المساعد الشخصي الرقمي

مشاهدة النسخة كاملة : لجنة الخطوط السعوديه المتواجده فى القاهره لسنة 2009

Hend
22-02-2009, 09:16 AM
السلام عليكم ورحمة الله وبركاته
حبيت اكتب عن اللجنه هذه السنه لان اللجنه فى هذا العام مختلفه ونشهد لها بالمجهود الرائع والعدل فإنها كانت منصفه فى تعاملها مع المتقدمات وهذا بغض النظر عن النتجه لاننا لم نعلم الى الان نتيجة الانترفيو بس انا حبيت اكتب هذا الموضوع لشكرهم واطمن البنات على انه لن يكون هناك مايشهد بالاختلافات الكثيره مثل ماحدث فى عام 2008
واللجنه كانت مكونه من 3 اشخاص وكان الانترفيو سهل وغيرمتكلف ويمتاز بإتاحة الفرصه للمناقشه وعدد المتقدمات بيكون حوالى 100 بنت كل يوم
وان شاء الله تستمر اللجنه لاخر يوم بهذه الطريقه
ان شاء الله ربنا يوفقنا جميعا والله يكتب لنا الخير جميعا يارب
Sr.Flight Attendant
22-02-2009, 10:53 AM
اهلين اخت هند
مين اللي كان في اللجنة ؟.
وهل امين غبرة معاهم؟
{yasmeen}
22-02-2009, 12:47 PM
شكرا ياهند

بالتوفيق ليكى يارب وكل المتقدمات

ان شاء الله نسمع اخبار حلوة الايام اللى جاية

ربنا يوفقك ياقمر
Hend
22-02-2009, 08:57 PM
ان شاء الله يارب ياياسمين
والله ياكابتن احمد انا معرفش شكل الاستاذ امين غبره بس هم مش اللجنه اللى كانت السنه اللى فاتت وكان فيه واحد بس من السنه اللى فاتت بس مظهرش السنه اللى فاتت غير الايام الاخيره خالص هو مصرى بس ماسك حاجه فى الاداره هنا بس انت لوحطيت صورة حد منهم هقدر اقولك هم ام لا او ارسلى صورهم على ايميلى بس هم ناس كويسين بس الشديد فيهم شويه اللى هو تالت واحد هومش بيتكلم خالص بس بيكتب ريبورت عنك وانت اعد ومركز فى كلامك جدا وبيكتب كل حاجه بس مش بيسأل كتيرانا معرفش معايه لوحدىكده وله مع باقى المتقدمات وعلى فكره اناجبت سيرة المنتدى هنا وواحد قالى انه هو عارفه
واتمنى يارب يارب انه يوفقنا جمعيا يارب ويكتبلنا الخير يارب
mrna4
22-02-2009, 11:48 PM
طيب ممكن تقوليلنا الانترفيو حصل فى ايه علشان نعرف انا عندى انترفيو فى مصر للطيران وعاوزه اعرف ايه اللى بيحصل ممكن
Hend
23-02-2009, 12:13 AM
mrna4
انا معنديش خلفيه عن انترفيو مصر للطيران
انا بتكلم عن لجنة الخطوط السعوديه فى مواضيع فى المنتدى عن مصر للطيران بس انا والله مااعرف حاجه عن مصر للطيران والانترفيو فى السعوديه مختلف تماما عن مصر للطيران ان شاء الله حد يفيدك فيه واعملى سرش فى المنتدى حتلاقى حاجات عن مصر للطيران بس انامجربتش اعرف عنها حاجه والله يوفقك ويوفق الجميع يارب
salma86
23-02-2009, 03:17 AM
مساء الخير ياهند اولا ان شاء الله تكونى احلى مظيفة وربنا يوفقك وتقبلى
ممكن اعرف منك تفاصيل المقابلة بالظبط وهل فيه امتحان للغة الانجليزية ولا مجرد اسئلة عادية وخلاص ولو اسئلة بس ايه نوع الاسئلة ارجو افادتى بالتفصيل لو مفيهاش تعب عليكى واكون شاكرة ليكى جدا وتانى مرة بجد بتمنالك التوفيق والنجاح ان شاءالله ياهنود
Hend
23-02-2009, 03:26 AM
احب اقول ان اللجنه هذه السنه تتضمن الأستاذ/ عبدالله الطيب شخصيا وهو احد اعضاء اللجنه وهو لم يكن موجود باللجنه فى السنه الماضيه
ان شاء الله نتوفق جميعا يارب
Hend
23-02-2009, 03:29 AM
اختى سلمى اتمنالك التوفيق يارب انتى كمان وان شاء الله تكونى مضيفه فى اقرب وقت بس لاتنسينا وتنسي منتدانا المهم ان الانترفيو سهل جدا ولا يوجد فه صعوبه والاسئله سواء عربى او انجلش فى متناول الجميع بس ممكن تعرفى التفاصيل هكتبها فى موضوع استقطاب مضيفات من مصر علشان مانخلط المواضيع ويكون فى ترتيب وان شاء الله تكونى مقبوله يارب
salma86
23-02-2009, 03:50 AM
شكراااااااااااا كتير حبيبتى هند انا لايمكن انسى من اهدانى لطريق حلمى الوحيد "من علمنى حرفا سرت له عبدا" وهذا المنتدى علمنى كتير واهدانى للطريق الصحيح وان شاء الله نتقبل سوا ونكون اكتر من الاخوات مع بعض زى مابيقولوا انا وابن عمى على الغريب مع ان كلنا عرب واخوة ومفيش غرباء وانا هنتظر منك التفاصيل فى الموضوع فى المكان المناسب له وشكرا
HeRo81
23-02-2009, 11:24 PM
بالتوفيق للجميع يارب ..

في إنتظار المزيد من التفاصيل ..
noha waly
24-02-2009, 01:11 AM
عندي سؤال ليكي يا هند بس بليييييز عايزاكي تردي عليا بسرعه لجنة الخطوط السعوديه المتواجده في القاهره هي نفسها بتاعت الاعلان اللي كان موجود الشهر اللي فات لطلب مضيفات؟ ولو كان كده ايه العنوان و ازاي نروح ولا هما لازم يكليمونا الاول؟ و شكرا ليكي
Hend
24-02-2009, 03:36 AM
عندي سؤال ليكي يا هند بس بليييييز عايزاكي تردي عليا بسرعه لجنة الخطوط السعوديه المتواجده في القاهره هي نفسها بتاعت الاعلان اللي كان موجود الشهر اللي فات لطلب مضيفات؟ ولو كان كده ايه العنوان و ازاي نروح ولا هما لازم يكليمونا الاول؟ و شكرا ليكي

كيف يعنى هى بتاعت الاعلان اللى كان موجود الشهر اللى فات
هو الاعلان نزل والبنات راحت قدمت فى الإداره والإداره اتصلت بالمتقدمات ولسه بيتصلوا لغاية دلوقتى بالبنات وبيروحوا يعملوا انترفيو اللجنه بتيجى كل سنه بتكليف من الخطوط الجويه السعوديه من إدارة التوظيف هناك
وهم اللى بيقوموا بعمل الانترفيو والاختيار من المتقدمات
وفى موضوع خاص هنا فى المنتدى بيتناقشوا فيه البنات عن كل مايتعلق بتفاصيل المقابله من اسئله ادخلى فيه قبل ماتروحى الانترفيو وانتى لوماقدمتى هم مش هيتصلوا لانك ماقدمتى بس انا اقولك خدى السي في تبعك وروحى
هيلتون رمسيس هم متواجدين من الساعه 9 صباحا بس لغاية الساعه كام انا مااعرفش
فى اليوم اللى انا رحت فيه كنت هناك 8 صباحا وكان دورى لما دخلت كان 7 مساء
فاانتظرت كتير جدا بس يارب يجى بفايده يارب
انتى روحى واتوكلى على الله وان شاء الله ياخدوا السي في ويدخلوكى بس لو دخلوكى هتكونى اخر وحده بعد مايخلصوا المتقدمات
بالتوفيق للجميع ان شاء الله
Hend
24-02-2009, 03:43 AM
ده لينك طلب مضيفات للخطوط السعوديه من مصر
http://www.flyingway.com/vb/showthread.php?t=45958 (http://www.flyingway.com/vb/showthread.php?t=45958)

وده طلب مضيفات للخطوط السعوديه من المغرب
http://www.flyingway.com/vb/showthread.php?t=45960 (http://www.flyingway.com/vb/showthread.php?t=45960)
noha waly
24-02-2009, 03:28 PM
شكرا لردك يا هند بس ياريت اي واحده راحت الانترفيو تقول عملت ايه انا قدمت بس مافيش حد اتصل بيا و خايفه اروح مايرضوش يعملو معايا انترفيو
noha waly
24-02-2009, 03:49 PM
ياريت لو اعرف فين المواضيع اللي بتتناقش فيها البنات عن كل مايتعلق بالمقابله الشخصيه؟
Hend
24-02-2009, 11:58 PM
انا كتبت اللينك بتاع الموضوعين المغرب ومصر ادخلى على اخر صفحه ليهم وانتى هتلاقى اخر الاخبار
sadlife
25-02-2009, 03:04 AM
اللجنه كانوا 3 صحيح دلوقتى فى الانترفيوهات اللى شغاله ساعات فى واحد بيمشى على الساعه 1 كده وبتصير اللجنه اتنين مو تلاته
Hend
27-02-2009, 12:18 AM
اللجنه هادى السنه فيها
الأستاذ/عبدالله الطيب
الأستاذ/أمين غبره
والأستاذ التالت من الإداره بمصر
بس مااعرف اسمه
وان شاء الله نتوفق السنه دى يارب
HeRo81
27-02-2009, 03:30 PM
إذا ممكن سؤال واحد فقط

متى ستنتهي اللجنة من عملها وبالتالي تعود للسعودية ؟

ولو بشكل تقريبي ؟ وبالتوفيق لكن جميعا يارب
Hend
27-02-2009, 07:54 PM
سيتم انتهاء عمل اللجنه يوم الاربعاء 4/3 من عمل الانترفيو وكما ذكر بالمنتدى انه سيتم عمل الحفل للمقبولات يوم الخميس وبذالك ينتهى عمل اللجنه
فى جمهورية مصر العربيه
HeRo81
28-02-2009, 12:36 AM
Hend : يسلمووووووو

بالتوفيق للجميع يارب

هل ستذهب نفس اللجنة إلى دولة أخرى ؟

أم لكل لجنة دولة معينة ومحددة فقط ؟
Hend
28-02-2009, 04:38 AM
شكرا لمرورك كابتن هيرو بس انا معرفش اذا كانت نفس اللجنه هى اللى هتروح بلد اخرى ام لا واظن ان ماحدش يعرف غير اللى شغالين بالإداره فى الخطوط نفسها مقدرش افيد حضرتك فيها
ممكن يفيدنا احد الكباتن إذا عندهم علم بذالك
بالتوفيق للجميع ان اشاء الله
HeRo81
28-02-2009, 03:25 PM
Hend : ميرسي خالص على الرد

في إنتظار الرد ممن يملك المعلومة

نسأل الله تعالى التوفيق للجميع يارب
noha zaki
26-03-2009, 02:27 AM
يا هند..ازيك؟
انا عمات الانترفيو يوم 22-2 انتى كنتى ف يوم ايه؟
و فى اخبار منهم لحد دلوقتى ولا لسة بردة؟
ياريت تطمنيينى الله يخليكى..
شكرا:)
noha zaki
26-03-2009, 02:31 AM
اللجنه هادى السنه فيها

الأستاذ/عبدالله الطيب
الأستاذ/أمين غبره
والأستاذ التالت من الإداره بمصر
بس مااعرف اسمه

وان شاء الله نتوفق السنه دى يارب

انا اعرف ان كان فبها فعلا أ/ عبد الله الطيب و أ/سعد بطيخ و الثالث الحقيقة مش فاكرة اسمة لكنه سعودى وليس مصرى الجنسية
semsemagdy
26-03-2009, 06:51 PM
بليييييييييييييز يا جماعه حد يعرف هما ممكن ييجوم تانى مصر امتى انشاء الله او هما بييجوم كل اد ايه مصر والله يجازيكم كل خير
totam
27-03-2009, 09:03 PM
ممكن تقولولي لو سمحتم هوا التقديم في الخطوط السعوديه خلص ولا ممكن نروح علي العنوان ونقدم دلوقت
Sr.Flight Attendant
27-03-2009, 09:15 PM
التقديم خلص وبيكون في العادة كل 6 شهور او 8 شهور ..
totam
27-03-2009, 10:03 PM
شكرا يا كابتن و بلتوفيق للي قدموا