|
اقتباس:
مو مثل السنة اللي راحت فقط 32 طالب |
اسمحلي اخوي ماعندي اي معلومات ..
حبيت اسعادك :( |
هلا بك اخوي اهم شيء تواجدك معنا عشان تستفيد
|
وشهو سكن العائلة ؟ ممكن احد يفهمني؟.
|
ياغالي تسكن مع عائلة يعني تستاجر عندهم غرفة وتمارس اللغة معهم وكذا
أتمنى اني افدتك واي استفسار انا حاضر |
ي رجل!
موب حلوة والله ههههههههه!! وش اللي اسكن عند ناس مااعرفهم .. صعبة ي رجل! طيب هو اجباري؟ |
ههههههههه
بعد هم راح يسكنون واحد ما يعرفونه !! كذا افضل عشان تطور نفسك في اللغة وتمارس كل يوم معهم اللغة والعائلة راح توفر لك وجبتين يوميا والله مدري اذا اجباري ولا لا |
السلام عليكم جميعا
كيف حالكم وش أخباركم ؟؟ بالأول أشكر احمد 22 على الجية الخطافية اللي عملها اليوم ههههه افدتنا الله يجزاك خير رغم اني بعد ما قريت بديت افقد الأمل من كثرة الاختبارات و المدة الطويلة في الانتظار لكن الله يسهلها إن شاء الله |
هلا والله انا الحمد لله بخير . اخبارك اخوي عساك طيب
يا رجال تفائل وان شاء الله من المقبولين وان شاء الله نشوفك في نيوزلندا |
(أنا عند حسن ظن عبدى بى فليظن بى ماشاء إن خير فخير وإن شر فشر)
اهم شيء التفائل وحسن النيه وان كان مكتوب انك بترووح فوالله ما راح يردك اي اختبار ! |
اقتباس:
صدقت الله يكتب لي و لكم الخير |
سسلآم عليكم يالربع
ضموني اليكم ويارب يكتب لنا الخير ونتقابل في نيوزلندا والا كندا والا الصومال هههههه اللي يبون بس يارب ماتدخل فيها الواسطات ويطيرونا ! |
وعليكم السلام اخوي حسين
هلابك معنا وحنا نتشرف فيك وان شاء الله تكون من المقبولين |
32 طالب بسس !!!!
طيب والباقيين ويين!!! يطيرونهم؟؟؟ وعندي سؤال بسيط هل اذا جاتني رسالة بعد يوم 28 <<اختبار الشخصيه ومن ذا الكلام هذا يعني اني انقبلت بنسبتي الثانويه والتراكمي وبعد كذا مالها دخل كل الطلاب سوا ولا هم يعتمدون على النسبتين حتى بعد القبول المبدئي؟؟؟ اتمنى احد يجاوب |
والله ياخي تفائل ممكن هالمره اكثر اول دفعه كانت 29 وثاني دفعه 32
ممكن هالدفعه تكون اكثر اخوي بعد 28 اذا انقلبت تكون على نسبتك بعدها كل شيء يعتمد على الأختبارات اللي راح يسوونها والمقابلة الشخصية بالتوفيق لك وللجميع وان شاء الله الكل مقبول :flyhome: |
|
الحين في اختبارين واحد انجليزي والثاني شنو ؟
وهل صحيح انهم بيبتعثون دفعتين وحده لكندا ووحده لنيوزيلندا ؟ ان شاء الله يكون الكلام هذا صح لأن الفرص راح تتضاعف للمتقدمين :):) |
هل تكون الإختبارات في شهر رمضان؟
|
والله يالحبايب اني ماعندي اي خلفيه عن هذي المواضيع
لكن انا جاي ابشر الطلاب المتخوفين من الجامعه ويقولون ان الجامعه بعد القبوول تاخذ الشهادة شهر كامل وما يمديك تقدم في اي جهه خلال الشهر انا واحد من الطلاب المقبولين في جامعة الملك عبدالعزيز وكان موعدي اليوم المهم اني رحت عندهم وفحطت وضيعت ودخلت مباني مدري وش جاابني لها ليين وصلت المبنى المطلووب وبعد مادخلت وقدمت اوراقي وكل شي ووصلت عند واحد في الاخير طلع لي البطاقه الجامعيه وطلعت صورتي غبيه ودعيت عالهندي اللي صورني<<هههههههههه مسكين ماله ذنب اقول ما كأن السالفه طولت هههههههههههههههههههه نرجع للموضوع.......وين وصلت ايه صح المهم اني سالته يوم اخذ الشهاده مني وختمها قلت له طيب انا قدمت في مكان ثاني وماردوا عليه وما ابغى اضيع الجامعه لاني خايف اني ما انقبل في المكان الثاني قال لي طيب وش المشكله << مسوي يكرشني ههههههههه على مين المهم واعطيه الرد المدمر واقول له اها انت كذا جبتها عالجرح المشكله ياطويل العمر انكم تمسكون شهادتي شهر كامل عندكم ويروح علي المكان الثاني قال لي ياخوي تراك ابلشتنا وش هو المكان الثاني قلت له عن الابتعاث وكل شي وقال لي الله يوفقك وابد لا تخاف هم يكتبون شهر كذا عشان الطلاب المترددين مايسجلون<< من الزحمه اللي عليهم قال لي لو تبي تسحبها تعال اي وقت يمديك لو بكره ان شاء الله وقلت له شكرا والله يعطيك العافيه ورحت السياره وشغلتها ورحت البيت وشغلت اللاب وخلاص ههههههههههه احسني اعطيتكم قصة حياتي المهم ان المفيد من القصه لاتخافون من الجامعه سجلوا واي وقت تبون تسحبونها يمديكم طبعا قصدي جامعة الملك عبدالعزيز اما غيرها مدري والله والله يوفقكم ويوفقنا جميعا |
|
[CENTER]اللي يسال عن المدة من التقديم الى السفر ..حنا اخذا سنه من التقيديم الين السفر
يعني اللي يسال نفسه اقدم على الجامعة ولا انتظر .......انا اقوله قدم على الجامعة عشان اقلها تكون ضامن شي وللي يسال عن الاختبارات ومدى صعوبتها ...ابدا ماهي صعبة ..بس تحتاج تركييييييز..ولاهي تفاضل ولا تكامل بسيطة ان شاء الله[/CENTER] بالتوفيييق للجمييع |
حمد الله على سلامة الوصول عزوز
|
عدد المبتعثين السنة هذي حيكون ستين طالب
30 يروحوا كندا و30 يروحوا نيوزيلاندا بدل الدفعة الاولى اللي تخرجت طبعًا دفعة كندا حتسافر اول وبعدها نيوزيلاندا المصدر:المدير المسؤول عن الدفعة الثانية في نيوزيلاندا |
اقتباس:
|
اقتباس:
اي معلومة جديدة توصلني حوصلها لكم على طووووووول انا جاري في الدفعة الثانية وهو اللي يسال المدير عندهم ويقول هو متاكد من خبر انهم حيرسلو دفعتين السنة هذي باذن الله |
السلام عليكم
و أسعد الله صباحكم الله ييشرك بالخير يا ميركوري |
انا في الخدمة ياحلوين ...........
|
اختبارات الهيئة مافيها تفاضل وتكامل ابدًا.
|
اختبارهم ذكاء تقريبا مثل القدرات
|
باقي 8 أيام فقط،
الله يوفق الجميع يا رب |
| الساعة الآن 05:16 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
