[أمير النهرين]

Pay As You Go كنت اضنه من انجح الانضمه ولكن تبين لي العكس للاسف ... لاني كنت ادرس بهاذ النضام و الان توقفت ولعده اسباب

لما يكون في عقد بينك وبين الاكادميه...الاكادميه راح تكون ملزمه بأنهاء فتره الدراسه في و قتها المحدد او شي مقارب له....اما اذا مافي عقد (Pay As You Go) مده الدراسه غير معروفه سنه سنتين او ثلاثه لان المدربين راح يكونو مشغولين مع الناس الي عندهم عقود وماحد راح يهتم فيك لان مافي شي يربطك او يربطهم بيك و راح تدفع ضرايب على كل مره تدفع فيها ولو حسبت الضرائب الي تدفعها كل مره عن الضرائب الي تدفعها على شكل اقساط راح تشوف نفسك دفعت اكثر من الفين دولار للضرائب فقط...... اسعار الوقود كل يوم تتغير و كل يوم اتزيد و اذا كان نضامك (Pay As You Go) معناها بتدفع بسعر الوقود في هاذ اليوم ومعناها كل يوم تدفع زياده...اما اذا كان عقد كل شي يكون ثابت و بالموعد وبالوقت المحدد. حتى لو كنت محتاج شوي قراوند سكول مع المدرب لازم تتصل وتاخذ موعد وراح يقولك تعال بعد يومين و اذا اجا واحد عنده عقد يحتاج قراوند سكول..راح يلغي الموعد معك عشان يشتغل مع الي عنده عقد لانه ملزم ينتهي خلال الفتره. ناهيك بأن الاكادميه بتعطيك ساعات طيران زياده لانك تطير بفترات متفاوته (مره او مرتين بالاسبوع أنت وحضك) وهاذ يأثر سلباً عليك لانك بتاخذ مهارات الطيران بأوقات متباعده ولما تاخذ محاضره 30 بتكون نسيت أول عشر محاضرات وتحتاج ساعات اضافيه عشان تراجعهم.كل الاكادميات و المدارس ذات الامكانيات الضعيفه يكون في عندهم هاذ النضام لانهم محتاجين لاي حد يدفعلهم ولو دولار واحد اما الاكادميات الي عندهم نضام العقود ونضام Pay As You Go بتكون مهتمه بأصحاب العقود و الباقين يشتغلوهم عالبركه بدال ما تكون في فراغ او مافي شغل (يعني يسدون حاجتهم او شغل زياده يعتبرونه) اما الاكادميات الي فيها نضام العقود فقط لا غير هاذي على الاغلب تكون اكادميات كبيره ومعروفه وقويه وذات امكانيات وكفائات عاليه ولديها القدره على انهاء جميع المتطلبات و العقد خلال الفتره المحدوده عشان تحافض على سمعتها.... انا جربت البرنامجين وهاذي وجهت نضري من خلال تجربتي الشخصيه

تحياتي