السلام عليكم ورحمة الله وبركاته
ماتزعليش يانونا بس انتى حقيقي صدمتينى
لانى كان عندى امل اروح اقدم بس انا كمان اللغه عندى ضعيفه بس كنت بقول يمكن تصادف ومش بعيد على ربنا بس برضه انا معنديش واسطة انا كنت هاروح معتمدة على المظهر
ممكن تقوليلى التقديم بيكون كل اد ايه او بيطلبو كل فترة ولو كان لسه التقديم شغال بعد الازمة دى
وياريت تقوليلى المواصفات اللى بيكونو عايزنها السن والطول والوزن وبراحه عليا وانتى بتصدمينى لان ده حلم بالنسبة لى
حبيبتى والله ماقصد اصدمك انتى قدمى برضه ويمكن يكون ليكى نصيب بعد المظاهرات واللى حصل فى البلد يمكن الحال يتعدل شويه بصى هو التقديم مفتوح حتى اخر فبراير اعتقد بصى السن اكيد اقل من 30 والوزن والطول مش بيحددوا بس مايبقاش اقل من 160 ( مع العلم ان فى بنات طبعآ بواسطة اتقبلوا 156سم) بس مش مشكله هما لما بيحبوا مايخدوش بالهم من حاجه بيعدوها وبجد انا عاوزه اقولك ان الضيافه مش حلم ليكى لوحدك ويارب يوفق الجميع ويكتبلنا اللى فيه الخير