بسم الله الرحمن الرحيم
السلام عليكم ورحمة الله وبركاته
الحمد لله رب العالمين والصلاة والسلام على أشرف المرسلين سيدنا محمد صلى الله عليه وسلم وعلى آله وصحبه أجمعين
انا من سوريا .. ومقيم بدولة الإمارات ... وانا حاليا طالب في ثاني ثانوي ...
أنا شخصيا بحب الطائرات والطيران من أنا وصغير بس ما كان إلي خلفية عنها بس بفضل رب العالمين وفضل هاد الموقع وبفضل الشباب تمكنت من فهم أشياء كتيرة ما كنت بعرفها عن الطيران ... بس انا لسا عندي شوية نقاط ما عرفتها وهي ضرورية كتير بالنسبة لألي ولأي واحد بحب الطيران .. وبتمنى إنو تساعدوني فيها .
شو هو أفضل بلد ممكن أدرس فيه الطيران؟؟ ... مع العلم إنو انا قرأت كتير مواضيع في الموقع بس ما لقيت إجابة واضحة لسؤالي ... كتير كانو يقولو الفلبين بس في ناس كتير كمان ما كانو يمدحوها ... بتمنى إنو تعطوني معلومات حول هاد الشي وياريت تكون دولة الدراسة فيها بسعر معقول نظراً لأنو حالتي المادية متوسطة (يعني تكون مجموع المصاريف بين 30 ألف دولار و50 ألف دولار ) ... ومستوى التعليمي يكون ممتاز ... وتكون المعيشة فيها رخيصة ... وتكون إخراج الفيزا لها سهلة وميسرة .
أرجوا منكم الرد على سؤالي بأسرع وقت ممكن .
ومع جزيل الشكر ...