للأخوة المصرين طريقة معادلة الرخصة الأجنبية برخصة مصرية
بسم الله ارحمن الرحيم أخواني الاعزاء السلام عليكم ورحمة الله وبركاته اليوم و مع اول مشاركة ليا حبيت اوضع خطوات معادلة اجازة الطيران الأجنبية بأجازة طيران مصرية أدخل في الموضوع الشروط :- 1* ان يكون مصري الجنسية 2* ان تكون الأجازة الاجنبية معتمدة من سطلة الطيران العالمية (الإيكاو) 3* مجموع الساعات الفعلي لايقل عن 190 ساعه طيران و ليس طيران تشبيهي 4* الحصول على كشف طبي لائق مستوى اول المتطلبات :- (الأوراق و المستندات المطلوبة لدى وزارة الطيران المدني المصرية) 1* الاجازة الأجنبية سارية المفعول 2* الرخصة الطبية الأجنبية سارية المفعول 3* دفتر سجل الساعات الأجنبي (Logbook) 4* المقرر النظري طيار خط جوي اذا تم عملة ATP 5* البطاقة الشخصية دلوقتي نتكلم المراحل الي بتمر بيها المعادلة في البداية تروح وزارة الطيران المدني و مقرها بجانب مطار القاهرة و تاخذ كل الورق المطلوب و صورة منه و تروح لمركز خدمة العملاء في الوزارة عند الأستاذ مجي بشاي بعد ما يراجع الورق هيديك وصل تروح تدفع فية الخزنة بمبلغ 795 جنية و بعدها ترجعلة يديك جواب الكشف الطبي تروح بعدها تطلع الدور الثاني للمجلس الطبي تحدد موعد الكشف و بعد ما تخلص الكشف الطبي تنزل للأستاذ مجدي بشاي و تسلمة الكشف الطبي هيديك ايصال علشان تيجي تسأل على حاجة اسمها جواب التقيم جواب التقيم ده بيشمل حاجتين و هما 1* امتحان القانون للمعادلة 2* امتحان العملي بمعهد مصر للطيران (جاي دورها بعدين) بس و تقريبا الورق بياخذ من 10 لي 15 يوم بعدها تروح طالع الدور الخامس في الوزارة تحدد موعد الامتحان النظري و الأمتحان بيكون مرحلتين و هي 1* 50 سؤال اختياري من الكمبيوتر 2* 10 اسألة كتاب مفتوح بعد ما تنجح في الأمتحان بتاعك انشاء الله تروح مكتب اسمه الصادر علشان تشوف جواب التقيم بتاعك راح للمعهد امتى و بعد ما تعرف تروح تاني يوم على طول معهد مصر للطيران في مطار 6 اكتوبر الكيلو 42 طريق الواحات هتروح المعهد هتقابل استاذ عماد صبحي في خدمة العملاء هيحولك للكابتن محمد الشربيني هيخلصلك الطلب و الأوراق المطلوبة بعدها هيديك جواب دفع تاخذ الجواب ده و تروح مطار امبابة تسأل على استاذ محمد الصواف هيديك اذن دفع بالمبلغ و هيا 1* لو كنت نظام 141 PART هتدفع 6000 دولار و 4400 جنية مصري 2* لو كنت نظام 61 PART هتدفع 6000 دولار و 24000 جنية مصري الرسوم دي شاملة الامتحان العملي و الاقامه في العريش و المواصلات من القاهرة و داخل العريش على فكرة الفندق 5 نجوم شامل 3 وجبات يومي بس بعد ماتروح تدفع ترجع للمعهد في 6 اكتوبر علشان يقولك هتروح امتى و بعد تسافر العريش و تخلص كل امورك ترجع القاهرة ومنها على مطار 6 اكتوبر تاخذ نتيجة تقيمك تطلع بعد كده على وزارة الطيران المدني و معاك نتيجة الامتحان العملي و النظري و تدخل على الأستاذ مجي بشاي<<< أكيد عرفتوه هياخذ الورق منك و تدفع 10 جنية رسم طلب و يديك وصل تيجي تستلم بية الرخصة المصري بعد من 3-4 ايام و 1000 1000 مبروك شفتوا سهلة ازاي انا واحد الموضوع ده قعد معايا 40 يوم على ما خلصت كل حاجة و انشاء الله اكون وصلت المعلومة بشكل مفهوم و لأي استفسار انا جاهز وكل سنة و انتو طيبين |
رد: للأخوة المصرين طريقة معادلة الرخصة الأجنبية برخصة مصرية
شكرا Egyptian pilot على المعلومات القيمه بس الامتحان العملي ده بياخد وقت قد ايه
أنا كنت ناوي أسافر أميركا عشان أدرس ..... ايه رأيك هتفرق معايا حاجا أميركا من كندا من استراليا من الفلبين ولا أدرس في مصر أحسن ؟؟؟؟ يا ريت ترد عليا في أسرع وقت ....... شكرا |
رد: للأخوة المصرين طريقة معادلة الرخصة الأجنبية برخصة مصرية
و الله امريكا من كندا واحد
اما بالنسبة للأمتحان العملي الحد الاقصى لية اسبوع |
رد: للأخوة المصرين طريقة معادلة الرخصة الأجنبية برخصة مصرية
الف مبروك اولا
ثانيا انت درست فين |
رد: للأخوة المصرين طريقة معادلة الرخصة الأجنبية برخصة مصرية
1* لو كنت نظام 141 PART هتدفع 6000 دولار و 4400 جنية مصري
2* لو كنت نظام 61 PART هتدفع 6000 دولار و 24000 جنية مصري ايه الفرق فى الامتحان بتاع المعادلة |
رد: للأخوة المصرين طريقة معادلة الرخصة الأجنبية برخصة مصرية
الله يعينكم والله اخواننا المصريين حقيقه شي يتعب المخ :)
عندنا في السعوديه المعادله عباره عن اختبار نظري والاسئله على نظام خيارات متعدده تنجح فيه وتاخذ الرخصه السعوديه ,, بالتوفيق لكم اخواني |
رد: للأخوة المصرين طريقة معادلة الرخصة الأجنبية برخصة مصرية
السلام عليكم:الأخ حسن
ما هى نوع الطائره التى أديت عليها المعادله؟وما هى المناورات التى قمت بتأديتها؟ومدى جدية الامتحان؟ ما هو معدل الطيران اليومى خلال وجودك فى العريش؟ هل فعلا الرسوم شاملة الامتحان العملي و الاقامه في العريش و المواصلات من القاهرة و داخل العريش ؟ شكرا |
رد: للأخوة المصرين طريقة معادلة الرخصة الأجنبية برخصة مصرية
اقتباس:
|
رد: للأخوة المصرين طريقة معادلة الرخصة الأجنبية برخصة مصرية
مية مية بس الفندق مش 5 نجم وهم وجبتين بس :D آه وكمان كابتن شربيني خلاص مشي :D بالتوفيق
|
رد: للأخوة المصرين طريقة معادلة الرخصة الأجنبية برخصة مصرية
اقتباس:
بالنسبة لمعدل الطيران اليومي من ساعتين لي ثلاثة الرسوم شاملة كل حاجة |
رد: للأخوة المصرين طريقة معادلة الرخصة الأجنبية برخصة مصرية
اقتباس:
و بالنسبة للوجبات هيا فعلا 3 بس انت ممكن بتكون في المطار ما بتلحقش وجبة من 2 الى 4 و فعلا ً كابتن الشربيني استقال من اول شهر سبتمبر |
رد: للأخوة المصرين طريقة معادلة الرخصة الأجنبية برخصة مصرية
الف مبروك طبعا على الرخصة
سؤالي هو حضرتك درست فين ؟ وحاليا وضع الشغل اية معاك بعد معادلت الرخصة والف شكر ليك |
رد: للأخوة المصرين طريقة معادلة الرخصة الأجنبية برخصة مصرية
فعلاً خطوات كثيرة ومتعبة على عكس الرخصة السعودية فيها تعب التأكيد ولكن المتطلبات والامور اقل من هذه
اللله يعين الجميع جزاك الله الف الف خير اخي عىل هذا التقرير الجميل جداً والذي افادنا تحياتنا لك |
رد: للأخوة المصرين طريقة معادلة الرخصة الأجنبية برخصة مصرية
الأخ /الطيار المصرى بالنسبه لامتحان النظرى :هل هناك كتاب معين تعطيه لك الوزارة تقوم بمذاكرته قبل الأمتحان سواء امتحان ال ATP أو امتحان قانون الطيران المصرى ؟
|
رد: للأخوة المصرين طريقة معادلة الرخصة الأجنبية برخصة مصرية
اقتباس:
هو في كتب بس مش من الوزارة بس سهل انك تلاقيها ولو محتاجها راسلني على الخاص |
رد: للأخوة المصرين طريقة معادلة الرخصة الأجنبية برخصة مصرية
الأخ / الطيار المصرى لا أستطيع مراسلتك على الخاص حيث أن عدد مشاركاتى أقل من 10 .
|
رد: للأخوة المصرين طريقة معادلة الرخصة الأجنبية برخصة مصرية
اقتباس:
|
رد: للأخوة المصرين طريقة معادلة الرخصة الأجنبية برخصة مصرية
عيد سعيد وشكرا على الرد
|
رد: للأخوة المصرين طريقة معادلة الرخصة الأجنبية برخصة مصرية
اقتباس:
ولو الموضوع مهم ممكن تطلبة في الموضوع علشان الجميع يستفيد |
رد: للأخوة المصرين طريقة معادلة الرخصة الأجنبية برخصة مصرية
أعتقد معظم المشاركين من الأخوه العرب وليس المصريين وبالتالى ليس بالأهمية القصوى
|
رد: للأخوة المصرين طريقة معادلة الرخصة الأجنبية برخصة مصرية
هل هناك امتحان تظرى واحد أم 2 ؟
|
رد: للأخوة المصرين طريقة معادلة الرخصة الأجنبية برخصة مصرية
بسم الله الرحمن الرحيم اقتباس: المشاركة الأصلية كتبت بواسطة Egyptian Pilotالسلام عليكم جميعاً 3* مجموع الساعات الفعلي لايقل عن 190 ساعه طيران و ليس طيران تشبيهي 1* لو كنت نظام 141 PART هتدفع 6000 دولار و 4400 جنية مصري سؤالان....هو حضرتك متأكد من المباغ المذكور؟ ال 6000$ و 4400 جنيه لأن هذا يساوى حوالى 37400 جنيه و كان فى ناس قالت أن المعادلة أرخص من كده. ثانياُ, ال 190 ساعة دول سولو ولا ممكن مع الinstructor؟ |
رد: للأخوة المصرين طريقة معادلة الرخصة الأجنبية برخصة مصرية
190 اجمالى عدد الساعات سواء مع مدرب أو Solo
|
رد: للأخوة المصرين طريقة معادلة الرخصة الأجنبية برخصة مصرية
مشكور يا ميشو :)
|
رد: للأخوة المصرين طريقة معادلة الرخصة الأجنبية برخصة مصرية
No Problem
|
رد: للأخوة المصرين طريقة معادلة الرخصة الأجنبية برخصة مصرية
بالنسبة للأسعار دي الاسعار الي انا عادلت بيها في شهر 7-2009 و قبل كده كانت 5000$
اما بالنسبة للساعات فهيا المجموع 190 سولو او بمدرب |
رد: للأخوة المصرين طريقة معادلة الرخصة الأجنبية برخصة مصرية
انت المفروض تكتب لفظ الجلالة الله زى ما هو لا نزود و لا تنقص لانك كاتب لفظ الجلالة الله فى موضوع للأخوة المصرين طريقة معادلة الرخصة الأجنبية برخصة مصرية و مزود بها احرف
|
رد: للأخوة المصرين طريقة معادلة الرخصة الأجنبية برخصة مصرية
Hello,
Am an Egyptian studying now in South Africa, Would you please let me know what is included in the flying test and also is the cost is $6000 and "OR" or "AND " SO what are the total costs of conversion. THANKS |
رد: للأخوة المصرين طريقة معادلة الرخصة الأجنبية برخصة مصرية
انا كان ليا سؤال وعارف ان سعه صدرك هاتتقبله انا 27 سنه ومالييش واسطه فى مصر للطيران ولا فى اى شركه انا مش عاوز اسالك هل ليك او لا لان ده ظروف شخصيه لكل واحد بس انا كان سؤالى ليك هل تعتقد ان الامر فيه بشره خير لبدء دراسه طيران بالنسبه للعمل جوه مصر سواء فى مصر للطيران او غيرها ام .......... انا بسالك بالنسبه لنظرتك لسوق العمل بالنسبه للمجال ده فى مصر لان معظم اهل المنتدى الكرام من دول الخليج وطبعا مش ممكن اقدر اقارن بين سوق عمل فى بلدين مختلفين ولانك برده محتك بالمجال ده بشكل كافى اقدر اعتمد على اجابتك فى رسم صوره للمجال ده فى مصر وشكرا بالله عليك ما تقولى اتوكل على الله والارزاق على الله وان ماحدش بيضمن رزقه انا بتوكل عليه وسؤالى ليك هو من توكلى على الله بس انما عاوز اجابتك بالنسبه لرؤيتك وفى الاخر امر الله بين الكاف والنون فيقول كن فيكون |
رد: للأخوة المصرين طريقة معادلة الرخصة الأجنبية برخصة مصرية
اقتباس:
اما بالنسبة لمصر للطيران الموضوع هيكون صعب شوية علشان السن لاكن بالنسبة للشركات التانية و الله كل وقت ولية احتياجتة بس لو انت حاب الطيران فتوكل على الله وانشاء الله تتوفق وحاول انك نجتهد في الدراسة ويكون اختيارك لاكاديمية او مدرسة كويسة ولو امكانيتك المادية كويسة حاول انك تعمل تايب هيكون المجال اكبر في الوضيفة وربنا يوفقكك انشاء الله |
الساعة الآن 06:12 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.