انا كنت مستغرب مثل الاخوان ليش فيه رحلات على طيران الخليج بين البحرين والدمام وغير كذا مو رحله في اليوم بل وصلت الى خمس رحلات
طبعا مافي عاقل راح يركب طياره من الدمام الى البحرين والعكس خصوصاً انك لو تركب تكسي يمكن راح توصل قبل الطياره وارخص
لاكن قلبتها في راسي تبين لي ان هالرحلات موجهه لركاب الترانزيت بنسبة 100% خصوصاً للعماله لانهم ماراح ياخذون تاشيره لدخول البحرين اللهم كلها كم ساعه ترانزيت في المطار ويركب على الطياره اللي بتوديه ديرته
خذ مثال عند سواق حب يطلع اجازه وحصلت السعر مناسب لطيران الخليج وحجزت له هذا يعني انك بتروح للجوازات وبتصدر له تأشيرة دخول للبحرين عن طريق الجسر وبعد كذا بيروح المطار ويركب الرحله لما تقلبها في راسك بتقول ادفع زود كم ريال واخليه يروح على الخطوط السعوديه واريح راسي من زحمة الجوازات
ادري قمت اقرق فوق روسكم بس حبيت ابين سبب هالرحلات
ادري انها مخصصة للترانزيت .. بس اللي كنت اعرفه انه هناك باصات تاخذك من الدمام لمطار البحرين
بس الحين يقولون رحلات جوية من مطار الدمام الى مطار البحرين .. لهالسبب جاني فضول وشلون تطير الطائرة في هالمسافة القصيرة