|
دراسة الطيران عن طريق ابتعاث الملك
السلام عليكم
نكمل موضوع الطيران واليوم راح اتكلم عن الطريقة الثانية للابتعاث ودراسة الطيران وهيا عن طريق ابتعاث الملك: هذه الطريقة اسهل لكثر من الطلاب بسبب انهم مايشترط نسبة ثانوي اوقدرات او تحصيلي اهم شي انه في جامعه تقبلك . مدة الدراسه تكون 4 سنوات من غير اللغه لتخصص علوم طيران. وتتخرج بشهادة بكالوريس مع الرخص خطوات هذه الابتعاث انك تطلع على حسابك وتحول بعدها على بعثة الملك واجراءاتها في القبول زيها زي اي تخصص ثاني طبعا من شروط الاتحاق انك تكون تدرس في معهد مقبول ويكون عندك قبول جامعه مقبولة وتخصص مقبول اذا كنت بتدرس طيران عندك الجامعات الموجودة في الصورة كلها مقبولة الا جامعة اكولوهما ستيت ، الجامعه هذه حاليا مقفلة، اذا ابتعثت وخلصت المعهد وجبت قبول نهاىئي من الجامعات الموصى فيها ( 7 جامعات حاليا) الملحقية تشترط عليك انك تجيب موافقه من الخطوط السعودية عشان توافق عليك تدرس في الجامعه طيران. اختبارالخطوط وكيفية وشروطه ووقته ،،،، الخ حبيت اكتب الكلام هذا عشان يكون مرجع للكل. ايش هوا اختبار الخطوط او موافقة الخطوط؟ هذه اختبار تشترطه عليك الملحقية يختبرو فيه قدراتك اذا كنت تبى تدرس طيران وبدونه ماراح تقدر تدرس تخصص الطيران. وهوا اختبار قدرات وبعده مقابلة شخصية وفحص طبي. شروط الاختبار؟ تكون مبتعث وعندك بعثه سارية، (عمرك اقل من 22 بالهجري)، شهادة ثانوي طبيعي او علمي، تكون مخلص لغه وعندك قبول نهائي من احدى الجامعات التالية: • Kent University • Middle Tennessee State University • Saint Louis University • University of North Dakota • West Michigan University • Minnesota State University - Mankato • Utah State University ملاحظة: هذه اخر الجامعات المقبولةحاليا ممكن يصير تغير في المستقبل. هل يقبلون القبول المشروط؟ ممكن يقبولوا القبول المشروط اذا كان من احد الجامعات المقبولة فوق بس بشرط انك تجيب قبول نهائي قبل بداية السمستر الي يكون بعد الاختبار( يعني لازم تبدا جامعه في السمستر الي بعد اختبار الخطوط) كيفية التسجيل للاختبار؟ الملفات المطلوبة هيا: صورة لجواز سفرك وبطاقة احوالك، صورة لي شهادة الثانوي، صورة لي قرار ابتعاثك وايضا ورقة تثبت انك حاليا مبتعث وتدرس في بلد البعثه، صورة لي قبول الجامعه، وترسل اسمك بالعربي والانجليزي ، جوالك وايميلك، واسم الجامعه او المعهد الي انت فيه حاليا. ترسل كل ملفاتك على الايميل هذا:[email protected] مواعيد ومكان الاختبار؟ الاختبار دايما يكون مرتين في السنة مره نهاية شهر نوفمبر ومره بداية شهر ماي وغالبا يكن الاختبار في واشنطن دي سي في فندق شيرتون عندي مشكلة وحاب استفسر؟ اول شي ارسل استفساراتك كلها في الايميل الي فوق اذا مافاد ممكن تكلم الاخ نزار مهلهل وهذا ايميله: [email protected] ملاحظه: راسل الايميل الي فوق قبل ما تلكم الاخ نزار لانه هوا غالبا راح يحولك ويقولك راسل الايميل. كيفية القبول؟ اول شي اختبارعادي جدا مشابه لاختبارات القدرات اذا نجحت فيه يعطوك موعد للمقابلة الشخصية وتكون بعد الاختبار بيوم الى ثلاثه ايام واذا عديت في المقابلة تكون انتا كذا تقريبا مقبول ويبقي لك الفحص الطبي، يعطوك اوراقك تسويها ويكون الفحص في جدة. ايش الاختبار؟ الاختبار زي ماقلت اختبار قدرات عادي يشوفوه في قدراتك ، مو صعب ولا هو سهل . ملاحظة: الاختبار هذه السنة راح يكون بالانجليزي غير السنوات اللي فاتت واحتمال يستمر باللغه الانجليزية. وهذا نموذج قريب جدا للاختبار للحاب يدرب عليه: https://www.hrdiscussion.com/iqtest.html وهذا موقع ثاني: https://www.free-iqtest.net وهذا كمان برنامج للجوال تترب عليه على اسئلة الاختبار: https://itunes.apple.com/us/app/id688983474 ليش لازم اختبره؟ ببساطه الملحقية ماتبى تدفع فلوس الرخص علي طالب ماعنده القدرة انه يصبح طيار في المستقبل. هل اذا نجحت في الاختبار يعني انا مبتعث من الخطوط وارج بتوظيف مباشر؟ لا موشرط انا راح تكون زي ما انتى مبتعث من الملك لكن الخطوط راح تشرف عليك بعدها وقت دراستك، الاختبار هذا بس عشان تدرس طيران،احتمال يكون لك اولوية في التوظيف بعد ما تتخرج وتكون اجراءاتك سهلة.بس انت لمن ترجع السعودية راح ترجع تقدم زيك زي غيرك وتسوي كل الاختارات حقت القبول زيك زي غيرك وبالتوفيق للجميع |
|
الله يعين ع هالاختبارات
|
الله يعين هالاختبارات
|
| الساعة الآن 09:07 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
