المساعد الشخصي الرقمي

مشاهدة النسخة كاملة : طلب مضيفات للخطوط السعودية من ( مصر )

الصفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39
المعتز
31-08-2008, 11:18 PM
بسم الله الرحمن الرحيم

سيكون هذا الموضوع يخص طلب الخطوط السعودية لمضيفات من جمهورية مصر العربية من باب تنظيم المواضيع

تضعون فيه استفساراتكم وملاحضاتكم بخصوص انترافيو

الخطوط السعودية بالقاهرة ان شاء الله وايضا تجاربكم وماحدث معكم بالانترفيو مع تمنايتنا للجميع بالتوفيق والنجاح

سوف تنقل هنا جميع المشاركات الخاصة بأنترفيو الخطوط السعودية بالقاهرة فقط
riham salm
14-01-2009, 09:18 AM
Hi يا جماعة انا اتصلت بالخطوط الجوية فى مصر و هما دلوقتى بيخدوا cv من البنات العنوان وسط البلد عمارة افير جرين الخطوط الجوية السعودية و رقم التليفون 25747575-25785561-25785562-و بعدين اضغط على صفر للتحويل على الابريتور معلش ممكن الرقم مش يجمع بسهولة عشان فى ضغط على التليفون بس الارقام صحيحة و الأجازة يوم الجمعة و ساعات العمل من 8 صباحا الى 4 عصرا و بالتوفيق للجمبع و ادعولى معاكو و لو عرفت حاجى تانى هبلغكو
Mai
14-01-2009, 02:11 PM
هاي يا ريهام
كنت عايزة اسئل عن طيران السعودية لو قبلنا انشاء الله المقر في السعودية ولا في base في مصر و هل في شروط جزائية زي شركات مصر
Sr.Flight Attendant
14-01-2009, 02:54 PM
عند القبول اخت مي يكون البيز في جدة ان شالله ..
وبالنسبة للشروط الجزائية تقصدي من اي ناحية .. ؟؟
ولكن عامة مافي شروط جزائية لو حبيتي تستقيلي ان كان هذا القصد ..
riham salm
14-01-2009, 02:56 PM
هاى يا مى
المقر هيكون فى السعودية فى كمبوند فى جده و مافيش base فى مصر و مافيش اى شرط جزائى فى العقد و كمان ممكن الحجاب و ممكن تكونى متجوزه او هتجوزى مافيش مشكلة و ممكن للحامل اخذ اجازة سنة بدون راتب و بعد كده ترجع تانى و مافيش تقديم خمور حتى فى الرحلات الاوربية و يوم الاجازه مسموح تخرجى من الساعه 7 صباحا الى الساعه 12 فى الليل مش بعد كده و ليكى 5 ايام اجازه فى الشهر و شهر كل سنه و ليكى 5 او7 تذاكر على ما اتذكر free على مدار السنه ممكن تنزلى الى اهلك او تروحى الى اى بلد تريديها و بالتوفيق و انشاء الله نتقابل قريبا فى الانتر فيو
lolo Abdullah
15-01-2009, 09:56 PM
ممكن ياجماعة لو سمحتم حد يكتب عنوان مكتب الخطوط السعودية فى القاهرة بالظبط علشان نبعت عليه السى فى , لأنى من أسكندرية ومش اقدر اروح مخصوص علشان اسيب السى فى بتاعى. وشكرا لكل مجهوداتكم جميعا.



الخطوط الجوية السعودية 10 ش طلعت حرب برج ايفير جرين القاهرة
من مصدر موثوق
24-01-2009, 11:21 PM
تم تعديل موعد المقابلات الشخصيه فى القاهره لتبدء بتاريخ السبت 21 فبراير 2009 ان شاء الله .
Dadoo
30-01-2009, 04:33 AM
بسم الله الرحمن الرحيم
السلام عليكم ورحمه الله وبركاته
انا اسمى داليا , من مصر وبحب خط الطيران جدا لانه فعلا مفيد وخصوصا
الكابتن / احمد موسى جزاه الله عنا كل خير
المهم انا قدمت السى فى بتاعى ومنتظره الرد بس فى بعض حاجات قلقانى جدا يعنى مثلا انا طولى 158 سم ووزنى حوالى 54 كيلو
كمان اللغه بتاعتى مش قويه وكمان انا خجوله جدا ومرعوبه من الانترفيو جدا
Sr.Flight Attendant
30-01-2009, 11:00 AM
بسم الله الرحمن الرحيم
السلام عليكم ورحمه الله وبركاته
انا اسمى داليا , من مصر وبحب خط الطيران جدا لانه فعلا مفيد وخصوصا
الكابتن / احمد موسى جزاه الله عنا كل خير
المهم انا قدمت السى فى بتاعى ومنتظره الرد بس فى بعض حاجات قلقانى جدا يعنى مثلا انا طولى 158 سم ووزنى حوالى 54 كيلو
كمان اللغه بتاعتى مش قويه وكمان انا خجوله جدا ومرعوبه من الانترفيو جدا

الف شكر ليك اختي وان شالله تستفيدو وتشغلو كلكم ..
بالنسبة للطول والوزن متناسبين مع بعض ..
بس الطول حاولي ترفعي نفسك وقت القياس يعني دول 2 سم بس ..
موضوع الخجل والرعب انا اشوف انو مافي سبب يخليك تترعبي ..
تحلي بالثقة وبالايمان وادخلي ووقت الانترفيو حاولي انك ماتبصيش في عين اللي بيكلمك ..
لأن احترام الشخص وهو بيتكلم بيكون النظر في مثلث الوجه اللي هوا العينين والفم
فحاولي لما تتكلمي مع احد تبصي في عينيه وفمه بنظرات خاطفة مش تركزي في مكان واحد وبكدا يبان خوفك او قلقك ..
اما موضوع الخجل فهوا سمة حلوة في الاناث .. وسمة احترام في الرجال ..
اتوكلي على الله ولا روحي وانتي قد نفسك ..

وبالتوفيق .
Dadoo
02-02-2009, 10:08 AM
السلام عليكم ورحمه الله وبركاته
يا ريت يا جماعه لو فى مضيفات فى الخطوط السعوديه من مصر واعضاء فى خط الطيران
يعرفونا تفاصيل الانترفيو والمراحل اللى مروا بيها حتى اصبحوا مضيفات ؟
ولكم جزيل الشكر ,,,,,,,,
Sr.Flight Attendant
02-02-2009, 12:25 PM
اهلين دادو .. المراحل ..
التقديم بعد الاعلان في الصحف الحلية ..
الاتصال بالمتقدمات للدخول الى الانترفيو ..
الدخول للانترفيو اسئلة سهلة وقياس الطول والوزن ..
وبعد كذا يشوفو المقبولين مبدئيا ً ..
وبعد كذا الكشف الطبي ..
وبعدين ارسالهم للسعودية لبدأ التدريب ..


ولا اسهل ..
Dadoo
02-02-2009, 05:48 PM
اهلين دادو .. المراحل ..
التقديم بعد الاعلان في الصحف الحلية ..
الاتصال بالمتقدمات للدخول الى الانترفيو ..
الدخول للانترفيو اسئلة سهلة وقياس الطول والوزن ..
وبعد كذا يشوفو المقبولين مبدئيا ً ..
وبعد كذا الكشف الطبي ..
وبعدين ارسالهم للسعودية لبدأ التدريب ..


ولا اسهل ..
هههههههههههههههههههههههههه
والله يا كابتن مش عارفه اشكرك ازاى انت بتتحمل كتير اوى انا حاسه انى بقيت غلسه
اشكرك على الرد وعلى سعه صدرك
meshmesh_feras
03-02-2009, 01:02 AM
هل لسة فية تقديم للمصريات من مصر فى الخطوط السعودية؟؟؟ ولا كدة ميعاد الانترفيو انتهى؟؟؟
حاولت الاتصال لكن ما كانش في رد
وهل اى حد راح ممكن يقوللى؟؟
شكرا


لسه الموعد مفتوح وبامكانك تروحي المكتب علي طول وتقدمي اخر ميعاد يوم الاربعاء
salma86
03-02-2009, 01:46 PM
صباح الخير كيفكم كلكم عندى سؤال بالنسبة لتقديم المصريات مش المفروض نبعت الاوراق المطلوبة بالبريد؟ ولا ايه لانى لقيت الناس فى المنتدى بيقولوا انترفيو هو لسه بدأ اصلا ولا ايه
ياريت حد يوضحلى من المصريات واكون شاكرة جداا واتمنى التوفيق لينا كلنا جميعا
zeezoom
03-02-2009, 03:04 PM
اختى salma86
الانترفيو لسه مبدئش
المفروض تقدمى اوراقك دلوقتى ويستحسن بنفسك
لان البريد بياخد وقت اكيد
وبالتوفيق لينا كلنا يا رب
المعتز
03-02-2009, 03:52 PM
الموضوع جديد بتاريخ اليوم
3 فبراير 2009
بالتوفيق للجميع
Sr.Flight Attendant
03-02-2009, 03:58 PM
خطوة حلوة يبو فهد ..
المعتز
03-02-2009, 04:48 PM
خطوة حلوة يبو فهد ..

الله يسلمك يابو موسى تسلم حبيبي
المعتز
03-02-2009, 04:50 PM
بالنسبة للاخوات اللي يستفسرون على الوزن والطول
ارجو ان يفيدكم هذا الموضوع

الأطوال والأوزان المعتمده فى الخطوط السعوديه للمضيفات (http://www.flyingway.com/vb/showthread.php?t=22725)
frawla
04-02-2009, 09:14 PM
ياريت ياجماعة من فضلكم لو اتصلوا بحد علشان الأنترفيو ابقوا قولوا علشان نطمن ونعرف مكان الأنترفيو فين وربنا يوفق الجميع
black_flower
07-02-2009, 12:19 AM
first i want to say thanks for the best guy ever mr : ahmed mosa because he is really a helpful man and too kind and he do his best for all and make all that without anything just for help people thank you sooo much captin ahmed mosa =)
then i wanna ask anybody if u know when they ganna call us after the last day of taking the C.V thanks and i hope the best for all
wintersonata123
07-02-2009, 01:24 AM
ياجماعة انا عايز اعرف هل طلب المضيفات من مصر لسه مفتوح باب التقديم ولا لا يعنى اقدر اقدم ولا لا ؟؟؟؟ ارجوا الافادة
Dadoo
07-02-2009, 02:19 PM
السلام عليكم ورحمه الله وبركاته
انا اتصلت النهارده بالخطوط السعوديه وبالنسبه للانترفيو هيبدا ان شاء الله على اول مارس
وبالنسبه لو حد عايز يقدم ممكن النهارده او بكره بالكتير
ربنا يوفقنا جميعا,,,,,,,
frawla
07-02-2009, 05:31 PM
هو الميعاد أتغير لأول مارس؟ مش كانوا بيقولوا 21 فبراير .ياترى الصح ايه بالظبط
kareenaegypt
08-02-2009, 01:00 AM
ممكن لو عضوة من المنتدى معاها أرقام تليفونات الخطوط السعودية بالقاهرة ممكن تكتبها
انا عارفة العنوان بس عايزة أتصل بيهم الاول أتأكد من تقديم الاوراق واكون شاكرة ليكم جدا.
Dadoo
08-02-2009, 12:13 PM
ممكن لو عضوة من المنتدى معاها أرقام تليفونات الخطوط السعودية بالقاهرة ممكن تكتبها
انا عارفة العنوان بس عايزة أتصل بيهم الاول أتأكد من تقديم الاوراق واكون شاكرة ليكم جدا.


حبيبتى الارقام هى ..

0225785562 -0225785561 - 0225747575

بس يا ريت تتصلى بسرعه علشان تلحقى تقدمى
وربنا يوفقنا جميعا ,,
wintersonata123
08-02-2009, 05:03 PM
طيب يا ترى هما ليهم ميل نقدر نبعت عليه الورق والسى فى ولا لا ؟؟؟
black_flower
08-02-2009, 09:07 PM
el a7san ank tro7y be nafsak 3alshan mafesh 3`er el bareed we el breed bya5od wa2t
من مصدر موثوق
09-02-2009, 01:47 AM
المقابلات فى القاهره سوف تكون فى فندق هيلتون رمسيس ان شاء الله.
بوسي كاتي
09-02-2009, 02:00 AM
ياجماعه انا مصريه ومقيمه في السعوديه بتبوك وعايزة اشتغل في
الخطوط السعودية داخلي ممكن تساعدوني اعمل ايه واقدم فين؟؟