الى المضيفات المنتظرين الرد من الخطوط السعوديه.

[alia ahmed]

السلام عليكم ورحمة الله وبركاته.
انا حابه اتعرف على كل البنات اللى اتقبلوا فى الخطوط السعوديه.
وحابه اطمنهم واقولهم ميقلقوش انا و اصحابى على اتصال بال"افر جرين"مكتب الخطوط السعودى فى طلعت حرب.
وقريبا انشاءالله هيتصلوا .بس هيا مسالة وقت لان فى قبلنا الاخوات المغربيات فكل تاخيره وفيها خيره.
اما بخصوص جواز السفر فتوكلوا على الله واعملوه لان حكاية الجواب اللى قالو عليها لغوها
عشان انشاء الله لما نمضى العقد هم الى هيغيروا الوظيفه.
وياريت لو حد فيكوا بيشتغل يصبر على شغلوا لحد لما يتصلوا بينا ونعرف راسنا من رجلينا.
ولو حد لى اى استفسار انا موجوده.انشاءالله اكون طمنتكم.

[Sr.Flight Attendant]

شكرا ليك اخت علياء وبالتوفيق لكم جميعا ,,

[Shahrazan]

ربنا معاكو

[wama77]

السلام عليكم ورحمه الله
اولا ازيك يا اختى فى الله وبنت بلدى ؟وعاملة اية؟
ثانيا انتى كنتى فى المجموعة الاولى فى الكشف الطبى ولا التانية (يعنى يمكن شفتك ولا حاجة )
ثالثاو اولا واخيرا ( ربنا مع الجميع اميييييييييييييييييييييييييييييييين
الصراحه الكل بيتسال اية التاخير دا كلة الواحد كان حاسس يوم التجمع انهم هيتصلوا فى نهاية الاسبوع مش فات شهر ههههههههههههههههههههههههههههههههه
بس فعلا الواحد ميعرفش الخير اية وفين والله المستعان
واسمحيلى هو فعلا مش هيدونا جواب علشان تغير المسمى الوظيفى فى الباسبور ؟
طيب هما عايزين ورق تانى بمعنى فيش وتشبية او ورق من مكتب العمل او اى شئ من هذا القبيل
ولكى جزيل الشكر والعرفان ونتقابل على خير باذن الله تعالى
والله الموفق

اختك التى تحبك فى الله

[khadijamardiya]

بالنسبة للمغربيات مازال هناك 3 رحلات كل رحلة ستضم 22 مضيفة و الرحلات سوف تكون على الشكل التالي
الاربعاء 16 ابريل
الاربعاء 23 ابريل
الاربعاء 30 ابريل

حظ سعيد للجميع

[alia ahmed]

السلام عليكم ورحمه الله وبركاته
انا تمام الحمدلله يا اخت wama77
انا كنت فى المجموعه التانيه.وياريت اتعرف عليكى.
انا عارفه تاخيرهم يقلق لكن اكيد كل تاخيره وفيها خيره باذن الله.وفات الكتير وما تبقى الا القليل.بصى انا عملت البسبور بالتخرج يعنى على حسب ما موجود فى البطاقه.لان منطقيا لو فكرتى فيها مينفعش نكتب فى البسبور مضيفه الا لما ناخذ الرخصه ونمضى العقد.

[alia ahmed]

وشكراااااااااااااااااااااااااااااااااااااااااااااا ااااااااااااااااااااااااااااااااااااااااااااا
لمشاركتكم جميعا.

[wama77]

السلام عليكم ورحمه الله
علياء حبيبتى مدام كنتى فى المجموعه التانية يبقى اكيد شفنا بعض
اصلى انا برضوا كنت فى المجموعة التانية
هههههههههههههههههههههههههههههههه
وشكرا ليكى على ردك عليا فى حكاية الباسبور
بس انا معملتوش نظرا لكلامهم فى اللقاء اللى تعمل (لانهم ساعتها قالوا فى جواب وما الى ذلك
حتى كان فى ناس معاهم بسبور فقالوا لهم انهم لازم يغيروه لما يخدوا الجواب )
بس انتى مردتيش عليا فى حكاية الاوراق الاخرى زى الفيش والتشبية ومكتب العمل وما الى ذلك .......
على العموم جزاكى الله خيرا
وسعيدة جدا انى اتعرفت عليكى

اختك فى الله

[alia ahmed]

برده ماعرفتش انتى مين؟بس بخصوص الاوراق الاخرى مش مطلوبه منك على ما اعتقد لان الفيش والتشبيه عشان يعرفوا لو ليكى سابقه ههههههههههههههههههههههههههههههه
اما تصريح العمل مالهوش لازمه لانك رايحه تتدربى مش تشتغلى ولما نشتغل انشاء الله لازم نعمل الاوراق ديه.

[alia ahmed]

وبتمنى من اللى عنده اى معلومه او راى او مساعده بخصوص الموضوع ده ياريت يشاركنا.

[Sr.Flight Attendant]

والله انا زي ماقالت الاخت خديجة بأنو لسة المغربيات جايين خلال الثلاث الاسابيع في كل يوم اربعاء بس لسة ماسمعت شي عن المصريات ,, ولكن لاتخافو لأن المغربيات من فترة طويلة منتظرين ,, وربنا معاكم ,,

[khadijamardiya]

هناك رحلة واحدة فقط تخص المصريات ستكون بعد انتهاء 3 رحلات من المغرب

[wama77]

هناك رحلة واحدة فقط تخص المصريات ستكون بعد انتهاء 3 رحلات من المغرب

السلام عليكم ورحمه الله
اولا شكرا لكى على الاهتمام والردود
بس ليا استفسار
يعنى اية رحلة واحدة فقط للمصريات ؟
يعنى كلنا باذن الله تعالى هنسافر مع بعض؟

وجزاك الله خيرا

[alia ahmed]

السلام عليكم جميعا.وشكرا على مشاركتكم.
لكن بصراحه الواحد مش فاهم ايه اللى بيحصل الامور مش واضحه بالنسبه للاخوات المغربيات لانهم بداوا التدريب من 5-3 على حسب علمى .
هو عمتا الواحد مش مستعجل لان الحمدلله وصلنا لمرحله كويسه.بس ياريت لو حد عند فكره عن الحياه هناك والدراسه ازاى؟يوضح لنا عشان نستعدلها ونبقى قدها باذن الله.

[wama77]

السلام عليكم ورحمه الله
انا فعلا بضم صوتى لصوت عالية وياريت حد يقولنا الحياة هناك عاملة ازاى والتدريبات والدروس سهلة ولا صعبة ؟طيب هو فى حد بيسقط لا قدر الله ؟طيب نسبة كتيرة ولا قليلة ؟
يعنى من الاخر عايزة تقرير مفصل عن كل حاجة واى حاجه علشان الواحد فعلا يتوكل على الله ويستعد وطبعا الله المستعان
وشكرا لكم جميعا

[khadijamardiya]

بالنسبة للمغربيات كل رحلة تضم 22مضيفة اما بالنسبة للمصريات لا اعلم العدد بالتحديد.
ام بالنسبة للتدريبات فالامور في المتناول ادا كانت لديك رغبة في التعلم فضروف المعيشة هنا جد ممتازة من مبيت و ملبس و ماكل بالاضافة الى الاجواء الحميمية بين الفتيات .

[robyhanem]

يا اخوات معنى كلامكم ده اننا مش هنسافر الا بعد ما المغربيات يسافروا يعني بعد 30 /4 انا مش فاهمه يا ترى هو ده اللي كنتم تقصدوه ؟

[wama77]

بالنسبة للمغربيات كل رحلة تضم 22مضيفة اما بالنسبة للمصريات لا اعلم العدد بالتحديد.
ام بالنسبة للتدريبات فالامور في المتناول ادا كانت لديك رغبة في التعلم فضروف المعيشة هنا جد ممتازة من مبيت و ملبس و ماكل بالاضافة الى الاجواء الحميمية بين الفتيات .

السلام عليكم ورحمه الله
اولا جزاكى الله خيرا اختى فى الله خديجة على اهتمامك وردودك
ثانيا ربنا يطمنك يارب زى ما انتى طمنتينى بالنسبة للمبيت والمعيشة والناس وكدة
بس معلش ممكن تستفيضى اكتر بالنسبة للتدريب خاصة النظرى
يعنى عايزة اعرف اذا كانت الدراسة باللغة الانجليزية هى والامتحان ؟
والامتحانات سهلة ولا صعبة سواء فى النظرى او حتى فى التدريبات العملى ؟
واى شئ تانى يخص الدراسة والتدريب والمرحلة التاهيلية او اى شئ اخر
معلش طولت عليكى بس ياريت تفيدينا
اوك

اختك فى الله

[جاليلو العرب]

بالتوفيق لكم جميعا وما شاء الله متحمسات جدا

اتمنى لكن التوفيق واعتقد الاخ احمد عنده خلفيه عن الكورسات

[robyhanem]

كمان انا مش فاهمه هما الاخوات المغربيات هناك في جده ولا لسه هيسافروا ؟

[Rona]

ربنا يوفقكم كلكم وتسافرو وتنجحو فى التدريب

[robyhanem]

شكرا يا رونا بس معنديش اي اخبار جديده عن معاد السفر ؟

[Rona]

للأسف يا روبى معرفش حاجة عنكم
أنا كنت مقدمة معاكو ومتقبلتش بس
أنا بتمنالكو كل خير

[alia ahmed]

شكرا لجميع مشاركتكم."wama22,robyhanem,rona,khadijah"
واتمنى منكم مره ثانيه ان تساعدونا بالنسبه لدروس التدريب والاختبارات لنتعرف اكثر على المهنه ولكى نتكيف معها.
وانشاءالله اجد الرد على هذا الطلب قريبا ومشكووووووووووووووووووووووور مقدما اللى هيساعدنا.اختكم فى الله عاليه

[robyhanem]

عاليه انا زيي زيك ولا اعرف حاجه عن التدريبات انا مستنيه من المكتب انهم يردوا عليه ياريت انت لو تعرفي حاحه عن الموضوع ده تقوليلي

[wama77]

السلام عليكم ورحمه الله
اخر حاجة عرفتها ان المصريات هيسفروهم على فوجين او جزئين واحدة فى شهر خمسة والثانية فى شهر ستة وطبعا اعملو جواز السفر علشان هيطلبوه لما يتصلوا باذن الله تعالى
هذا والله اعلى واعلم
وبالتوفيق للجميع

[robyhanem]

عرفتي منين يا مروه احكيلي

[wama77]

لا حكاية ولا حاجة
واحدة جزاها الله خيرا من اللى كانوا معانا وانا اتعرفت عليها اتصلت بيا وهى اللى قالت لى الاخبار دى
وهى جبتها من ناس اقربها عايشين فى السعودية
تقريبا سالوا فقاللهم كدة
وادى كل الحكاية

[A.T.M.Pilot]

يا جماعة أنا مش موظف في الخطوط و لا حاجة
بس اللي اعرفه ان الاختبارات سهلة عندهم
يعني لا تشيلوا هم و أكيد الدراسة بالانجليزي
شدوا حيلكم انتو و ان شاء الله تتوفقوا في هذه المهنة
و أتمنى لكم الخير
تحياتي لكم

[robyhanem]

انا كمان سمعت ان السفر هيكون في اول شهر 6 وهنسافر على 3 مجموعات زي ما حصل مع الاخوات المغربيات يعني لسه بدري علينا الكلام ده انا عرفته من واحده اعرفها اتصلت بالمكتب وقالوا لها كده والله اعلم .