اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
السلام عليكم .. كيفكم شباب ان شاء الله تمام التمام :) بس انا عندي سؤال واستشاره بنفس الوقت :d3oh: الحين يا شباب مثل منتم عارفين ان كل ش من اختبارات وفحوصات خلصناها (اقصد في الجوية) وباقي القبول النهائي يطلع وخلاص نعطيهم اوراقنا بإذن الله ، لكن انا عندي مشكلة .. انا يا طويلين العمر جاني قبول في جامعة الملك سعود في الرياض .. وقلت الحين انا ضمنت الجامعة خلني اودي اوراقي الرسمية واصير طالب عندهم واذا طلعت الجوية وكنت بإذن الله مقبول فيها سحبت ملفي من الملك سعود وجيت الجوية واعطيهم اوراقي الرسمية .. الى الحين تخطيطي حلو وممتاز لكن المشكلة واللي خوفني .. ان فيه واحد في المنتدى هنا يقول ان النتايج حقت الجوية السنه اللي راحت طلعت في 25 رمضان .. والجامعة يخلصون دواماتهم 20 رمضان .. طييييب الحين انا خفت ان السنه ذي يأخرونها الى بعد 20 رمضان واذا جاني قبول في الجوية ان شاء الله ما اقدر اسحب ملفي الا بعد العيد .... وش اسوووووووي الحيييييييين ؟؟ بالله يا شباب الله يوفقكم علموني وش الحللللللل ** انا جاني قبول في جامعة الامام في الرياض .. وفكرت اذا تأخرت النتايج بعد 18 رمضان بروح للملك سعود واسحب ملفي .. واذا جاني قبول في الجوية ان شاء الله وديت اوراقي واذا ما جاني الله لا يقوله .. بروح اقدم على الامام فصل ثاني .. وش رايكم يا شباب علموني والله اني ورطان |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
السلام عليكم ورحمة الله أصبر (و لا تسلم الاوراق الأصلية لأي جامعة) حتى تظهر نتائج كلية الملك فيصل الجوية وأن شاء الله يكتب الله لك القبول فيها |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
يا حبيبي انا سلمتها خلاص للملك سعود !!!! |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
اخوي انتم تنتظرون الان القبول المبدئي وبعدها يعطوكم مواعيد للكشف الطبي النهائي
وتبدا المواعيد تقريبا بعد العيد اما عن الجامعة زين سويت تامن نفسك واذا انقبلت بالجوية تقدر تسحب الملف اتمنى لك التوفيق |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
اخوي احمد فيه قبول ميدئي عديناه وبعدين سوو لنا فحص طبي واختبارات كمبيوتر ومقدرة طيران وكذا .. حنا الحين ننتضر قبول (مدري هو مبدئي ولا نهائي لانك لخبطتني) وبعدها كشف طبي نهائي فيه فحص دم وبول واشعه بس هذا هو |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
دقيقة اخوي انا راجعت الاوراق حقتي لقيت انهم يقصدون نتايج الاختبارات واللياقة وكذا وبعدين تطلع اسماء المقبولين مبدئياً وبعدين يسوون فحص طبي نهائي وبعدين يعلنون النتايج ويعلموني متى التحق بالكلية ...... هذا اللي فهمته من كلامهم في الاوراق حقتي لكن متى يسوون الكشف الطبي النهائي في اي يوم بعد العيد ؟؟ |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
اقتباس:
ماتقبل نهائي يعطوك موعد اللي تبدا فيه دورة الفرد الاساسي مدتها 40 يوم اذا ما تدخن اومافيك امراض وكسور ان شاء الله تعدي بالتوفيق |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
لآتسحب ملفك ابداً على الأقل الجامعه مظمونة
الكلية ممكن يطلع اسمك وممكن لا |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
كفو يا عيال ساعدتوني لكن اشرحوا لي الفحص النهائي كيف يسوون !!؟!!؟ وهل اذا عديت الفحص النهائي اعتبر مقبول ؟ ولا لازم يسوون ترشيحات وقلق ؟؟! |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
في اسماء بتطلع قريب هاذا يسمى بالقبول المبدئي
لأن اللى فات كله ترشيح فقط اذا طلع اسمك مبدئي فأنت مقبول بأذن الله بنسبه 99% مايطلعون الا اللى في دمهم شي يعني مخدرات او شي أتمنى اكون افدتك |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
الفحص النهائي عبآره عن دم +بول(وانت بكرامه)+الأدلة الجنائية
|
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
اهاا يعني سهلات ان شاء الله اذا طلع اسمي باذن الله طيب واللي يدخن وش يسوون فيه ؟؟ طيب واللي شيش لكن من فتره يعني كم يبغاله عشان يروح من الدم وولا يكشفونه ؟؟ |
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
ماأدري كم بالظبط لكن سمعت واحد قبل يقول 40 يوم والله اعلم
|
رد: اللي مقدم على كلية الملك فيصل الجوية او اللي فاهم في التقديمات يدخل رجااءااا ضرووووووري !!!
اهاا يعطيك العافية |
الساعة الآن 11:36 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.