ذكرياتكم مع طائرات السسنا المختلفه
بسم الله الرحمن الرحيم
اخواني اعضاء منتدى خط الطيران ..عساكم على القوه اريد منكم طلب ارجو ان تحققوه لي وهو ان تكتبوا لي عن ذكرياتكم عن طائرات السسنا ( طبعا الكثير منكم درس الطيران ومر بتجارب كثيره في الطيران . اريد فقط تجاربكم وذكرياتكم مع طائرات السسنا الذكريات الحلوه والتجارب المخيفه ...او اول رحله طلعت فيها ) اعطونا شوية امل واعطونا دافع قوي لنلحق بركبكم ونحلق سويا في اجواء مختلفه انتظركم ترى لاتقصروا . اي واحد يكتب تجربته مع السلامه وبالتوفيق |
لا حول ولاقوة الا بالله
|
وين الشباب الي درسو
والمشرفيين على الاكادميات والله انكم من جد تحطمو الواحد |
يا شباب لا تستعجلوا على الردود الموضوع لايزال جديد |
وأنا معاك ابغا اتعلم الطيران
وابغا استفيد من تجارب الطيارين الحاليين |
شعور جميل خصوصا فترة الشروق اقلع من مطار ديتونا متجها الى شريط فلوريدا الساحلي على المحيط الاطلسي لرؤية الشروق لحظة لاتقدر بثمن شيء يعطيك دفعة معنوية لبدء يومك الحمد لله لم اواجه اي صعوبة في التعلم وحاليا انا في مرحلة الانسترومنت اهم شيء الدراسة اول باول والتطبيق لكم كل الحب اخواني |
هذه اول مشاركه الف شكر وبالتوفيق وتتخرج
طيار ماهر ان شاء الله . |
ذكريات الطيران بالسسنا لا تتنسى , وخصوصا أول رحلة أقود فيها طيارة وأول سولو في حياتي,,, ذكريات جميلة راح اتذكرها لمن اكبر واحكيها لأولادي <<<ههههه,,,
طبعا أول رحلة كانت لي من مطار مانيلا بتاريخ 2010/3/23 مع كابتن كان اسمه جايسون , ومعروف هذا الانستركتر انه يعطيك الكنترول لك بالكامل سواء كنت طالب جديد ولا قديم ,,, :( ومن سوء حظي كان الكليرنس لاين اب والتيك اوف مباشرةً ,,, وأنا اتفاجأت لمن دفع المدرب الثروتل فل باور بعد ما أخذنا موضعنا على الرنوي ,,, وسويت الروتيت والحمدلله كان الإقلاع سلس , والشعور كان جدا رائع في تلك اللحظة ,,,<<< حسيت إني طيار من زمان ههههه وكان ذاك الوقت في عز الظهر ,,, والظهر معروف في مانيلا يشتد فيها الهواء ,,, والطيارة بحكم انها صغيرة فالهواء كان يلعب بيها لعب ,,, كانت الطيارة طول الرحلة طالعة ونازلة ,,, خخخخخ وأنا بصراحة وما أخفي عليكم هذا الأمر - وانتم بكرامة - ما قدرت استحمل والله يعزكم استفرغت في الطيارة,,, طبعا فتحت الشباك اللي جمبي وخرجت راسي والهواء كان شديد وصاقع في وجهي ونظارتي الشمسية اللي كنت لابسها راحت مع الهواء ,,,, وقميص مدربي اتعدم من ...... (اكيد فهمتوها) بس الحمدلله مشيت الأمور على خير ولمن جينا نهبط في مطار الوصول , بدل ما اسوي فلير عشان العجلات اللي ورا تلمس الأرض بالأول , سويت العكس دفيت اليوك لقدام والطيارة صارت منحنية للأمام وهذا كله لأني قبل ليلة من رحلتي شفت مقطع في المنتدى - الله يهديه اللي حط المقطع - كنت اتفرج كيف الطيار ماسك اليوك عند الهبوط , وشفته قاعد يلعب باليوك<<< طبعا هو طيار بروفشنال وأنا قلك باسوي زيه خخخخ,,, وكنت راح اكسر النوز ويل ههههه بالنسبة للسولو كان الحمدلله ما فيه أي مشاكل لأني في ذاك الوقت كنت واثق من نفسي على الآخر , كنت طاير مع مدربي وعملت له كم لاندنج تمام , وقلي يلاه طير سولو , وقلته فيه كروس ويند , وقلي ما في مشكلة , منت واثق من نفسك ؟؟ واتذكر آخر كلمة قالي قبل ما اطير "See u in the ground" يعني راح اشوفك على الأرض بعد ما تعمل السولو , طبعا سويت واحد ترفك باترن ونزلت الطيارة بهدوء بالرغم من الرياح ,,, طبعا بعد ما نزلت من الطيارة كلهم صافحوني , ومثل ما في كل بلد له طقوسه بعد أول رحلة سولو , في أمريكا مثلا يقصون القميص وبكتبوا على القميص تاريخ ذلك اليوم والأصحاب يكتبوا ذكريات , لكن هنا في الفلبين رشوني بسطل موية , واخذت الصور التذكارية بعدها ,,, وهذا كله كان بتاريخ 2010/3/30 اعذرني عن التأخير في الرد أخوك الكابتن First Officer |
شكرا جزيلا لك .متابع معك كلمه كلمه سطر سطر
لك التحيه والتقدير . منتظر مشاركات اخرى . |
شكرا للي شاركوا وين مشاركات الاخرين ..اللي درسوا طيران
|
وينكم ياكباتن ماتخلوا الموضوع يذهب بدون فائده
ترى انا منتظركم لتزيدوا الموضوع تالقا وفائده نبي اصحاب الخبره يشاركوا . |
موضوع جدا جميل واتمنى يتثبت
نبي كل الطياريين يشاركووون !!! اخوي الكابتن First Officer امتعتني بقصتك مع انك جبت العيد بالناس الي تحتك :p ولكن ياليت لو توضح لنا بعض المفردات الغريبه عشان نستفيد |
القسم مخصص للاكاديميات فقط .. الموضوع رائع وشيق المشاركه فيه ولكن مكانو المناسب منتدى الطيارين ..
|
أنا كانت اسعد لحظات حياتى بأول سولو لى فى مدرسة الوعلان بمطار الثمامه ... وكان فى حضور الوالد ... وطبعا استقبلونى بسطل مويه محترم وبارد هههههههه وماوجهتنى اى مشاكل الحمد لله... ومن أجمل اوقات الطيران لى الى بتكون الفجر مع طلعة الشمس ... وانا حاليا بالمراحل الأخيره فى PPL وبعدها IR انشاء الله ومن ثم CPL ودعواتكم لنا ...
وموضوعك مميز واهنيك عليه ,, تقبل خالص تحياتى عمرو معوض |
دائما تسوارنا مخاوف من اول رحله سولو
يعني متى يبدا الطيار بالتعود على الطائره خبرنا كابتن معوض عن شعورك في اول رحله وكم تكلف دراسة الطيران في الوعلان للطيران للبرايفت فقط . |
كابتن احمد لك الشكروالتقدير على نقل الموضوع
الى المكان الصحيح .ولنا معك جولات وصولات |
اقتباس:
تقبل خالص تحياتى |
اقتباس:
وااااااااو ههههه بصراحة حسستني أنــــــــــــــــا قائد الطائرة والله .. تجربـــــــــة جدا ممتـــــــــازة كنت متفاعل معاك بالحديث .. أن شــــــــاء الله لو قدرنــــــي ربي أطيـــــر مثلك وهذا حلمي والله موفق ان شاء الله |
شكر لكم انا انتظر اثراء الموضوع اكثر
|
يلا وين الردود حمستوني وشكراعلى الموضوع
|
بالنسبه لي قبل الـ SOLO CHECK
طرت مع الكابتن .. اول لاندينق كان ممتاز و الثاني جيد .. على السيركت الاخير نسيت شوية اشياء .. لان معروف الكابتن الي جنبي يدقق على كل شي و توترت انا كنت عالفاينل ،، كنت اقول في نفسي خلاص اليوم مافي سولو انا راسب راسب .. عملت فلير عالي ،، و الطياره نزلت بشكل قوي لدرجة ان الانستركر قال if is it a rock , diffidently will broke انا تحطمت نهائيا و سويت تاكسي لمقر الاكاديميه و المعروف فالاكاديميه اذا الطالب نجح فالسولو جيك .. الانستركتر ينزل عند الرن وي و الطالب يكمل طيران لاكني دخلت للاكاديميه و قبل ما ابطل الحزام قالي الكابتن كل شي سويته و اذا تريد تطير سولو بوقع لك ^ـ^ انا استانست و من الوناسه سويت ركوست للتاكسي من دون ما اسوي اي جك لست ^ـ^ و كان يوم ممتع و فيه شويه من الخوف |
الطيران عالم جميل ,, من اول وهلة ومن اول رحلة لحدي اخر رحلة ,, وكل ما تتقدم فيهو كل ما يكون اجمل واجمل ,, بالنسبة لي كان الطيران حلم ,, والحمدلله اتحقق ,, كان خيال بالنسبة لي في يوم من ايام ,, ولكن والحمدلله بقا حقيقة ,, انا الحقيقة ما طرت في السيسنا ,, طرت في الPA28 ,,والان بطير في التون PA34 seneca اول رحلة لي كانت شهر تلاتة 2010 ,, كانت رحلة ما حنساها نهائيا استمتعت بكل لحظة فيها ,, واحلى حاجة ( الماعرفناها الا متأخر ) انو في اول رحلة ما عملنا اي شي بس كان الواحد بتخيل ,, انت ماسك اليوك والكابتن ماسك اليوك وبديك احساس انو انت طاير ,, لكن في الحقيقة انت ما قعد تعمل اي حاجة ,, ههههه واول سولو كان قصة ,, المقرر المتبع في الكلية انو لازم تخلص 15 ساعة قبل السولو ,, منهم تتدرب على ال: general handling اللي هي المناورات العامة ,, الطلوع والنزول وكيف تحافظ على ارتفاع معين وكيف تستعمل الثروتل ,, radio telephony كيف تتكلم مع الرادار ومطار التدريب , وكيف تدي المراقب معلوماتك ,, simple navigation واللي هي بس كدا وبطريقة مبسطة تتعرف على المنطقة ,, لو لا قدر الله حصلت ليك مشكلة ولا شي واطريت انك تنزل في مطار تاني غير المطار بتاع الكلية ,, emergency procedure وهي حالات الطوارئ واهمها لو المكنة لا قدر الله حرقت وانت بتشغلا , لو وقفت وانت لسا في الرنوي ,, او بعد ما تطلع بي شوية , او تتحرق في الجو ,, الخ ,وطبعا كلهم بتتدرب عليهم ,, واخيرا aircraft knowledge واللي هي تعرف اجهزة الطيارة ومعلومات كاملة عنها عن اي شي كم لتر بترول فيها , كم لتر زيت فيها , اقل كميات ممكن تكون , وبعدين تعمل ليك امتحان بتاع 50 سؤال وكدا تكون جاهز لي السولو ,, بعد 11 ساعة كدا ,, بديت السيركت ,, وكانت في بدايتا اصعب شي في الدنيا هههههه ,, والحمدلله زبطتها وكنت اول واحد من دفعتنا اطير السولو ,, واذكر لمن عرفت انو بكرة الكابتن حاجزني لي رحلة معاهو وبعدا اول سولو ما قدرت انوم زاتو ,, وبعدين مشيت قال لي شوف ,, الليلة كل الدايرو منك تلاتة سيركت وانا ما ادخل في اي حاجة , واول اتنين ما عجبو الكابتن ,, فعملنا تاني تلاتة والحمدلله نزل ويلا قال لي ابدا ,,, ومن الربكة اول يوم نسيت ال mixture مقفول وحاولت اشغل المكنة هههههه ( المكستشر هو الشي البتحكم في تدفق الوقود للمكنة ,, فلو مقفول معناتها مافي اي وقود واصل للماكينة ) ,, والحمدلله عملت التاكسي واول ما طرت كان همي الوحيد انو بتين انزل مرة تانية للأرض هههههه ,, وطبعا مع الايام بتبقا ليك شي عادي وشي طبيعي ,, وحتى ببقا زي سواقة العربية واحد ,, ومع الايام بتعرف انو لو كان حصل ليك اي شي في السولو الاول ,, كانت نسبة انك تطلع منها سليم اقل من 10 في المية والله ,, لكن ما تخافو ان شااء الله الحافظ الله ,, ^^^^^ اتكلمت كتير عديل كدا هههههههه ,, وبجيك راجع تاني يا ود مدني عندي تاني كم حكاية ,, والموضوع جميل جدا يا ريت نشوف الناس تشارك وكدا ,, لحدي الملتقى ,, |
موضوع مميز
مشكووووووووووووريييييين على المعلومااات ربنا يستر علينا فى المستقبل منعملش مصيبة :) |
السلام عليكم
طلبك أخي جميل جدا للمعلومية .. أنا ماني طيار .. على الأقل لحد الآن رحت لجده يوم 18/06/2011 وأخذت Discovery flight يعني تجرب كيف الطيران الحقيقي طبعا دخلت عندهم في مطار رابغ وخلصت الإجراءات عندهم وأنا ماشي رايح للطيارة .. ما حسيت بأي رهبة ولا خوف .. رغم إنه شي جديد علي مره وركبنا الـ 172 سوينا الـCheck list قبل التشغيل وسوينا الـ Run up وبعدين سوينا تاكسي للرنواي لاين أب قالي الكابتن (دوس) ههههه Push the throttle وعلى الـ 65 عقدة تسوي rotate الحمد لله اقلعت والمصيبة كان فيه كروس ويند من جهة اليسار .. خفيفة نسبيا .. بس بالنسبة لي كأنها 32 عقدة لما صرت على ارتفاع 100 قدم لفت الطيارة لليمين بشكل مخيف .. من جد ارعبتني لكن حافظت على هدوءي ورجعتها لمسارها بعد هالحركة بداء الأدرينالين يرتفع بس من أروع لحظات حياتي كانت ولما hرتفعت على 2500 قدم بدأت Air tubulance من النوع اللي تحسسك إن وزنك 15 كيلو اتجهنا للبحر من شمال اسكان ارامكو ورجعنا بنفس الطريقة جربت الـ 2 G وجربت قريب من الـ0 G وجربت الـ Steep turn ولما جيت على الهبوط ما قدرت لأني ما عرفت إنو لازم أكون ماكل زين وشارب زين وأيضا تعرقت كثير مره بس من جد احساس إنك متحكم بالطائرة وتطير بالجو .. من أروع ما يمر عليك بالحياة قرقر وايد ألف شكر لكم تحياتي |
شكرا جزيلا لك .متابع معك كلمه كلمه سطر سطر
لك التحيه والتقدير . منتظر مشاركات اخرى . |
شوقتوني يا شباب،،،
|
أرجووكم أستمروا ,, والله الموضوع مشوووق مرررهـ ..
وبالمناسبة يا كابتن معوض , ليه أستقبلوك بسطل مويه ,, يعني لازم كل كابتن يكبون عليه مويه ولا كيف ..!!؟ ههههه الموضوع جداً مشوق وأتمنى لكم التوفيق تحياتي لكم |
اقتباس:
ههه. هذه من الطقوس الشهيرة في مجال الطيران بعد إنهاء أول طيران إنفرادي [سولو |Solo] في الفلبين : يستقبلوك بسطل موية !! في أمريكا: يقطعوا الـ Shirt تبعك ويكتبو عليه تاريخ اليوم أتمنى إني أفدتك تحياتي .. |
في مرحلة التدريب الاولي لي سنة 1995 كنت اقود طائرة سسنا 172 وعند اقترابي من المدرج والبدء في الهبوط عليه لاحظ الكنترول ان العجلة اليمنى مفقودة !!! ولكن استطعت الهبوط بحمد الله والخروج حيا بكدمات بسيطة وتلف كبير بالطائرة.
|
نأأأأأأأأيس قصص بس في سؤال يقرقع في داخلي من زمان ونفسي اعرفه في حريم لسواقة الطيارات او لا او بالاحرى في دراسه لهم والا بس متاح لهم ضيافة الطيران ؟؟
|
الساعة الآن 03:27 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.