جديد على الهواية ومحتاج مساعده
 

السلام عليكم

انا توي شاري طائره هيلكوبتر من نوع (trex 450 DLC) من شركه ALIEN هي طائره 3D ولكن للاسف سويت فيها حادث من اول 5 دقايق من وصولها.. مع العلم اني استخدمت اجهزة محاكاة ولكن يوم جا الصدق اختلفت الامور ههههه
عموما الان صار فيها مشكله كلما ابي اقلع تدور حول نفسها وديتها لمحل كان على طريق طريق الشرقيه بالرياض وغيرت فيها كم من قطعه وطلبت لها قطع واجد.. بس الى الان ما انحلت المشكله والمحل قفل بعد..
اذا احد عنده خلفيه عنها ياليت تساعدني.. الطائره كلفتني اكثر من 3000 ريال ولا استخدمتها الا 5 دقايق والان لها فوق 6 الشهور ما استخدمتها..
وهل فيه قروبات للطائرات الهليكوبتر او محل في الرياض او اماكن تجمع
ياليت تفيدوني الله يجزاكم خير
اسف على الاطاله وتقبلو تحياتي

في تجمع في الرياض للشباب ،،، رحت له مرة ولكن مادري في هواة الهلي او لا


اذا شفت العنوان كتبته لك

والله تسوي خير.. الحين ما فيه اي محل في الرياض في مجال الطائرات الاسلكيه؟

موجود يالغالي,,,

الاخ العزيز والحبيب البرنس راح يفيدك اكثر مننا.

الي اذكره انه كان على يمين محطه فقط لا غير :) :) :iconloli:

بالتوفيق لك.

رد
 

الله يعوض عليك. بالنسبه للهليكبتر يبي منك برمجتها وتأكد من صيانتها 100٪ ولا يوجد فيها أهتزازت. أو أنحراف في الذيل وقبل كل شئ لازم تعرف حركات الهلي وكيف توازن سرعة المراوح لان بعض الاحيان وانت مسرع بالهلي تتعلق في الهواء وتنقلب بالشكل العمودي للخلف. لازم تسيطر على سرعتها بالشكل الأفقي وكثف التدريب لان الهليكبتر. تحتاج وقت كثير حتى تفهمها وأذا نزلتها لازم يكون نزولها سهل وسلس ولا يكون قاسي لانه بينكسر الاند قير. الهليكبتر تحتاج وقت لازم تفهم كل شئ من صيانه برمجه طيران

رد
 

تفضل هذي روابط لبرمجة بعض انضمة السستم للهليكبتر لو نزلت اسم القطع الي برمجة فيها طيارتك كان أفضل. على العموم تابع الشرح في الرابطين.https://youtu.be/9huZovVMrLY. . https://youtu.be/tMwdSwpGxvM

السلام عليكم

الذيل اذا ما بيتحرك في الاتجاه الصحيح راح تلف الهلي حول نفسها
حاول تشرحلنا وش اللي خرب بالضبط اول مرة وايش اللي صلحته؟ هل أعدت برمجة الجايرو ولا نفس البرمجة ما عدلت عليها؟ اذا عدلت في ريموتك تأكد ان اتجاه القنوات نفس ما كان لما كانت جديدة. متاكد انك منت مسوي تريم في ريموتك؟ ايش نوع ريموتك سبيكتروم او فوتابا؟

حاول تجاوب على الأسئلة اللي فوق بتساعد الشباب يحددوا المشكلة وين بالضبط


بالتوفيق ان شاء الله

الموضوع بسيط يا ابو فيصل.. تعالى موقع التجمع يوم الجمعة او السبت وانا هاظبتهالك وافهمك كيف تظبطها

شادى ابوكيفه

اعتذر عن المداخله وين مكان التجمع وهل هو بشكل اسبوعي ؟ وهل هو خاص بمجموعه معينه مثل منتسبي نادي الطيران ؟

وشكرا جزيلا

اولا احب اشكر الجميع على التفاعل.. ما قصرتو والله..
الريموت هو فوتابا الي جا معاها ولا لعبت في البرمجه لاني اصلن ما اعرف هههه والقطعه الي خربت هي حديده تجي تحت الذيل ما ادري وش سمها واستبدلتها بجديده.
والله ياليت اخ شادي تسوي فيني خير.. لاني قريت المانول الي جا مع الريموت بس ماش ما طلعت بشي.. واذا ممكن وصف المكان والوقت الي تتجمعون فيه..
ياليت برضو تزودني برقم جوالك او ترسله لي على الخاص لو تكرمت..