خدمة من فضلكم

[أبوسعود]

السلام عليكم..
أخواني الخبراء ..أحببت استشارتكم فيما يخفى علي..حيث أني خريج المعهد الثانوي الصناعي قسم كهرباء..و الحمد لله نسبتي جيدة..وأتمنى الالتحاق باحدى اكاديميات الطيران في المملكة ليس هدفي أن أصبح طيارا إنما رغبتي في أن أدرس كهرباء الطائرات أو ما يقارب هذا التخصص.. فهل هذا متاح لي في كليات و أكاديميات المملكة ام لا؟؟ وأرجو ارشادي الى ذلك ان كان متاحا و مواقع الاكاديميات وما يتبع ذلك بالتفصيل..
وجزاكم الله خيرا

[صقر الثمامه]

حياك ابو سعود

آمل مراسلتي على الخاص ...

--------------------
تحيــــــــــــــــاتي

[ناصر_787]

أعتقد اخوي مالك غير أكاديميه الامير سلطان قسم تدريب وتقنيه صيانه الطائرات لأني أعرف اللي يدرسوا فيها خريجي الكليات الصناعيه وهذا اللي هم طالبينه للتقديم,,,والله يوفقك

[أبوسعود]

الله يعطيكم العافية وشكورين على الاهتمام والله..
طيب الاكاديمية هذاي في جدة صح؟؟ما فيه في الرياض؟؟
طيب ما لها موقع على النت؟؟ وكم مدة الدراسة فيها؟؟
وجزاكم الله الف خير

[AboAyoob]

أكاديمية الامير سلطان - والأن تغيرت الى جامعـــة الأمير سلطان
موجودة بالرياض (من زمان ما رحت جدة)
أشوف لك موقعهم على النت - بس و ش تطلب أكثر الشباب يساعدونك

[أبوسعود]

الله يجزاك الف خير والله ما قصرت ..أنا اعتقدت انها في جدة
والله كل اعضاء هالمنتدى رجال ونشاما ما عمري شفت مثلهم تعاون ومساعده وتواصل على طول معاك وفي كل وقت ماشالله ..الله يوفقهم ويرزقهم من واسع فضله ..
طيب كيفية التقديم عليها كيف؟؟ وهل هي برسوم او حكومية؟؟واذا هي برسوم كم؟؟وسنوات الدراسة فيها؟؟
وطبعا اكيد دراستها صعبة ما يبغى لها كلام ..واذا فيه من الاعضاء من يدرس او درس فيها ياليت اتواصل معاه..
واعذروني لو ثقل عليكم بس والله نعدكم اخوان..

[Flying Way]

وهذا موقع اكادمية الامير سلطان للعلوم الطيران


http://fo.sv.net/psaa/ (http://fo.sv.net/psaa/)<!-- stamps hack --><!-- / stamps hack --><!-- / message -->

[AboAyoob]

الدراسة بفلوس (يمكن تغيرت بعض الاسعار)
لأن الجامعة تعرف بدعم من رجال الأعمال و أهل الخير
إذا كنت متفوق بالسنة الأولى - تكمل باقي السنوات مجاني (على شرط ما يطيح معدلك بالسنة الثانية) وهذي ناحية تشجيعية كبيرة

التخصصات - مرموقه وجميعها يطلبها سوق العمل (مثل ما يقولون بنشرات الأخبار للأسهم)
- يبغى لك بكره تروح لقسم عمادة القبول
طريق الملك عبدالله - قبل أسواق صحارى وانت طالع غرب على يدك اليمين (عند كلية الاتصالات سابقاً) وسأل بنفسك أحسن
والله يوفقك ان شاء الله

[أبوسعود]

الله يجزاك الف خير يا استاذ Flying way والله ما قصرت الله لا يحرمنا منك..

[أبوسعود]

الدراسة بفلوس (يمكن تغيرت بعض الاسعار)
لأن الجامعة تعرف بدعم من رجال الأعمال و أهل الخير
إذا كنت متفوق بالسنة الأولى - تكمل باقي السنوات مجاني (على شرط ما يطيح معدلك بالسنة الثانية) وهذي ناحية تشجيعية كبيرة

التخصصات - مرموقه وجميعها يطلبها سوق العمل (مثل ما يقولون بنشرات الأخبار للأسهم)
- يبغى لك بكره تروح لقسم عمادة القبول
طريق الملك عبدالله - قبل أسواق صحارى وانت طالع غرب على يدك اليمين (عند كلية الاتصالات سابقاً) وسأل بنفسك أحسن
والله يوفقك ان شاء الله


الله خليك ومشكور الف شكر والله ما قصرت ..بارك الله فيك وكثر الله امثالك..

وجزاكم عني خير الجزاء والله احرجتوني بخدماتكم الفورية ..