:: Flying Way ::

:: Flying Way :: (https://www.flyingway.com/vb/index.php)
-   ][.. اعلانات وظائف الضيافة الجوية وسلامة المقصورة ..][ (https://www.flyingway.com/vb/forumdisplay.php?f=118)
-   -   الاختبار النفسى لمصر للطيران (https://www.flyingway.com/vb/showthread.php?t=131187)

dany 28-12-2012 03:12 PM

الاختبار النفسى لمصر للطيران
 
مصر للطيران كلمونى عشان اروح اعمل الاختبار النفسى رغم ان امتحانى كان فى شهر 9 واسمى مكنش موجود مع الاسماء الى اعلنوا انهم نجحوا من الى امتحنوا فى الفترة دى

caty cat 03-01-2013 03:21 AM

طيب روحي يمكن ربنا كاتبلك انك تكوني من ضمن الي نجحوا روحي و شوفي وربنا يوفقك

nonna31 13-01-2013 12:48 AM

اقتباس:

المشاركة الأصلية كتبت بواسطة dany (المشاركة 1282550)
مصر للطيران كلمونى عشان اروح اعمل الاختبار النفسى رغم ان امتحانى كان فى شهر 9 واسمى مكنش موجود مع الاسماء الى اعلنوا انهم نجحوا من الى امتحنوا فى الفترة دى

مبروك يا دانى ان شاء الله تعدى على خير,, ابقى قوليلنا عملتى ايه

dany 13-01-2013 09:55 AM

اقتباس:

المشاركة الأصلية كتبت بواسطة nonna31 (المشاركة 1285440)
مبروك يا دانى ان شاء الله تعدى على خير,, ابقى قوليلنا عملتى ايه

الحمد لله الاختبار كان سهل وكلمونى عشان أروح أعمل مقابله مع اللجنه فى مصر للطيران وكانت كويسه الحمد لله انا دلوقتى مستنيه يردوا عليا قبلت ولا لا

dany 13-01-2013 10:16 AM

الامتحان النفسى فى مصر للطيران عبارة عن الاتى


اليوم ده الاعداد بتكون كبيرة شويه حوالى 80 بيقسموكو 9 او 8 مجموعات كل مجموعه بتقعد مع بعض وعلى كل مجموعه 2 مشرفين

اولا بيدوكى ورقتين فيهم 70 سؤال بالانجليزى كلهم اسئلة شخصيه سهلة الاجابه بتكون انك بتختارى بين 1-mostly disagree 2- slightly agree 3- slightly agree 4- mostly agree
بتجاوبى على الاسئله دى فى 20 دقيقه تقريبا او ربع ساعه


بعدين بيعرضو 9 صور لأشكال كده مش مفهومه رسومات المفروض ان كل رسمه بتعببر عن شخصيه معينه انتى بتختارى الرسمه الى تعجبك والى ارتحتيلها وهما من خلال الرسمه دى بيحددو شخصيتك

فى الجزء ده مفيش حاجه اسمها اجابه صح واجابه غلط كل حاجه انتى بتجاوبيها بتعكس شخصيتك


بعد كده بتعملو group discussion

بيقسمو كل مجموعه لمجموعتين اصغر المشكله الى بتناقشوها هى عباره عن راكبه ومعاها طفل بيبكى وفى راكب أخر منزعج من بكاء الطفل ومفيش أماكن فاضيه على الطائرة بتتناقشو ازاى توصلوا لحل للمشكل

ثانيا بيطلبو منكم تمثلوا موقفين
الاول راكبة سمينه وفى راكب بجانبها منزعج لانه مش عارف يقعد لانها واخد مكان أكبر من كرسيها ومفيش كرسى فاضى تنقليه عليه ومينفعش تدفعيله تعويض

ثانى شىء بيطلب منك تبتكرى موقف حصل وفى مشكله مع عميل وتوضحى ازاى بتتعاملى مع المشكلة دى مش شرط تكون المشكله على الطيارة

بعدين بيطلب من كل واحد يحكى عن بلد بيحبها او نفسه يزورها ويقنع الناس انها تقضى فيها الاجازة وده بيكون فى 5 دقايق

كل ده بيكون بالانجليزى

بعدين بتاخدوا ورقه فيها سؤالين ما هى مواصفات المضيفه ومهام المضيفة

وفى بريك بين كل ده وفى الاخر كل واحده بتدخل تعمل مقابله مع 3 بيسألوها أسئله شخصيه عن نفسها وبس

basma.khedr 06-02-2013 10:35 PM

اقتباس:

المشاركة الأصلية كتبت بواسطة dany (المشاركة 1285476)
الامتحان النفسى فى مصر للطيران عبارة عن الاتى


اليوم ده الاعداد بتكون كبيرة شويه حوالى 80 بيقسموكو 9 او 8 مجموعات كل مجموعه بتقعد مع بعض وعلى كل مجموعه 2 مشرفين

اولا بيدوكى ورقتين فيهم 70 سؤال بالانجليزى كلهم اسئلة شخصيه سهلة الاجابه بتكون انك بتختارى بين 1-mostly disagree 2- slightly agree 3- slightly agree 4- mostly agree
بتجاوبى على الاسئله دى فى 20 دقيقه تقريبا او ربع ساعه


بعدين بيعرضو 9 صور لأشكال كده مش مفهومه رسومات المفروض ان كل رسمه بتعببر عن شخصيه معينه انتى بتختارى الرسمه الى تعجبك والى ارتحتيلها وهما من خلال الرسمه دى بيحددو شخصيتك

فى الجزء ده مفيش حاجه اسمها اجابه صح واجابه غلط كل حاجه انتى بتجاوبيها بتعكس شخصيتك


بعد كده بتعملو group discussion

بيقسمو كل مجموعه لمجموعتين اصغر المشكله الى بتناقشوها هى عباره عن راكبه ومعاها طفل بيبكى وفى راكب أخر منزعج من بكاء الطفل ومفيش أماكن فاضيه على الطائرة بتتناقشو ازاى توصلوا لحل للمشكل

ثانيا بيطلبو منكم تمثلوا موقفين
الاول راكبة سمينه وفى راكب بجانبها منزعج لانه مش عارف يقعد لانها واخد مكان أكبر من كرسيها ومفيش كرسى فاضى تنقليه عليه ومينفعش تدفعيله تعويض

ثانى شىء بيطلب منك تبتكرى موقف حصل وفى مشكله مع عميل وتوضحى ازاى بتتعاملى مع المشكلة دى مش شرط تكون المشكله على الطيارة

بعدين بيطلب من كل واحد يحكى عن بلد بيحبها او نفسه يزورها ويقنع الناس انها تقضى فيها الاجازة وده بيكون فى 5 دقايق

كل ده بيكون بالانجليزى

بعدين بتاخدوا ورقه فيها سؤالين ما هى مواصفات المضيفه ومهام المضيفة

وفى بريك بين كل ده وفى الاخر كل واحده بتدخل تعمل مقابله مع 3 بيسألوها أسئله شخصيه عن نفسها وبس

اولا بالتوفيق ليكى ان شاء الله .. كان عندى كذا استفسار اولا يعنى الاجابات على الاسئله دى بتكون ايه عينى راكبه تخينه او طفل بيعيط ايه هى الاجابه المناسبه ف المواقف اللى زى دى وتكوون الى حد كبير مقنعه بعدين اليوم ده بروح فورمال ولو فورمال بروح ببدله ولا ممكن جيب قصير وفورمال طبعاا ؟ واخر حاجه الاسئها للى بيسألوهالى فى الاخر عن نفسى يعنى عباره عن ايه بالظبط ؟ يعنى بحب ايه او بشتغلت فين قبل كده ولا اسئله شخصيه ولا ايه ؟ وكمان الانجلش بتاعهم بيكون مفهوم ولا اجانب الل ىبيعملو معاكى التيست ده ؟ كمان الاختبار الطبى بيتعمل امتى ؟ وبين النفسى والاختبار اللى بعديه اد ايه مثلا ؟ سورى طولت عليكى بس ياري تردى علياا ف اقرب وقت ممكن وشكراا ليكي يا جميل ل

dany 13-02-2013 02:19 AM

اقتباس:

المشاركة الأصلية كتبت بواسطة basma.khedr (المشاركة 1289443)
اولا بالتوفيق ليكى ان شاء الله .. كان عندى كذا استفسار اولا يعنى الاجابات على الاسئله دى بتكون ايه عينى راكبه تخينه او طفل بيعيط ايه هى الاجابه المناسبه ف المواقف اللى زى دى وتكوون الى حد كبير مقنعه بعدين اليوم ده بروح فورمال ولو فورمال بروح ببدله ولا ممكن جيب قصير وفورمال طبعاا ؟ واخر حاجه الاسئها للى بيسألوهالى فى الاخر عن نفسى يعنى عباره عن ايه بالظبط ؟ يعنى بحب ايه او بشتغلت فين قبل كده ولا اسئله شخصيه ولا ايه ؟ وكمان الانجلش بتاعهم بيكون مفهوم ولا اجانب الل ىبيعملو معاكى التيست ده ؟ كمان الاختبار الطبى بيتعمل امتى ؟ وبين النفسى والاختبار اللى بعديه اد ايه مثلا ؟ سورى طولت عليكى بس ياري تردى علياا ف اقرب وقت ممكن وشكراا ليكي يا جميل ل

الاختبار ده بتروحى لابسه فورمال و ال hr الى بيبلغك بميعاد الاختبار بيطلب منك تلبسى فورمال وانتى وراحتك تلبسى فورمال بنطلون او جيب

اما الاجابات هو المهم هنا مش الاجابة اد ما هو بيركز انتى ازاى بتتعاملى مع زمايلك ومشاركتك واستماعك ليهم ولغتك والى بيمتحنوكى مصريين موظفين فى الشركة بس اداريين والانجلش بتاعهم ضعيف اوى
فى الموقف الى فيه الست التخينه المفروض انك تتعاملى بأدب معاها وتحاولى تشوفى لو كان ينفع تبدلى الراكب الى جنبها براكب تانى رفيع او طفل يوافق يقعد جنبها أما الست الى معاها طفل بتعرضى عليها المساعده لو محتاجه تغير لطفلها بتوريها المكان المخصص او تشوفيها محتاجه لبن دافى او ميه او تقدمى للراكب المنزعج سماعات للأذن وممكن فيها مزيكا لو يحب عشان ميسمعش بكاء الطفل

الكشف الطبى بيكون أخر مرحلة بعد الاختبار النفسى فى مقابله تانيه مع لجنة من مصر للطيران فيها 4 بيعملولط انترفيو لو قبلتى بتعملى كشف طبى

بين الاختبارات قد ايه مفيش مدة محدده الشركة الى بتحدد فى ناس عرفوا بسرعة وفى ناس قعدوا شهور

nonna31 13-02-2013 09:35 PM

شكراً اوى يا دانىىىىىى بالتوفيق ان شاء الله

basma.khedr 15-02-2013 08:29 PM

اقتباس:

المشاركة الأصلية كتبت بواسطة dany (المشاركة 1290378)
الاختبار ده بتروحى لابسه فورمال و ال hr الى بيبلغك بميعاد الاختبار بيطلب منك تلبسى فورمال وانتى وراحتك تلبسى فورمال بنطلون او جيب

اما الاجابات هو المهم هنا مش الاجابة اد ما هو بيركز انتى ازاى بتتعاملى مع زمايلك ومشاركتك واستماعك ليهم ولغتك والى بيمتحنوكى مصريين موظفين فى الشركة بس اداريين والانجلش بتاعهم ضعيف اوى
فى الموقف الى فيه الست التخينه المفروض انك تتعاملى بأدب معاها وتحاولى تشوفى لو كان ينفع تبدلى الراكب الى جنبها براكب تانى رفيع او طفل يوافق يقعد جنبها أما الست الى معاها طفل بتعرضى عليها المساعده لو محتاجه تغير لطفلها بتوريها المكان المخصص او تشوفيها محتاجه لبن دافى او ميه او تقدمى للراكب المنزعج سماعات للأذن وممكن فيها مزيكا لو يحب عشان ميسمعش بكاء الطفل

الكشف الطبى بيكون أخر مرحلة بعد الاختبار النفسى فى مقابله تانيه مع لجنة من مصر للطيران فيها 4 بيعملولط انترفيو لو قبلتى بتعملى كشف طبى

بين الاختبارات قد ايه مفيش مدة محدده الشركة الى بتحدد فى ناس عرفوا بسرعة وفى ناس قعدوا شهور

شكراااا ليكى وبجد ربنااا يوفقك انتى حد HELPFUL اوى .. طيب كان فى سؤال كده انا سمعت انهم احياناا بيسألوكى عن عواصم البلاد واحيانا العملات ده حقيقى ولالا ؟ ثانياا هو اختبار اللجنه ده بيكون ف نفس اليوم بتااع النفسى ولا لو نجحت نفسى اعمل التيست مع اللجنه ؟ وبيسألوو ف ايه مثلا ؟ اخر حاجه .. لو ف راكب على الطياره نبااتى ومفيش فى الطياره اكل نباتى خالص اتصرف ازاى معاااه ؟ السؤال ده اتسأل قبل كده ولو عندك اجابه ليه ياريت تفيدينااا .. وبجد ربنااا معااكى ويوفقك ان شاء الله .. شكراا ليكيى

dany 17-02-2013 07:49 AM

اقتباس:

المشاركة الأصلية كتبت بواسطة basma.khedr (المشاركة 1290739)
شكراااا ليكى وبجد ربنااا يوفقك انتى حد HELPFUL اوى .. طيب كان فى سؤال كده انا سمعت انهم احياناا بيسألوكى عن عواصم البلاد واحيانا العملات ده حقيقى ولالا ؟ ثانياا هو اختبار اللجنه ده بيكون ف نفس اليوم بتااع النفسى ولا لو نجحت نفسى اعمل التيست مع اللجنه ؟ وبيسألوو ف ايه مثلا ؟ اخر حاجه .. لو ف راكب على الطياره نبااتى ومفيش فى الطياره اكل نباتى خالص اتصرف ازاى معاااه ؟ السؤال ده اتسأل قبل كده ولو عندك اجابه ليه ياريت تفيدينااا .. وبجد ربنااا معااكى ويوفقك ان شاء الله .. شكراا ليكيى

بصى سؤال العملات والعواصم ده فى الانترفيو مع اللجنه مش فى النفسى

واللجنه ده بيدخله الى نجح بس فى النفسى بيكون فى يوم تانى بيكلموه عشان يعمل مقابله اللجنه دى عبارة عن 4 بيسألوكى عن عملات وعواصم وعن مصر للطيران واسئلة شخصيه عن نفسك وقبل ما بتدخلى بياخدوا وزنك وطولك ولازم يكونو متناسبين عشان محدش يضايقك

سؤال الراكب النباتى ده مجاش بس هقولك لو جالك أسهل حاجه ممكن تقدميها للراكب النباتى هى السلطه او تقدمى الوجبه رز وخضار من غير الفراخ او اللحمة او تقدميله فاكهه وغالبا الركاب الى بياكلوه وجبات خاصه لازم يبلغ قبل الرحلة بده عشان يجهزوها

ايناس البنا 17-02-2013 11:13 PM

اقتباس:

المشاركة الأصلية كتبت بواسطة dany (المشاركة 1285474)
الحمد لله الاختبار كان سهل وكلمونى عشان أروح أعمل مقابله مع اللجنه فى مصر للطيران وكانت كويسه الحمد لله انا دلوقتى مستنيه يردوا عليا قبلت ولا لا

المقابله اللى مع اللجنه دى يادانى مين بيكون حاضرها وبيكون فيها ايه بليييييز
شكرا يا دانى على مساعداتك الكبيرة

ايناس البنا 24-02-2013 02:36 AM

ياترى يا دانى هى دى الصور اللى كانت معروضه عليكم فى الاختبار النفسى ولا لا؟
 
https://www.google.com.eg/imgres?um=1&hl=en&sa=N&biw=1366&bih=638&tbm=isch&t bnid=36y2Byl_e-s6PM:&imgrefurl=https://www.mazeejweb.com/discover-your-personality-game/&docid=w6cTGFGxT5fPmM&imgurl=https://www.mazeejweb.com/wp-content/uploads/2012/06/%2525D8%2525AA%2525D8%2525AD%2525D9%252584%2525D9% 25258A%2525D9%252584-%2525D8%2525A7%2525D9%252584%2525D8%2525B4%2525D8% 2525AE%2525D8%2525B5%2525D9%25258A%2525D9%252587.j pg&w=600&h=600&ei=nFEpUYrhKY3IsganuIHACg&zoom=1&ia ct=rc&dur=4&sig=100004945852029020699&page=1&tbnh= 138&tbnw=126&start=0& ndsp=24&ved=1t:429,i:85&tx=58&ty=91

dany 24-02-2013 02:16 PM

لا مش هى دى الصورة

dany 24-02-2013 02:25 PM


هى دى الصورة أدعيلى بقى :)

Google Image Result for https://s4.hubimg.com/u/1717155_f496.jpg

basma.khedr 25-02-2013 09:58 PM

[QUOTE=dany;1290921]بصى سؤال العملات والعواصم ده فى الانترفيو مع اللجنه مش فى النفسى

واللجنه ده بيدخله الى نجح بس فى النفسى بيكون فى يوم تانى بيكلموه عشان يعمل مقابله اللجنه دى عبارة عن 4 بيسألوكى عن عملات وعواصم وعن مصر للطيران واسئلة شخصيه عن نفسك وقبل ما بتدخلى بياخدوا وزنك وطولك ولازم يكونو متناسبين عشان محدش يضايقك

سؤال الراكب النباتى ده مجاش بس هقولك لو جالك أسهل حاجه ممكن تقدميها للراكب النباتى هى السلطه او تقدمى الوجبه رز وخضار من غير الفراخ او اللحمة او تقدميله فاكهه وغالبا الركاب الى بياكلوه وجبات خاصه لازم يبلغ قبل الرحلة بده عشان يجهزوها[/QUO

شكرااا ليكى اي داانى وبجد ربناا يوفقك ان شااء الله

nonna31 01-03-2013 03:38 PM

دانى انا بجد مش عارفة اقلك اييييييه
ربنا يوفقك ياااارب

dany 01-03-2013 07:11 PM

مرسى شكرا ليكم كلكم وربنا يوفقكم انشاله :)

ايناس البنا 04-03-2013 09:15 PM

اقتباس:

المشاركة الأصلية كتبت بواسطة dany (المشاركة 1292032)
هى دى الصورة أدعيلى بقى :)

Google Image Result for https://s4.hubimg.com/u/1717155_f496.jpg

انا مش عارفه اقولك ايه يا دانى بس بجد مرسى اوى ليكى
يارب تعدى ان شاء الله وابقى تعالى فرحينا
:celebrate14:
انتى اخترتى رقم كام صحيح
انا مرتاحه ل 2

Saamaa 04-03-2013 10:19 PM

ربنا يكرمكم بجد على المعلومات .. بس انا كان عندى استفسار عن الاختبار اللى بيكون فى نادى ايروسبورت هو هو دا نفس الاختبار ولا دا حاجة تانية ولا بيكون عبارة عن ايه الاختبار اللى بيكون فى ايروسبورت ؟!!

Saamaa 04-03-2013 10:27 PM

وكمان كنت عايزة اعرف لو فى رسوم بتدفع بتكون كام وفى اى اختبار منهم .. لو عندك معلومة يا دانى يبقى شكرا جزيلا :)

dany 04-03-2013 10:33 PM

اقتباس:

المشاركة الأصلية كتبت بواسطة Saamaa (المشاركة 1293423)
وكمان كنت عايزة اعرف لو فى رسوم بتدفع بتكون كام وفى اى اختبار منهم .. لو عندك معلومة يا دانى يبقى شكرا جزيلا :)

هو ده الاختبار الى بيتم فى ايروسبورت ومفيش اى رسوم بتدفع اليوم ده دول كمان هيجبولكم مياه وبيبسى فى البريك مجانا :) ربنا يوفقكم

Saamaa 04-03-2013 10:39 PM

ربنا يكرمك يا رب .. وربنا يستر :D

ايناس البنا 05-03-2013 02:04 PM

اقتباس:

المشاركة الأصلية كتبت بواسطة Saamaa (المشاركة 1293421)
ربنا يكرمكم بجد على المعلومات .. بس انا كان عندى استفسار عن الاختبار اللى بيكون فى نادى ايروسبورت هو هو دا نفس الاختبار ولا دا حاجة تانية ولا بيكون عبارة عن ايه الاختبار اللى بيكون فى ايروسبورت ؟!!

مساء الخير على الموجودين كلهم
هاى يا سماء
ممكن توضحيلى اكتر عن الاختبار اللى بيكون فى نادى ايروسبورت بليييز

nonna31 07-03-2013 03:48 PM

اقتباس:

المشاركة الأصلية كتبت بواسطة dany (المشاركة 1292932)
مرسى شكرا ليكم كلكم وربنا يوفقكم انشاله :)

طيب يا دانى هى الصورة مش هتتغير؟؟؟
وعايزين نعرف انتى اختارتى صورة رقم كام؟

ايناس البنا 29-03-2013 12:17 PM

اذيكم يا بنات اخباركم ايه فى الصمت اللى احنا فيه ده
اذيك يا دانى هما لسه مكلموكيش علشان يعرفوكى اتقبلتى ولا لسه؟

dany 02-04-2013 02:18 AM

اقتباس:

المشاركة الأصلية كتبت بواسطة ايناس البنا (المشاركة 1298050)
اذيكم يا بنات اخباركم ايه فى الصمت اللى احنا فيه ده
اذيك يا دانى هما لسه مكلموكيش علشان يعرفوكى اتقبلتى ولا لسه؟

ازيكم يا بنات ايه اخباركم

انا لسه مكلمونيش نتيجة التعيين مش هتظهر دلوقتى لما كل الناس تخلص كل الاختبارات هيعلنوا اسماء المقبولين مع بعض وهيكون المرحلة الى بعدها الى هيقبل هيعمل الكشف الطبى وده مش قبل شهرين كمان وبعد الكشف الطبى الى هيقبل هيمضى العقد بالتوفيق للجميع

Sama Ammar 06-04-2013 01:16 AM

اولا انا بشكركم اوووووووووى يا بنات على المعلومات الرهيبه دى بجد ميرسى اوى اوووى فدتونى كتيييير وخصوصا Dany حبيبتى حبيبتى حبيبتى

بس انا عاايزه حد يطمنى بليييز ويقولى هى مصر للطيران بقت خلاص بتقبل من 21 سنه ولا دى السنه الى فاتت بس علشان انا كنت بشوف الاعلانات يتاعت الشركه وكانت بتطلب من 18 سنه بس اخر مره طلبت مضيفات طلبت من 21 سنه :(

انا دلؤتى فى كليه لغات وترجمه سنه اولى ومش هصبر اكتر من كده علشان اكمل 21 سنه هتتتتتشل وابقى مضيفه من وانا عندى 13 سنه ولما نويت انى اقدم لقيتهم طالبين من 21 سنه وكان هيجيلى شلل نصى وارتجاج هههههههههههه
فسؤالى دلؤتى هما هيطلبوا من 18 تانى ولا خلاص اتشل بقى ههههههههه وتانى مره ميرسى اووووى على افادتكم

dany 06-04-2013 11:33 AM

اقتباس:

المشاركة الأصلية كتبت بواسطة Sama Ammar (المشاركة 1299350)
اولا انا بشكركم اوووووووووى يا بنات على المعلومات الرهيبه دى بجد ميرسى اوى اوووى فدتونى كتيييير وخصوصا Dany حبيبتى حبيبتى حبيبتى

بس انا عاايزه حد يطمنى بليييز ويقولى هى مصر للطيران بقت خلاص بتقبل من 21 سنه ولا دى السنه الى فاتت بس علشان انا كنت بشوف الاعلانات يتاعت الشركه وكانت بتطلب من 18 سنه بس اخر مره طلبت مضيفات طلبت من 21 سنه :(

انا دلؤتى فى كليه لغات وترجمه سنه اولى ومش هصبر اكتر من كده علشان اكمل 21 سنه هتتتتتشل وابقى مضيفه من وانا عندى 13 سنه ولما نويت انى اقدم لقيتهم طالبين من 21 سنه وكان هيجيلى شلل نصى وارتجاج هههههههههههه
فسؤالى دلؤتى هما هيطلبوا من 18 تانى ولا خلاص اتشل بقى ههههههههه وتانى مره ميرسى اووووى على افادتكم

لا استنى متتشليش :) هما كل شويه بينزلوا اعلان بشروط مختلفة بس لسه الاعلان الجاى مش قبل اكتوبر القادم كمان انتى لو نزلوا اعلان بيطلب من 18 سنه لازم يكون معاكى ثانوية عامة لغات بالتوفيق انشاء الله

Sama Ammar 07-04-2013 03:31 PM

اقتباس:

المشاركة الأصلية كتبت بواسطة dany (المشاركة 1299386)
لا استنى متتشليش :) هما كل شويه بينزلوا اعلان بشروط مختلفة بس لسه الاعلان الجاى مش قبل اكتوبر القادم كمان انتى لو نزلوا اعلان بيطلب من 18 سنه لازم يكون معاكى ثانوية عامة لغات بالتوفيق انشاء الله

ريحتينى ربناا يخليكى بس احبطينى فى نفس الوقت :ANSmile29: علشان انا ثانويه عامه مش لغات عربى بس الانجليزى بتاعى تمام اووى وشويه اسبانى .. ممكن لما يلاقوا للغه بتاعتى كويسه يتنازلوا عن الشرط ده :_);

basma.khedr 10-04-2013 05:54 PM

اقتباس:

المشاركة الأصلية كتبت بواسطة dany (المشاركة 1285476)
الامتحان النفسى فى مصر للطيران عبارة عن الاتى


اليوم ده الاعداد بتكون كبيرة شويه حوالى 80 بيقسموكو 9 او 8 مجموعات كل مجموعه بتقعد مع بعض وعلى كل مجموعه 2 مشرفين

اولا بيدوكى ورقتين فيهم 70 سؤال بالانجليزى كلهم اسئلة شخصيه سهلة الاجابه بتكون انك بتختارى بين 1-mostly disagree 2- slightly agree 3- slightly agree 4- mostly agree
بتجاوبى على الاسئله دى فى 20 دقيقه تقريبا او ربع ساعه


بعدين بيعرضو 9 صور لأشكال كده مش مفهومه رسومات المفروض ان كل رسمه بتعببر عن شخصيه معينه انتى بتختارى الرسمه الى تعجبك والى ارتحتيلها وهما من خلال الرسمه دى بيحددو شخصيتك

فى الجزء ده مفيش حاجه اسمها اجابه صح واجابه غلط كل حاجه انتى بتجاوبيها بتعكس شخصيتك


بعد كده بتعملو group discussion

بيقسمو كل مجموعه لمجموعتين اصغر المشكله الى بتناقشوها هى عباره عن راكبه ومعاها طفل بيبكى وفى راكب أخر منزعج من بكاء الطفل ومفيش أماكن فاضيه على الطائرة بتتناقشو ازاى توصلوا لحل للمشكل

ثانيا بيطلبو منكم تمثلوا موقفين
الاول راكبة سمينه وفى راكب بجانبها منزعج لانه مش عارف يقعد لانها واخد مكان أكبر من كرسيها ومفيش كرسى فاضى تنقليه عليه ومينفعش تدفعيله تعويض

ثانى شىء بيطلب منك تبتكرى موقف حصل وفى مشكله مع عميل وتوضحى ازاى بتتعاملى مع المشكلة دى مش شرط تكون المشكله على الطيارة

بعدين بيطلب من كل واحد يحكى عن بلد بيحبها او نفسه يزورها ويقنع الناس انها تقضى فيها الاجازة وده بيكون فى 5 دقايق

كل ده بيكون بالانجليزى

بعدين بتاخدوا ورقه فيها سؤالين ما هى مواصفات المضيفه ومهام المضيفة

وفى بريك بين كل ده وفى الاخر كل واحده بتدخل تعمل مقابله مع 3 بيسألوها أسئله شخصيه عن نفسها وبس

دااانى شكرا ليكى ويارب تقبلى ان شاء الله بس كان عندى استفسار صغير هو فى اخر الاختبار النفسى اما بعمل المقابله مع 3 اشخاااص ايه هى الاسئله اللى ممكن يسألوهاااا ليااا ؟؟ او انتى مثلا اتسألتى ف ايه بالظبط ؟؟ وهل اليوم ده بيسألونى فى اى معلومااات عامه او اسئله خااصه بشركة مصر الطيراان ؟؟ ياريت تجاوبينى ف اقرب وقت ممكن وشكرااااا ليكى كتييييييييييييييييير


الساعة الآن 04:08 PM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024