انا معاك يالغالي انه فيه شويه ظلم وللاسف هذا حال دولنا العربيه بشكل عام
وانا شخصيا لو يعرضوا علي اشتغل في الخطوط وبراتب مضاعف مستحيل اقبل
مع كامل احترامي لخطوطي الحبيبه وجميع الخطوط العربيه انا احب اسافر ع الخطوط
السعوديه واي خطوط عربيه لكن من المستحيل اني اشتغل فيها او خطوط عربيه ثانيه
بعدين يالغالي ممكن سؤال وتجاوبني بصراحه؟؟؟؟
اللي مايجتاز اختبار ال DLR هل يستحق انه يكون طيار ؟؟؟؟؟؟
ويكون هو المسؤول عن اهلي واهلك ومئات الركاب؟؟؟؟؟؟
حرام يالغالي يكون حتى مساعد طيار وصحيح ان بعض المتقدمين في اللوفتهانزا ماينقبلون
ولكن الاغلبيه ينقبلون
اذا المشكله من الاختبار ولا مننا ؟؟؟؟؟؟
انا ما اشك في احد درس طيران ولكن في البعض يروح ياخذ رخصه والسلام وانت ادرى
مني يالغالي ومثل الاشكال هذي ماينفع ابدا يكون مسؤول عن ارواح مالها ذنب صح ؟؟؟
وانا اذا الله اراد راح اقدم في اكاديميه اللوفتهانزا والله يكتب اللي فيه الخير
وترى الاحتياج موجود في الخطوط بشكل كبير جدا والشروط هذي راح تتغير بعد فتره
بس الاوضاع الاداريه في الخطوط صدقني ماتسر لا عدو ولا صديق والكلام هذا
من مصدر موثوق وعلى مسؤليتي واذا كتب لك وظيفه في الخطوط صدقني راح
تتوضف فيها غصبن عن اي واحد في العالم واذا الله ماكتب لك صدقني لو تجيب
واسطات الدنيا والاخره ماراح تلقى لك وظيفه بس انت ادع ربك يالغالي وصلي
ركعتين قبل الاختبار وخلي الوالده الله يحفظها تتدعي لك وباذن الله راح تعدي
والله يوفقك ويوفقك جميع المتقدمين يااارب وصدقني راح ادعي لك من قلب يالغالي
وان شاء الله نتقابل في رحله واطير معاك
بالتوفيق
بالنسبه لسؤالك الي مايجتاز الـ DLR هل يستحق ان يكون طيار او لا
اقولك اياه وبكل صراحه طالما اجتاز جميع الأختبارات المتعلقه بالطيران نعم يستحق ان يكون طيار وبكل جداره
صدقني هالاختبار ماوضع الا لهدف معين وأنا متأكد انك تعرف الهدف منه و طوال السنوات الي راحت منذ تأسيس الخطوط الى العام الماضي لم يكن هناك شي اسمه
DLR
وهذا الطيارين الي قدموا قبل الـDLR من افضل الطيارين وبشهاده الكل ومايحتاج اتكلم لك اكثر عن الطيارين السعوديين ومستواهم لكن هل معنى انه هؤلاء الي مااختبرو لايستحقو ان يكونو طيارين؟ وغير مسؤولين عن حياه المئات من الركاب ؟
واذا على كلامهم انه يختبر صلاحيه المتقدم للعمل كطيار اجل على كذا ايش الفايده من الكشف الطبي واختبار السيميلتر والتشك رايد واختبار اللغه الانجليزيه طالما المتقدم اجتاز جميع هالمراحل يستحق انه يكون طيار وبشهاده امتياز
للمعلوميه انا ماختبرت DLR ولم ابدأ دراسه الطيران بعد والتقديم على الخطوط السعوديه راح يكون خياري الاخير ولكن كل الي في الموضوع اني مقهور على حال الشباب الي اجتازو كل الأختبارات وماعدوا في الDLR وتم رفضهم بحجه انه الاختبار يختبر صلاحيه المتقدم للعمل كطيار
وانا شفت الأختبار وكان عندي نموذج من الأسئله الاختبار لايمت للطيران باي صله ويختبرك في اشياء مختلفه تماما
على العموم الله يسمع منك انه الشروط تتغير و الله يوفقك ان شاء الله في التقديم في لوفتهانزا ولنا الشرف انه نطير معاك في المستقبل القريب
دمت بود