|
عدد الرحلات الدوليه والداخليه مقارنه بالمطارات
مطار ابها ناجح ؟ مطار ابها اكبر خامس مطار بالسعوديه ؟
تصنيف المطارات بالسعوديه حسب عدد الرحلات والاقبال على الرحلات الدوليه مطار الملك عبدالعزيز بجده مطار الملك خالد بالرياض مطار الملك فهد بالدمام مطار الامير محمد بن عبدالعزيز بالمدينه مطار الامير نايف بالقصيم مطار الامير عبدالمحسن بينبع مطار ابها الاقليمي تصنيف المطارات حسب الرحلات الداخليه مطار الملك خالد بالرياض مطار الملك عبدالعزيز بجده مطار ابها الاقليمي مطار الملك فهد بالدمام مطار الامير محمد بالمدينه هذي احصائيه بسيطه للرحلات من السعوديه واليها حسب المدن افضل مطار ناجج بوجهه نظري مطار الامير عبدالمحسن للرحلات الدوليه نستثنى المطارات الدوليه من المعادله لانها رئيسيه لكن لو نجي نقارن بين مطار ينبع وابها راح يبان التفاوت الغير منطقي بين الرحلات والمدن مطار ينبع له ثلاث رحلات داخليه عن طريق جده وزيها عن طريق الرياض ومطار ابها عدد رحلاته 10 من جده وزيها من الرياض بالايام الاعتياديه تزيد الى 12 او 13 حسب الموسم بناء على طلب من هيئه السياحه والطيران المدني نوع طائرات جده ينبع امبراير بالغالب وجده ابها ايرباص جميعها 320 و 321 الرياض ينبع طائره ايرباص والبقيه امبراير لو مو غلطان والرياض ابها ايرباص 321 و 320 نسبه تدوير التذاكر برحله الرياض ابها وابها جده تعدت 300 عمليه تدوير قبل البيع ونسبه تدوير التذاكر على رحلات ينبع جده وينبع الرياض لا تتعدا 15 عمليه اعاده تدوير نروح لرحلات جده الرياض 18 رحله في كل اتجاه بالاوقات الاعتياديه بمعدل رحله كل ساعه من 7 الصباح الى 1 فجرا نسبه اعاده التدوير 150 عمليه قبل البيع اعاده التدوير المقصود بها كم عمليه شراء للمقعد الواحد تمت من قبل شهرمن موعد السفر الى يوم السفر يعني كل مره انباع المفعد او انحجز وتم الغاء الحجز لعدم السداد او لتغيير الحجز بعد اصدار التذاكر الى وقت اقلاع الرحله من هالرحلات والارقام الي انطرحت فوق راح نشوف ان مطار ابها مبالغ جدا بعددالرحلات الممنوحه له داخليا من قبل الخطوط السعوديه تعمدت ما اذكر ارقام الرحلات الدوليه من مطار ابها لقله الرحلات والشركات المشغله له لكن اني اضحى بمطارات اهم واقلل عدد رحلات مدن عشان ازيد رحلات مطار هذا غلط ارقام عدد مرات بيع كل مقعد غير دقيقه بنسبه كامله لكن تقريبيه الموضوع للنقاش بشكل مفصل في مطارات اولى بطائرات السعوديه داخليه ونسبه اشغال الرحلات فيها اعلى بكثير |
ما شفت مطار الدمام اجل اخي وائل ،رحله يوميه واحده للقصيم ويبي لك قبلها بمده تحجز أضافه الى ذالك تكلمت مع مسؤول في الخطوط بمطار القصيم وقالي رحلة الدمام القصيم ازحم رحله توصلنا خصوصا انه عدد العوائل كبير فيها وللحين مافيه زياده
هذا غير نقص الرحلات او شبه أنعدامها لبعض مدن الشمال وكذالك الجنوب |
اخي وائل شكرا على مواضيعك الراقيه والهادفه اللي تطرحها في المنتدى للاستفاده من المعلومه وللنقاش ومنتدانا في حاجه الى مثل هذا...
حسب المعلومات اللي عندي من قسم التخطيط انه تقريبا جميع مطارات المملكه عليها طلب عالي للسفر الداخلي ووصل معدل الحموله الى 90 في الميه تقريبا. وايضا حسب ماوصلني من ذات القسم ان ابها تشهد ضغطا كثيفا وانه رغم العدد الكبير في الرحلات إﻻ انها غير كافيه وان السعوديه متى ما حصلت على طائرات اير باص 330 نيو اوكما اعطي لها رمز 330 داش 900 فان السعوديه سوف تحول معظم رحلات ابها وجيزان الى 330 داش 300 الثمان اللتي استلمت في البدايه وكذلك رحلات المدينه من الرياض وستسحب جميع 321 و320 من رحلات جده الرياض والعكس وستستخدم ماكان يستخدم على رحلات ابها وجيزان ومابين جده والرياض من 321 و320 لزيادة عدد الرحلات للمطارات اﻻخرى مع ضم 25 طائره 321 نيو بداية من 2019 وستغطى الفتره من اﻻن الى موعد التسليم بطائرات تستأجر بنظام ويت ليز مع الاطقم والفنيين وليس نظام دراي ليز .. معلومه اخرى السعوديه تريد الحصول على 10 ايرباص 330 نيو من ضمن صفقة 35 طائره للرحلات الداخليه اللتي امر بها مجلس الوزراء وحسب ما عر فت انه في حال اتمام الماليه للصفقه فان 330 نيو سيبداء استلامها بنهاية 2017 |
اقتباس:
|
لو تم تحرير الاسعار بالرحلات الداخليه وبيعت بسعرها التجاري (كما هو حاصل الان بالتذاكر الدوليه) فان غربله كبيره جدا ستكون بعدد الرحلات الداخليه، وكذلك تغير بحجم الطلب علي بعض الوجهات سواء بزياده الطلب او انخفاضه.
بالنسبه لمطار ينبع وابها الفرق والتناقض يكمن في ان المنطقه الجنوبيه يوجد فيها منطقه عسكريه ضخمه وتواجد لابناء تلك المنطقه بالرياض وجده يترددون بشكل دوري علي اسرهم والطيران يعتبر وسيله وحيده بسبب بعد المسافه وكذلك كون سعر تذاكر الطيران بعد التخفيض ارخص من استئجار سياره تاكسي! بالمقابل ينبع وكذلك القصيم بسبب قرب تلك المناطق من الرياض وجده فان سكان تلك المناطق لايحتاجون للسفر الجوي وليسوا علي قوائم الاولويه بالنسبه للخطوط السعوديه، كما انه لايوجد فيها قواعد عسكريه. لدي جدول رحلات مطار القصيم (الداخليه) عام1985 (قبل افتتاح الطريق السريع) وكانت عدد الرحلات اليومية 12 رحله!! وهو عدد يفوق العدد الحالي لرحلات هذا المطار داخليا رغم مرور 30 عام! واري ان نفس السبب ينطبق علي ينبع. |
ارى ان اكثر مطار مظلوم من ناحية تسيير الرحلات منه و اليه هو مطار الدمام
الطلب عليه عالي جدا بحكم تواجد فئة كبيرة جدا من الشركات البترولية و المنشئات العسكرية و الصحية الضخمة في المنطقة الشرقية و مؤسسات التعليم العالي ( جامعة البترول و المعادن - جامعة الملك فيصل ) موقعه مميز جدا بحيث يتوسط اهم المدن ( الدمام - الخبر - الظران - الجبيل - رأس تنورة - القطيف ) و طبيعة المنطقة الشرقية هي قلة الكثافة السكانية من اهلها و بالتالي اغلب شاغلي هذه الوظائف و المقاعد التعليمية هم من مناطق اخرى و احتياجهم للسفر في المناسبات و الاجازات الخاصة و العطل الرسمية المطار نفسه اعتقد انه يعمل بـ 20% من طاقته و بالامكان تطويره لأني ارى الكثير من الاخوة الساكنين في المنطقة الشرقية يستعينوا بمطار البحرين لبعض رحلاتهم الدولية ليس لرخص اسعارها و انما لتوفرها اما بشكل عام و لتغطية الطلب للمطارات الصغيرة اقترح اضافة طائرات بمحركات توربونيه مثل ATR تحت مسمى Saudia Regional مثلا و تكون ذات سعة مقعدية منخفضة هذا النوع من الطائرات يعطي اقل تكلفة تشغيلة للمقعد هذه الشركة تكون ممولة بالكامل من الدولة حتى يتم افتتاح شبكات القطارات الجديدة ان شاء الله اما الرحلات بين المطارات المحلية الكبرى لا اتفق مع تحرير الاسعار كليا بل الاستعاضة عنه بتحمل وزارة المالية تكاليف كافة الطائرات المطلوبة الجديدة و تأجيرها للخطوط السعودية بدون فوائد الى ان يتم تدشين شبكة القطارات آنفة الذكر كل الطائرات تتحملها وزارة المالية سواءً المخصصة للرحلات الداخلية و الدولية مقابل عدم تحرير السعر اخر الحلول للتخفيف من ضغط الرحلات الداخلية و خاصة المتجهة الى الرياض هو تطوير مرافق الحكومة الالكترونية و استغناء المواطن عن مراجعة الوزارات و الجهات الحكومية ذات العلاقة و اما من الناحية الصحية تطبيق برنامج الطبيب الزائر بصيغة او بأخرى تتناسب مع عدد المراجعين من كل منطقة و في نهاية الامر 1- وزارة المالية لن تخسر في صفقة شراء الطائرات بحكم انها ذات عائد تأجيري يساوي القيمة الشرائية 2- الخطوط السعودية لن تخسر في صفقات الطائرات و استئجارها بعوائد عالية بالاضافة الى تمكنها من زيادة السعة المقعدية على الوجهات المجدية حسب نتائج دراستها للسوق 3- المواطن يستطيع السفر من و الى مقر عمله بدون صعوبة اقتصادية شكرا لكم |
نسيتم مطار عبدالله بن عبدالعزيز بجازان نفس الشيء رحلات السعودية من مطار عبدالله بن عبدالعزيز بجازان جميعها تكون فل وارفع رحلات فقط الله يكون المستعان واكثر الاصدقاء المسافرين الي الرياض يذهبون الي ابها بسبب عدم توفر مقاعد من مطار عبدالله بن عبدالعزيز
|
اقتباس:
لكن خلال سنه بالكثير راح يتغير هالشئ بشكل ملموس باذن الله |
اقتباس:
بالنسبه لللموضوع هالشئ لو سووه بالاسعار الحاليه بيكونو ارتكبو جنايه لا تقل عن جنايات البكر الله يسامحه اجيب طيارات بملايين واحطها داخلي او حتى اشغلها داخلي ودولي با اسعار تذاكر ماتزيد عن 500 ريال هي السعوديه قادره تزيد رواتب موظفيها وتفتح التوظيف حسب الاحتياج عشان تببيع بالاسعار ذي وبترفيه لكن حسب ما اعرف ان هالشئ بيصير لكن مو بالوقت الحالي بعد مايتم رفع اسعار التذاكر الداخليه بالاسعار الحاليه يبون يزيدو رحلات يجيبو طيارات توربينيه ويشغلوها داخلي اما طيارات للان انا ماطلعت راس مالها اشغلها داخلي وان تعطلت اقعد اخسر حتى الي دفعته في مطارات زي الدمام ا ونجران والجوف استاذ سعد لو شفت ارقام بيع كل مقعد راح تشوف ان اغلب عمليات الحجز وهميه ونتيجه لا اهمال من المسافر نفسه |
اقتباس:
اما مطار ابها وينبع اختلف معك مطار ينبع نسبه اشغال الرحلات الدوليه فيه عاليه والرحلات الداخليه قليله في سوق دولي كبير بينبع هذا نجاح للمطار والشركات لو ماهي عارفه انها كسبانه ما استمرت فيه بعكس ابها سوق كبير بس مافي مسافرين اما بالنسبه للقاعده العسكريه تبوك والقيصومه برضه تعتبر قواعد عسكريه ماشفنا عدد الرحلات الداخليه المبالغ فيها لها اما للتقارب والتواصل بين الاهالي فانا ايش ذنبي كشركه ؟ لا تروح بعيد مطار الظهران قبل كيف كان وكيف صار الان بعد ما انتقلو للملك فهد بالدمام انا كشركه لازم ابحث عن حلول اوفر لي وما ابالغ بالرحلات وهي مكلفه حتى لو نسبه الاشغال 100 بالميه ليش ما اشغل طيارات توربينيه وساعتها زيد الرحلات |
اقتباس:
كلامك حلو واتفق معك فيه بس اوقات انت تعرف الحل لكن مابيدك تسويه كم اسطول السعوديه الداخلي ؟ جده الدمام الان اغلب الرحلات او النصف بوينج اما الرياض الدمام امبراير للاسف بالغالب وفل والدمام ابها رحله او رحلتين باليوم وبيشه والقصيم .. الخ كلها رحلات يوميه بس قليله وطائرات فل اما بالنسبه للطائرات السعوديه كانت تفكر زمان بهذا الفكره بس خافو من الاعتراض حاليا وقت مناسب لها بحيث اني اقدر ابيع بدون خساره وممكن حتى اامتلك خط كامل واخليه مربح اسوي رحلات ايرباص داخلي بسعر عالي وبرضه اسوي رحلات توربينيه بسعر اقل الناس راح تتاقلم وتختار الي يناسبها بدون اي اعتراض كذا انا كسبت ووفرت مقاعد وبدون خساره الطائرات التوربينيه تستخدم برحلات بين الدول الاوربيه واسيا ..... الخ ليش التخوف منها وافضل حتى من الامبراير بوجهه نظري |
اقتباس:
ياليت يفكرو بطائرات تكون فقط سياحي لرحلات داخليه كل شئ راح يتغير بوجهه نظري بمنتصف السنه مع الاسعار الجديده |
اقتباس:
شوف خلال أسبوع ما تحصل حجز من جازان إلى جده والرياض في الدرجه السياحيه لازم تحجز أقل شيء بـ10 ايام فيه ناس يضطرون ويحجزون على درجه رجال الاعمال ... عموما كل رحلاتي على الخطوط درجه رجال الاعمال فل ... اتمنى يغيرون الطائرات على خط جده و الرياض من إيرباص 321 إلى إيرباص 330 ... |
اقتباس:
ينبع ناجح دوليا وهذا لم اقم بنفيه بردي الاول وسب نجاحه دوليا برايي هو قربها النسبي من شمال جده والمدينه مما يجعلها رافد ثانوي لتلك المناطق لمن يود السفر دوليا ولايجد مقعد في تلك الرحلات المزدحمه لجده والمدينه. تبوك كانت مرتبطه جيزان بخط مباشر الا انه الغي لكن القاعده العسكريه ليست سبب وحيد فايضا اسلوب الحياة مختلف المناطق الشماليه ايضا اصبحت المجتمعات هناك لاتعول كثيرا علي السفر للرياض او جده بل اصبحوا يسافرون للاردن وسوريا -سابقا- للعلاج والتعليم كما ان كثافة السكان منخفظه مقارنه بالمنطقه الجنوبيه. وهو نفس السبب في حفر الباطن. الشركه طبعا ليس لها ذنب الا انها كذلك شركه حكومية وملزمه بتقديم خدمات لايقدمها غيرها بالتاكيد لو تم تحول الشركه لعمل تجاري بحت وبيعت تذاكرها بسعر تجاري لن تجد هذه الكثافه بالطلب في اغلب الوجهات مما سيجعل الشركه تخفض كثير من رحلاتها لاغلب الوجهات الداخليه. طبعا اتفق معك الشركه تعلم هناك طلب والطلب للمعلوميه سيزيد بزياده العرض مادام لايعرض بشكل يغطي التكلفه والربح بالطبع ستجد اناس يحجزون فقط لان التذكره رخيصه! انا شخصيا مع فتح المطارات جميعا للرحلات الدوليه وبالتالي فتح الخيارات للكل بالسفر مباشرهرمن مناطقهم وترك الخيار للخطوط لتسيير رحلات دوليه من اي نقطه تراها مربحه لها دون ضغوطات اجتماعيه. انا شخصيا ضد تسيير الشركه لاي رحله دوليه من غير الرياض وجده بالوضع الحالي الا في حاله فتح شركه طيران منفصله تسير رحلتت اقليميه من مطارات اصغر الي وجهات خليجية او عربيه قريبه. |
اقتباس:
|
اكثر خط مزدحم من المدينة الى الدمام والعكس ثلاث رحلات يوميا وماتغطي عليها ضغط كثيف بسبب البعد الجغرافي بين شرق المملكة وغربها وايضا المدينة الرياض عليها ازدحام كثيف واحيانا يتم تشغيل البيونج 200 777 وتكون فل والمدينة جدة كمان عليها ضغط اقل السعودية الحل الوحيد لحل مشكلة ضغط الرحلات الداخلية زيادة الطائرات كما تفضل الاخوان وجزيتم خيرا
|
اقتباس:
كانت مصر للطيران تسير الرحلات الى القاهرة من ابها والقصيم والغت الخط للوجهتين معا فى نفس التوقيت الا ان اداره مطار القصيم لم تسكت وتواصلت مع الشركة واتفقت على تقليل الرحلات بدلا من الغائها ليعم المصلحة للطرفين اما مطار ابها وكان الامر لا يعنيهم ولم يعاد الخط حتى الان برغم من ان عدد الجالية المصرية فى الجنوب اكبر من القصيم مثال اخر كان هناك اتفاق لتسيير رحلة للخطوط التركية من ابها والقصيم معا الا ان الخط عمل فى القصيم ولم يعمل فى ابها حتى الان وهذا دليل على الفشل الذريع لاداراه مطار ابها بالنسبة للرحلات الداخلية انا ارى انك مخطئ بالتاكيد مع احترامى لك فسكان المنطقة يشتكون من قلة الرحلات وانا شخصيا اسافر الى جدة والرياض شهريا بحكم عملى ولم اجد الطائرة بها كرسى فارغ فى كل مرة اسافر بها وفى معظم اوقات السنة واليوم شكرا لك |
اقتباس:
|
اقتباس:
الطلب سيعلن قريبا جدا تسليم 773 خلال 2016 و 2017 تسليم 787 داش 9 خلال 2018 و2019 تسليم 330 نيو اخر 2017 و 2018 تسليم 321 2019 و 2020 |
اقتباس:
يارب تتحرك ادارة المطار وتقدم عروض مغريه للبريتش ايروز واير فرانس لتشغيل رحلات مباشره للدمام |
اخبار جميلة
|
اقتباس:
اعتقد يجب ان تقلل من هذا العدد لزياده فعاليه الرحلات اي رحلات اضافيه لاوروبا اراها اهدار مالي الرحلات الي تطلع من جده والرياض نص مقاعدها فاضية، فما بالك المدينه او الدمام او غيرها اي توسع اضافي يجب ان يتم بالتزامن من نمو حركه الترانزيت الدولية الركاب صاروا ينامون كل واحد بصف مقاعد اي توسع جديد لازم يكون حسب العرض والطلب وليس نظام تبويس اللحي حتي الرحلات الداخليه يجب في حاله تحرير الاسعار ان تبني علي العرض والطلب وليس بنظام المعاريض |
اقتباس:
وراح تتفاجئ لو اقول راح يتم تخفيض عدد الرحلات الداخليه لقله الطلب ساعتها |
اقتباس:
انا مايهمني عدد الجاليه بالجنوب يهمني لو انا عرضت عليهم كسعوديه رحله من ابها لجده وبعدين من جده الى القاهره هل راح يقبل واكسبه كعميل او راح يقول لا بقول لك معلومه خط ابها القاهره والعكس غير مجدي للسعوديه لدرجه السعوديه عشان تزيد الاقبال عليه خلته القاهره ابها جده وقت الحج والعمره عشان لا تسوي رحلات اضافيه من جده اما بالنسبه لقله الرحلات فانا مدري 10 رحلات من جده و 12 من الرياض قليله اذا رحلات ابها اكثر من رحلات الدمام وهي مقر شركات الصناعه والبترول بالبلد الخطوط السعوديه هي شركه طيران مو وزاره نقل ومواصلات في عندها موظفين تدفع لهم رواتب وتدربهم وعندها مشاريع تطويريه لا تخلي حكمك بالعاطفه على فكره رحلات ابها راح يتم تقليلها بمنتصف السنه الحاليه لمن ترتفع الاسعار ابها وجميع المدن راح يتم رفع اسعارها بشكل لا يقل عن ضعف السعر الحالي لمن انا ابيع بسعر تجاري محد راح يسافر بصفه دائمه الا المضطر لانه عارف انه بيدفع الفتره الحاليه مافي ازمه حجوزات ابدا في ناس مخططه من قبل شهر او شهرين ومرتبه وضعها انها بالاجازه راح تسافر ازمه الحجز لمن يكون في بيع وهمي زي ماكان يصير قبل او وكالات سفر يشترو مقاعد ويلغوها باخر لحظه اما الان بديت المرحله الاولى من المشروع اي تعديل على الحجز برسوم 50 ريال على السياحي و70 الاعمال و90 الاولى الغرامات نص قيمه التذكره بالتخلف عن السفر تذكره مفتوحه لغوها نهائي التذكره المفتوحه يعني غرامه نص قيمه التذكره الان هذي الاجرائات الي صارت الان وقفت تلاعب كثير خاصه اوامر الاركاب الي تصدر وتتحول الى تذاكر مفتوحه والمرحله الثانيه بمنتصف السنه باذن الله |
اقتباس:
حاليا السعوديه جميع رحلات اوربا تقريبا تتوقف بروما او باريس ومن هناك مشغل اخر عن طريق سكاي تيم خط المدينه اوربا راح ينجح بنظري لان الخطوط الان ممكن تحول المدينه لمحطه رحلات لها مثلا تطلع تبوك المدينه باريس او القصيم مدينه فيينا حتى الدمام مشغل عن طريق klm بسكاي تيم برضه اما الداخلي مع رفع الاسعار راح يتم تقليل الرحلات او احجام الطائرات من ايرباص لا امبراير وكدا |
اقتباس:
البريتش مدري عنها بس السعوديه راح تشغل مطار الدمام خاصه لا اوربا بس السؤال هل السعوديه او الكلم هي الي راح تشغل طائراتها |
اقتباس:
اقتباس:
طيب أخوي انت ماحليت المشكلة .. ترفع الأسعار عشان تقلل الطلب؟ العالم بتشتكي من قلة العرض .. بعد تطور مستوى ناس ودخول المها راح ترفع الأسعار؟ المعروف مع كثرة المنافسين الأسعار ترخص مو ترتفع .. اللي مستغرب منه انه الناس دايما تكرر كيف أسعار السعودية الداخلية رخيصة .. ولو جيت تقارنها بأسعار أوروبا تلقى كثير من الشركات توفر تذاكر بأسعار أرخص .. مثال .. توني بحثت على تذكرة من مدريد إلى روما على Ryanair .. مطار كل واحد فيهم رسوم البوابة فيه أضعاف مطارات المملكة .. يعني التكاليف أكثر .. لكني حصلت التذكرة رايح راجع ب 100 يورو .. 500 ريال .. مع ان المسافة ابعد من مثلا الدمام المدينة .. لكن الدمام المدينة ب 720 .. وغير سعر الوقود اللي أرخص عندنا هنا .. خلونا نطالع مرة ثانية .. السعودية تكاليف تشغيل أرخص من الأوروبية .. لكن تبيع رحلات أقصر بسعر أعلى من خطوط كثيرة أوروبية .. وفي الأخير تقول أسعارنا رخيصة .. وين المشكلة؟ الحقيقة انه عدد المقاعد المتوفرة في السوق هي أقل بكثير من المطلوب في بلد مترامي الأطراف ومافيه قطارات ..هنا يجي سؤال .. تقولي وزارة المالية هي اللي تقرر شراء الطائرات .. سؤال .. من أين تأتي ميزانية الخطوط؟ مادخل المالية؟ عشان أجيب على جملتك "هي شركه طيران مو وزاره نقل ومواصلات" .. |
اقتباس:
|
بخصوص الاسعار حسبتها معقده
الاخوان الي جابو مثال ريان اير بين روما ودريد ماتقدر تقارن لان 500 ريال هذا ارخص سعر وهو يكون علي عدد محدد من المقاعد فقط وفي اوقات الركود لكن لو حجزت في اخر يوم او قبلها بيوم تبي تتحاسب بمبالغ خرافية جربت اجرب نفس الخط مدريد روما اليوم والعوده غدا طلع ريان اير 1300 ريال طبعا لايشمل عفش ولاوجبات ولا اختيار مقاعد لكن هناك شركه ارخص تعطيك ب980 ريال لو اعتمدنا سعر 980 الرخيص فان تكلفة السفر لاب وام و4 ابناء =5880 ريال ولكناو حجزت الان ع الخطوط السعوديه من الدمام للمدينه زي ماقلتوا يبي يكون=2880 ريال فقط كون الابناء بامكانهم الحصول علي علي 50٪ تخفيض طبعا الفرق مرشح للزياده والنقصان مشكله الخطوط ليست بسعر التذاكر فقط بل لانه يطالب منها زياده هذه الرحلات باستمرار مع استمرار نفس النزيف طبعا اتفق مع الاخوان ان زياده الاسعار تضر بالناس وهذا ماذكرته مسبقا الحل الصحي للبلد هو شبكه القطارات وتوزيع تواجد المستشفيات التخصصية بالمناطق وتقليل الحاجة للمراجعات بالرياض او تتكفل وازرة الصحة بدفع تكاليف سفر مراجعيها من ميزانيتها. غير ذلك اعتقد لايوجد سبب يجعل الحكومه او الشركات الحكومية تتحمل دعم قيمة التذاكر مثل ما الشخص يدفع قيمه فندقه بمكه والمدينه وجدة ....الخ وكذلك قيمة الملاهي والمطاعم وووو فان تكلفه التذكرة اذا كانت للسياحة فهي مسؤوليته اما السفر للاسباب الانسانية فالافضل يكون علي ميزانية الوزارة المختصة. البلد حتما يجب بكون فيها شبكه قطارات خط الشمال والحرمين في المستقبل القريب سيري النور بقي خط الحجاز (الرياض-مكة) والجنوب (جدة-تهامة) ربما سيكون لهما نصيب في حال لم تستمر انهيارات اسواق النفط. ولو اني اري انه يمكن انشاء هذه الخطوط بنظام ال BOT ولكن لا اعلم هل القطاع الخاص منجذب للاستثمار في خطوط سكك حديد...لا اعلم. |
^^ استاذي الفاضل طيب نترك موضوع التذاكر الداخلية وعد الرحلات حسب المطار ياريت احد يتكلم كيف الوضع الرحلات الدولي هل سعر التذاكر يتعبر متحرر بالمقارنة بالداخلي هل الخطوط السعودية اربتحها تعتمد على الدولي انا ارى من العدل اذا بقيت الاسعر كما هي تخفيض او الغاء ال 50% للعسكريين لدعم الخطوط السعودية لزيادة اسطولها لتتمكل من الشراء بدون دعم المالية |
| الساعة الآن 10:58 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
