والله ياخوي عبدالله ملينا
اذبحونا بهل الخصخصه الي مو راضية تخلص
اصلا ليش خصخصه ياخي احنا بديره خير ونعمه شحقه خصخصه وخرابيط حتى دول الفقيره ما تسوي خصخصه
برايي الخصخصه مو حل و اذا تخصخصت المواطن الكويتي بيضيع و مستقبل الجيل القادم الي انا منهم راح تتحطم احلامهم
البترول الله يطول عمرك كلها 40 سنه ويخلص
بعدها وش تسوي؟
الدول المتحضره كلها تخصخص الشركات من اجل زيادة الجودة لان وجود بيئة تنافسيه تجارية تزيد الجودة وتقلل الاسعار
وتقلل كذلك من كاهل ميزانية الدولة الي مفترض يكون تركيزها على المدارس والمستشفيات والجيش بس!!
المواطن المفروض في كل دول الخليج يطور مهاراته من اجل يكون قادر على العمل ببيئة شركات يعني بيئة منتجة ومربحة لان هذا سيزيد دخله لان معروف رواتب القطاع الخاص عادة يكون دبلات راتب الحكومة وكذلك يبي يقلل البيرقراطيه
ويحسن الخدمات
الاجهزة الي تدار تحت الحكومة عادة تكون متخلفه وسيئة وخدماتها تكون دائما محل شكوى لان الجهات المشرفه عليها لاتهتم بالعميل ولاترجو من ورائه ربح فبالتالي يكون الخدمة او المنتج المقدم منهم شيئ
لكن اذا خصخص وتم باداره شركات تبحث عن الربح خلاص اي موظف يطفش العميل او المراجع يعاقب
والعميل-المراجع سابقا- سيكون هو مصدر الربح.
تحياتي