السلام عليكم ورحمة الله وبركاته
اتمنا إن الكل يكون بخير .. تقريباً أنا من أصغر الناس في المنتدى الجميل دة .. بس حابب اجمع خبرة بقدر الإمكان عن الطيران .. وبالذات انا من هواته ..
أحب إني اعرف عن نفسي .. إسمي محمد , عندي 15 سنة , طالع أولى ثانوي , حبيت مجال الطيران لما لقيت واحد قريبي دخل فيه (مهندس طيران) .
ولقيت إنه بيسافر كتير , برة مصر سواء في دول الخليج وكمان دول اوروبا , جوة مصر .
فأعجبت بالمجال دة وحبيته .. وزاد حبي ليه لما لقيت إن في طيارين مثلاً : أثناء الهبوط بعض الطيارين مثلاً بينزلوا برجة شديدة في الطيارة , وطيارين مش بحس أصلاً بالطيارة وهي بتنزل . . فعرفت إن في طيارين مميزين .. وطموحي إني اكون منهم .. ومن المتميزين .. بس لحد دلوقتي مش عارف انهي أحسن ( الطيار , أو , مهندس الطيران ) أنهي أعلى .. وكمان خبرتي في الطيارات قليلة .. يعني شفت طيارات اشكال وألوان .. بس الأسماء معرفهاش .. وفرحت جداً لما لقيت منتدى مخصوص بالطيران .. وجيت أستفيد من خبراتكم .. وبإذن الله ربنا يكرمني وأجيب مجموع حلو علشان اخش بيه هندسة طيران .. وبإذن الله أدخل مصر للطيران :) .. وبما إني داخل اولى ثانوي .. يعني هنطول إن شاء الله مع بعض .. لسة 3 سنين علشان بإذن الله إن شاء الله ربنا يكرمني وأدخل هندسة .. وغير كدة عرفت إن تقريباً دراسة الطيران في كلية هندسة 5 سنين .. و 4 سنين .. والحقيقة مش عارف الفرق بين دي و دي ..
والله ولي التوفيق .