صراحه مهزله ما بعدها مهزله .... 10 اشخاص من عائلتي كانوا على متن رحلات الخطوط الموقره المتاخره ... انا لو لا وصول رساله على البلاك بيري تفيد بانه الناس تعبانه في مطار جده والا انا كنت راح انقع في مطار دبي بانتظارهم .... لدرجة انه سفير الامارات كان متواجد في المطار ... والعتب على الخطوط انها ما وفرت لهم اي مكان للراحه ولا وجبات كتعويض بسيط لتاخيرهم ... مع انهم كانوا المفروض يوصلون دبي الساعه 11 المساء ووصلوا لساعه 10:35 صباح اليوم الثاني مع العلم بانهم كانوا بالمطار من الظهر ... يعني الناس تعبانه عنثر حج اتلعوزونهم بالتاخير ... الشهاده لله الكل كان يثني على الجهود المبذوله داخل المطار من قبل موضفي الامن والخدمات داخل المطار وبانهم كانوا يخففون عليهم ويخبرونهم انه ما لهم اي ذنب بالي كان حاصل وانه الذنب على الخطوط الموقره ...
اتمنى انهم يحترمون المواعيد ... وعلى فكره مب بس الكويت والامارات ... عمان كانت لها حصه من التاخير