:: Flying Way :: - استفسار بخصوص شركة حجز تزاكر طيران

اقتباس:

المشاركة الأصلية كتبت بواسطة شادى ميلاد (المشاركة 1154448)

انا مصرى يا جماعة وشغال فى مجال الطيران ليا شهرين بس

اقتباس:

المشاركة الأصلية كتبت بواسطة شادى ميلاد (المشاركة 1154448)

ومعجب اوى بالمجال وطريقة الشغل فيه
وكنت حابب اسئل لو هفتح مكتب حجز تزاكر طيران
اية المطلوب والتكلفة كام
فى ناس قالتلى ان فى نوعين آ و ب
وان الالف بيكلف حوالى من 2 مليون واكثر
وب بيكلف 200 الف
ياريت حد يقدر يساعدنى بالتكلفة الحقيقة لكل انواع المكاتب

مبروك مجال العمل بالطيران وحجوزات الشيقة فهو قسم اعشقه

بالنسبة لكيفية فتح شركة سياحة بمصر فالامور تختلف جزيا عن اى دولة فى العالم ..لانها مصر
فيه كذا طريقة هنتكلم عليها

شركات السياحة تتكون من ثلاث فئات أ وفئة ب وفئة ج
1 - بالنسبة لفئة أ ودى هتكون انت عندك الصلاحية لبيع جميع الخدمات السياحية ومن ضمنها تذاكر الطيران والفنادق والحج والعمرة والنقل السياحى
والتأمين المطلوب لشركة السياحة من النوع هذا 2مليون جنيه فقط بمعنى بعد دفعك لهذا المبلغ تبدأ تجهز مكتبك من كافة الخدمات ثم تشترى اتوبيسات ثم تشترى غرف فندقية من وكلاء سياحيين ثم تدفع لكل شركة طيران مبلغ تأمينى فى حدود من 50الف وحتى 200الف علشان تقدر تصدر تذاكر منها
2 - بالنسبة لفئة ب وهى خاصة بالنقل السياحى والخدمات السياحية من ححجوزات فنادق مالها اى اتصال باصدار تذاكر الطيران ويكون محظور عليها واعتقد ان التأمين فيها فى حدود 200الف او اكتر ليس لدى رقم مؤكد بالظبط
3 - الفئة ج وهى خاصة بالنقل السياحى فقط ويكون التامين اقل
بالنسبة انت لو عايز تفتح فرع شركة سياحة تكون هى فئة أ وانت تأخد منها فرع بتكون الامور كالتالى
أ : هتدفع تبرع لوزارة السياحة 10الاف دولار (إتاوة وجبروت)
2 - هتدفع مبلغ حوالى 50الف على الاقل لصاحب الشركة اللى انت هتاخد منها فرع (إتاوة)
3 -هتدفع الفين جنيه شهريا على الاقل ايجار لليافطة اللى انت عاملها على حسابك باسم الشركة اللى انت واخد منها فرع
4 - هتدفع ايجار وتجهيز مكان علشان تشتغل فيه وكذلك موظفين
5 - فى الاخر برده علشان تصدر التذاكر مش هيكون غير من المكتب الرئيسى اللى انت واخد منه بعد المبالغ دى كلها اللى دفعتها
ب: لو مصر على فتح فرع يبقى ممكن تأجر كاونتر طيران من شركة سياحة وهتفرض عليك الاتى
1 - هتدفع مبلغ تأجير حوالى 2500جنيه شهريا
2 - هيكون عليك الاشتراك فى فواتير الكهرباء والمياه والغاز (مع انه مفيش غاز) والتلفون عليك وكمان مصاريف الموظف اللى هيشتغل معاك
3 - اى مصاريف هتدخل ليك من الكونتر بتتحسب وف نهاية الشهر هتلاقى نفسك مش محصل اى مكسب لانه اساسا مفيش معاك فلوس تدفعها لكل شركة طيران علشان تصدر منها تذاكر
4 - اساسا شغل الطيران فى مصر ضعيف ولو حبيت اسافر جوه بلدى هيكون بجواز السفر مش بالبطاقة زى باقى الدول
5 - لو فكرت انك تفتح شركة خدمات سياحية وتشتغل كل حاجة (من الباطن) هيبقى عين العقل ولانك هتستفسد من كله ومش هتدفع حاجة بس بيكون شغلها ضعيف برده