السلام عليكم اولا
صراحه والله مش عارف اقول ايه
هذا المنتدي مع شديد احترامي له لكن هو من اكبر الاسباب و هو مساهم كبير جدا في تشويه صوره الفلبين و اقسم بالله ما اعرف ايه السبب اللي يستدعي الهجوم الكاسح ده علي الفلبين
لكن انا هقولكم حاجه حاولوا تحسبونا في مقام اخوانكم او ابنائكم و اتقوا الله فيا استحلفكم بالله اتقوا الله فينا لان معظم العاملين بهيئات الطيران المدني في الوطن العربي اعضاء في المنتدي و لما يشوفوا كلامكم علي الفلبين اكيد هيشددوا عليها او يرفضوها بعد كده
يا ناااااااااس حرام عليكم الفلوس اللي بندرس بيها دي مش جايه من الشارع اعرف ناس كتير اللي اتسلف و اللي اتداين و اللي باع سيارته و اللي باع ذهب امه و زوجته و اللي باع بيته والله حرام لما بعد كل ده يكون عاطل يا شباب انا اعرف اتنين مصريين تخرجوا من اكاديميه سترايك وينج بالفلبين و بسبب كلام المنتدي عنها الهيئة مش راضيه تعملهم المعادله يعني مستقبلهم اتدمر و فلوسهم راحت علي الارض
اقسم لكم بالله و انا في الفلبين الان
ان الفلبين اصبحت صعبه جدا و مشدده جداااااااااا و اغلقوا كتيرررر من مدارس الطيران
كان زمان في الفلبين تقدر تطير 100 ساعه و يكتبولك في اللوج 200 الان الموضوع ده مستحيييييل و اليوم سمعت خبر انهم مسكوا اتنين طلاب سعوديين بسبب مشكله في اللوج بوك و بيتم التحقيق معاهم
و انا آسف في اللي هقوله دلوقت
لاني قابلت طلاب عرب كثير بقالهم سنتين في الفلبين لا اخدوا رخصهم ولا فاهمين اي شئ في الطيران من الاساس
لان الطالب بياخد من والده ثمن الدراسه و نفترد انه 35000 دولار مثلا
يروح الطالب دارس ب 20 الف دولار و يطير عدد ساعات قليل جداااااااا و يزور اللوج بوك و بباقي المبلغ (يصييييع بيه ) طبيعي الطالب فاشل دراسيا لا فاهم جراوند سكول ولا فاهم اي حاجه ولو عملتله تشيك رايد مكن يقع بالطياره اصلا
و يقضي حياته في الفلبين سكر و حشيش و بنات اعزكم الله
يرجع الطالب بلده طيار مبيعرفش يطير
هل دي مشكله الفلبين ولا مشكله الطالب ؟!!
و اليوم زي ما قولتلكم ماسكين 2 طلاب سعويين بيحققوا معاه و سحبوا رخصهم لانهم عرفوا انهم كاتبين ساعات مش طايرينها و مدارسهم موقوفه حاليا
الكاب والله بقيت صعبه بشكل غير عادي عن السنين اللي فاتت
الكابتن اللي كاتب ان الاكاديميات الرخيصه في الفلبين بتسقط طياراتها
اولا الاعمار بيد الله سبحانه و تعالي ولو ربنا كاتبلي اموت و انا نايم في السرير هموت مش لازم اكون في طياره و بين السما و الارض
لكن هقولك
هل تعلم ان اغلي اكاديميه طيران في الفلبين هي افياتور و الدراسه فيها ب 44000 $ من اسبوع بظبط سقطت لها طائره من طراز سيسنا 172 و توفي المدرب و الطالب و الان الاكاديميه موقوفه و يزيد علي كل ده محاسب الاكاديميه سرق الميزانيه كلها و هرب علي امريكا و الاكاديميه الان بتبيع في طائراتها و منهم مدير الاكاديميه اللي بدرس فيها استري منهم طائرتين سيسنا 152
يعني مش لازم الاكاديميه تكون رخيصه عشان تسقط طائراتها
استحلفكم بالله خفوا من علي الفلبين شويه حرام عليكم اللي بتعملوه فينا ربنا وحده عالم الواحد مننا بيطلع روحه علي ما يحضر ثمن الدراسه و في الاخر مش هيستحمل يقعد باقي عمره عاطل
و في الاخر الارزاق بيد الله
يعني واحد حضر مبلغ معين لدراسته و المعروف ان امريكا فيزيتها شبه مستحيله و جنوب افرقيا غاليه جدا و مده الدراسه طويله يبقا امامه اختيارين انه يروح الفلبين او يقتل حلمه
يعمل ايه ؟!!
استحلفكم بالله للمره الثالثه خفوا كلامكم عن الفلبين انتوا بتأذوا الطلاب مش البلد و اقسم بالله ان الفلبين اصبحت اصعب من الاول بكتيررررررررر
و في الاخر اعتذر لو كنت قولت كلام خارج
و اتمني التوفيق للجميع
ربنا يوفقك يا كابتن بس انا عارف ان فى اكاديميات حلوة فى الفلبين بس المشكلة ابو الاحتكار بتاع الاكاديمية فى مصر يعنى صعب ان الطالب يتعين فى مصر للطيران و هتقولولى ده كلو بتوفيق ربنا ,,, ماشى ربنا ... بس الواحد عاوز يعرف ايه الى ممكن يحصل فيه ؟ و انا متفق معك يا كابتن بس انا مش بحب الفلبين عشان احنا جايين من بلد شرقى وفى حرامان اكيد هنضعف احنا مش انبياء