[diver_2010]

السلام عليكم و رحمة الله و بركاته

.. المشكلة حصلت مع كذا واحد علي الفاتسم و هي اان المراقب لما حد يقولوا انا طيار جديد هنا مش بيساعده المساعدة المطلوبة و يسيبوا .. و لو تكرم و تعطف و ساعدوا يقوم يرمي له لينك او وصلة الوصلة كلها بالأنجليزي و يقوله اقرأها كلها و بعدين تعلالي طيب هو فايدته ايه في المطار ؟ و فين المساعدة دي ؟ و له زهقت منه و جيت تطلع بالطيارة يقوم فصلك .. و الله ده كمان حصل معايا للأسف رماني اكتر من نص ساعه و انا واقف علي المدرج و بعدين بعتلي لينك بالأنجليزي و اقوله يا اخي انا مش فاهم و اقعد اقوله اوامر بالأنجليزي اقوله بوش باك معاك مصر للطيران رحلة 969 المتجه الي طوكيو من فضلك اطلب منك اذن ادرة المحركات و اذن استخدام التاكسي واي للوصول الي مدرج الأقلاع ... يقوللي اضبط السكواك بوكس و يديني رقم .. اضبطه و كله تمام .... و اقعد منتظر منتظر ... ولا حياة لمن تنادي طيب تخيلوا في الأخر عمل ايه ؟

قاللي مصر للطيرا 969 دور المحركات .. قولتوا المحركات شغالة تمام ... و فجأة لقيته نط و هرب و ساب المطار و المطار بقي بدون مراقبة قولتله في سري الله يسامحك يا اخي كنت امشي من بدري مأخرني ساعه الا ربع و في الأخر تهرب و تجري عيب اوي بجد اللي بعملوه مع الناس ده

بصراحه اوصل احترامي الشديد لمراقبي مطار اليونان و روسيا و تايوان و امريكا لأنهم هما اللي ساعدوني بكل اهتمام اي نعم الشرح كان انجليزي لكنهم يسروا عليا الأمور و في الأخر قولتله بجد انا اشكرك كفيا انك خالتني فرحان انني قادر اعمل كل شيء .. قاللي ده اقل و اجب و لو احتجت شيء تاني راسلني علي الايميل ده

المعلومات اللي افادني بيها هي ( ازاي اشوف الطائرات الاخري علي مدي بعيد .. ازاي اتكلم مع المراقب بأبسط الاوامر ... ازاي اعمل فلايت بلان و كمان ازاي اصنع الروت بتاع الرحلة .. و ازاي استخدم الراديو و اضبط الموجه علي من اريد اتحدث معه .. و ازاي كمان اتكلم مع الطيارين الأخرين )

تخيلوا كل ده اتعلمته في يوم .... و بسبب هذا الفاتيسم عندي اصبح قمه في الروعه في يوم واحد بس ... و الأجمل من كده انني اتعرفت علي طيارين كتير و انا طاير بتكلم معاهم منهم طيار استرالي و طيار اخر من هونج كونج كان طاير بجواري بطائرة كاثي باسيفيك كننا طايرين فوق باكستان و ضبتنا الموجه علي موجه خاصة و شويه نكتب و شويه نتكلم و في الأخر افترقنا من فوق دولة الكويت هو طالع اوروبا و انا اتجهت شمال لمصر ..

يا ريت يا جماعه تعلموا الناس المتعه بجد في الفاتسيم بعد التعلم الجيد وليه مجرد الطيران بدون علم علمو الناس برفق و صبر و بالنسبة للديفيجن المصري من فضلكم يا ريت تحسنوا الأسلوب مع الطيارين الجدد ... و بلاش تسيبوا النس و تمشوا . اتمني الأداء يكون اجمل و ارقي .

و شكري و احترامي للديفجن السعودي ايضا مراقبة محترمه و سهل التعامل معهم . الف شكر .

تحياتي للجميع . السلام عليكم و رحمة الله و بركاته .