:: Flying Way :: - الدراسة في كندا والاستفسارات حول الدراسة في كندا

:: Flying Way :: (https://www.flyingway.com/vb/index.php)

- أكاديميات ومدارس الطيران Academic School (https://www.flyingway.com/vb/forumdisplay.php?f=3)

الدراسة في كندا والاستفسارات حول الدراسة في كندا

السلام عليكم جميعا واسعد الله اوقاتكم
وكل عام وانتم بخير وان شاء الله العيد القادم بكون الكل محقق احلامه

اخواني واخواتي
في هذا الموضوع حبيت انو نتشارك المعلومات من اجل الدراسة بكندا طبعا انا وبحكم اختلاطي بلاعضاء والشباب الطيبه لاحظت انو عدد كبير من المنتدى ناوي يدرس طيران بكندا فالله يسر للجميع
طبعا فكرة الموضوع كل شخص عم براسل اكاديمية وعنده معلومات عن كندا يشاركنا فيها لتعم الفائدة ونتاصح فيما بيننا

وانا ان شاء الله رح ابدا ورح احكيلكم شو يلي بعرفه عن كندا

المتطلبات يلي لاحظتها من مراسلتي لعدة أكاديميات كالتالي :

1- بالنسبة للغة بشكل عام المدارس بتطلب انك يكون عندك إلمام بلغة من حيث الفهم التعبير ولكن مابخفيكم من فترة قدرت حصل كتاب طيران اسم private pilot manual كتاب جدا رائع وفيه كل مبادئ الطيران بلنسبة للغه فيه لازم الواحد يكون مستواه جيد فمافوق لحتى يقدر يمشي فيه
2- طبعا تكون صحتك جيدة يعني يعني تطالع شهادة الطبية وهاد يعني من متطلبات الرخصة يلي بدك تطالعها مو المدرسه.
3- لحتى تطالع الرخصه الاولى وهي ال ppl لازم يكون عمرك 17 سنة
4- وهو مو مطلب اساسي انو يكون عندك شهادة الثانوية العامة او مايعادلها طبعا انا حكيت مع اكاديمية واستفسرت انو اذا بقدر قدم بدون شهادة الثانوية فالجواب كان على انو دراسة الطيران مو دراسة جامعيه يعني مو متل الجامعه بتحتاج لثانوية ومعدل انما هي دراسة حره يعني الاكاديمية احيانا بتطلب الشهادة مشان السفاره لانو بعض السفارات تطلب منك شهادة الثانوية لحتى تاخد ال student visa
والبعض مابيطلب ولكن بشكل عام لازم الواحد ياخد الثانوية لانو يمكن تنطلب منه وقت العمل ان شاء الله.

طبعا هذي مو متطلبات بمعنى الكلمه يعني الاكاديمية بلاول والاخر ماضروري عندها غير انك تسكر حسابك وتدفع الفلوس يلي عليك.

كل المدارس بكندا تعطيك رخصة ال caa
وبتقدر تحولها للرخصة الامريكية الـ faa عن طريق امتحان كتابي ولازم يكون عندك 250 ساعة طيران.

المدارس يلي انا راسلتها :
اول اهتمامي بلدراسة بكندا كان بمدينة تورنتو وهي مدينة كبيرة جدا
اسم الاكاديمية :toronto airways ltd
راسلت الاكاديمية وحصلت منها معلومات بشكل عام التكلفه فيها :ppl :10000 وال cpl:12000 دولار كندي
عدد الساعات 105 ساعة طيران فعلي طبعا كل المدارس الكنديه بتعطيك بلرنامج تبعها 65 ساعة طيران بل cpl
وانت لازم تكفيهم لحتي يصير معاك 200 ساعة
خلصنا من الاكاديمية انطباعاتي عنها كانت جيده
شفت المدينه وهادا شي اساسي بعض الناس بتنساه
المدينة كبيرة كتير وفيها كل الجنسيات والعروق ومدينة غاليه ايضا نسبة الضرائب فيها مرتفعه.
فشلت اهتمامي من الاكاديمية وصرت دور على المقاطعه الجيده يلي تكون فيها الضرائب والمعيشه رخيصه ويقدر الواحد اذا حب يبني ساعات طيران فيها.

توجه اهتمامي الى مقاطعة البرتا وهي مقاطعه مشهوره بوجود النفط فيها ونسبة الضرائب فيها 7% وهاد شي طيب / يعني ارخص ضريبه بين مقاطعات كندا.

الاكاديمات يلي راسلتهم فيها :
اول أكاديمية راسلتها هي : EDMNTON FLIGHT CLUB
حكيت مع الاكاديمية وقدرت حصل المعلومات منها
طبعا التدريب بلاكاديمية على طائرات ال C-152
ال PPL :8500 , CPL :10700
طبعا عطوني تقرير كامل لكن للاسف الوقت ضيق شوي ولكن باذن الله يلي بدو المعلومات بحطها ان شاء الله ولكن هلق بحط المعلومات الاساسية
السكن بلمدينة بكلف حوالي ال 800 دولار شهريا .
انطباعاتي اكاديمية جيده التدريب فيها بكون بمطار دولي
ولكن المدينه غاليه شوي .لانها عاصمة ولاية البرتا ومدينة كبيره ايضا.

الاكاديمية التاني هي :SKY WING
أكاديمية مشهورة جدا وكتير ممتازه ولكن للاسف ماردوا عليه
وطبعا بصراحه انا بعد ماعرفت موقهعا ماكتير رغبت لها لانو تقع بلارياف يعني تقريبا منعزله جدا بس للعلم الاكاديمية هاذي فيها كورس دبلوم طيران اكاديمية جدا معروفه
الاسعار فيها : PPL :7500 CPL:10000
طبعا اسعارهم هاذي من ال 2007 فمابعرف ان اكيد في تعديل السكن فيها يعني هي بماانو بلأرياف فهي رخيصه يعني حوالي 500 دولار شهريا. تقع في مدينة ردي دير.

انتقلت بالبحث لمدينة كالجري وهي ايضا مدينة كبيره من اكبر المدن بلولاية هي وادمنتون

لقيت فيها مدرسة بتعطي كورس الترحيل الجوي وبصراحة انا مفكر كنت اخد هاد الكورس لانو الغراوند سكول لكورس الترحيل الجوي نفس الغراوند سكول تبع الطيارين لرخصة الـ ppl ولكن الطيارين زياده بكم ماده بسيطه طبعا هاد الكورس سعره رخيص راسلت الاكاديمية واسمها على مااذكر bda flight training وفيه طبعا تدريب للطيارين ولكن لحد الان ماردوا على رسائلي وحكيت معاهم بس ماحد جاوب المهم ان شاء الله بانتظار ردهم.

الاكاديمة التانيه في نفس هاذي المدينة اسمها :spring air training أكاديمية جدا محترمه وباذن الله اخترتها
المعلومات عنها: التكلفه لل ppl : 11000
الـ cpl :15000
ولكن ملاحظة اخواني سعر الدراسة بحدده الطالب كيف يعني ؟ يعني اذا احتجت لحتى تعيد الدرس او لحتى تزيد عدد ساعات طيرانك طبعا هاذي الاكاديمية بتعطي لل ppl
حوالي 65 ساعة طيران لذلك انت يلي بتحدد كم ساعة طيران بدك لانو في ناس بدها بس تحصل الحد الادني لعدد ساعات الطيران للرخصة الاولي وهوي 45 ساعة طيران
وبتعطي بلكورس الاولى ساعات سموليتر بشكل عام انا ارتحت للاكادمية وراسلتهم وطبعا بحكم انا حاليا بصف الثالث ثانوي ولله الحمد سألأتهم اذا بقدر انتسب فطبعا كذا اكاديمية حكولي انو مافي مشكله بتقدر تنسب بلوقت الحالي
(هذي من نوع الجماعة اللي يقول أعطيني فلوسك وفخار يكسر بعضه )
اما هذي الاكاديمية نصحوني فيها واصروا على انو اول شي اخد الشهادة الثانوية وبعدها بنتسب لهم.
طبعا بلنسبة للسكن بالمدينة بحدو ال 400 دولار كندي والسعر ايضا بلدولار الكندي.
وبصراحة كتير اكاديميات راسلتها من مناطق مختلفه وحكيت مع ناس مختلفه الله عافينا المهم بصراحه انا ارتحت لهاذي الجماعة طبعا ياشباب انا مابقلكم انو هي الاكاديمية الممتازه والرائعه وغيره من الكلام ولكن انا عم احكي عن نفسي ولحتى المنتدى ما له دخل ولكن اجتهاد شخصي مني وكل شخص له تفكير شكل.

طبعا وبالاخر نصيحه للجميع انو اي شخص بيدخل بعالم الطيران او غيره لازم يكون عنده علاقات جيده خاصيتا نحنا العرب اذا الشخص طلع ودرس بلخارج وحط فلوس كتير على حاله ورجع بدو يقدم على اي خطوط طيران وبكون معاه ppl +cpl/ir يعني بحدود ال 200 ساعة معاه فهاد يعتبر عند الشركات عنده صفر ساعات طيران يعني مبتدا
لذلك الواحد وهوي عم يدرس لازم يفكر شو بدو يساوي خطوات مستقبليه وفي بعض الاحيان بيقدر يحصل كتاب توصية من مدربه خاصيتا اذا كان المدرب معروف وصرله زمان بعالم الطيران ولازم الطيار يبدا مع شركات الشحن شركات نقل الركاب صغيره المهم عنده يبني ساعات طيران / مو المهم الفلوس بأول المشوار
هدا والله اعلم وبانتظار مشاركات الشباب وارائهم لحتى نساوي موضوع مرتب نخدم فيه المبتدئين واذا كان عندي اي خطا ياريت ياريت ياريت انو تصححوه لي ونتساعد مع بعض.
وبالاخير دعواتكم يلي بظهر الغيب بلتوفيق وتيسير الامور
أخوكم أحمد الحمدان.

واعذروني موضوعي متل درس التاريخ مافيه لاابتسامات ولاصور :hilarious:

مواقع مهمة /
نماذج التأشيرة /الفيزا وطرق تعبأتها
Canada‏ immigration Visa
الموقع الإلكتروني لدائرة الهجرة - كندا
Application to study in Canada: Study permits
نماذج الدراسة والإقامة الطويلة في كندا
https://www.cic.gc.ca/english/informa...ns/student.asp
نماذج طلب فيزا لزيارة كندا
https://www.cic.gc.ca/english/informa...tions/visa.asp
جميع النماذج الخاصة بإقليم كيبيكـ Quebec
https://www.immigration-quebec.gouv.q...rms/index.html
الملحقية الثقافية السعودية في كندا
https://www.saudibureau.org/