رد: مركز باس للتدريب على هندسة الطائرات في مملكة البحرين
اقتباس:
عاد احنا ماصدقنا على الله نلاقي هالمعامله وقلت من 8 ونص لي 11 في حال اذا ماعندنا شغل ووافقو ! المشكله اني بعد طلبت يومين قبل الامتحان ! وبعد وافقو ! لانه اصلا مافيه شغل وايد ومدة اسبوعين كثيره جدا بمكان واحد . على فكره اليوم في موظفين معانا بالقسم يسالفون قالو ان باس عرضو اعلان بالجريده يبون مدير ! يعني ناديه اكيد ماراح تكون مسؤوله " احسن " |
رد: مركز باس للتدريب على هندسة الطائرات في مملكة البحرين
اقتباس:
ههههههههه عليكم بالعافية عاد بس الحين يدلعونكم بعددين بتنكرفون عدل الله يعينكم بطلعون هالدلع من عينكم انا سالت لك حق موديول 8 ماحصلت الاسئلة المشكلة لانه كان سهل ونجحنا محد اهتم ان يكتب الله يهداكم فوتو على عمركم الفرصة وحق assay 9 سمعت اخر خبر ان ياهم الstress يعني اذا احد حاب يقدم الله يستر من مديرنا اليديد يا يعفس الجامعه او يعدلها تعودنا على ظلم شاكر ولا عاد احنا كل مجابلينه ههههه زين مايكفخنا لان اخر مرة رسبنا في assay7 بطلع عينا الله كريم وايي مدير يرحمنا عشان ندعي له ما ندعي عليه وراؤول ماخذ الامر لعبه حضرته وهالاسبوع مابيشرح من الكتاب كالعاده من الكمبيوتر عن engine ماندري متى بنكمل حالتنا ماساة الحمدلله الله كريم.... |
رد: مركز باس للتدريب على هندسة الطائرات في مملكة البحرين
السلام عليكم ورحمة الله وبركاته ،، هاي اول مشاركة لي في هالمنتدى الرائع واللي لفت انتباهي موضوع معهد باس فقلت لازم ارد عليه .. اخواني مريض المحبة ومهندسة بحرينية ترى هالمرحلة اللي انتوا فيها وتحسون روحكم ضايعين انا مريت فيها على اساس اني طالب في هالمعهد اخوي مريض المحبة استغل هالفترة وراجع موادك ترى عقب اذا رحت في DHL ما بتحصل اي وقت حق المراجعه واختي مهندسة بحرينية ترى اللي يعطيكم اياه راوول وايد مهم بيسهل عليكم المقرر وعن الترينغ في باس حاول اخوي مريض المحبة تروح مع مهندس او مساعد مهندس لاتروح مع اللي فوق لان ما يسوون شئ اما انتي اختي فعلى طول بيخلونج معا مهندس .. وكل مهندسين باس تقريبا ممتازين بإستثناء اثنين مع الوقت بتعرفونهم .. واذا بغيتوا تتعلمون انصحكم تروحون مع المهندس سيبروس .. ومثل ما قلت لكم خلصوا المواد اهم شئ لان عقب بيودونكم الهانقر وبتعلمون كل شئ ان شاء الله وانا حاضر لاي استفسار وبالتوفيق |
رد: مركز باس للتدريب على هندسة الطائرات في مملكة البحرين
اقتباس:
بقدمه انشاء الله بعد موديول 8 مباشره ماقصرتي اختي مشكوره تعديل : ترى جاسم " هو يصير ابو طالبه عندنا " قال ان الامتحانات بتكون مفتوحه يعني ماراح تتوقف حتى بعد تاريخ 2 يعني بيكون كل شي عادي . اتوقع هني راح يعطونا من الامتحانات القديمه ! |
رد: مركز باس للتدريب على هندسة الطائرات في مملكة البحرين
اقتباس:
بس بسألك هل المواد او الجزء النظري الي درسته أثر على الجزء العملي ؟ لاني احس ان الجزء النظري الي درسته كله على بعضه مابيفيدني بأي شي ؟" كل شي كان حفظ تقريبا " هل مثلا بتعلم بالعملي او شلون ؟ وانت الحين خلصت الدراسه وصرت مهندس ؟ وشكرا لك |
رد: مركز باس للتدريب على هندسة الطائرات في مملكة البحرين
السلام عليكم ..
أختي مهندسة بحرينية بصراحة أحسدج وأحسد الأخ أسير احزاني وو مريض المحبة .. حتى الدمعة طاحت على خدي وآنه أشوف سواليفكم عن الجامعة .. المفروض السنة في الجامعة بس للأسف طلعت من الثنوي .. وووو السنة هذي رديت أدرس منازل ويارب أخلص وو أحصل أول فرصة وأدرس طيار او مهندس طيران .. أختي مهندسة بحرينية أنتي قلبج كبيييييييييييييييييييير ووو راح تستحملين الأسئلة مالتي متأكد .. اممم عندي كم سؤال جذي على السريع .. س: شنو الأفضل طيار أو مهندس طيران ؟ س: متأكده ان البيسك حق المهندس مو 1500 ؟؟ لأني سمعت من رئيس المهندسين في طيران الخليج يقول البيسك 1500 ووو 650 حق الـ IT ؟ س: شنو المستقبل في الوظيفتين الطيار والمهندس ؟؟ س: أذا كان عندي ماستر إدارة موارد بشرية HR هل تنفعني ؟؟ لأني أفكر بعد دراسة الجامعة أدرس HR حق اكون في الأدارة ؟ ووو راح أمللج يعني بالأسئلة وو أستحمليني .. تحياتي لج اختي ،،، Prince.Ahmedy أخوج الصغير |
رد: مركز باس للتدريب على هندسة الطائرات في مملكة البحرين
اقتباس:
هو طيار افضل وياخذ راتب اعلى بس ما ادري اذا كانو يدرسون بالبحرين ولا لا . اليوم مطار الصخير كاتبين مقال ... يقولون انهم بيتكفلون بتدريب الطياريين بس ما ادري لازم تستفسر اكثر منهم . بحاول اييب معلومات اكثر لان انا ايضا حاط ببالي ادرس طيار بالمستقبل . على فكره هم اعلنو انهم بيتكفلون بتدريس 320 و 340 و 330 للمهندسين هذا رابط ": https://www.alwatannews.net/index.php...5171§ion=8 اقتباس:
|
رد: مركز باس للتدريب على هندسة الطائرات في مملكة البحرين
اقتباس:
الحمدلله انا ماعندي الا assay7 والحين قاعدين ناخذ كورس وبندش الامتحان وربي يوفقنا وبالنسبة للاستاذ راؤول قبل نقدر نقول ان تعتمد عليه بس على اخر امتحاناتنا معاه صار ان اللي يقول عنه مو مهم ايي بالامتحان ومن جذي صادتنا صدمة وبالنسبة حق module13 بالعكس انا ماعلق على شرحه لانه مبدع بالشرح يبرد القلب كلشي يفهمنا بس طبعا مانقدر ناخذ الاشياء المهمة وندرسها لان كل شي صاير مهم خصوصا هالمادة وبما انها مادة التخصص وطويله وايد فبتكون المراجعه اخف مجرد الاشياء المهمة وولبنا نكمل عادي تعودنا كل ماقلنا بنكمل تزيد المده مانقول الا كل تاخيرة فيها خيره الحمدلله وفعلا المهندس سايبرس قالولنا عنه خصوصا لنا احنا ال B2 وماتقصر اخوي على النصيحه واذا في اي شي مابنتردد ان نسالك وانا مع البنات لحد الان بنكون مع طيران الخليج باذن الله بالتوفيق للكل... |
رد: مركز باس للتدريب على هندسة الطائرات في مملكة البحرين
اقتباس:
اذا قدرت احصل لك assay باعطيك لان اتوقع ان احنا كتبنا باشوف وبارد عليك بس زين استغل الفرصة وحاول تكمل المواد وترتاح منهم صج احنا عندنا بس assay 7 لكن كانه شي ثقيل مانقدر نتنفس ربي يوفقكم ويفكم من هالمواد... |
رد: مركز باس للتدريب على هندسة الطائرات في مملكة البحرين
اقتباس:
ربي يوفقك ان شاء الله وتتخرج من الثانوي وتتوفق في الحياة الجامعية يارب... حياك الله اخوي وان شاء الله اقدر اساعدك واخوانك مريض المحبة واسير احزاني بعد موجودين... س: شنو الأفضل طيار أو مهندس طيران ؟ اكيد طيار افضل من المهندس واكثر الطلبة اللي عندنا يفكرون انهم يصيرون طيارين بالمستقبل س: متأكده ان البيسك حق المهندس مو 1500 ؟؟ لأني سمعت من رئيس المهندسين في طيران الخليج يقول البيسك 1500 ووو 650 حق الـ IT ؟ اذا لاحظت من خلال المشاركات بالموضوع الاخ مريض المحبة تطرق لهالموضوع وعرفنا شهادتنا ب600 دينار ونقعد ناخذ كورسات حق الطيايير عشان يزيد الراتب س: شنو المستقبل في الوظيفتين الطيار والمهندس ؟؟ الاثنين لهم مستقبل بس لازم تفكر ان حياة الطيار اغلبها بتكون بالجو والمهندس بتكون ارضية انت فكر بالمستقبل وتقدر تحدد شنو تبي تكون وطبعا واذا الواحد كان محتار ماله الا صلاة الاستخاره وربي ايسر الامور س: أذا كان عندي ماستر إدارة موارد بشرية HR هل تنفعني ؟؟ لأني أفكر بعد دراسة الجامعة أدرس HR حق اكون في الأدارة ؟ اما هالسؤال ماعرف اجاوبك عليه لان ماعرف اي شي بالادارة والسموحة على التقصير حياك الله اخوي الصغير... |
رد: مركز باس للتدريب على هندسة الطائرات في مملكة البحرين
أختي مهندسة الطيران .. طرت من الفرح يوم شفت (( اخوي الصغير )) ولي الشرف يعني ..
مشكوووورة على ردج .. وو هذا في ميزان حسناتج .. أختي آنه أقصد بالمستقبل .. يعني مابي أتم على مثل الوظيفة ابي اتطور .. سواءً كنت طيار او مهندس .. يعني بعد الشغل وو بعد الخبرة أذا حبيت أواصل دراسة .. شنو التخصصات اللي اقدر ادرسها ؟؟ المهندس في له دراسات ماستر وجذي .. بس الطيار في دراسات له ؟؟ لأنه بصراحة خاطري أصير طيااار بس مو على طول يعني لفترة معينة 5 سنوات شي جذي قبل ما أكون أسرة .. وو بعد هالفترة ابي وظيفة غير ادارية .. من جذي قلت لج أذا عندي ماستر HR هل اكون مدير على الطيارين مثلاً ؟ ويكون شغلي أرضي ؟؟ وووو عادي يعني اختي اخذي وقتج في الرد .. هههه على ماأخلص ثنوي يبي لي 3 سنين (( أذا ماصار علي مواد يعني )) تحياتي لج أختي .. Prince.Ahmedy أخوووج الصغنون |
رد: مركز باس للتدريب على هندسة الطائرات في مملكة البحرين
اقتباس:
وشكرا لج وبالتوفيق |
رد: مركز باس للتدريب على هندسة الطائرات في مملكة البحرين
اقتباس:
تشرفنا بحضورك وتواصلك بالمنتدى... بخصوص الدراسة كل شي يصير وتقدر تطور من روحك وتسافر عشان تحصل مختلف الشهادات والحين بالبحرين توهم فاتحين للطيارين وهاذي يبشر بالخير ان بالديرة في هالتخصصات الحلوة ويفكونا بعدين مانسافر برع وتقدر تاخذ الماستر بالطيران وهاذي على اجتهادك وطبعا مجال الطيران موسهل وهالمجال في ارواح ناس لازم تكون مستعد انك تتحمل المسؤولية وطبعا لازم تعرف ان الدوام راح يكون صعب 12 ساعة باليوم وان شاء الله تفتك ولايصير على مواد وانن شاء الله تتحقق احلامك ربي يوفقك.... |
رد: مركز باس للتدريب على هندسة الطائرات في مملكة البحرين
اقتباس:
ان شاء الله بس امهلني هالايام انا مشغولة لان عندنا امتحان assay 7 ماقدر اركز وين حاطة الassays بس ان شاء الله وعد مني ماتاخر وايد اول ماكمل الامتحان وحتى مال 7 اذا تبي باعطيك عقب ماتطلع النتايج عشان نتاكد ان اللي كاتبينه صح لان الحين ناخذ كورس عند تانيا ادعو لنا ربي يوفق الجميع.... |
رد: مركز باس للتدريب على هندسة الطائرات في مملكة البحرين
الصراحة كنت زائر للموضوع
بس حبيت اشاركم اطراف الحديث :) انا b1 لحد الحلين من مواد التخصص كملنا موديل 15 بس كان مأساة :( كان الامتحان حده صعب و احين مع موديل 10 المواد اللي علي 2و3و4 و 7 :( انتظر اني اخلص موديل 10 عشان اقدم اعادات اي نصايح ابتدي بأي مادة ؟؟ |
رد: مركز باس للتدريب على هندسة الطائرات في مملكة البحرين
اقتباس:
لا اخوي انا احين بدخل سنة رابعة ،، واذا عن النظري انا شوي كنت واصيح يوم دخلت العملي لان ما كنت اذكر لي ذاك الزود بس ترى والله اخذوها نصيحة انا قالي اياها استاذ محمود البلوشي .. عقب النظري بتبدي مرحلة يديدة لا تطالع لورى حاول قد ماتقدر تستفيد من العملي ولا تفكر عن اللي خذته ترى المهم من اللي درسناه كله بنرد عليه في التايب ريتنغ .. والله يوفقكم كلكم .. |
رد: مركز باس للتدريب على هندسة الطائرات في مملكة البحرين
اقتباس:
هلا فيك اخوي ،، اذا عن المواد حاول تدور اسألة وقدم واستغل هالفترة ... بس اذا ماحصلت حاول تخلي 7 عقب لان وايد والله يوفقك |
رد: مركز باس للتدريب على هندسة الطائرات في مملكة البحرين
اقتباس:
حياك الله اخوي... عادي انك تبتدي اي مادة بس على شرط تحصل اسئلة او فكرة عن الاسئلة اللي يات حق اللي قدموا لاتقدم الامتحان وانت ماعندك اي فكرة حاسب وبالنسبة لي انا اشوف 4 و3 سهلين حتى 7 حلو بس نفس ماقال اخوي اسير احزاني انه طويل في ناس بقدمونه الاسبوع الياي اذا قدرت تحصل الاسئلة زين وانا اقدر اقول شنو ال assay اللي بنقدمهم بس حاول انك ماتاجل المواد وايد وحاول انك تدخل كل ماتحصل اي اسئلة خصوصا الحين لان مافي تغييرات وايد نظرا لظروف الطوارئ اللي عند الادارة فماعندهم وقت يغيرون وربي يوفقك... اي خدمة حاضرين... |
رد: مركز باس للتدريب على هندسة الطائرات في مملكة البحرين
اقتباس:
صدقت اخوي نفس الحجي اللي كان يقولنا الاستاذ محمود البلوشي ماقصر معانا بس على فكرة حتى شاكر زين وكل شي يقول يعني الواحد يقدر يعتمد عليه بالكلمة لان عنده خبره بس حق اللي يعرف متى يكون مزاجه عدل لما يكون مزاجه ماساة لحد يجرب بس يحصلون زف خصوصا احنا البنات طلعنه له قرون من يشوفنا يشرد :iconloli: يلا الحمدلله على كل حال وربي اييب لنا مدير زين وطيب ورحيم علينا ونخلص موادنا ربي يوفق الجميع... |
رد: مركز باس للتدريب على هندسة الطائرات في مملكة البحرين
انا قدمت حق 7 mcq , essay
عندي فكرة عن ال essay بس ال mcq الله يعيين انا حبيت ابتدي ب 7 لاني للحين اتذكر بعض المعلومات وعلى فكرة اول مرة حصلت فيه 73 :( انشاء الله باحاول ادور اسألة و اخذ فكرة عنهم ........ بس ما عندكم فكرة من بيحط الاسئلة اذا شاكر طلع ؟؟ |
رد: مركز باس للتدريب على هندسة الطائرات في مملكة البحرين
اقتباس:
الله يعينك صج قهر درجتين بس تعذيب نفسي انا الحمدلله نجحت ولا جان صار فينا شي بالنسبة حق الاسئلة ياريت اتيي يوم الاحد الساعه 1وتشوف اذا تعرف احد يقدم الاسئلة قبل لايدخلون الامتحان عشان يركزون ويقولون لك لان استحي اسال الصبيان شنو ياكم وانا ماعرفهم على الاقل انت عادي تسالهم احسن من بنت موعدلة اني اسال... اكيد بساعدونك وبعد في حل الاستاذة تانيا بتساعدك اهي متخصصه بهالماده وعجيبه ان شاء الله تقدر بعد تستفيد منها وبالنسبة اذا طلع شاكر على ما اظن راح تبقى الائلة نفسها واحتمال كبير ان ياخذون من bank Q والله اعلم لان للحين الظروف غامضة محد يعرف شي غير شاكر يقولنا باقي لي اقل اسبوع وخلاص بيطلع على اخر ايامه صاير حليو ههههههه عشان ندعي له الظاهر:ANSmile15: واذا تبي اسئلة الbank من اي مادة قولي انا عندي واذا حبيت باحطهم بالتوفيق يارب |
رد: مركز باس للتدريب على هندسة الطائرات في مملكة البحرين
اي والله اختي لو تقدرين تعطيني الاس ايه مال 9 لان بقدم الاس ايه جريب
وبالنسبه ل 7 قدمتيهم ؟ انشاء الله تكونين نجحتي فيها وتفتكين منها ... بس لوقدمتيها اختي ونجحتي ياليت لو تعطيني الاس ايه . انشاء الله بقدمه اول ماتعطيني ياه . وشكرا لج ماقصرتي انا بعد عندي الكواسشن بانك لكل المواد اذا في احد يحتاجهم ... |
رد: مركز باس للتدريب على هندسة الطائرات في مملكة البحرين
الله المستعان
شاكر بيروح و الجامعه فوق تحت على فكة انا سألت تانيا عن الessay من قبل و عطتني فكرة عن طريقة الكتابة و التصحيح عندي سؤال حق اي شخص من الجامعه يمر على الموضوع من افضل استاذ عندك وليش :)??? |
رد: مركز باس للتدريب على هندسة الطائرات في مملكة البحرين
^
ناديه \ الشرح مالها رهييييييب وتلخص كل شي ... بس عيبها انها مزاااااااااجيه وشدييده |
رد: مركز باس للتدريب على هندسة الطائرات في مملكة البحرين
انا عني احب شرح جولياس ....... بسيط و مو متكلف
|
رد: مركز باس للتدريب على هندسة الطائرات في مملكة البحرين
اقتباس:
ان شاء الله بكرة الاحد امتحانه والله كريم اذا طلعت النتايج ونجحت باعطيك اللي كتبته عشان اتاكد انه صح وبالنسبة حق 9 خلال هاليومين باذن الله بالتوفيق يارب... |
رد: مركز باس للتدريب على هندسة الطائرات في مملكة البحرين
اقتباس:
مايكفي انك تسالها لو عندك العناوين اكتب وود لها واهي تصحح لان اهي تعرف شنو النقاط اللي لازم تنذكر ماشاء الله عليها عجيبة يوم خذينا الكورس عندها وايد استفدنا وربي ينجحنا بهالامتحان طبعا احنا مادرسونا الا رونالدو وعاشور وراؤول يعني الافضل راؤول على الرغم انه وايد طول معانا بس اهم شي نفهم بالتوفيق للجميع... |
رد: مركز باس للتدريب على هندسة الطائرات في مملكة البحرين
ما فيه على روؤل ولا جوليس بصراحة...
اهم الافضل... |
رد: مركز باس للتدريب على هندسة الطائرات في مملكة البحرين
اعتقد ان جميع المدرسين يبذلون كل مافي وسعهم وكلاا له طريقته في التعليم ولكن من نظري ان:
رونالدو,,,:iconloli::ebdaa: تحياتي :poster_dont: |
رد: مركز باس للتدريب على هندسة الطائرات في مملكة البحرين
مدير مركز باس للتدريب السلام عليكم ورحمة الله وبركاته
أنا متخرج من أكاديمية الطيران الملكيه الأردنيه ومن مواليد المملكه العربيه السعوديه وحصلت على الترتيب الخامس في الدوره ومعدل الدرجه 78 % وأرجوا من سعادة المدير لمركز باس لهندسة الطايرات قبولي للتدريب لديهم لكي أنمي مواهبي وقدراتي . وان شاءالله أكون عند حسن ظنكم بي كمغترب لديكم في مملكة البحرين الشقيقه ابنكم الخلوق محمد صالح سلطان أحمد علي |
الساعة الآن 06:53 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.