وقريب بيقدمو على لياسنهم وان شاء الله راح يعطوهم تايب ريتنج على طيارة A320 .. حسب كلام مدير المعهد ..
الدفعات الجديدة ما عندي اي معلومة عن متى بيسوو التايب لهم .. وكله يعتمد على العقد بين المتدرب والكلية .. هل العقد يشمل تايب ولا لا ..

مركز باس للتدريب على هندسة الطائرات في مملكة البحرين

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق