المساعد الشخصي الرقمي

مشاهدة النسخة كاملة : سؤال فنى الى خبراء الاماديوس

جنة للسياحة
26-12-2007, 08:31 PM
عاوز اعرف صلاحية التذكرة ياترى اية ميعاد انتهائها اعرفة ازاى ومنين؟
ابو مشاري
26-12-2007, 08:47 PM
هناك نوعين من الصلاحيات هذا الكلام لتذاكر آياتا الرسمية
صلاحية التذكرة نفسها مدتها عام تمدد لمدة 5 أعوام ثم يتم استرجاع مبلغها أو يخسرها الراكب.

صلاحية السفر على القطاعات في التذكرة تبدأ من التاريخ الموجود غير صالح قبل وينتهي كل كوبون بنهاية التاريخ الموجود في خانة غير صالح بعد في نفس الكوبون
جنة للسياحة
26-12-2007, 09:27 PM
شكرا ولكن فينة مكتوب فى التذكرة الالكترونية؟
looma
27-12-2007, 01:24 AM
بص ياباشا موضوع صلاحية التذكرة نفسها زى ما شرحلك الاخ العزيز عربى
بالنسبة للصلاحية للسفر دى هى اللى اكيد انت قصدك عليها ودى بتبقى مهمة جدا
وهى بتكون قسمين غير صالحة قبل NOT VALID BEFORE-NVB
وغير صالحة بعد NOT VALID AFTER- NVA
غير صالحة قبل دى بتبقى من ساعة المغادرة تاريخ المغدرة يعنى فى الكوبون الاول
غير صالحة بعد بتبقى وصول الكوبون الاخير
فية حاجة تانية ممكن تكون انت قصدك عليها وهى صلاحية السعر
بعض الاسعار بتكون محددة بشهر او اتنين او3 او6 او.......
ودى بتبقى مهمة لما تيجى تعمل اعادة اصدار
يعنى مثلا واحد واخد سعر صالح لمدة شهر من تاريخ مغادرة الكوبون الاول
والشهر دة باقى فية 5 ايام مثلا من بعد تاريخ مغادرة الكوبون التانى يقدر المسافر انة
يغير الحجز على نفس السعر والتغيير دة يكون فى خلال ال5 ايام دى لو عايز يخلى المعاد او الحجز بعد ال5 ايام يبقى هتضطر انك تحط التذكرة على سعر شهرين
وتحسب الفرق بين سعر الشهر(القديم) والشهرين (الجديد) علشان الراكب يدفعهم دة بالاضافة لغرامة تغيير حجز ان وجدت ا وغرامة NO SHOW ان وجدت برضة
بالنسبة للصلاحية تعرفها من كود السعر على التذكرة ومكانها بيختلف من نوع لاخر من التذاكر الورقية اما الاليكترونية هتلاقيها موجودة فى اخرالصف اللى مكتوب فية السيكتور ورقم الرحلة والموعد هتلاقية مثلا بالشكل دة HSLEM1Mودة صالح لمدة شهر لان اخرة 1Mيعنى شهر واحد
فى التذاكر الورقية اللى طالعة من مصر هتلاقية فى نفس المكان بتاع الالكترونية
التذاكر الى يطلق عليها OPATB اللى ديما لونها اخضر مصنوعة من الكرتون
هتلاقة فوق السيكتور الاول وخلى بالك من النوع دة من التذاكر لانة يتم تزويرة بسهولة وفى طريقة مخصوصة للكشف عن تزوير هذا النوع فقط من التذاكر
DG20771234567890/7
رقم الكوبون رقم التذكرة
هيطلعلك رقم لو كان هو نفسة موجود بعد رقم التذكرة تبقى سليمة لو مش هو تبقى مزورة وتستدعى وكيل المكتب عشان يتخذ الاجراء المناسب والتحفظ على التذاكر المزورة وممكن يكون ليك مكافاة لان المفروض انها لو عدت عليك واكدتها تتحمل تمنها قانونا بس دة مش بيحصل لان مش معقول كل التذاكر اللى زى دى تكشف عليها
بالتوفيق لك
السلام عليكم
جنة للسياحة
27-12-2007, 02:44 PM
اشكرك سيد / اسلام
raouf_jordan
28-12-2007, 03:45 PM
تعقيب فقط
في تذاكر يوجد عليها فتر صلاحيه محددة و غير قابله لالاارجاع
شكرا
sameh_78
29-09-2008, 03:28 PM
الف شكر والله يعافيك