:: Flying Way ::

:: Flying Way :: (https://www.flyingway.com/vb/index.php)
-   أكاديميات ومدارس الطيران Academic School (https://www.flyingway.com/vb/forumdisplay.php?f=3)
-   -   حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـطوة (https://www.flyingway.com/vb/showthread.php?t=78401)

Scorpion 777 03-02-2010 06:21 PM

حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـطوة
 
بسم الله الرحمن الرحيم



السلام عليكم ورحمة الله وبركاته ...




الأخوة الأفاضل المشرفين على هذا المنتدى أخواني الأعضاء المحترمين ..





يا شباب المنتدى .. اليوم في أمانة لازم أوصلها لكم .. و أتمنى من الأعضاء المشرفين تثبيت الموضوع





وعدم حذفه ليستفيد منه كل الأعضاء في المنتدى ...





يا شباب .. بكتب لكم وبكل أمانة وشفافية عن حقيقة مدرسة سايكلون للطيران ... وعن تجربتي الشخصية والي كنت ضحية فيها .. للأسف قام صاحب التقرير لأستاذ المحترم أحمد زكي وأستغل الموقع بنشر تقرير كاذب عن مدرسة سايكلون للطيران بقصد تجاري بحت .. لمصلحة صاحب المدرسة ... مقابل عمولة يحصل عليها صاحب التقرير ...






القصة تبدأ لين يقوم صاحب الموضوع تقرير عن مدرسة سايكلون السمسار أحمد زكي عن ذكر معلومات كاذبة عن المدرسة و يزين الموضوع بشوية صور عن المدرسة بعلم وأشراف المباشر لصاحب المدرسة مقابل عمولة فكس على كل واحد يجيبة .. أعزكم الله .. على كل رأس يجيبة يأخذ 2,000 دولار أمريكي .. يعني يا شباب أختصارا يتاجر بمستقبل الشباب الي في المنتدى لمصلحتة الشخصية




.. الطريقة سهلة .. ينزل التقرير ويكتب للشباب الي حاب يتواصل يراسلني على الخاص ولا يتصل علي عشان أنسق مع المدرسة .. والشباب يقومون بالدعاء له بأجر والثواب وهم مو عارفين الحقيقة الواضحة .. أنهم ضحايا مالهم ذنب ..

أيش راح يكون شعوك بعد ما تسيب أهلك وناسك .. و الي يروح يأخذ تحويشة العمر ... ولا دين من البنك ... و الي يستقيل من والوظيفة ... عشان يجي وينصدم بالواقع المر .. أنك وبكل بساطة .. ضحية لعبة سمسار ... ترضون يا شباب على أنفسكم ؟؟؟





بداية القصة ( الجزء الأول )






مثال : يتفق السمسار المحترم أحمد زكي مع الطالب مثلا على أن سعر الدراسة 28,000 دولار شاملة ( السكن, الكهرباء, المويه, الخ ) ويكون من قبل متفق مع صاحب المدرسة على أن عمولتة بتكون 2,000 دولار أمريكي من بكج الطالب من غير علم الطالب




.. يعني صاحب المدرسة يحصل على 26,000 دولار و 2,000 دولار للسمسار نفسه .. يعني أسرع طريقة لكسب الفلوس .. مجرد أتصال هاتفي و شوية ردود على المنتدى مقابل ب 2,000 دولار .. تجارة ولا أحلى من كذا




بعد ما يرتب النصاب أحمد زكي مع الطالب الضحية عن الأمور الخاصة المتعلقة بالبكج .. يقوم بأرسال مندوب من المدرسة في المطار .. وتبدأ مرحلة العذاب .. القصة تبدأ من هنا .. يجي معاك يوريك المدرسة لفة سريعة .. ويقبض عمولتة من صاحب المدرسة 2,000 دولار .. وبعدين اذا شفتة تشوفة في المناسبات .... يعني بالعربي .. خلص مهمته منك .. وخذ الي يبغاة .. و بعدين تنحصر علاقته فيك اذا شفتة في المدرسة.. و اذا شفتة في أي مكان بالغلط تكون من جد محظوظ ...





تكمله القصة ( الجزء الثاني )





بعد ما تجي مثل أي طالب يقوم صاحب المدرسة شخصيا بتعين شخص يقوم بالأجراءات الروتينية من فحص طبي , أصدار رخصة طيار تحت التدريب للطالب .. يوري الطالب أنه مهتم فيه.. بس ... وبعدها يطلب من الطالب دفع مبلغ معين من الفلوس



.. يعني تبدأ مرحلة جديدة .. وهي مرحلة الأستعباط و مرحلة النهب عيني عينك .. يقولك يا أخي محتاج شوية فلوس عشان أكمل أجراءات الرخص و الفيزا .. الخ .. الطالب المسكين يدفع.. ومن بعد ما يدفع الطالب .. وهو متأمل أن بعد ما يدفع راح تمشي أمورة و تتسهل ..

للأسف .. بعدها يصير خلاص .. ماضي .. شخص محد يدري عنه .. يعني صاحب المدرسة .. يطنشه .. مايرد على الجوال ولا أتصال الطالب .. يطلب الطالب مقابلته يتعذر بأنه مشغول .. يعني .. تخيلوا يا شباب .. تجي تبغى تثبت كل الي أتفقت معاة في البكج قبل ما تجي .. تلقى الواقع صار شي ثاني ..





مثال: متفق تطير معاة 120 ساعة سنجل أنجن على سيسنا 152, 172, 182 يجيك بعد مدة يقولك والله .. سيسنا 172 راح أجيبها الشهر الجاي عشان تطير عليها .. واذا ما جبتها راح أستأجرها لك من مدارس ثانية .. يكذب .. وحتى المالتي أنجن . يقوم ويحاسب الشباب على مبالغ الطيران الفعلى يعني سعر التسجيل للوجن اذا طرتها فعلية مقاربة لسعر اللوجن اذا ما طرتها ... نصب .. بنصب






والغريب في الموضوع .. الرجال ماهو شخص مثقف ولا دارس .. يعني شخص غير مؤهل لفتح مدرسة ولا لأدارتها بس عشان هو ولد أبوة الوحيد المدلل صار عندة جنون العظمة... تخيل يعطيك سعر للبكج من راسة على الطاير في ثواني .. يقولك مبلغ .. لو تجي تحسبها بالعقل .. تشوف أنه .. ما يصير لا بالعقل ولا بالمنطق





وهو ماشي على مبدأ خذ من الطالب قدر ما تقد من فلوس .. عشان تخلي الطالب تحت سيطرتك .. يعني بعد ما ياخذ منك فلوسك .. يخليك تحت رحمته يلعب فيك على مزاجه .. وبكل بساطة .. وبرود ... يقلك في وجهك ..

اذا مو عاجبك الوضع روح سجل في مدرسة ثانية .. بعد ما خذ جزء كبير من فلوسك .. يعني يخليك معلق بين السماء والأرض .. لاتقدر تسيب المدرسة .. لا تقدر تسوي أي حاجة .. عشان لو سبت المدرسة ما راح يرجعلك شي من فلوسك.





بس أهم خطوة في عملية النصب .. هي المرحلة الأخيرة .. مرحلة قبل ما الطالب يسيب المدرسة ويتخرج شوفوا حلاوة وحرفنة النصب على أصوله ..






مثال: أنت متفق مع صاحب المدرسة من البداية أن عندك جدول زمني محدد لازم تتقيد فيه عشان ألتزاماتك ..خلنا نقول بترجع بداية شهر ديسمبر .. طبعا سعر البكج مثل ما أتفقنا في المثال 28,000 دولار شاملة كل شي .. يجيك قبل موعد التخرج بفترة قصيرة تكاد تكون أيام معدودة أو بالكثير أسبوع ..

يسويلك فلم هندي سوري ما أقدر أخرجك على الوقت .. في مشاكل في أوراقك و هيئة الطيران مو راضية تمشي رخصك معرف أيش يخلي نفسيتك بالأرض .. يدمرك .. ويقلك أوكي .. في حل ممكن تدفع شوي فلوس يعني بس كم ألف دولار زيادة من جيبك عشان نمشي أمورك ونضبطها .. والطالب المسكين ما يكون عندة أي خيار غير أنه يدفع ويخلص نفسة عشان يشتري راحه باله ..


يعني يوصل الطالب لمرحلة كاره حياته ما يبغى شي من الدنيا خلاص بس يبغى يسيب الفلبين بأي طريقة .. شوف كيف البكج يتغير .. يعني كأنك تعطي صاحب المدرسة حلاوة تخرجك بعد كل الي سواه فيك ولا غصب عنك ماهو برضاك .. اذا كان عندك شوية فلوس تدفعها لصاحب التاكسي عشان يوديك المطار تكون يعني من جد شخص محظوظ .. في ظلم أكثر من كذا يا شباب ؟؟؟






تكمله القصة ( الجزء الثالث )




شباب .. والله العظيم .. كل رخصة تحصل عليها في مدرسة سايكلون ما تطلع الا بعوار قلب وبهدلة .. يعني تخيل .. صاحب المدرسة يوعدك تنزل الأسبوع الجاي مانيلا تسوي الامتحان




ويقولك أن تصريح دخول الأمتحان جاهز .. تروح مانيلا .. تتفاجئ أن التصريح مو غير موجود بس .. التصريح محد قدم علية ولا أحد يدري عنه .. تحاول تكلمه .. ترسله مليون مسج .. مايرد عليك .. يخليك تترجاه عشان بس تحصل على حقك الطبيعي حالك حال اي طالب عشان تسوي الأمتحان ..




بس القصة ما أنتهت عند كذا .. شوف أيش راح تكون معاناتك بعدها .. عشان تحصل على النتيجة وأصدار الرخص وغيرها من مشاكل مالها أول ولا آخر ... يعني 3 رخص راح تخلصها بس شوف .. الله العالم .. كيف راح تكون نفسيتك لين ما تتخرج من المدرسة.





تخيل وضعك .. تنزل من مكانتك .. وكرامتك لشخص .. عشان يسمحلك تسوي الامتحان .. ولا و الأهم في صفة راح تكتشفها في صاحب المدرسة .. دايمكن يبغى يخليك تحت سيطرته وتكون مذلوول .. هاي أسلوبه .. طبعا كل السماسرة .. بدون ذكر الأسماء كاتب الموضوع الأصلي السمسارالمحترم أحمد زكي والي واصل على عملية تولي منصب الترويج عن المدرسة من بعدة .. بقوة و أكتسح الموقع بالأكاذيب .. لهم معامله خاصة جدا .. جدا .. جدا من صاحب المدرسة لدرجة أن بعضهم دراستهم شبة مجانية في سايكلون ..


عشان هم أساسها .. ويجيبون ضحايا جدد للمدرسة .. وواضح من التقرير اذا الشخص يقراه من البداية الأشخاص المعنيين بعملية السمسرة ..

الله يستر عليهم ويسامحهم على كل الي يسوه بحق الطلاب والشباب .. وللأسف لسى شغالين على الموضوع وما يهمهم ألي قاعد يحصل في الشباب .. عشان مافي رادع أو شخص يوقفهم عند حدهم ...





نهاية القصة ( الجزء الأخير )




يا شباب أعترف التجارة شطارة بس .. مش تتاجر بمستقبل الشباب وباحلامهم و طموحهم .. وتبيع ضميرك عشان شويه فلوس .. في ناس ماتت قلوبهم .. وين الضمير يا ناس .. مستحيل أقول كلمة ومعلومة لشخص مو متأكد منها أو أكذب.. عشان شويه فلوس ..


لا والي قاهرني دعوات الشباب الي نيتهم صافية .. ولا عارفين حقيقة الموضوع .. يعني بالعقل .. شخص أستغلك .. ويقولك لما تجي الفلبين قول للمدرسة أنك جاي عن طريقي .. ويلزم عليك .. مليون مرة قبل ما تجي الفلبين أنك تذكر أسمه أحمد زكي .. زكي .. زكي .. أيش تسميها ؟؟؟ بس أبغى أعرف ؟؟؟ يحبك محبة لله .. محبة أخويه ؟؟؟





الحقيقة معروفة أن ظاهرة السمسرة موجودة في أغلب دول الأسيوية وخاصة الفلبين .. بس لا تكذب على الطالب أنك تساعدة لوجهه الله تعالى .. وما تبغى منه الا الدعاء .. وتنكر عمولتك .. خذ العمولة الي تبغاها بس كون واضح وصريح من البداية مع الغير .. الرجولة والأخلاق ما تكتسبها من الحياة .. هي تجيك بالتربية والمحيط الي تعيش فية .. وكل واحد بأصلة ومعدنة.



للأسف .. أن الي قاعد يروج للمدرسة .. شخص همه الوحيد كم يجمع دولارات قبل ما يسيب المدرسة والفلبين ... يعني يمكن يواصل الشغلة ويحترفها حتى بعد ما تخرج .. .. في شي كل الناس تتفق علية كل مدرسة لها ايجابياتها و سلبياتها .. بس مدرسة سايكلون تفتقرلكل مواصفات المدرسة المثالية .. يا أخي ما نقول المثالية .. بس الصفات المبدأية عشان نسميها مدرسة



طيران ماهي متوفرة .. مو كل من جاك وجابلك كم طيارة وعينله شوية موظفين و فتح كم فصل وقالك عندي مدرسة..



بعض الحقائق عن مدرسة سايكلون للطيران: ( تقييم شخصي دقيق جدااا )





أولا: المدرسة عبارة عن صف دراسي واحد صغير جدا لا يستوعب الا عدد محدود من الطلاب.. يفتقر لكل المناهج التعليمية الصحيحة.



ثانيا: غرفة صغيرة للسيموليتر .. جهاز قديم .. غير مجهز للتعليم الحديث .. مقارنة بالمدارس الآخرى.




ثالثا:لا توجد مناهج ثابتة للدراسة .. صفوف منقطعة .. حسب الطلب .. جدول غير منظم أطلاقا.




رابعا: بطئ شديد والأهمال في أجراء المعاملات الخاصة بالطلاب ( أصدار الرخص ,تسجيل للامتحانات , الخ )




خامسا: موظفون غير أكفاء .. لا يمتلكون أي سمات الحرفنة والتخصصية في اداء الأعمال ناهيك عن الخلافات والصراعات والأحقاد الشخصية بين الموظفين بين بعضهم البعض .. التي تؤثر سلبا على الطالب مباشرة.




سادسا: وجود عدد قليل من الطائرات يكاد يذكر في المدرسة مقارنة بالمدارس الأخرى.




سابعا: عدم وجود السمعة العريقة ولا الخبرة في مجال تعليم الطيران المعتمدة دوليا في المدرسة نفسها وأن وجد بعض المدرسين الأكفاء وذوي الخبرة الطويلة في المدرسة.




ثامنا: عدم وجود رؤية واضحة للمدرسة وعدم التقيد بالاتزامات نحو طلابها.




تاسعا: وجود الكثير من المشاكل المالية في المدرسة وعدم وجود أي أستقرار أداري أو مالي.




عاشرا: وجود الكثير من العنصرية في التعامل مع الطلاب .. وطريقه التعامل تكاد شبيه بالأستعباد وتحقير الغير.




ملاحظة هامة:



شباب المنتدى .. المشرفين على المنتدى الأفاضل .. الله يشهد على كل كلمة قلتها .. أنها صحيحة الحمد لله أخليت ذمتي بالي شفته بعيني وبالي مريت فيه من ظروف بالفلبين وفي مدرسة سايكلون خاصة ..




أدري أن راح تكون هناك ردود أفعال قوية و نقاشات حادة من سماسرة مدرسة سايكلون .. ( الثنائي المرح ) أصحاب الذمم الواسعة .. طبعا بعد ما يأمرهم ولي نعمتهم مدير المدرسة بتكذيب الحقائق المذكورة لحفظ ماء وجهه .. شوف الله العالم .. كم راح يدفع لهم أتعاب للردود الي راح تكتب من طرفهم . ولو تلاحظون أنهم دايمن المتحدثين الرسميين بالدفاع عن مدرسة سايكلون ..


ممكن أحد يقولي ليش .. الجواب واضح وضوح الشمس .. سمسار ولا مو أي سمسار .. سمسار مخلص .. يعبد البيسو عباد ..ممكن تكذب الناس الي تكتب الحقيقة .. ممكن تكذب على الناس بعض الوقت .. ولكن تذكر أنك ما راح تكذب على الناس كل الوقت .. يجيك يوم وتبان الحقيقة .. بس للأسف لا حياة لمن تنادي .. بس معليش مقدر ومتفهم أن الأخوان( الثنائي المرح ) .. نسوا ذممهم وأنسانيتهم وسابوها في السعودية قبل ما يجوا الفلبين .. هههه ..


بس الله يشهد أني ما كتبت في الموقع بدافع حقد أوأي شي شخصي بيني وبين صاحب المدرسة أو السماسرة .. بس حسيت أنها أمانة لازم أوصلها لجميع الشباب .. يعني بالعربي لا راح أستفيد .. عمولة ولا قمت وسويت بهرجة أعلامية عشان .. أسوي ترويج لمدرسة ثانية .. مثل حبايبنا السماسرة ( الثنائي المرح ).



آخرنكتة ... ( حصريا في منتدى خط الطيران )



يقلك لو في يوم تبغى تعرف سعر البيسو كم يسوى بالريال السعودي ..لا تروح للصراف أتصل على ( زيكوو ) بيعطيك سعرالصرف .. عشان من كثر ما أخذ كومشن صار خبير في أسعارها .. أصلا المعروف أن سعر العملات مرتبطة بالأوضاع الأقتصادية .. الا .. البيسو .. مرتبط بحال ومزاج سماسرتنا المحترمين ..

أذا السمسار أحمد زكي مبسوط .. وراضي .. سعرالبيسو عالي .. واذا مزاجة متعكر .. صار واطي .. حتى صارت ظاهر عالمية تصير لأول مرة في ألأسواق العالمية .. شي تاريخي .. سعر البيسو الفلبيني ينافس الدولار الأمريكي و اليورو .. ويتعداها .. عشنا وشفنا .. ههههه ..



أمانة .. ليوم الدين أن يثبت التقرير .. ليستفيد الجميع منه .. وليكون درس للشباب العربي .. عشان لا يكونوا ضحية .. طمع وجشع الغير .. أتحدى أي شخص يقول أي كلام ولا يشكك في صحة معلوماتي يا شباب لو تبغاة معلومات صحيحة عن المدرسة ..

روح وسأل الطلاب عن الواقع .. لا تنخدع بكلام السماسرة الي بالموقع .. الي يروجون لمصلحتهم الشخصيه .. مقابل عمولة .. كومشن. وراح تلقى أن كلامي صح مية في المية .. بعدين حتى لو الطالب يقدر يطير 6 ساعات يوميا حسب كلامهم و المدرسة لها مدرجها الخاص والجو كويس .. والأهم السعر الي ما راح تلقى مثلة في الفلبين كلها .. ذالين الناس بالسعر ..



هل الميزات الموجودة .. تخليك تصرف النظر عن المشاكل الي راح تواجهها مثل ما ذكرت سابقا في موضوعي وتخسر كرامتك كأنسان بس عشان كم صفة كويسة في المدرسة طيب ممكن تحسبلي سعر عوار القلب والذل مقارنه بالسعر الكويس للباكج حقك .. اذا الجواب للحين مو واضح .. تعال الفلبين بنفسك وشوف بعينك ..


في شباب كثير مو عاجبهم الوضع وساكتين .. عشان ما يبغوا مشاكل و رخصهم راح تتعطل وراح يقوم صاحب المدرسة .. ويحطهم في راسة ويأذيهم بس تأكدوا أن لما يتخرجوا راح يكتبون ويعقبون على الموضوع بكل صراحة وشفافية .. لأنهم لسى عندهم ضمير حي ويخافوا الله سبحانه .. و ما راح يسكتوا على الظلم ..



يا شباب جيب لي بس طالب واحد بس في سايكلون يقول كلام غير كلامي ويقول أنه مرتاح من المدرسة .. لو لقيت تعالي وبعطيك مليون دولار ... محد راضي عن المدرسة ولا الهرجة و الظلم الي فيها ... الا السماسرة مرتاحين على الآخر .. طلباتهم أوامر .. و أشغالهم ميسرة .. بالعربي لاعبين لعب في الفلوس الناس .. لين مات الضمير .. قول على الدنيا السلام ..

يعني بس شي مؤسف والقهر لما تقرى تعقيبهم على ردود الشباب و تعليقاتهم على المشاكل والأنتقادات الموجهه لمدرسة سايكلون .. عباراتهم تضحك من جد .. ( الله يبعد أعيال الحرام .. لا تتفلسف اذا ما تعرف عن المدرسة .. أتق الله .. وغيره من الشعارات والكلام الكبير ألي أهم مو قده ) شوف مين يتكلم بس .. هههه و ربي قمة الهرجة و الأستهبال ..




طيب يا أبو ضمير .. يا أحمد زكي .. ممكن تقول للشباب كلهم في المنتدى و تحلف قسم يمين .. أنك ما كنت تآخذ عمولة السمسرة من كل طالب تجيبه .. ولا .. ومن غير علم الطالب ..

يعني تسرقة بخفه .. لا من شاف ولا من دري ..لو نقول كنت تقول الحقيقة و المدرسة كويسة .. بنعديها لك و نقول معليش حلال عليك عمولة السمسرة .. بس تجي وتبهدل عيال الناس وتبيعهم عشان شوية دولارات .. هذا محد يرضى به .. طيب أنا كنت طالب فيها .. و عانيت الأمرين وتبهدلت لآخر يوم لين وصلت المطار ..

وهذا حال كل طالب في سايكلون .. يعني لو لك وجهه .. بعد كل الحقائق الي ذكرتها عنك وعن المدرسة .. أنك تعلق .. والله ما أستبعد تعليقك .. يا أحمد زكي يا محترم .. يا سارق أحلام الشباب.



بس خلاص كفاية كذب ونصب كل يوم تقول أنك طالع مكان يوم طالع عندك موعد مع الخطوط البحرينية و يوم تقول عندك مع سما و يوم تقول للشباب .. طالع أوقع العقد مع أحد شركات الطيران .. والله حدد أي شركة رايح توقع معاها يا خوفي بس توقع مع شركة الميكرباصات و النقل الجماعي .. يا أستاذ يا سمسار يا محترم



ملاحظة و رجاء خاص:



ممكن شباب المدارس الثانية في الفلبين .. أنهم يعقبون على موضوعي .. وخاصة الي يعرف مشاكل مدرسة سايكلون .. بس الرجاء عدم تحويل الموضوع .. والدخول في محاور .. بقصد الترويج عن المدارس الي هم فيها


عشان .. نحترم الصيغة الأدبية للموضوع .. وعدم تحويل الموضوع الى فتنه بين المدارس و الشباب .. عشان يستفيد الكل ...






الله يوفق جميع الشباب العربي .. في كل التخصصات .. وأن ييسر أمورهم و يبارك لهم في رزقهم.





اللهم أشهد فقد بلغت ...





بارك الله فيكم ...






شباب هذا هو رابط للدعاية و الترويج لمدرسة سايكلون لدعم المعلومات الي ذكرتها سابقا.




















المعتزبالله 03-02-2010 09:39 PM

رد: حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـط
 
شكرا على موضوعك انا كنت اريد البحث في موقع جوجل عن المدينة التي تقع فيها المدرسة

فوجدت في موقع مستعمل اعلان عن مدرسة سايكلون !!

ومكتوب ايميل واحد لقبه سلامة !!!

https://www.mstaml.com/752242


الله يحمي جميع المسلمين

جناح الحريه 03-02-2010 10:13 PM

رد: حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـط
 
لا حول ولا قوة الا بالله

إذا كان كلامك صحيح اخوي يبقى على الدنيا السلام

في ميزان حسناتك ان شاء الله لان الساكت عن الحق شيطان أخرس
...............

pilot 747 03-02-2010 10:22 PM

رد: حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـط
 
salam brothers i want to ask in this school any student from UAE and if there is can i contact with theam thanks

العميد 03-02-2010 10:45 PM

رد: حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـط
 
صـــــــاحب الموضوع

شكرا على التنبيه .. ان شاء الله جميع الأعضاء تكون وصلت الفكرة لديهم ..

ونصيحة للجميع عدم الذهاب او الأعتماد على اي سمسار ... اعمل كل شئ بنفسك

امس اتناقشنا في نفس موضوع المدرسة .. على هذا الرابط
مدرسة سايكلون

يغلق الموضوع بعد أذن جميع المشرفين والأدارة

شكرا لكم

Abu Bakr 03-02-2010 11:15 PM

رد: حـــقـــيـقــة مــدرســة ســايـكــلون و الــســمــاســـرة .. قـصـة الـمشاكـل وبـدايـة الضـيـاع ... خــطـوة ... بـخـط
 
أخي ناشر الموضوع .. السلام عليكم
أولآ أشكرك على هذا الكلام الي يفيد جميع الإخوة المتجهين إلى الفلبين للدراسة وأكيد الكل عرف شو هي سايكلون . وهنا نحن في هذا المنتدى نوجه الإخوة الكرام إلى المكان المناسب للدراسة ونبعدهم عن المكان الخطر . مرة أخرى أشكرك على تقريرك والله يجعله في ميزان حسناتك .. أغلق الموضوع على شان نكون بعيدين عن القيل والقال والردود يلي مالها فائدة . أهم شيئ صلب الموضوع ..
تحياتي لك


الساعة الآن 12:55 AM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024