تويت
:ANSmile15:السلام عليكم ممكن حد يقول ايه احسن الاماكن لتعليم اللغة وهل القوات المسلحة حلو لاني سئلت ناس وقالوا انهم مستفدوش كتير فهل حد عندو تجربة او معرفة ما هي افضل معاهد اللغة في القاهرة
ارجو الاهتمام وشكرا
ارجو الاهتمام وشكرا
-
-
رد: افضل معاهد تعليم اللغة الانجليزية في القاهرة
افضل معهد هو معهد الثقافي البريطاني بالعجوزة هو غالي بس بيخليك perfectفي الانجلش و بعديها الجامعة الامريكية بس الافضل المعهد ان جربت معهد القوات المسلحة حتى المدرسة اللي درستلي قالتلي كدة المعهد الثقافي البريطاني و شكرا ليك و يارب اكون افادتك -
رد: افضل معاهد تعليم اللغة الانجليزية في القاهرة
حبيبتى انا بحت كتير فى الموضوع دة انا هاقولك الخلاصة بس الامانة الموضوع منقول
اولا: الجامعه الامريكيه
اولاً: الكورسات العادية
عدد المستويات 13 مستوى وعدد ساعات الدراسة فى الاسبوع 3 ساعات
ومدة المستوى الواحد 3 شهور ورسوم المستوى الواحد 465 جنيه لأول مرة
والاستمرار 495 جنيه ورسوم الامتحان 50 جنيه اول مرة وبعدها عند الاستمرار 75 جنيه
ثانياً: الكورسات المكثفة
عدد المستويات 6 مستوى عدد ساعات الدراسة 6 ساعات فى الاسبوع
ومدة المستوى الواحد شهر ونصف
ورسوم المستوى الواحد 930 جنيه لأول مرة والاستمرار 990 جنيه
ورسوم الامتحان 50 اول مرة وبعدها 75 جنيه
ثالثاً: المحادثة
عدد المستويات 6 مستوي وعدد ساعات الدراسة 6 ساعات فى الاسبوع
ومدة المستوى الواحد 3 شهور ورسوم المستوى الواحد 930 جنيه اول مرة والاستمرار 990 جنيه
والامتحان 25 اول مرة والاستمرار 50 جنيه
ملحوظة:معنى "اول مرة" هو انك عندما تبدأ تأخذ اول كورس لك
ومعنى الاستمرار هو باقى المستويات الباقية لك
مواعيد الدورات:
الدورات العادية:
17 سبتمبر-15 ديسمبر
23 يناير-17 ابريل
4 مايو - 27 يوليو
3 اغسطس - 30 اغسطس
الدورات المكثفة:
4 نوفمبر - 17 ديسمبر
5 مارس - 17 ابريل
15 يونية - 27 يوليو
فروع الجامعة
28 شارع الفلكى - باب اللوق
2 شارع الخليفة الهادى من الامام على - ميدان الاسماعيلية - مصر الجديدة
تعليق
-
رد: افضل معاهد تعليم اللغة الانجليزية في القاهرة
ثانيا معهد بريتلز
من ليفيل 1الي 4 899 جنيه
من ليفيل 4الي 8 999 جنيه
من ليفيل 8 الي 10 1099جنيه
امتحان تحديد المستوي 35 جنيه
الكورس بيكون ثلاث مرات في الاسبوع كل مرة ساعتين ونص لمدة شهر ونص
وده موقع المركز
__________________
نظام التقديم هناك
اولا انت بتطلب الفرع اللى قريب ليك وهو هيحددلك ميعاد
هتروح هتقابل واحد هيشرحلك نظام الكورسات عندهم ونظام الدراسة
وبعد كدة يقولك حدد الوقت اللى عايزين تعملوا فية تحديد المستوى
اماكن التقديم
ده الرابط هتلاقي كل المعلومات اللي هتحتاجها
---------------------------------------------------
نظام الامتحان
الامتحان في بيرليتز قسمين شفوي و تحريري و لازم تعديه علشان تخل المستوى اللي بعده.
الشفوي بتبقى عبارة عن أسئلة بتتسألها في الحياة العامة يعني مثلا لو رحت محل ملابس حتختار تشتري أيه أو لو سافرت بره مثلا حتعمل أيه حاجات من النوعيات دي.
فيه كمان مجموعة بطاقات بتتوزع على الممتحنين و كل ممتحن حيبقى له رفيق و المطلوب إنك تجري محادثة مع الرفيق بتاعك بناء على اللي مكتوب لك في البطاقة.
كمان فيه قطعة بتتقرالك و المفترض إنك حترد على بعض الأسئلة الخاصة بيها و في الغالب بيبقى أيه اللي بتتكلم عنه يعني تقول اللي فهمتهم منها.
نخش على التحرير بيبقى شامل كله بقى كلمات و قواعد و قطع و بيكون طبعا بالنظام الأمريكي الاختيار من متعدد و الإجابة بتبقى في ورقة كل اللي عليك إنك تختار رقم الإجابة الصحيحة لكل سؤال بس كده.
معهد القوات المسلحة للغات
كورس الانجليزي
في 3 أنواع
منهم نوعين زي بعض الاختلاف بينهم بس بيكون في مدة المستوى
النوع الاول
منهم الكورس العادي بيكون 12 مستوى
سعر الكتاب 20 جنيه
سعر السي دي 25 جنيه
مدة المستوى 10 أسابيع
بمعدل 4 ساعات اسبوعي
ا ممكن يكون الـ 4 ساعات دول على يومين كل يوم ساعتين
او في يوم واحد
النوع الثاني
الكورس المكثف بيكون 12 مستوى
سعر الكتاب 20 جنيه
سعر السي دي 25 جنيه
مدة المستوى 5 أسابيع
بمعدل 8 ساعات اسبوعيا
يعني حصتين في الاسبوع
مدة كل حصة 4 ساعات
اما النظام الثالث
اللي بيختلف شوية عنهم
بيختلف في الكتاب ومالوش سي دي
وبيختلف في الاسعار
هو نوع البلازما
ده الدراسة فيه بتكون عن طريف شاشة كبيرة بدل السبورة يعني
وده بيكون 8 مستويات
مدة كل مستوى 4 أسابيع
بمعدل 8 ساعات اسبوعي
ا كل اسبوع حصتين
مدة كل حصة 4 ساعات
وكتابه مختلف عن النوعين السابقين
وبيكون سعر الكتاب 40 جنيه
وسعر المستوى الواحد 320 جنيه
المعهد ليه 3 فروع
1- فرع كوبري القبة
( الفرع الرئيسي وده بيتاخد فيه محاضرات وكمان ده الفرع اللي بنحجز منه وبنشتري الكتب والسي ديهات )
2- فرع الدقي
في شارع نوال بالدقي الشارع اللي امام المركز الثقافي الروسي هو شارع طووووووويل اوي بس موصلاته سهله
3- فرع شبرا الخيمة
-----------------------------------------------
الورق المطلوب للتقديم
2 صورة شخصية + صورة البطاقة
----------------------------------------------
رسم دخول الامتحان
رسم دخول الامتحان ب 20 ج وتديهم صوره البطاقة يطلعك ورقتين كدة باسمك ورقم بطاقتك واحدة ليك والوقة التانية حياخدهها منك ال Instructor اثناء الامتحان .
-----------------------------------------------------------------
نظام امتحان تحديد المستوي
الامتحان 100سؤال علي كمبيوتر 50سؤال Listening و50سؤال Reading
70:74 انت كدة في Level 8
75:78 >>>>>Level 9
79:82>>>>Level 10
اختارى حبيبتى اللى يناسبك بالرغم من كل المعلومات دى فانا ماخدتش كورس لانى بعيدة عن القاهرة اتمنى انى اكون ساعدتكتعليق
-
مافيش احسن من ال british council وهو احسن معهد لتعليم اللغه الانجليزيه ودا عن تجربه شخصيه
الكورس تكلفته 1180 جنيه ومدته شهرين (16 حصه)
ورسوم امتحان تحديد المستوي 80 جنيه علما بأن الامتحان لمرا واحده دا في حال اذا امتحنت وسجلت ( ممنوع تعيد الامتحان ) الابأذن من المدرس بتاعك لو هوا شايف كدا .تعليق
-
رد: افضل معاهد تعليم اللغة الانجليزية في القاهرة
فيه شركة يونيفرسال للتدريب والاستشارات في وسط البلد 18 شارع هدى شعراوى الموبايل 01117582047 دوراتهم التدريبية عبارة عن 12 مستوى وبيعملوا امتحان لتحديد المستوى في البداية وبصراحة المدرسين ممتازينتعليق
-
رد: افضل معاهد تعليم اللغة الانجليزية في القاهرة
british council is not bad !تعليق
تعليق