تجمع الطلاب المتقدين للأبتعاث المراقبة الجوية 1433 هـ

[fast boy]

بسم الله الرحمن الرحيم

السلام عليكم ورحمة الله وبركاته

كيفكم شباب . اخباركم

شباب هذا الموضوع لطلاب المتقدمين للأبتعاث لدراسة المراقبة الجوية لعام 1433 هـ

ونبي من المتقدمين المشاركة وتبادل المعلومات لكي تعم الفائدة للجميع واتمنى من اخوناننا الذين ثم ابتعاثهم

مشاركتنا ببعض المعلومات حول طريقة القبول والأختبارات الخ ...

شباب أتمنى التفاعل والمشاركة نبي نكون متعاونين مثل الدفعات اللي قبلنا

[AhmedAlKhader]

المشكلة إن الدفعة الماضية سحبت علينا سحبة شنيعة يا شيخ !
ما قالوا لنا وش وضع الاختبار.. الظاهر خلوهم يتعهدّون بعدم نشر طريقة الاختبار
شكل الهيئة ما عندهم الا اختبار واحد.. ومالهم خلق يكتبون اسئلة جديدة هههههه

[atc-soon]

بسم الله الرحمن الرحيم

في البداية أسأل الله لي و لكم التوفيق وتحقيق الأحلام

و اسمحلي أكون ثاني واحد ارد عليك

وأضع علامات استفهام على اخواننا اللي سبقونا في الدراسة و الذين لا نجدهم الآن بيننا في المنتدى

حتى يزيلون الاستفسارات اللي في روسنا

شكرا لك

[fast boy]

المشكلة إن الدفعة الماضية سحبت علينا سحبة شنيعة يا شيخ !
ما قالوا لنا وش وضع الاختبار.. الظاهر خلوهم يتعهدّون بعدم نشر طريقة الاختبار
شكل الهيئة ما عندهم الا اختبار واحد.. ومالهم خلق يكتبون اسئلة جديدة هههههه
يارجال هذا حال الدنيا حتى حنا راح نسحب على اللي بعدنا :iconloli:<< ترا يمزح
باقي في وقت واخواننا اللي قبلنا واللي قبل اللي قبلنا فيهم الخير والبركه وان شاء الله راح يساعدونا ببعض المعلومات

[AhmedAlKhader]

يلا إن شاء الله نتوفّق بمشيئة الله..
ونقابل بعض في المطار وحنا رايحين كندا (فيس طموح)

[atc-soon]

يارجال هذا حال الدنيا حتى حنا راح نسحب على اللي بعدنا :iconloli:<< ترا يمزح
باقي في وقت واخواننا اللي قبلنا واللي قبل اللي قبلنا فيهم الخير والبركه وان شاء الله راح يساعدونا ببعض المعلومات


يا أخي يمكن ما فيه وقت عشان كذا ساحبين ههههههههه

الا سمعت انه الدفعة اللي قبلنا سافرت بعد سنة من القبول صح هالكلام ؟

[fast boy]

بسم الله الرحمن الرحيم

في البداية أسأل الله لي و لكم التوفيق وتحقيق الأحلام

و اسمحلي أكون ثاني واحد ارد عليك

وأضع علامات استفهام على اخواننا اللي سبقونا في الدراسة و الذين لا نجدهم الآن بيننا في المنتدى

حتى يزيلون الاستفسارات اللي في روسنا

شكرا لك
هلابك اخوي
وان شاء الله اخواننا اللي قبلنا راح يفدونا ويجاوبوا على اسئلتنا

[atc-soon]

كندا !!!

اخبرها نيوزلندا

[AhmedAlKhader]

يا كندا يا السويد
هذا اللي متاكد منه !

[fast boy]

شباب البعثة وين في موقع هئية الطيران مكتوب نيوزلندا وهنا فيه موضوع مكتوب كندا ؟

[atc-soon]

ما يهم أي ديرة أهم شيء القبول

[AhmedAlKhader]

السنة الماضية نيوزلندا حتى الاحظ اللي درسوا هناك درسوا 3 سنوات
أما احنا بندرس سنتين فقط !!
يعني أكيد فيه فرق بالدولة

[fast boy]

اخوي السنة الماضية كانت الدولة نيوزلندا وكانت مدة الدراسه سنتين
يعني اتوقع هالسنة نفس الدولة وعدد سنوات الدراسه
خلنا نقبل الحين ثم بعدين يصير خير

[atc-soon]

شباب وش وضعكم مع الثانوية من متى متخرجين لأن شغلة الثانوية للحين قلقان منها

>> ناشب لكم ههههههه

[atc-soon]

يا إخوان في أحد عناوين المواضيع أحد الأعضاء من المراقبين في جدة كتب الابتعاث لكندا

[AhmedAlKhader]

شباب وش وضعكم مع الثانوية من متى متخرجين لأن شغلة الثانوية للحين قلقان منها

>> ناشب لكم ههههههه

لا ما عليك إن شاء الله
لو كانت الثانوية مشكلة، كان ما حطوا الاعوام السابقة
هم أصلا يدورون للي مثلك :_);

[atc-soon]

لا ما عليك إن شاء الله
لو كانت الثانوية مشكلة، كان ما حطوا الاعوام السابقة
هم أصلا يدورون للي مثلك :_);


اللي مثلي :violent6:

[fast boy]

ايه اللي مثلك وشرواك ههههه
ياخوي وراك متقروش من الثانوي من متخرج انت ؟

[atc-soon]

ههههه شرواك الطيب

يا أخي وش أسوي حريص على الموضوع كثير و فرصة ما أبيها تضيع

سبق وكتبت 1429هـ - 1430هـ

وعلى كلام الاخوان في الموضوع وضعت 1430

[fast boy]

لا تقلق وضعك في السليم ض1 يعني في السيف سايد
انا خريج 1431 -1432
وحطيت 1432

[atc-soon]

إن شاء الله خير

[DHIS14]

انا اللي اعرفه ان الابتعاث لكندا او السويد

بس مثل ماقال احد الاخوان لو يودونا الخرخير بس اهم شي القبول

مع اني مدري وش هي الخرخير ههههههههههههههههه

الا على فكره عندي سؤال محيرني
اول ماسجلت بياناتي وكل شي وخلصت
قالو لي اطبع ورقة التقديم وجيبها مع المرفقات التاليه
1- اصل بطاقة الاحوال مع صورة منها
2-................
..........الخ

المهم هل الاشياء اللي طلبوني اياها اعطيهم ذحين يعني في الايام هذي
ولا بعد مايردون علي ويقولون قبلنااك قبوول مبدئي؟؟؟؟

وفي الاخير الله يسعدك ياصاحب الموضوع ويسعد اللي يرد علي

[atc-soon]

اما يردون عليك في القبول المبدئي

و الخرخير محافظة من محافظات السعودية بس مدري وينها هههههه

[DHIS14]

يافضيحتي في بلدي وما اعرفها
وانا احسبه مثل في ايام الجاهليه
هههههههههههههههه

عز الله قبلوني مراقب

اظن مالي الا جامعة عزوز

الله يوفق كلو سديق سيم سيم مافي واسطه << هي ترجم هههههههههه

ومشكووور اخوي عالمعلومتين

[fast boy]

أخوي DHIS14 (http://www.flyingway.com/vb/member.php?u=111363)
الله يسعدك بعد

اذا تم قبولك المبدئي اطبع استمارة التقديم وحضر أوراقك المطلوبة
طبعا القبول المبدئي ماراح يطلع الا بعد 8/28 لانه في هذا التاريخ يقفل التسجيل

الله يوفق الجميع .

[DHIS14]

امين يارب
وان شاء الله نتقابل في كندا او السويد ونسولف ونشرب قهوة كنديه او سويديه على الانهار والشلالات

واذاكر في احد الغابات واسمع الاغنيه اللي في بالي ويتفطر قلبي حنين الى الوطن واركض في المساحات الخضراء واذهب هنا وهناك

هههههههههههههه ماكني تحمست شوي

عالعموم الله يوفقك اخوي ويوفق الجميع

والله ما حمسني اشترك بالمنتدى الا موضوعك الشامل والجمييل (:

[DHIS14]

وللاخوان الراغبين في التسجيل

فالتسجيل مفتوح الى 28- 8- 1433هـ

وهذا هو الرابط
http://www.gaca.gov.sa/SRS/Pages/RegisterationForm.aspx

بالتوفيق

[fast boy]

الله يسلمك أخوي . وان شاء الله نشوف تفاعل اكثر من الأعضاء
واتمنى من الزوار المسجلين في البعثة التسجيل في المنتدى
لتبادل المعلومات ونشوف وضعنا والله يوفق الجميع .

[احمد 22]

السلام عليكم

بخصوص اللي يقولو اننا سحبنا على المنتدى ..يا اخي غلطان .. نحن الان في اهم مرحلة في كورس الانجلش..يعني صعب تلقى وقت فراغ..

بخصوص الاختبارات ::
اولا: استبيان الشخصية :: طرقته اون لاين يعني وانت في بيتك .. تقريبا 45 سؤال.رابط الاختبار يجيك على الايميل يعني كل يوم شيك على الايميل من تاريخ تقديمك.
بعدها اذا شافو انك تصلح للوظيفة يرسلو لك على الايميل انك مطابق لمتطلبات الوظيفة بالاضافة الى موعد الاختبار الاول.

ثانيا:: الاختبار الاول(النظري): وهو عبارة عن 5 اختبارات وتعتمد على البديهه والسرعة بمعنى ممكن تجيك 50 سؤال في 5 دقائق.والنتيجة بعد نهاية الاختبار . ياخذون اعلى 6 درجات في الاختبارات للمقابلة الشخصية وهي في نفس اليوم وهي بالانجليزية بس لاتخافو بسيطة ممكن تكون دقيقتين ..وبعدها يعطيك موعد للاختبار الثاني (العملي).

ثالثا: الاختبار الثاني (العملي): وهو اختبار غير كتابي وهو مقسم الى :اختبار الرادار - المقابلة الشخصية (ستكون حول الاستبيان اللي عبيته اول شي) -اختبار الكمبيوتر - الاجتماع وهو تجتمعو بعد نهاية الاخبارات ويعطونكم موضوع للتناقش ويركزو من خلاله على مدى تفاعلك وعملك الجماعي - اختبار اللعة الانجليزية وهو لتحديد المستوى

وهنا معلومات عنه http://www.flyingway.com/vb/showthread.php?t=102448

بعد نهاية الاختبارات لجميع الطلاب ...تفرز اسماء الطلاب المقبولين مبدئيا وهم تقريبا 32 طالب لاجراء الفحص الطبي واجراءات الفيزا. بعدها تعلن النتيجة النهائية للمقبولين

وهنا نهاية مسلسل التقديم::::::

بعدها تنتظروا موعد السفر ........


اتمنى اني وفقت في توصيل المعلومة

كان معكم اخوكم احمد العطوي..من طلاب الدفعة الثانية
ادعو لنا بالتوفيق............سلام:icon_arrowl:

[fast boy]

الله يعطيك العافيه أخوي أحمد كفيت ووفيت
بس ممكن تقولي كم عدد الطلاب اللي تم ابتعاثهم السنة اللي راحت ؟