؟؟ استفسار بشأن دراسة الطيران ؟؟ أرجو المساعدة
 

السلام عليكم ورحمة الله
أحبائي أعضاء خط الطيران .. أنا أخوي الحين في صف ثالث ثانوي قسم علمي ويبغى يدرس طيران (يعني حلمه يصير طيار) وودي تساعدوني في العثور على إجابات لهذه الأسئلة :

1/ هل يشترط نسبة معينة وقسم معين للمتخرج من الثانوية إذا يبي يدرس طيران؟
ويا حبذا لو أحد يعرف الشروط كلها يعلمني بها مشكورا مأجورا

2/ وين أماكن التسجيل؟ هي عن طريق النت والا لازم حضور في مكان معين ؟

3/ وين الأماكن اللي يدرسون فيها طيران عندنا في السعودية؟

4/ هل الدراسة مجانا زي باقي كليات السعودية والا بمقابل؟

5/ كم مدة الدراسة ؟ وهل المتخرج يصير طيار على طول والا مساعد طيار في البداية ثم يصير طيار ؟؟

وإذا أحد عنده معلومات إضافية أكون له شاااااااااااكر ومقدر ولا تنسون باقي على نهاية السنة الدراسية قرابة 8 أسابيع فقط !!!

أتمنى للجميع التوفيق والسداد وأن يجمع لكم بين سعادة الدنيا ونعيم الآخرة ... اللهم آآآمين

أخوكم/ طالب طب عاشق للطيران - كلية الطب بأبها

رد: ؟؟ استفسار بشأن دراسة الطيران ؟؟ أرجو المساعدة
 

هلا أخوي ...

1- لا . مافي نسبة معينة و لا تخصص معين ( أهم شي تكون ناجح في الثانوية ) و تكون قادر على فهم و كتابة و قراءة و تحدث اللغة الإنجليزية .

2- التسجيل يكون حسب البلد اللي انت رايح له و أعتقد كل الأكادميات تقدر تسجل فيها عن طريق النت.

3- للحين مافي أكادمية تدرس الطيران في السعودية .. بس سمعت أخبار عن افتتاح أكادمية في رابغ بعد 4 شهور و صراحه ماني متأكد من الخبر

4- أكيد الدراسة مو مجانا ... تكاليف الدراسة تتراوح بين 27 ألف دولار و أغلى من كذا

5- مدة الدراسة تعتمد على شطارة الطالب ... بس تقريبا تكون 18 شهر ( في طلاب يخلصوها قبل كذا و في طلاب يحتاجو لوقت أطول )

و نسيت أذكر الفحص الطبي .... لازم تجتازه عشان تقبلك الأكادمية

و إذا عندك اي استفسار أنا جاهز و في الخدمة

رد: ؟؟ استفسار بشأن دراسة الطيران ؟؟ أرجو المساعدة
 

أشكررررررررك أخوي كابتن محمد شكرا جزيلا على هالمعلومات وما قصرت .. لكن ودي أسألك عن أكاديمية الأمير سلطان لعلوم الطيران وين هي فيه ؟؟ لأني لقيت لها موقع عالنت وهل يدرسون فيها الطيران ؟؟
وهذا الرابط حق الأكاديمية https://fo.sv.net/psaa/
وإذا عندك معلومات عن أقرب الدول للسعودية اللي فيها أكاديميات أو معاهد لدراسة الطيران وتكون شهاداتهم معتمدة في السعودية أكون لك شاكر ومقدر

رد: ؟؟ استفسار بشأن دراسة الطيران ؟؟ أرجو المساعدة
 

السلام عليكم اخوي شوف كندا فيها اكاديميات قوية ومعترف بها وسعرها مقبول
وراجع المواضيع بلمنتدى فيه اكاديميات ومناقشات واستفسارات الشباب حولها
واذا بتحب في كذا بلد لدراسة الطيران يعني متل امريكا واستراليا وبريطانيا
وبلتوفيق ان شاء الله

رد: ؟؟ استفسار بشأن دراسة الطيران ؟؟ أرجو المساعدة
 

أخوي أكادمية الأمير سلطان تدرب فقط المتخرجين المنسوبين للخطوط السعودية ( يعني ما تاخذ طلبة مبتدئين )

و بالنسبة للأكادميات في الدول العربية المعتمدة في الخطوط السعودية هي أكادمية الشرق الأوسط و الملكية الأردنية في الأردن - عمان

بس أخوي نصيحة من مجرب لا تدرس طيران في الأردن !!!!!!!

عندك مثل ما ذكر أخوي god,s lion أمريكا كندا أستراليا ...
بالإضافة للفلبين و ماليزيا و جنوب أفريقيا ...

رد: ؟؟ استفسار بشأن دراسة الطيران ؟؟ أرجو المساعدة
 

اخوي
هناك الكثير من المدارس العالمية و المدارس المشاد بها في عالم الطيران
بس اقولك شي استشير المنتدى ثم استخير ربك
و ان شاء الله موفق

رد: ؟؟ استفسار بشأن دراسة الطيران ؟؟ أرجو المساعدة
 

بيض الله وجيهكم جميعا والله لا يحرمكم الأجر